竺扶大班燒味

I bought this 四寶飯 (rice with four types of siu mei) as lunch. The chaa siu (barbecue pork) from this restaurant is very famous and it was sold out on that day The barbecue pork is made with polish pork, and the sauce is made with several seasonings to give a complexed flavour So I was offered to get roast pork belly instead. Though it's a take away the pork belly was still very crispy. I was also given roast goose, however it is a bit too fat to me. Overall, I will highly recommend the siu Mei rice for a quick lunch! A typical Hong Kongese meal!…Read More

位於灣仔嘅燒味店，有別於一般嘅傳統燒味店，呢度門面好光鮮，感覺好乾淨。6點左右黎到已經見到有人排隊買外賣，非常受歡迎！ ➡️ 古井燒鵝+化皮乳豬雙拼飯 ($68) ⭐️⭐️⭐️⭐️💫 好好彩，切左燒鵝髀啊，外皮燒得勁香勁脆，肉質唔會韌，啱啱好！乳豬份量又係好多，師傅好專業，已經將豬皮下多餘嘅脂肪切除，所以食入口淡淡肉，唔會太肥😍 ➡️ 黯然銷魂鴛鴦飯 ($65) ⭐️⭐️⭐️⭐️ 即係半肥瘦叉燒、雞扒同煎蛋，再配上大將燒肉汁同鳯凰辣汁。叉燒好好味，燒得好香，燶邊位勁香脆。雞扒份量亦都好多，雞皮整到好薄好脆，整體來講好足料好抵食。隻太陽蛋就算外賣都仲keep到流心，肉+蛋+飯，一口食超滿足呀！ 竺扶大班燒味 地址📍: 灣仔三角街2-3號華欣閣地下3號舖 .............................. 味道😋: ⭐️⭐️⭐️⭐️💫 抵食💰: ⭐️⭐️⭐️⭐️ …Read More

OpenRice中好評極多的一家港式燒味，在灣仔鬧區的街市裡；裝潢乾淨明亮、餐牌有多種搭配！這次點了四寶飯與燒鵝腿飯、另外加點紛蹄和燒腩仔；每項都很美味、但特別推薦燒腩（皮脆肉質柔軟不死鹹）、叉燒（入味好食）燒鵝（皮脆肉嫩有點油）店員服務素質態度也很好、價格稍貴但絕對值得。…Read More

今日有野要去胡忠大廈行過附近搵野食估唔到喺街就裏面有間裝修企理嘅新式燒味店入面嘅裝修都好光鮮仲播住let it go係咪有驚喜呢😂睇餐牌有個招牌叫黯然銷魂鴛鴦飯好似幾特別～揀左黎試下仲要埋自家製羅漢果水個飯都好大份對得住個價錢個飯底好有驚喜熱辣辣，飯粒粒粒分明，好味！面層鋪上蜜味叉燒真係一層肥一層瘦㗎所以食落特別鬆軟滋味🤤🤤雞扒好軟滑面層焦香仲可以沾上特製鳳凰辣汁添加風味鳳凰辣汁帶酸辣味但就唔似泰式酸辣醬咁稠同雞扒好夾我地另加左個拍青瓜青瓜好入味，勁蒜香仲要好大碟，抵過譚仔😂😂羅漢果水好濃味夠甘甜自家製確實寧舍唔同！…Read More

今晚陪老公去灣仔玩具街shopping，手中兩三袋太多收穫，唯有近近地係一街之隔既三角街揾食。行經一間以金色裝潢舖面，幾搶眼既竺扶中式餐廳，主打招牌燒味餐好吸引，仲有其他特色餐前小食，唔諗咁多入去開餐。沙薑豬手粒 六款小食之中，有我哋勁鍾意既豬手只係$38 ，若以小食分量計，真係算大份夾抵食，夠哂兩人分享！　佢既做法有別於一般坊間以沙薑粉淋上豬手，原來係自家製睇得出好有Heart，用沙薑切粒整，粒粒沙薑味道清香～豬手骨骼切割成小件粒狀，吃起來自然輕易駕馭得多，連縫隙既軟根都可以食得勁徹底，滋味度當然進一步提升。皮爽又啖啖豐富骨膠原，加埋蒜粒蔥粒入味又唔會咸。黯然銷魂飯男人比較鍾意肥叉既食趣，入口質感帶鬆軟回彈，尤其中心位比較滑溜，肉汁豐腴。肥瘦比例三七，外皮有些少燶邊做到少少焦脆感，皮下脂香口油潤，色澤紅渾，食落唔會乾蚊蚊兼柴皮既問題。一啖叉燒一啖飯，你都咪話唔銷魂~ 燒鵝五寶飯自己比較貪心D想樣樣叫齊，呢度既五寶都有兩款組合，選擇困難既我連燒鵝乳豬二選一都要諗一下，最後燒鵝勝出～加埋叉燒、燒腩仔、紅腸、咸蛋，簡直係一碗同時滿足我５個願望。呢份叉燒同黯然銷魂飯相比偏瘦，不過肉質都唔錯，唔乾唔鞋燒腩仔肥瘦相間，外皮薄得黎好脆口，輕咬落去有卜卜聲。食咁多肉都要點碟菜既~ 平時叫菜心加腩汁就食得多，鵝汁菜心真係未必度度有得食。嫩綠菜葉將濃郁既精華味粹全吸收，食落雖會有一點油膩感，不過味道真係絕非一般烚油菜所能媲美，點可以錯過! 若然真的有點飽肚帶膩悶，最佳選擇就係叫凍羅漢果茶解一下，細細樽勝在味甘又唔覺加入太多糖分，清新順喉。 …Read More

灣仔都有唔少燒味店用靚料做燒味都唔算係新奇事呢間新店勝在高質得嚟價錢勁貼地而且裝修得好有活力服務仲要好到加零一姐姐主動 offer 客人坐卡位 👍🏻【古井燒鵝＋燒腩仔】燒味雙拼飯由 $50 至 $56下午茶時段平多 $10 𠻹呢招牌菜一樣有得拼一次過食到金鐘罩燒鵝同霹靂火燒腩兩大皇牌 👑配返杯茶香奶滑嘅凍奶茶都係加 $8 咋～講講個燒腩仔先係用咗荷蘭豬腩㗎 🐽腩仔肥瘦得宜最緊要就係個黃金脆皮！脆卜卜又帶鹹香以佛山黑鬃鵝炮製嘅燒鵝色澤均勻燒鵝皮勁酥脆鵝肉厚身兼肉嫩多汁鵝味香濃，有淡淡果皮香酸梅醬同芥末醬都係自家製味道真係好食啲【黯然銷魂飯】半肥瘦叉燒加煎雙蛋無得輸 💯波蘭黑豚整出嚟嘅叉燒肉味更加濃郁烤嘅過程中上兩次麥芽糖及蜜糖個甜味無咁單調，食落有蜜香叉燒軟腍鬆化個少少燶邊簡直係畫龍點睛 🏅同埋好欣賞搭嗰幾條菜都好新鮮感受到小店嘅用心【合掌瓜粟米蜜棗煲豬骨】另一個飯就加 $6 配老火靚湯係真材實料嘅住家湯非常清甜滋潤 😋平時嘅例湯無得比呀日日唔同款𠻹㗎【椒絲腐乳炒通菜】人多仲可以炒幾個小菜 share小菜都跟個白飯嘅 🍚價錢 $68 到 $88，連海鮮都一應俱全炒通菜幾夠鑊氣見唔少人都買外賣斬料返屋企 🏡 …Read More

很多人說灣仔很難搵食，近日我同朋友就想打破呢種講法，四處捐窿捐罅搵好西。皇天不負有心人，竟然搵到一間回頭率極高的燒味餐店，餐廳位於灣仔街市裡面，如果不是街坊發現呢間餐廳的機率不大，幸好我用人肉搜尋，四處探訪轉角尋找出「竺扶大班燒味」，很有執到寶嘅感覺。不要以為在街市內的燒味店裝修設計老土，「竺扶大班燒味」一點也不老土，設計新潮，職員制服也有精心設計，真了不起。必食「 黯然銷魂飯」 賣上超靚打卡一流，兩塊半生熟的煎蛋見到已經很治療。 叉燒鬆化軟腍，燒烤味加蜜糖味香濃，蛋醬融合在叉燒豉油汁跟飯一起食，超滿足。另一個高水準的燒味，較有男人浪漫的燒肉必點， 乳豬及燒肉都是入我最愛的燒味。「雙拼乳豬及燒肉飯」燒肉皮脆肉香，沾上自家秘製的芥末醬後更增惹味，乳豬一點也不肥，少許肥膏皮脆瘦肉也多非常優質，令人回味無窮。「鵝汁菜芯」遠遠都聞到鵝汁香，菜花脆綠新鮮，果然美味。是日例湯「 青紅蘿蔔瘦肉湯」，湯底清甜，湯料十足，不太覺得湯裡加了味精。朋友點了一杯熱檸檬水，餐廳用了一個有高貴圖案的杯裝上，太靚了吧～而我點了凍齋啡，味道合格。燒味款式齊全，價錢合格，水準優質，性價比高，值得常常來幫襯。…Read More

作為一個港產麻甩佬又點會唔鐘意食燒味飯呢，今次食呢間響灣仔三角街，匿埋咗響街市群入面嘅燒味店，雖然周圍都係啲街市檔，但舖頭入面乾淨企理，而且仲有一堆獎盃，睇嚟係猛人開的.同朋友叫咗兩個飯，一個係黯然銷魂鴛鴦飯，有叉燒雞扒同埋兩隻煎蛋，夠哂黯然！呢度嘅叉燒標榜係用上波蘭黑毛豬，除咗夠矜貴之餘肉味仲好香濃，咬落肉質亦彈牙唔黏牙，而且好重蜜糖味，甜甜的幾好味，唯一係半肥瘦食落唔夠過癮，我會想食肥叉更多，至於雞扒意外地有驚喜，外皮香脆扒肉嫩口，其過癮之處係用返叉燒個汁調味同樣係甜甜地咁好追食.至於另一個燒鵝五寶飯就接近返平時燒味飯嘅感覺，叉燒/燒腩仔/紅腸/鹹蛋，仲有主角燒鵝都好講究，要用九個月大嘅佛山黑鬃鵝，製作方法亦同坊間有啲分別，食落外皮更脆，肉質亦冇羶味夠嫩口，雖然價錢比一般燒味貴，但用料同做法都有唔同，可以一試喲…Read More

最近有朋友食過,這新開的燒味店覺得唔錯，所以介紹我去，一入店就見到較新的裝潢風格，仲有幾幅幾有趣的背景，加上店內的招牌燒味，好似招式名一樣掛在旁邊燒鵝五寶飯乜都想試的我，一黎當然就食五寶，有大大舊靚肉的燒鵝，唔少得燒到超好食的蜜汁叉燒，靚紅腸，超脆的燒腩仔，最後咸雞蛋上湯粗麵其實我想食瀨粉，不過通常瀨粉係好快無哂，不過見到有粗麵，我都係第一次見燒味鋪有得揀粗麵食+6蚊老火靚湯見到每日的老火靚湯都會唔同，今日到青紅蘿蔔煲豬骨，一黎到就知道十分足料，飲過無味精上湯浸茶心同樣加多少少錢，又有鮮甜的菜心食，驚只係食燒味太肥膩，有菜心清一清口都好重要冰燒鳳凰雞（例牌）這間鋪的招牌，當然要燒一燒，製法感覺和叉燒差不多，只係用雞肉去燒，然後醬汁上用了秘製鳳凰汁，令到味道更加特別…Read More

今晚負責買外賣，收工後行過聞到好香，於是轉入小街睇睇，寧寧舍舍有間好突出而且都幾多食客既店舖，於是就決定試下佢🤗豉椒炒靚蜆無改錯名😂😂真係靚㗎啲蜆，粒粒都有肉，而且幾肥美，豉椒炒好夠惹味👍🏿涼瓜肉碎煎蛋角家常菜既味道🤤 好有水準，唔會煎到油淋淋，拎到返屋企又唔會淋晒🤩黯然銷魂飯係餐廳必點既！半肥瘦叉燒配上煎蛋，看似簡單既材料，但配上秘製既醬汁，確實係好好食😍😍 叉燒係勁好味，下次要再嗌多d燒味🤩…Read More

今日放工經過灣仔，見到竺扶大班燒味有好多人排隊買燒味。一望個廚窗，見到美味既燒味流哂口水，就決定買燒味回家加餸。六六大順 (HK$198) 由於所有燒味都想試，就決定叫個六六大順，這包括了燒鵝，叉燒，燒腩仔，切雞，油雞及紅腸。燒鵝果然招牌菜，燒鵝皮薄香脆，皮下脂肪唔多，簡直是皮脆肉嫩香滑可口。加上燒鵝有特別的煙熏味道，別有一番風味。燒腩仔燒到卜卜脆，外層豬皮入口香脆，肉質鬆化爽口，不會覺得太油膩。切雞及油雞，師傅掌握好浸雞的時間，肉質嫩滑，配埋蔥油一齊食，正！ 半肥瘦叉燒烤得外焦內嫩，不會燒得太濃而且能鎖住肉汁，加上蜜汁味香濃，送飯一流。紅腸用鹵水味醃製過，有陣陣甜豉油的味道。…Read More

燒味係一門以火結緣既食材，將火用得出神入化。平時無論係一家人斬料加餸定係打工一族為求快靚正，一盒燒醫飽個肚，都可以話係生活上不可缺少既一部份。尤其竹我由細食到大，見證住我既成長。就算身處外地，水準同香港本土出產既都係差幾皮，呢個就係香港獨有既文化，而今日我就再次回味灣仔呢間「竺扶大班燒味」既風味！👇📌竺 扶 大 班 特 餐 - ▪ 全港首創 · 黯然銷魂鴛鴦飯 - $65▫ 必試既一定係呢到既黯然銷魂鴛鴦飯，點樣為之黯然？又點為之鴛鴦？咪就係除左半肥瘦叉燒之外，加多塊雞扒斬件上同埋仲有最靚既荷包蛋囉。但最重點呢個飯既精髓就係個醬汁，餐廳用左自家製鳳凰辣汁調味，令成個飯底更加香濃惹味；而叉燒食落軟腍入味，肉質肥瘦相間；雞扒完全唔乾身，外皮仲煎得夠焦香；除左食到本身果份油香外，仲好有咬口，認真唔錯；荷包蛋蛋黃顯見，撈埋個飯一齊食就最岩feel啦！📌竺 扶 大 班 小 食 - ▪ 鵝 汁 菜 芯 - $20▫ 菜芯色澤帶光，唔會太老，入口新鮮爽口，抵食，為簡單既午餐吸收更多既營養！…Read More

椒鹽腰果雞軟骨$88雖然係外賣返屋企，但佢個雞軟骨仲係脆卜卜，腰果亦都夠多，攞嚟送酒一流。豉椒炒鵝腸$88超級惹味呢一個炒鵝腸。豆豉味好重，而且每一條鵝腸炒到到非常之入味，鵝腸煙煙韌韌，肥膏唔算太多，好送飯。竺扶大班小炒王 $98呢一個小炒王又係超級足料，韭菜冇渣，好好食。入邊有菜甫，蝦乾，腰果，魷魚等等，每樣味道好惹味，送飯都係一流。it has been a while for me to dine out. therefore, it was very convenient for me to have a choice to have delicious takeaway for dinner. I will be back some other day!!!!…Read More

今日放lunch想食下燒味飯，就決定試一試呢間餐廳。.黯然銷魂飯（$55）呢個飯嘅賣相已經好吸引，有成兩隻太陽蛋，可以用d蛋漿黎撈飯，好香🤤。而呢度嘅叉燒真係好正，每一件都係半肥瘦，而且個叉燒汁都好惹味，有少少甜甜地，同d叉燒都好搭😙。.冰燒鳳凰雞（無骨）（$48）一黎到已經見到好大塊雞扒😍，而個雞扒同樣係用左叉燒汁，而雞扒非常滑身，肉質鮮嫩可口💕。.老火靚湯（$6）呢度加個湯只需要$6，仲平過一杯凍檸茶，真係好抵，而且呢個係合掌瓜粟米排骨湯，自家煲出黎，健康之餘又好飲🤩。…Read More

去朋友屋企玩，上去梗係要斬啲料先，咁啱朋友住灣仔，之前聽講灣仔開咗間新開嘅燒臘店，平時啲燒臘店感覺都係唔係好乾淨，呢間新開，新裝修嘅燒味店一改我對燒味店嘅印象。-舖頭裝修新穎，感覺完全唔似平時啲燒味店。聽講仲係大廚坐鎮，本身想試吓佢嘅馳名乳豬同埋燒腩仔，可惜去嘅時候已經太夜，咁唯有下次再食啦。今次叫咗四喜臨門，揀咗燒鵝叉燒油雞同埋汾蹄，再加多個滷水豬腳仔。咁多樣野加埋都係二百幾蚊！-滷水豬腳仔滷得好入味，好啱送酒！燒鵝入口皮脆肉鬆，唔會太過肥，再加埋佢自己自製嘅酸梅醬，個醬酸酸甜甜👍🏻好開胃!叉燒肥瘦適中，少少燶邊嘅叉燒，外皮有蜜汁，咬落去肉味香濃，忍唔住口食咗好多舊。…Read More