竺扶大班燒味

營業中

休息中

燒味之中，以這店的差燒最新潮。這裏出名的半肥瘦叉燒飯，最適合鍾意食半瘦叉朋友來吃。店子的設計既有潮流吸引的，看上去充滿貼地，具有小時候之感覺，實在舒暢！黯然銷魂駌鴦是全港有這個特別的名，配搭新潮叉燒，選用脢頭肉，夠瘦，肉質偏實肉汁多，色水光澤；切件厚度足夠， 有咬口。味道方面則較淡身，提議加一個店子特製之醬會更好。有雞扒、煎旦，令吃的人感到滿足且不會失望。城中必試叉燒飯喔。叉燒、燒肉、油雞…令人食指大動的燒味！乳豬五寶飯一般燒臘店多則十種，看看王牌五寶飯、叉燒油雞嬈肉紅腸咸旦飯，也絕對是個不錯的選擇呢！如果有選擇的障礙，不妨從五寶飯來吃，吸引呢！店子的選擇很多， 炙手可熱的叉燒，由新至傳統中華料理亦見到它蹤影喔。

灣仔不嬲唔係美食集中地 都唔算太平 同朋友行過呢頭好想食燒味 見到呢間裝修乾淨 唔係一般入邊好污糟 而且價錢經濟 我哋就決定入去食一到去 估唔到選擇多而且價錢便宜 黯然銷魂鴛鴦飯-份量好大 鴛鴦包括有叉燒同雞扒 厚切 而且唔會太肥 叉燒燒到連嗰邊都係脆口 蜜糖味好夠但係又唔會過甜 再加埋好好味嘅豉油 送飯真係一流 雞扒都煎得好淋好juicy燒鵝五寶飯-包括有燒腩仔 紅腸 燒鵝 鹹蛋 同叉燒 份量多到完全睇唔到下面啲飯 燒腩仔份量亦都好多 個皮好鬆脆 配埋芥辣醬真係一絕 而燒鵝肉同皮之間脂肪唔算太多 個皮好香脆咁樣食都係百幾蚊 係灣仔來講絕對係抵食 我朋友決定咗下次要繼續encore

次次經過街市 見到依間燒味舖都想試一試 終於琴晚係屋企食飯唔夠餸要加料 所以落黎takeaway燒味～ 掙扎左絲好耐叫雞定鵝 最尾都係叫左我的最愛 下莊燒鵝$158 抵食喇 拎到番屋企擺左一陣先開飯個皮都仲脹 肉汁多 好嫩～～ 無得事呀完全 個鵝髀雖然唔算大隻 但係好入味 大滿足～另外再叫左個小食 沙薑豬手粒 但一d都唔小食 超大盒 仲要唔係粒 係一件件勁大舊 抵食到不得了！最值得一提既係佢個沙薑 唔係汁底 而係粒底 可以一粒粒咁食沙薑 好香口 依個值得encore!!

呢排疫情又嚴重返，所以唯有食下外賣啦～偶然發現左呢間燒味店叫左個燒鵝五寶飯！份量好多呀，一個女仔真心食唔曬！五寶有燒鵝、叉燒、燒肉、紅腸同咸蛋，每樣餸份量都幾多，有四五舊呀！燒肉個皮好脆，肉同肥膏層層分明；叉燒肥瘦適中，醃得好入味；燒鵝啖啖肉，有油香🤤；紅腸同咸蛋就錦上添花啦～另外我仲叫左個上湯浸菜心，菜煮得剛剛好，保持到翠綠爽脆，上湯鮮味。飲品方面就叫左羅漢果水，佢哋話係自家製嘅，味道都幾濃，甘甘甜甜，解膩呀！下次試埋佢個招牌黯然銷魂飯先😝不過佢lunchtime都幾多人，要食就要趁早啦～

Honestly No-CharSiu-No-Life, any objection? No, you object just because you haven’t tried tried Hong Kong SiuMei (Cantonese roasted meat).-The side street of Wanchai wet market hides an time-honoured economic all-age-pleaser. Simply can’t go wrong with tender, juicy and richly umami-laden roasted meat in honey/maltose glaze. How to rate? Have a look on their fierce long queue.-燒味真的是香港驕傲，吃過香港燒味後大概其他享譽唐人街的燒味也就不過爾爾🥓但大多年輕人都鮮有到本地傳統燒臘店大快朵頤，多是因為前店後工場的原因令店內環境比較油膩。但灣仔街市旁的 竺扶令我眼前一亮，一洗燒臘店既有形象🤩無論是內用還是外賣都一直大

蝦子餅是叉燒控，自竺扶大班燒味年初於灣仔開業，窩夫已經很想帶蝦子餅去，日前終於有機會。餐廳的裝修以金色為主，氣勢不凡。光顧當日早餐吃了很多雞蛋，所以沒有試含煎雙蛋的黯然銷魂飯。蝦子餅點了叉燒拼豉油雞配上湯瀨粉($50)。叉燒採用波蘭黑毛豬脢頭肉，肉味比平日吃的叉燒濃，肥瘦適中，肉質也較鬆軟。窩夫點了古井燒鵝拼燒腩仔配上湯瀨粉($56)，燒鵝皮酥脆，雖然是胸位，肉質也算嫩，燒腩仔的皮亦做到脆卜卜，不會太鹹。窩夫與蝦子餅都喜歡燒味配上湯瀨粉。當日的老火靚湯(加配$6)是窩夫喜歡的西洋菜湯，毫不猶豫地點了一碗，非常好喝呢。

有日喺灣仔行行吓街，係啲巷仔穿嚟穿去嘅時候，突然發現到一間金碧輝煌嘅餐廳即刻俾佢吸引咗🍴原來係一間啱啱新裝修又是正又乾淨環境又闊落嘅燒味店🤪如果唔係趕時間都唔會叫外賣，我一定會直接堂食🥲睇完個餐牌之後，幾分鐘之內，圍觀同等攞嘢食嘅人已經越嚟越多🤯 之後咁啱餐廳燒好一批新嘅叉燒，佢哋講完即刻有更加多人埋嚟睇埋嚟揀🤭本身我企咗係到睇都睇咗一段時間，太多選擇諗唔到食咩🥺不過最後都係揀咗幾個大班首選try try🤭第一個我叫咗黯然銷魂鴛鴦飯🍚店主都極力推薦我叫呢一款飯，因為極之搶手，我叫嘅時候已經係最後一個，因為佢好出名嘅無骨雞扒已經一早賣晒🤭返到屋企第一盒即刻試試佢，果然名副其實冇介紹錯👍🏻叉燒半肥瘦，雞扒咬落去啖啖肉再加埋佢哋個秘製鳳凰汁，叉燒汁嘅甜豉油再加少少酸辣嘅秘製汁，真係好夾😋另一盒我叫咗普通嘅黯然銷魂飯🍚雖然無咗雞扒，但係佢啱啱出爐嘅叉燒再加埋兩隻流心煎蛋🍳誇張啲講句淨係食佢兩隻蛋撈飯都夠🤣叉燒就唔使再講，燒得好香再加埋個邊有少少燶so yummy!!!!😋最後一盒我叫咗燒鵝五寶飯🍚雖然係一盒大雜燴，但係咩都可以試到👍🏻皮脆肉嫩嘅燒鵝同燒肉，唔使再介紹嘅叉燒，再加埋平時會唔係好顯

今天中午在灣仔辦點事，突然又想吃燒味，就腳來了這家在三角街的竺扶大班燒味吃午餐。環境有別一般的燒味店，裝潢有花心思，乾淨企理。餐牌選擇十分之多，有各式燒味、常餐等，燒味飯更可以免費轉上湯粗麵/瀨粉或米粉。黯然銷魂鴛鴦飯點了一客招牌的黯然銷魂鴛鴦飯，是半肥瘦叉燒加燒雞扒及太陽蛋，半肥瘦叉燒是一絕，肥瘦相間的腩肉，蜜汁焦香腴美芳縈齒頰，肉汁豐盈，甘腴可口，而燒雞扒雞肉嫩滑而醬香馥郁，惹味非常，配以特製的鳳凰辣汁作調味，微酸微辣，味道新奇。燒鵝五寶配上湯瀨粉五寶的燒味份量仍然不少，黃金燒鵝幸運地是鵝脾部位，鵝肉嫩滑，鵝皮香脆而味道豐厚濃郁，輕蘸自家製的酸梅醬汁，特別醇厚和味，滲透骨肉，吃來有齒頰留香之妙，而燒腩仔表皮甘脆酥化，肥瘦相間的腩肉酥香腴美芳縈齒頰，特別一提半隻鹹鴨蛋，蛋黃鮮紅質地鬆化起沙，蛋白細嫩適口，味道鮮香而不死鹹，一流。

呢日放工後去左公司附近一間燒味舖度斬料返屋企加餸😎雖然位置係橫街度，但係勝在幾光猛乾淨企理，見到個燒味架所剩無幾，店員話紅腸、油雞同埋雞扒都已經賣曬，好彩仲有我最愛既燒肉🤣等候期間都有唔少人同我一樣買外賣，叉燒亦都幾乎係每個人必點既😚▪️ 黯然銷魂飯（7.5/10）💲55之前都係報章度見過話呢間既叉燒用上波蘭脢頭，肥瘦均勻，邊位有少少脆既焦香，而且肉味香濃，加上令到賣相閃令令既蜜汁香口帶甜，連埋滑溜既煎雙蛋既蛋汁撈飯一流🍳▪️ 鹽香燒腩仔（7.5/10）💲136/1斤店員提我返到屋企就算未食都要即刻打開盒蓋，以防倒汗水流落去個皮度🤭係夜晚時段買燒腩仔，好多時候最驚就係擺左全日個皮都已經淋曬😖但係呢間既燒腩仔完全無呢個問題，個皮食落依然脆口，又唔會有太多肥膏，有鹹香得黎唔會過左位😍🔎 整體評分（7.5/10）

灣仔街市旁，三角街裡，有一間燒味舖。 叉雞飯，正價錢50，下午茶$40，可是下午茶的白飯份量很少，所以我在下午茶時段，叫了正價。 叉雞，少肥，而不太硬，中間分數；切雞，肥膏不多，正常發揮；正價白飯份量OK，夠飽肚。凍飲要加$7。總評味道：中上；環境：灣仔街市旁，舖內的位比較窄；服務：上菜速度不快；衛生：一般抵食：都算幾抵食。

今日食既呢間餐廳係位於灣仔街市入面既竺扶大班燒味, 主打就係港式燒味, 去到既時候係LUNCH TIME, 已經人頭湧湧, 可見佢都幾多人幫襯我點左既係1斤燒腩, 等左大約10分鐘就拎得, 應該係因為餐廳滿左所以出燒味既速度有所影響店家仲好細心的幫我係餐盒上面吉左幾個洞, 以防以有倒汗水流返入個盒入面, 令到燒腩會變淋, 真是細心我是等到晚上吃的, 吃的時間仍然食到燒腩的那一種脆皮既口感, 肉質多汁而且係中等肥瘦, 食落又有口感味道又好香口, 呢個價錢黎講算係唔錯!

呢間位於灣仔既竺扶大班燒味, 算係個區比較新既店所以即使開係街市, 但衛生情況就好過其他個D好多一斤燒腩仔既價錢係136, 份量都唔少架, 不過最重要都係好味唔好味真係幾平都冇用一打開個盒, 份量差唔多, 冇呃秤VERY GOOD肥瘦適中, 而且一打開個盒就已經聞到好香既燒肉味道!我個人覺得味道真係唔錯, 皮夠脆, 肉多脂少, 成塊都好有鮮味, 加上皮仲係脆脆的, 成個味道同口感都有所提升, 之前食過D皮已經淋哂既, 好無MOOD, 味道差咁D, 而呢個就完全冇咁既問題

自從疫情開始，公司同事都叫呢間竺扶大班燒味幾密下。多數係食暗然銷魂飯(叉燒煎雙蛋飯)或燒味飯。中午要夠200蚊先送貨。呢間都算係唔錯嘅燒味選擇😆因為約左營養師晚上8點銅鑼灣分店見面。所以就斬料上吖媽度加餸！叫左半隻鼓油雞，因為掛係櫥窗到好似好肥美甘！再叫例牌叉燒，店員話啲叉燒剛剛燒好喎！要埋個上湯菜心！啲叉燒肥瘦適中，又有燶邊，食到有玫瑰露既味。好juice😋雞都好滑，夠肉地！香鼓油味！菜普通，但勝在無渣。P.S.吖媽例牌報紙鋪枱。係咪個個老一輩都係甘架🤣

2020年10月23日 星期五今日放工真係好攰，已經冇多餘嘅精力買餸煮飯，所以就決定同老婆喺屋企附近搵嘢食喺灣仔街市附近見到呢一間燒味檔，俾燒味嘅香味吸引住，可能係新鮮燒起，所以聞到好香嘅蜜汁味，於是不自覺地就入咗去坐低咗之後睇見餐牌先發現原來都有幾多食物選擇，可以想像到嘅燒味都有，仲可以自由配搭添，最後我哋要咗個燒味拼盤加一碟油菜兩個人share首先嚟到嘅係油菜，我哋要咗菜心加腩汁，所以菜心吸收晒牛腩汁嘅味道，食落去有咬口但係唔會有渣，菜莖充滿水份，好濕潤至於呢一個燒味拼盤真係好大份，相信四個人先至啱啱好可以食得晒，分別有六款唔同嘅燒味，包括油雞、白切雞、燒肉、叉燒、紅腸同燒鵝，每一款都切得好大件白切雞同油雞嘅雞肉都好嫩滑，而燒肉上面嘅皮又脆卜卜，全部都好吸引埋單每人$100左右，已經試勻晒大部份燒味，仲食到好飽添

今日接女朋友喺灣仔放工，我突然想食燒味飯，就揀咗依間餐廳，點知非常驚喜。本身今日想食叉燒飯，但見到呢度好似主打燒鵝，所以叫咗佢哋嘅其中一個招牌，燒鵝五寶飯試試。女朋友揀咗燒鵝乳豬飯。我哋仲加咗個例湯同埋菜。講講個例湯先，今日嘅例湯係菜乾湯，飲落去都覺得清甜，少少肉嘅鮮味，唔會頸渴，幾好飲。菜心就冇乜得好講，唯一可以講嘅係啲菜唔會好老，貨源問題，入貨ok。燒鵝五寶飯真係非常值得一試，味到份量都係非常好。五寶有鹹蛋，叉燒，燒肉，紅腸及燒鵝。每一款嘅燒味份量都多。而本人覺得佢嘅燒肉同埋燒鵝較為出色。叉燒可能要點去個黯然銷魂飯，先會食到半肥瘦叉。燒肉同燒鵝外皮都非常脆，燒鵝肉質嫩滑。二女朋友嘅燒鵝乳豬飯裏面嘅乳豬都好正，外皮夠薄夠脆，最重要係唔係剩係得外皮，一定會有乳豬肉喺裏面。整體來講，呢度嘅燒味飯，高汁。總結：大家如果喺灣仔，想食燒味飯嘅話，你想有質素的話，呢間係一間唔錯嘅選擇。