竺扶大班燒味

營業中

休息中

雖然而家疫情嚴重，盡可能都可以減少外出食飯嘅機會。但係肥妹仔覺得如果做好自己個人衛生同埋有病唔好出街嘅話，外出用膳都唔係一個大問題。乳豬拼燒鵝  $188呢度話明出名係佢嘅燒味，肥妹仔又點會唔叫呀？肥妹仔叫咗呢一個乳豬拼燒鵝嘅例牌，上枱嘅時候熱辣辣 ，乳豬偏瘦，冇咩肥膏，乳豬皮燒到非常之香脆。而佢嘅燒鵝味道唔錯，肉質好嫩滑，但係肥妹仔就覺得有少少咸。無骨惹香燒雞飯  $48呢一個係店員靚姐強烈推介，佢話呢一度嘅雞扒飯係用咗蜜汁燒叉燒嘅做法去做，出面係食唔到。肥妹仔講到見到佢講得咁吸引，就叫咗一個嚟試!果然呢一個雞扒飯冇令肥妹仔失望，佢嘅雞扒做到好似蜜汁叉燒咁樣好嫩滑， 而且佢嘅飯係充滿住蜜糖汁，超好食。竺扶大班小炒王  $98小炒王係肥妹仔每一次去打冷或者食小菜嘅地方必叫嘅一個菜。佢呢個小炒王超級好食，佢嘅韭菜係好嫩，一啲都冇渣，而佢嘅配料都好豐富，有蝦乾，腰果，蝦仁，魷魚等等，食落去好濃味。肥妹仔係忍唔住叫咗個白飯嚟食。薑蔥爆魚腩  $88佢呢個爆魚腩係好惹味，佢嘅汁好濃，而且佢嘅魚腩好大塊，肉質好鮮嫩，將嗰啲魚腩先炸再炆，好好食。椒絲腐乳炒通菜 $68正常水準，唔錯。