影片
更多
2021-01-03
425 瀏覽
以前喺灣仔做嘢，好鍾意去史釗域道一間燒味檔，因為平靚正，水準又保持到，唔經唔覺幫襯左10幾年。上星期同個同事講開，佢叫我試吓灣仔三角街 「竺扶大班燒味」，包冇介紹錯！講到咁大，就去試吓啦。去到兩點幾，可能因為係閒日，唔洗等就即刻有位。伙記個個都著晒花T恤，原來係制服嚟㗎。一坐低就即刻叫我最愛嘅「肥叉油雞飯走翼」，點知個樓面同我講：「要正常定下午茶呀？下午茶抵D喎」！原來佢哋有做下午茶，不過唔係有飲品跟，而係碗飯細碗D，少DD餸。反正都係嚟試食，細碗正合我意，就一個茶餐加例湯啦。叉燒半肥瘦，起碼有85分，豉油雞真係好好味，同事果然冇介紹錯，例湯係蓮藕綠豆煲淡菜，足料夠味，好飲。全部加埋四十幾蚊唔算貴，一定定有下次，因為已經睇中咗隔離枱D燒鵝😜😜
上星期同個同事講開，佢叫我試吓灣仔三角街 「竺扶大班燒味」，包冇介紹錯！講到咁大，就去試吓啦。
去到兩點幾，可能因為係閒日，唔洗等就即刻有位。伙記個個都著晒花T恤，原來係制服嚟㗎。
一坐低就即刻叫我最愛嘅「肥叉油雞飯走翼」，點知個樓面同我講：「要正常定下午茶呀？下午茶抵D喎」！原來佢哋有做下午茶，不過唔係有飲品跟，而係碗飯細碗D，少DD餸。反正都係嚟試食，細碗正合我意，就一個茶餐加例湯啦。
叉燒半肥瘦，起碼有85分，豉油雞真係好好味，同事果然冇介紹錯，例湯係蓮藕綠豆煲淡菜，足料夠味，好飲。
全部加埋四十幾蚊唔算貴，一定定有下次，因為已經睇中咗隔離枱D燒鵝😜😜
張貼
