灣景廳

其實對呢間餐廳真係情有獨鍾！有睇開呢間餐廳嘅評論都會發現小弟經常出現， 因為呢度嘅自助餐所謂嘅「性價比」係高嘅！ 講緊有片皮鴨、特色主題、兩款燒肉、四至五款刺身、七至八款movenpick雪糕、 自行沖調茶、啡、鮮橙汁及汽水任飲，又經常有discount 嘅自助晚餐收400蚊頭左右甚至以下，「灣景廳」絕對超值。當然如果要以高級日本料理或者以名廚級數 開嘅餐廳扒房去跟呢度嘅食物質素比較，咁呢度當然會係差啦！😆 但問心講有試過呢度嘅朋友應該知道我所言非虛， 唯一暇疪就係今次呢個主題「海膽和牛盛盒」海膽嘅比例真係少之又少， 因為通常好多海膽入饌嘅食物都係「海膽汁」，憑記憶有一個「海膽千頁豆腐」係有少許海膽肉😂 唔好期望食到一板板嗰啲海膽…… 但係和牛就絕冇欺場，煎、炒、燉、炸、沙律乜都齊，估算海膽同和牛嘅比例係2:8啦！😓

之前試過呢度嘅夜晚buffet覺得性價比好高，提前落訂又有優惠，計落一家四口都唔會千零落樓，而且食物質素唔錯，尤其係熱葷，無錯，係熱葷！九成自助餐熱葷都做得唔好，但呢度係會令食嘅！所以今日再嚟食午餐，可以嚟見埋聖誕老人開心吓！離唔開食海鮮先嘅習慣，藍青口好鮮甜，翡翠螺亦夠爽口，最驚喜嘅居然係大蜆，無諗過隻蜆咁好食！大蝦肉爽彈牙，好新鮮呀！聖誕梗係要食火雞嘢！一啲都唔靭仲好香，改變咗一貫對火雞嘅偏見，仲有燒牛肉亦好好嫩滑，個人獨吞兩件，已經飽咗一半！午餐只係二百幾，都有幾款芝士㨂！我仲可以配埋乾果一齊食！熱盤我就好like呢個炒蝦仁，夠鑊氣，其實另外仲有好多好嘢，但無得po咁多相，無計！即炒檔口有煎蘿蔔糕，好香口！心愛嘅刺身呀！勁新鮮好味，淨係呢盤都抵晒！甜品區啦！十級推介即製窩夫，口感好軟綿細密，外脆內軟，個粉漿勁得！聖誕亦有特備傳統聖誕甜品，好似充滿乾果香嘅聖誕麵包、用乾果加咗啲酒調成嘅聖誕布甸,、亦有聖誕蛋糕等等，完美！一般嘅芝士蛋糕、熱情果慕絲都好唔錯，忍唔住食咗兩件！同埸仲有好多甜品，不過最開心係有聖誕老人派禮物、全場抽奬呢啲額外環節，唔係齋食就算，係有用心度節目俾食客嘅餐廳！

其實我相信有好多睇過灣景廳食評嘅人，都會見到我嘅食評經常出現， 因為呢度對於小弟嚟講真係有一定水準， 而且對於居住港島區嘅我都比較方便。 加上極度喜愛食buffet 又要揀選一些性價比嘅餐廳，呢度係一個唔錯嘅選擇！ 先講返今次午市自助餐嘅食物， 都係keep住應有嘅水準！ 比較驚喜嘅今次有一道即炒西班牙飯， 簡單嘅配料:碎蝦肉粒、碎洋蔥粒、碎蕃茄粒，加醬汁炒濕潤程度剛好，抵讚 但係今次嘅小小瑕疵甚至係敗筆就係雪糕出事， 首先戴返頭盔先😂， 因為餐廳好似冇註明或者保證午市自助餐係邊一個品牌嘅雪糕， 但係根據小弟當咗呢度係食堂嘅經驗， 無論午市或晚市嘅雪糕都係「M記」！ 好多幫襯過嘅市民相信都會知道， 但係今次竟然意外被小弟發現係一個歷史悠久嘅香港品牌的雪糕~ 或者可以叫係最平民嘅雪糕， 呢樣嘢真係令我有啲驚訝！ 或者從冇諗過呢間酒店餐廳嘅最耍家招數都會甩轆， 加上佢午市嘅價錢亦從來冇改變過， 明明喺早個月(11月)食咗兩次午餐都係M記， 反而到12月會有咁大反差， 搞到我都忍唔住即時 pm酒店反映意見， 其實呢間酒店餐廳嘅生意都幾好， 無須將貨就價經營， 真係自己一廂情願希望今次係意外！

呢一度其實已經係小弟嘅飯堂！ 加埋呢一餐我11月已經幫襯咗三次！ 分別係兩次午市自助餐加埋呢一次， 講返正題， 呢度嘅晚市主題自助餐其實從冇失過手， 如果經飲食網頁或者apps訂位， 四百蚊樓下食到咁嘅陣容絕對係超值！ 提醒各位巴絲打， 正因為佢晚市主題自助餐做得很出色， 基本上你要預訂一星期內食係比較困難， 講番食物質素， 今次主題和牛同海膽嘅比例基本上係八二比， 可能因為海膽價格較貴同埋入鐉嘅菜式較少， 憑記憶只有海膽汁海皇千葉豆腐、 一個類似西班牙飯嘅海膽燴飯、同埋每人一客海膽汁煮元貝+和牛粒， 如果期望想食有「型態」嘅海膽相信會失望！😂 不過其他大部分菜式都係有和牛，都係「名副其實」嘅！ 燒肉方面都係羊架+燒牛肉、 刺身都係最耍家嘅吞拿魚、三文魚、希靈魚、甜蝦+ 七點半後先出場嘅鮮帶子！ 當然有凍海鮮及任食生蠔啦！ 今期「響鐘」甜品係火燒菠蘿，小弟真係冇乜興趣！ 雪糕依然係M記8款選擇，凍熱啡茶自己調配，汽水可樂、雪碧、鮮橙汁， 基本上都滿足大眾需要。甜品其中有一個法式焦糖燉蛋， 呢個比較弱咗啲~ 因為唔熱唔凍，仲有啲水汪汪， 所以我食咗一個都唔食同埋都冇乜人攞，不過整體真係可

其實灣景廳對我一啲都唔陌生， 因為本人和家人不論節日聚餐或者想食buffet嘅時間首選都係呢間酒店。而且每逢更換主題都必定會嚟一試。呢度中午嘅自助餐分咗兩輪， 其實約個幾星期之前已經試咗次輪自助餐，兩點半食到五點，比首輪平廿蚊。 今日就試下首輪自助餐睇下有乜分別？試過之後其實冇分別， 有可能中午黃金時段比較多人所以可以收貴啲！ 不過經apps訂位絕對做到物有所值， 海鮮除咗冇生蠔、龍蝦、蟹腳，青口都有兩款包括藍青口同普通青口， 另有凍蝦同沙白(蜆) 都ok啦！ 不過小弟今日比較欣賞佢一款西湯~ 椰菜花忌廉湯！ 夠濃味夠杰身， 我覺得西式湯應該係咁樣😋 另外熱食有紅酒燴牛尾同埋鴨胸配橙燒汁，都係比較得手嘅熱食！ 另外有四款m記雪糕， 中午自助餐嚟講都比較得手㗎啦！ 凍熱茶啡自己調配， 另外有鮮橙汁， 咁樣都係比較方便客人嘅。 基本嘢都冇乜特别挑剔㗎啦！ 想坐得舒舒服服又用一個相宜嘅價錢食午餐呢度係最佳嘅選擇！👍

慶祝生日想食Buffet,見到openrice port左優惠出來，訂位可以$448位(星期六價)，果個月生日每位減$30，於是就黎左食。其實，灣仔區有呢個價錢既Buffet仲要有生蠔食，已經對佢要求唔高，但當我食佢既時候，就發覺D野味道都唔錯，凍熱檸茶仲可以自己任冲任飲，都算值回票價🤣🤣

今晚係為家中嘅大當家~父親大人嘅生日晚餐。 其實呢間酒店餐廳不論家庭聚會或二人世界，平均一年差不多都幫襯十次或以上，甚至今年農曆年前嘅團年飯都係喺度食！ 講番今晚嘅主題就係「蟹」！有好多用蟹入饌嘅食物，凍食海鮮都係一般應有盡有~ 生蠔、蟹腳、青口、沙白、當然加埋配合主題嘅麵包蟹，真係夠曬選擇。小弟自己覺得生蠔較為可取， 可能只得半場食客關係，餐廳又refill得快，所以生蠔源源不絕供應，而且就如相片中所顯出又大隻夠肥美 另外推薦嘅就係刺身部分，其實最基本供應四款~ 三文魚、吞拿魚、甜蝦、同埋由七點半先供應嘅鮮帶子。各款刺身都好新鮮，我覺得食鮮帶子簡直係回本，形狀可以話大個一個五蚊銀，甜蝦都唔會吝嗇，一次過畀一執:約有十隻以上。燒肉類有燒牛肉同羊架，兩款都皮香肉嫩及帶少許脂肪(肥膏)， 又係抵食回本之作，其他如黑松露蟹肉蛋沙律配麵包、炸蟹餅、黃金軟殼蟹、仲有好多以蟹肉入饌嘅食物不作陳述。每人一客嘅梳乎厘龍蝦湯算係「中亭」， 特別甜品有一Round係要打鐘通知食客嘅十勝紅豆抹茶pancake 都唔錯， 飲品都頗多，汽水有可樂及雪碧、鮮橙汁、凍茶、凍啡。熱飲就咖啡機、檸茶， 六位以上送一渣啤

見尼幾日多左d涼意，當然要捉緊時機，嘆蟹宴！前果排，同朋友仔去左灣仔 灣景國際灣景廳，嘆「蟹」之風味宴自助晚餐，尼餐絕對令人回味無窮！尼度嘅自助晚餐係由六半開始，估唔到咁早已經食客滿滿，今次係衝住一系列唔同風味嘅蟹品菜式而嚟。一切由熱辣辣嘅【梳乎厘焗羊肚菌及加菲蟹濃湯酥皮焗濃湯】開始，打開面頭嘅酥皮，即時傳黎香噴噴嘅濃湯味，排隊拎果時，個waiter哥哥話個湯頭係用蟹殼連蟹黃熬成！入面真係有大大塊嘅加菲蟹肉、羊肚菌，個湯入口好香滑，啖啖都有蟹肉嘅鮮甜，梳乎厘口感輕盈，大家記得一坐低就嘆番盎暖下身先！最吸引眼球嘅係【花雕蛋白蒸雪花蟹鉗】，用我最鍾意嘅花雕酒、蛋白混合再蒸煮，而頭再鋪上雪花蟹鉗，食落蛋白好嫩滑，重有淡淡酒香!蟹鉗肉鮮甜、嫩滑，同蛋白嘅味道好Match!重有【阿拉斯加蟹肉芝士撻】，芝士撻上層烤至微蕉，濃濃嘅芝士，又香又滑，再加上絲絲嘅阿拉斯加蟹肉，正呀！【牛油果蟹肉鍋巴】好啱女仔食，香口又健康，面頭D牛油果同蟹肉好match，牛油果入口好軟滑，味道鮮明，加埋底層嘅鍋巴，香脆可口!【香芒蟹餅】外層係炸到金黃色嘅麵包糠，咬落去外脆，內裡有甜中帶酸嘅果茸味。除左一系列嘅蟹品菜式外，

識食一定要食「時令」，秋風起，蟹兒肥，上月尾就跟最愛到灣仔灣景國際【灣景廳】嚐了一餐豐富的「蟹」之風味宴自助晚餐，仲締造了一場回味無窮的金秋「蟹」逅添！ 幸好6:30pm準時到場，原來已有人在門口排隊等入場。今次主廚精選了多款時令螃蟹入饌，讓人一次過可品嚐一系列不同風味的蟹品菜式。場內多款冰鎮海鮮輪流供應，如鮮蜆、鮮蝦、新西蘭青口。 新西蘭生蠔大大隻，啖啖肉，新鮮又肥美。 冰鎮加拿大雪花蟹腳多肉又鮮甜。麵包蟹肉質嫩滑，蟹膏味道又鮮又濃。 刺身同樣會輪流供應，當中最愛肥美的三文魚及北海道帶子。 梳乎厘焗羊肚菌及加菲蟹濃湯 (每客1盅) 正當準備進攻熟食時，有禮的服務員便送上熱辣辣、脹卜卜的梳乎厘濃湯，最初以為是甜品，但原來是啖啖蟹肉的濃湯，很暖胃呢…. 飲完湯，繼續蟹、蟹、蟹！進攻熱葷！ 阿拉斯加蟹肉芝士撻芝士撻一口一個，蟹肉清甜，混入芝士內，口感豐富。 牛油果蟹肉鍋巴蟹肉跟牛油果混合於在爆脆鍋巴上，一軟一脆，特別！ 花雕蛋白蒸雪花蟹鉗 蛋白有微微酒香，蟹鉗肉嫩，味道很夾。 雪花蟹鉗杯 香芒蟹餅 炸蟹餅沾上酸甜芒果茸，即中和罪惡的肥膩感！ 黑松露滑蛋蟹肉布里歐 黃金軟殼蟹 以黃金蝦原理改

踏入蟹季時節，十月蟹肥正飄香，在剛過去的十一假期，我就來到位於灣仔的灣景國際The Harbourview 灣景廳品嚐「蟹」之風味宴自助晚餐，來一頓鮮味無窮的豐盛蟹宴。餐廳環境寬敞，座位之間不會排得太擠，店員勤快收碟執拾，坐得舒服自在。自助餐勝在花款多，同枱食飯也可各自「修行」，香港人吃buffet 最在意就是要吃到回本，這裡的海鮮吧款式夠多，回本之餘又可食盡海上鮮。集合各種優質的海產如生蠔、雪花蟹腳、麵包蟹等，海鮮控必能大飽口福。冰鎮加拿大雪花蟹腳碩大肥美，蟹肉雪白細膩，鎖住原始鮮甜海味。生蠔肉身非常肥美，肉質厚實爽滑，海水味濃烈，蠔味留在口腔久久不散。魚生夠鮮美，肉質油潤而軟滑，帶出鮮甜的魚味。梳乎厘焗羊肚菌及加菲蟹濃湯酥皮湯平時就喝得多了，但將梳乎厘配濃湯就很罕見，創意十足，每位只限一盅，即叫即製熱辣辣送上，烤完後膨得高高，相機食先後就要趕快趁熱吃，吃下去軟綿綿富蛋香。濃湯內有加菲蟹拆肉，鮮黃的湯頭入口鮮甜黏口，相當香滑。雪花蟹鉗杯賣相精緻的凍湯，帶有蕃茄酸香，作為開胃前菜就是最好不過。熱盤亦有不同風味的蟹品菜式，滿足蟹迷的口腹之欲。牛油果蟹肉鍋巴將蟹肉、牛油果等材料打成軟滑的果

係OpenRice 睇到灣景廳有「鮑參肚燕」已經好吸引，成功訂位當日起三天內預繳每位$100訂金可享優惠，我揀星期五，所以成人$448免加一，咁當然吸引我去試。冷盤海鮮都唔少，有冰鎮蝦、翡翠螺、青口、蟹腳、沙白蜆和生蠔等。不過生蠔refill比較耐，而且當日生蠔唔夠肥美。前菜和沙律都不錯，煙三文魚和意大利風乾火腿配蜜瓜都是我喜歡食的食物沙律菜好新鮮，沙律醬汁亦有4款選擇，我就選擇左丘比沙律汁，酸酸甜甜好開胃。每人都有姫松茸鮑魚海參花膠燉湯一盅，燉湯好夠火喉和鐵板鮑魚一隻。甜品種類亦好多，花膠燉糖冬瓜糖水非常潤喉，燕窩蕉糖燉蛋和萄撻都好香蛋味，火焰車厘子就麻麻，紅酒啫喱帶少許紅酒味又唔太甜，唔識飲酒都可以食，記得要食movenpick雪糕，咁就更加快回本😂✌️又有我喜歡食既北京片皮鴨，皮脆油香牛排及羊排都唔錯，薑醋夠入味，熟食其實都唔少，介紹唔到咁多，如果有興趣就去試一試

1）廣告內容被過份誇大，除了每人限量一隻鐵板鮮鮑魚和一客的姬松茸鮑魚海參花膠燉湯外，其他菜式根本就找不到「鮑參肚燕」，與主題不能互相配合！2）食物殘渣公開外露，嚴重影響顧客食慾！3）更不能接受的，員工會從顧客食剩的殘渣中挑選鮑魚外殼，以方便廚房循環使用？與酒店的質數來比較，算是非常之差，同等價錢，可以有更好選擇，不會再光顧第二次！

慶祝同事升職，一行16人出去覓食。人多選擇不多，食BUFFET最就得人!精心挑選之下一班九龍人去了位於灣仔稅務大樓後面的灣景國際酒店---灣景廳如果單純以食物款式和食物質素黎比較，絕對不會選這家，可是如果以港島區3百幾蚊自助餐黎講，算是可以一試!有7-8款刺身、生蠔、任食Movepick雪糕、片皮鴨等，仲有一人一碗鮑魚海參湯添。不是即場開的生蠔，難免令水份流失，肥美程度不過不失，可是refill得快，而且沒有蠔殼碎。本人最愛的片皮鴨呢度竟然有!!!!! wow!皮和肉比例得宜，皮脆而有鴨油香，可是太咸了，只食過一次就沒再添了。海參鮑魚湯一人一份，同事們話呢個湯好好，夠濃郁。對於自助餐贈品來說，的確味道算中上了，湯頭鮮甜足料提供，有鮑魚、海參、瑤柱、香茹，每樣細細舊但齊全。另一樣送的是鐵板醬汁鮑魚這個就.........味道認真麻麻，就是燒九孔，基本上鮑魚沒有味道，主要是靠醬汁，可是這醬汁像是是調味精合成的，只有咸味。晚上8點，就會有職員響鐘提醒各位客人甜品時間~由師傅即場烹煮「火焰車厘子」預先浸泡車厘子，下鑊煮的時候加上白酒，立刻做出火焰效果。每人分到3粒，之後便可以在旁邊的雪糕櫃點你

呢間餐廳會不斷會推出唔同嘅主題優惠， 今期佢哋推出左自助晚餐， 所以就你睇下係咪真係咁好食， 今次第二次食呢間餐廳。原價一人約418hkd， 不過呢個月份生日有特別優惠，平多30蚊， 免加一，一人388hkd , 首先要打電話去預約， 跟住去恆生櫃員機入數一日入100蚊。 今次同朋友兩個人食一共要入200蚊 落訂。 最後係fax番畀餐廳同佢講你入咗數， 先用到平30蚊呢個優惠。雖然餐廳話 promote到月尾，不過其實冇停過promotion鮑參肚燕嘅食物(eg. 海參湯/鮑魚 等) 其實就唔係自助餐而係 按人頭限數量雖然鮑參肚燕限量但因此而變得食物好有質素， 所有食物都好新鮮，夠鮮味。 其他食物就冇限量。生蠔， 甜品 雖然係自助餐形式冇限數量但係職員refill 得好慢， 少左選擇希望下次再去嘅時候會有改善

朋友介紹, 之後都有來幾次, 驚喜e道有任食Movenpick 雪糕, 次次來起碼食2,3杯雙球雪糕, 雲呢拿同法式燉蛋好香好滑, 好好味 灣景廳d魚生同熟食都幾鮮, 款式亦唔少, buffet來講, 味道算幾好!