竺扶大班燒味

營業中

休息中

最近唔出街食飯，就變咗間唔中叫外賣或者斬料加送，費事乜都自己煮，方便好多。見到佢個燒味列表真係超多超吸引呀，但係竟然賣晒我最鍾意食嘅燒腩仔，估計真係太搶手啦⋯有啲可惜，咁就食燒鵝⋯燒鵝上庄138 元大概係¼隻燒鵝，你會見到佢個皮立立令，燒得可以，質感都唔會鞋，要來送飯一流，加埋佢個醬汁甜甜地好開胃！半斤叉燒68元雖然淨係叫咗半斤叉燒，但係其實已經好夠食，而且佢嗰個蜜汁真係好香甜，質感半肥瘦，要來送飯都係好適合！係屋企加多碟炒菜，煮啲白飯就已經夠食～睇佢餐牌其實都有好多燒味飯，價錢都合理，如果屋企係「無飯」煮義都可以揀燒味飯，不過相信一定屋企啲飯更加靚嘅。