影片
更多
2020-11-01
100 瀏覽
2020年10月23日 星期五今日放工真係好攰，已經冇多餘嘅精力買餸煮飯，所以就決定同老婆喺屋企附近搵嘢食喺灣仔街市附近見到呢一間燒味檔，俾燒味嘅香味吸引住，可能係新鮮燒起，所以聞到好香嘅蜜汁味，於是不自覺地就入咗去坐低咗之後睇見餐牌先發現原來都有幾多食物選擇，可以想像到嘅燒味都有，仲可以自由配搭添，最後我哋要咗個燒味拼盤加一碟油菜兩個人share首先嚟到嘅係油菜，我哋要咗菜心加腩汁，所以菜心吸收晒牛腩汁嘅味道，食落去有咬口但係唔會有渣，菜莖充滿水份，好濕潤至於呢一個燒味拼盤真係好大份，相信四個人先至啱啱好可以食得晒，分別有六款唔同嘅燒味，包括油雞、白切雞、燒肉、叉燒、紅腸同燒鵝，每一款都切得好大件白切雞同油雞嘅雞肉都好嫩滑，而燒肉上面嘅皮又脆卜卜，全部都好吸引埋單每人$100左右，已經試勻晒大部份燒味，仲食到好飽添
今日放工真係好攰，已經冇多餘嘅精力買餸煮飯，所以就決定同老婆喺屋企附近搵嘢食
喺灣仔街市附近見到呢一間燒味檔，俾燒味嘅香味吸引住，可能係新鮮燒起，所以聞到好香嘅蜜汁味，於是不自覺地就入咗去
坐低咗之後睇見餐牌先發現原來都有幾多食物選擇，可以想像到嘅燒味都有，仲可以自由配搭添，最後我哋要咗個燒味拼盤加一碟油菜兩個人share
首先嚟到嘅係油菜，我哋要咗菜心加腩汁，所以菜心吸收晒牛腩汁嘅味道，食落去有咬口但係唔會有渣，菜莖充滿水份，好濕潤
至於呢一個燒味拼盤真係好大份，相信四個人先至啱啱好可以食得晒，分別有六款唔同嘅燒味，包括油雞、白切雞、燒肉、叉燒、紅腸同燒鵝，每一款都切得好大件
白切雞同油雞嘅雞肉都好嫩滑，而燒肉上面嘅皮又脆卜卜，全部都好吸引
埋單每人$100左右，已經試勻晒大部份燒味，仲食到好飽添
張貼
