竺扶大班燒味

營業中

休息中

中午和同事一起經過餐廳時，聽到店員叫喊”叉燒出爐” 。咁啱有新鮮叉燒，當然不可錯過。餐廳似乎係新開張，我們經常在灣仔覓食，都未有機會試。中午人流都幾多，我哋等咗三四張枱左右。坐低之後見到餐牌推介，黯然銷魂飯似乎是他們的招牌。但我們二人決定選兩碗燒味雙拼飯，可以一次過試晒四款燒味。叉燒係新鮮出爐，當然唔少得。這裏的燒鵝價錢比起其他餐廳算優惠，都值得一試。最後選了叉燒豉油雞飯 和 燒鵝乳豬飯。四款燒味質素都非常好，當中我最愛的是乳豬，皮脆鬆化，肉質細嫩，味道非常不錯。另外燒鵝都非常讚，一咬下去滿口鵝油香，配飯一流。叉燒係半肥瘦，新鮮出爐，熱騰騰配上香甜的叉燒汁，好味😋至於豉油雞就正常發揮😁套餐可以價錢追加小食，例如鹹蛋，菜心，靚湯等。我哋就另外加錢，加了兩杯飲品。以一般燒味店比較，這間餐廳飲品都可以但茶底濃一點會更好。燒味質素真的不錯，下次有機會再嚟試它們的招牌黯然銷魂飯同燒腩仔。

今晚係星期五，一於食好啲，所以決定試下去灣仔嘅竺扶大燒味加料！除咗雙拼、三拼燒味等等，仲有唔少碟頭飯同埋特色小食，任君選擇。見到當日堂食好多人，成個場好full，唔想行位嗌外賣就最好不過啦！我叫咗一份六六大順，入邊包燒鵝髀、燒肉、油雞、切雞、叉燒、紅腸。燒鵝髀真係好正，睇落色澤唔錯，個皮好脆，肉質嫩滑。燒肉的皮燒得脆卜卜，肥瘦適中，油脂分布均勻，送飯食真係一流。呢度嘅油雞比較甜，小朋友好鍾意食！切雞同樣香滑，食落去嘅口感唔會好鞋或者好老。係我最愛嘅蜜汁叉燒，色澤唔錯，好吸引！！外層甜甜地，好好食，肉質都唔錯，好掂紅腸正常味道，是厚切feel😋😋

今日約咗朋友行山，行山之前就梗係要食飽飽，見到呢間餐廳有啲人氣，當然要去試吓。我哋去到嘅時候，剛好可以食下午茶，下午茶嘅燒味可以將飯改為配瀨粉、上湯粗麵或米粉。一場嚟到，就梗係要試吓佢最出名嘅叉燒啦。🐷我哋叫咗半肥瘦叉燒，店員都幫我地盡量安排，雖然係下午茶，但叉燒嘅份量都唔會太少，每一舊亦唔會切得太薄，保留到啖啖肉嘅口感。雖然係叫咗半肥瘦，但感覺都係偏瘦，較有咬口。呢道嘅叉燒不算好甜，麥芽糖唔算多，吃起來有點偏重生醬的味道。另外，玫瑰露香味幾濃，一咬就食得出。色澤方面，叉燒嘅邊位燒得有啲焦黑，不過都係可以接受，而且色澤比較自然，食完亦唔覺得好口渴，所以應該唔太多人造色素同添加劑。我哋另外叫咗古井燒鵝+燒腩仔飯，先講燒腩仔，塊豬皮非常脆卜卜，肉質嘅肥瘦非常均勻，食落唔會覺得好肥膩，唔會成口肥膏，而且豬味十足，鹹味剛好，不過略嫌切得大舊左啲。燒鵝方面，燒鵝皮都燒得幾脆，肉質夠腍，比較瘦，醃得入味，唔會有羶味。酸梅醬就略嫌不夠濃味。最後我哋加配左一碗當日嘅例湯，如圖中所見湯渣比湯水多，淨係粉葛都有成四大嚿，唔鍾意食湯渣嘅朋友就要考慮一下了。不過值得一讚嘅係，碗湯係真材實料，而且唔似有味精，的

好食的叉燒越來越難求明明小時候隨便一檔燒味的叉燒都很香但近十年食叉燒經常中伏，不是醬汁難食就是不夠香據聞灣仔街市小街裡隱藏了間高質的燒味鋪便來試試LUNCH TIME 1點來到，超·級·多·人於是在附近買買餸，半小時再來雖然都是幾乎滿座但搭枱都可以進座餐牌搭配很多，燒味飯種類基本上都齊第一次來食，食招牌的好了每日都有不同的老火湯花生眉豆煲雞腳 $6 (跟餐)老火湯都頗足料，份量大碗，還食到幾塊陳皮黯然銷魂鴛鴦飯 $65配搭就是半肥瘦叉燒+雞扒+太陽蛋兩隻雖然雞扒是鳳凰辣汁，但辣度大概是BB辣LV本人是沒食得出有什麼辣，不食辣的人也可食用吧半肥瘦叉燒是出乎意料地好食，是久違了的燒烤味還有一些"燶邊"，脆口叉燒醬汁花香味很重，很香不會過甜，很喜歡這個叉燒汁的味道金牌蜜汁叉燒 $68/半斤由於叉燒美味，決定追加了半斤回家斬料加餸本來擔心放到夜晚叉燒香味會流失但結果是沒有但追加的叉燒隨機抽出瘦肉部分比較多雖然是比較健怡，但本人還是較喜歡邪惡的味道如果想食半肥瘦或更肥的話下單時要注明喔

在灣仔這間食燒味飯很出 名，今日咁岩經過，就去食啦！燒鵝五寶飯包有肥美既燒鵝，色澤油潤！而且肉質飽滿緊緻！皮香肉滑，叉燒燒都係充滿蜜香味！又夠哂嫩淋！腩仔既皮脆卜卜，玫瑰紅腸夠惹味，鹹蛋咸香十足送飯一流！再加個例湯蓮藕豬骨湯！超足料！好正黯然銷魂飯叉燒再加太陽蛋， 太陽蛋煎到非常creamy ! 蛋汁濃香 ! 嫩嫩既蛋非常吸引！ 半肥瘦叉燒做得非常出色 有啲燶邊嘅位更加有炭香嘅味道！ 另外叉燒嘅蜜香味好香甜"

同媽媽喺灣仔行完街，見到哩間餐廳食燒味，價錢合理，就黎食晚餐，一入餐廳需量體溫。有各式燒味雙拼粉麵飯，$50起，抵呀。見到暗然銷魂哩四個字好正，吸引到人想試下係點，餐牌標明全港首創添！ 黯然銷魂鴛鴦飯 $65上枱半熟荷包蛋好吸睛，仲有半肥瘦叉燒、雞扒。叉燒同雞扒都好林，燒得香，蜜汁味濃。哩碗飯另一精髓係特製醬油。跟餐加$16 上湯浸菜心小食 - 蜜汁燒豬仔骨 $38蜜味好濃，豬仔骨燒到d骨都咬得爛，燶邊更香口。古井燒鵝+燒腩仔湯瀨粉 $56瀨粉好大碗。燒腩仔皮脆，肥瘦均勻，燒鵝略肥，肉少，燒鵝皮香，但都係冇咩肉食到。老火靚湯 跟餐加$6係蓮藕淡菜綠豆煲豬展湯。$6好抵加呀，平時少飲湯，哩碗湯好飲。

轉左黎灣仔番工之後lunch多左出街搵嘢食，因為呢度價錢貼地好多而且超多地道嘅選擇。三角街一帶係燒味舖集中地，今日就黎買燒味外賣番公司食啦。今日揀左一份燒鵝拼熏蹄（$56），另外一份係油雞拼腩仔（$54）。另外熱飲每杯加$5，揀左奶茶同檸蜜。呢度都出得幾快，5分鐘左右已經到手。燒鵝肥瘦適中，我自己好驚啲有成層脂肪嘅燒鵝，就算可以間開，都感覺好肥膩。呢度就無呢個問題。個皮帶煙薰味，又甜甜地，好正。熏蹄就略嫌份量較少，但依然好正。油雞成成隻髀，真係嫩滑到不得了。腩仔好難得唔會太鹹。值得一讚呢度嘅奶茶，夠曬濃但茶味又唔會苦澀。

想食燒味？ 可以黎竺扶試下喎😉依度既燒味令我有啲大開眼界👀一行入餐廳，環境十分光鮮✨好舒服既感覺...食野都會變得很享受！決定買兩款雙拼同屋企人分享下☺️叫咗個叉燒拼燒腩仔$98同乳豬拼汾蹄$168😋賣相相當吸引！乳豬皮同燒腩皮好脆口，返到屋企都唔會冧咗👍而且肥瘦均勻。汾蹄意外地靚又新鮮❤️冇一點紅根出現～切得又靚！叉燒都幾Juicy ，微微燶邊，肉質幾淋，都幾吸引👍整體都滿意！值得試一試☺️

中秋節買了一隻燒鵝，三天前預定，要求六時四十五分取貨，全隻斬上。到取貨的時候，店員就把燒鵝裝進兩個發泡膠大飯盒， 跟預期的把整隻放進禮盒中不同，跟店員說為什麼不整隻放在禮盒中，店員就用專業的口吻說，剛燒好的燒鵝就要像他這樣放。好！就相信了他！二十分鐘內到家， 發現燒鵝pack得密密， 一層疊一層，熱氣騰騰，燒鵝皮亦軟化，一點也不脆！中秋夜的一款主菜，好好的燒鵝經驗就被那一個店員糟蹋了 ！一點也不好吃，就是要告訴大家這間公司店员的服務，請小心！！！

最近轉工到灣仔，午飯時間都會到灣仔街市行逛，經過三角街，於竺扶大班燒味門外，總會見到不少人買外賣，原來叉燒及燒鵝均是其招牌燒味，就趁放工時間買其外賣加餸。竺扶大班燒味門面很光鮮乾淨，與一般燒味老店裝修很不同。六六大順六六大順款式最多，計有叉燒、燒鵝、紅腸、切雞、油雞及燒腩仔。叉燒很多時都會太瘦，肉質很硬。竺扶叉燒採用波蘭黑毛豬脢頭肉，肥瘦適中，油脂分佈平均。叉燒醃得入味帶蜜糖香，肉味特別濃郁，吃起來肉質鬆化。燒鵝斜切，表皮不多，未知是否脆皮。燒鵝皮下脂肪不太多，不會滿口肥油，肉質細嫩多汁。紅腸入口亦比一般的肉質軟嫩，算是不錯。油雞表皮色澤油亮，鹹甜得宜，肉質嫩滑夠入味，雞皮雞肉都充滿豉油香氣。

今次介紹既餐廳唔係普通野！連叉燒都係用黑毛豬黎燒!!有日我見到有人介紹呢間燒味，於是就去試試，係灣仔搵左一輪，估唔到間野係座落於街市入邊，同周圍賣菜賣肉嘅店融為一體，平凡嘅環境同裝修，有不平凡嘅燒味！-古井燒鵝拼叉燒 ($46 下午茶)$46就食到靚燒鵝！一咬塊皮就爆油香，鵝肉夠香，配上獨特既冰梅醬，中和油膩感又超開胃。另外叉燒蜜汁超夠，燶邊夠甜夠脆夠邪惡，一咬鬆軟唔鞋口，比得上酒店中菜館既叉燒。配埋碗靚白飯perfect！燒腩仔一樣皮脆，睇相都見到肥瘦一層層，夠哂均勻，齋睇都知又正又邪惡。老火湯($12)老火湯都高質，鍾意飲湯既話超建議叫返碗！

今日又係星期六,每星期六都會係灣仔食lunch/tea再去上堂,今日就去左食燒味飯,食得燒味飯就梗係食銷魂飯我見竺扶大班燒味既銷魂飯賣相好吸引,價錢亦都十分吸引~~~朋友仔就再加多塊雞扒,雞扒燒得好正,無肥糕,香脆講返銷魂飯.銷魂飯有2塊煎蛋,煎蛋有少少濃邊,十分高水準,蛋黃好香好濃郁,我好鐘意!!!!!!叉燒係主角,軟軟的好多汁,叉燒偏瘦,但都好juicy juicy ~~而且份量都多,食到好飽,真係抵食!!!!!!!!

中秋節斬料加送！點知每樣野都生的出血水紅骨全部都要重新返熱煮過..... 燒鵝紅骨出血水，都好啦....點知燒腩仔更加誇張完全唔熟出晒血叉燒又瘦又硬又多筋！越來越退步不知所謂⋯⋯以前幫襯開見到嘅師傅全部換晒人斬到啲燒味！鬼五馬六好似仲輻射一樣

坦白講，我俾各位嘅大量正面食評吸引，所以今日便買了第一次外賣回家加餸。然後，我切切實實親身體驗到"揾笨一次就夠了"...那唯一的負評(如有興趣，請看3月16日那篇) ，我買之前係睇到，但我唔信。。。點知，買六合彩又唔見我中，今日中曬~伏！正所謂，有圖有真相！蜜汁叉燒半斤$68：1. 真係好鞋口，真係紙皮咁乾2. burnt到兩舊又大又厚嘅炭，咁大舊炭都秤埋俾我，多謝 (有幾大舊炭？ 一舊炭等於至少兩舊叉燒，而我半斤就有兩舊大炭。。。唉！)炭~~~~氣，byebye!!!!!

第一次嚟幫襯呢間新式燒味店，店面非常金碧輝煌，近收銀櫃位更擺滿獎盃，顯見老闆必定大有來頭，店內環境真係非常乾淨整潔兼光猛，服務員嘅公司制服夠哂新潮，而且對客人又彬彬有禮，我一坐低睇吓Menu，就叫咗一個燒雞飯$48，再轉咗鵝汁撈粗(需另加$10元)，即係$58元，另外再加一碗例湯$6元，total：$64元，價錢有D偏貴，但真係好食，尤其係個鵝汁撈粗，一嚟到枱面就聞到香噴噴，食指已經大動，再加埋個鳳凰辣汁一齊食，超惹味！雞扒方面其實係蜜汁燒雞肶，不過起咗骨，雞皮燒至有D燶邊及帶點煙靱，雞肉嫰滑，Yummy，但我個人認為，如果係食鵝油撈粗嘅話，最好都係點番白切雞、油雞或者燒鵝會比較理想，份量嚟講就唔算話好大份，但的確係好食，價錢嚟講亦都係見人見智，不過好食嘅嘢就算貴D都係值得！