竺扶大班燒味

營業中

休息中

喺灣仔食燒味，好多人都推介呢間店，裏面環境都好靚，新嘅感覺，非常乾淨。燒味方面亦都有多款選擇，價錢明碼實價，除燒味外亦有小菜，不過我見多數人都叫燒味，我都叫燒味斬料返屋企加送！媽子話比$200我斬料，咁我就唔客氣啦，叫咗$98自選兩款燒味，選擇左燒腩仔同切雞。因為唔想佢找錢，所以其餘$102就叫咗叉燒（本身例牌叉燒係$98 ，加多幾蚊就重多少少）燒腩仔個外皮金黃香脆，而且鹹味適中，肥肉同瘦肉嘅配搭均衡，肉質裏面仍保留應有水份。切雞係髀位，滑到不得之了，口感一流又夠新鮮。叉燒見到個表面反晒光，蜜汁非常充足，而且質感唔會太瘦，有少少肥，極度邪惡⋯下次食燒味都會繼續揀呢間，下次就試吓其他燒味或者小菜啦！