母親節又到啦，屋企人話唔想出去食飯，因為太多人喎，最後咪都係媽咪煮，咁我都唔想媽咪煮得咁辛苦，所以決定去燒味舖，買啲叉燒，燒味，返屋企加加送！
同朋友行完街今晚喺灣仔見到都幾多人幫襯嘅燒味店，
睇睇原來係啱啱有燒豬出爐怪唔得知咁多人啦！
我都唔例外叫咗個燒豬燒鵝拼盤冇諗過份量都幾多下而且攞咗咁耐返屋企啲燒豬仲係好香脆㗎，
肉唔算多但係個皮脆得真係好過分會唔會太好味😂😂😂燒鵝皮脆肉嫩！
另外再叫多個暗然銷魂鴛鴦飯， 店員話呢個鴛鴦飯好特別值得一試
原來除咗蜜汁叉燒之外仲有秘製燒雞扒同雙蛋喺面，而且呢個飯嘅份量都相當之豐富！
