灣景廳

邂逅經典Coca-Cola美式風情由10月起灣景國際與可口可樂攜手呈獻【可口可樂美式懷舊下午茶】靈感源自50年代美式餐廳的復古風情九款懷舊小食與甜點精心打造每道美點注入可口可樂的經典風味讓大家都可重溫昔日滋味從迷你蘋果批到美式水牛城可樂雞翼還有復古黑牛以及檸檬可樂煲薑就像帶我們穿越時空一樣有趣喜𝒗𝒊𝒏𝒕𝒂𝒈𝒆 的你不要錯過📜☎️🥤可口可樂美式懷舊下午茶🥤- 下午茶套餐原價價目兩位用 HK$368 / 每位 HK$248- 星期一至日及公眾假期下午 3:00-5:30 供應…查看更多

今晚帶個女去食Buffet，揀咗個可口可樂主題，價錢仲要好抵，多國優質菜式，加拿大鱈場蟹腳、麵包蟹、即開生蠔、藍青口等冰鎮海鮮。🥤「可樂蓋掩蛋糕」重現可口可樂玻璃瓶蓋的標誌設計，以鮮紅色糖霜細緻呈現瓶蓋特有的凹凸紋理，還原經典可樂瓶蓋造型。內層是清新的抹茶慕絲配上酸甜的紅桑子，口感層次豐富。🥤「懷舊可樂遮仔啫喱」重現舊式茶樓風味，晶瑩剔透的可樂啫喱盛載的玻璃杯中，喚起昔日茶樓品嘗啫喱的溫馨回憶。🥤「可樂醉雞」以秘製可樂醃汁浸製，外皮帶有微微焦香，肉質鮮嫩多汁，每一口都能品嘗到可樂的獨特香甜與雞翼的鮮美完美融合。🥤「黃金蟹肉薯餅配可樂柚子醋汁」外層酥脆金黃，內裡蟹肉豐厚的特色薯餅，搭配特製可樂柚子醋汁。🥤「檸檬可樂糖醋骨」將傳統糖醋骨重新演繹，以可樂提升甜味，加入檸檬帶來清新酸香。🥤「可樂慢煮和牛面頰配黑松露野菌汁」以可樂慢火烹調的頂級和牛面頰，肉質極度軟嫩，配上濃郁的黑松露野菌汁，令牛肉的鮮美更上一層樓，入口即化。…查看更多

普飛早餐中西合併，琳瑯滿目，食品質素非常之好。饅頭、炒麵、粥及雜菜都非常好食。麵包、牛奶穀物也很有質素。仲可以order chef 新鮮整omelette ，揀自己想要咩餡。有cheese bar ，　可以試吓不同種類既芝士。同埋yoghurt bar 有多款乳酪，食完會想再食，食到捧住個肚走。…查看更多

酒店的自助餐有中式、西式、日式、西班牙、印式菜，菜式丰富，應有盡有，最喜歡甜蝦和魷魚鬚刺身好鮮味好新鮮，還有香煎法國鹅肝加薄脆麵包也好好吃，好香 煎的火候啱啱好，吃足三小時，時間很充裕吃的很满足😍…查看更多

見到餐廳出咗呢個人魚公主海洋童話下午茶就即刻心心眼😍當日都見到好多女士們悉心打扮專登去打卡💕🩵甜點珍珠美人魚藍莓薄荷木糠布甸係顏值與美味兼具嘅夢幻甜品人魚公主薄荷朱古力戚風蛋糕質地鬆軟香甜，食落充滿薄荷朱古力味薄荷朱古力美人魚慕絲蛋糕顏值爆表，仿貝殼嘅元素精緻又夢幻，慕絲蛋糕入口即化開心果朱古力貝殼瑪德蓮外形好可愛，蛋糕質地鬆軟濕潤🩵鹹點魚子醬青瓜薄荷希臘乳酪脆筒既清爽又精緻香脆黃金蟹肉魚籽球外層金黃香脆，食落好滋味開心果脆蝦多士咬落酥脆，蝦肉彈牙貝殼三重奏煙三文魚沙律賣相好似一朵花，仲配有新鮮沙律菜飲品叫咗清新果香薄荷茶➕美人魚夢幻奶昔，我就比較鍾意奶昔，絕對係顏值打卡之選，Baby Blue顏色好靚，飲落口感細膩順滑…查看更多

依個下午茶係我食過咁多酒店之中最差嘅一個下午茶，點解呢？有以下幾項可以畀大家作為參考，你哋可自行決定需唔需要食依個tea🌟🌟（一）話說早前book咗星期六同朋友前往，正常如果下午茶個宣傳照靚靚地，應該會有好多人去食，但竟然依間酒店嘅餐廳，當天連埋我哋，全場只有五枱客🤔🤔真心已經覺得奇怪。之後上咗個tea set，一見到兩杯飲品已經發現同宣傳相片有出入，無咗條魚尾😳😳我問職員點解會無魚尾，佢話用晒🙄🙄吓！用晒？全場只有五張枱，5 set下午茶之中只有三枱客嘅飲品內有魚尾，明知客人一早book枱，點解只預備咗三對魚尾呢？明知客人都係為咗打卡啫！當刻已經覺得匪夷所思，連最基本嘅服務都做唔到，與圖片完全不相符…..於是我哋問咗遠處其中一張枱嘅客人借兩杯有魚尾嘅飲品嚟打卡，我哋借緊嘅途中，連我哋後面張枱嘅客都係話無魚尾，同樣一聽到話魚尾用晒，都好錯愕😰😰於是我哋大家共同打咗卡之後，立即歸還飲品畀人哋。👎🏻👎🏻👎🏻👎🏻👎🏻（二）依個下午茶不輪食物還是飲品，都係唔好味。簡單嚟講，食物同飲品都係無靈魂，難食到一個點，我係feel到制作嘅人根本無用過個心去整，是但求其整D野出嚟敷衍出售就算，連靈魂都無，就更加唔好奢望會有食物嘅層次喇👎🏻👎🏻👎🏻👎🏻（三）下午茶個架係斜嘅，成個比薩斜塔咁款，無論你點整，都係斜架！打卡就更加唔會靚得去邊👎🏻👎🏻總結嚟講，環境、服務、食物，對我嚟講無一樣合格，以後我亦唔打算再去。雖然價錢比其他地方平，但百幾蚊一位，我都覺得唔值得🙄🙄大家可以去佢哋個官網睇吓張相架，影就靚，但實物就…….‘’…查看更多

千祈唔好去呢間食lunch buffet，啲食物超垃圾，種類很少兼很難食！貼錢買難受！未食過咁難食嘅lunch buffet，海鮮得海螺、熟蝦同埋細細粒嘅clams, 沙律得幾盤菜，剩係得甜品較為好少少，非常失望的buffet!…查看更多

即開肥美生蠔 x 加拿大鱈場蟹腳 x 西班牙美食盛宴！每年都會同同事食生日飯，今年試吓呢間自助餐！新推出「西班牙美饌之夜」自助晚餐真係超吸引！見佢有即開生蠔🦪同鱈場蟹！即訂位！即開生蠔鮮甜肥美，入口滑溜，食到停唔到口；加拿大鱈場蟹腳肉質鮮嫩，啖啖都係鮮味精華。西班牙海鮮飯色香味俱全，飯粒吸晒海鮮精華，煙韌得嚟又唔會太濕，配埋新鮮蝦同青口，口感層次好豐富。仲有西班牙黑毛豬火腿，鹹香油潤，入口即化；仲有多款地道Tapas，炸丸子外脆內軟，配埋特色醬汁好開胃。加埋廚師即場炮製嘅環球美饌，款式多變，熱葷同冷盤都好有驚喜。燉湯原來有兩款，兩款都好清潤好味！甜品方面選擇都唔少，有Mövenpick同Häagen-Dazs雪糕任食，滿足感爆燈！一早訂咗位，餐廳安排咗個細細地嘅生日蛋糕仔，壽星同事驚喜又開心🥰灣景廳 灣仔港灣道4號灣景國際1樓…查看更多

少女心爆棚嘅我好鍾意同閨蜜去食唔同主題嘅下午茶，今次我哋仲帶埋我哋嘅小朋友一齊去灣景國際，體驗一場充滿了海洋靈感和童話魔法的味蕾之旅🐬。灣景廳環境雖然帶有歷史的痕跡，但始終保持著潔淨與整潔👍🏻下午茶真係好靚，我哋瘋狂打卡完仔仔試飲左美人魚夢幻奶昔，飲完即刻豎起大拇指👍🏻雙眼閃閃發光，佢話係佢最鍾意嘅藍色同埋甜甜嘅香草味，超好飲！😍鹹點來說，最令我印象深刻是魚子醬青瓜薄荷希臘乳酪脆筒！青瓜的清爽和薄荷的香氣，為整道菜增添了活力☺️開心果蝦多士係我地嘅愛！外層的多士金黃酥脆，蝦肉鮮嫩彈牙，與多士的酥脆形成了完美的對比！上層加了少許開心果點綴，甜甜的讓人回味無窮！🥰甜點來說，這款珍珠美人魚藍莓薄荷木糠布甸真是十分打卡！中層用上薄荷口味啫喱，如同夢幻的海洋相互映襯，十分貼題又特別！整體氛圍透著夢幻的光芒，仿佛置身於人魚的世界，享受著海洋的美妙與童話的浪漫🥰…查看更多

Located in the heart of Wan Chai, Hong Kong, The Harbourview’s Harbour Restaurant presents a vibrant “Spanish Delights Night” buffet dinner throughout July. This seasonal offering showcases authentic Spanish cuisine infused with fresh seafood and local flair, crafted by a dedicated culinary team to deliver a flavorful Mediterranean experience.🍽️ Buffet Highlights•Spanish Signature Dishes: Enjoy classics like Barcelona-style seafood paella, crispy red prawn rice balls with salmon roe, freshly sliced Iberico ham, and herb-lemon butter baked fish in parchment.•Global Gourmet Rotation: Includes Japanese sashimi (up to 6 varieties), chilled seafood (fresh oysters, Canadian snow crab legs, bread crab, mussels, and more), and hot dishes such as garlic vermicelli scallops, xiao long bao, sea urchin cheese baked prawns, and pork knuckle in ginger vinegar.•Live Carving & Fresh Shucking: Iberico ham aged 36 months and freshly opened oysters served on demand.•Dessert Surprises: Unlimited Häagen-Dazs and Mövenpick ice cream, Catalan crème brûlée, and classic churros with chocolate sauce.…查看更多

七月限定優惠晚市成人$378 ，小童/長者$358，主題係西班牙，冷盤例牌有蟹腳，藍青口，凍蝦，生蠔，凍蜆&螺，蟹腳👌，青口d肉就削左少少，凍蝦麻麻地新鮮，少左例牌有既麵包蟹刺身有吞拿魚，希靈魚，鯛魚，八爪魚，甜蝦，以鯛魚&甜蝦最鮮西班牙主題限定既安達盧西亞冷湯都好讚西班牙主題最好食最讚除左冷湯，就係辣肉腸薯仔蛋批，伊比利亞火腿&甜品吉拿棒外，其他西班牙主題都一般般冷肉盤&沙律方面以地中海章魚薯仔沙律最唔得熟食方面有現燒羊扒，因本人唔食羊無叫，粉絲蒸元貝&海膽醬西蘭花蝦都好唔錯👍，唔好食方面以欖角骨d肉勁老勁韌&小籠飽最伏😑甜品方面蛋糕一般，不過佢嗰d鮮果撻d撻皮做得好唔錯,有蛋香味有牛油味，撻皮亦都結實，仲有芝麻糊，豆腐花供應，生果任食有哈密瓜，西瓜&菠蘿雪糕任食有牛奶公司棉花杯&Movenpick兩款，不過Movenpickd雪糕好甜.....綜合評分：呢個價錢食晚市自助餐去邊到搵？直頭係抵到爛味道方面亦算可以，環境都好，會再幫襯👌…查看更多

有無人一樣好中意食又甜又多汁既荔枝🙋🏻‍♀️❤️而家正值荔枝當造既季節，The Harbourview Hotel (灣景國際酒店）推出左「荔枝蜜語」夏日繽紛下午茶☕️，以荔枝同蜂蜜為主題～好精緻，滿滿少女感💗仲要幾高性價比‼️ 個人覺得鹹食全部都好出式，幾好食🤤 冇諗過咸既野同荔枝都可以咁夾，幾驚喜而甜食都唔錯，夠曬精緻可愛，亦唔會太甜💗（💫= duck’s pick） 鹹點：荔枝蜜糖鵝肝慕絲球 💫煙三文魚蜜糖芥末多士 💫蜜蜂花園牛角窩夫 💫黃金荔枝蝦球 甜點：蜂蜜荔枝鬆餅 荔枝琉璃果子 💫金蜂蜜曲奇雪糕 玫瑰蜜語荔枝慕絲蛋糕 💫 飲品：咖啡/茶/ 荔枝蜂蜜梳打/柚子蜜梳打 .__. .__. .__.🐥🐥🐥.__. .__. .__.環境：🐥🐥🐥🐥🐥/5服務態度：🐥🐥🐥🐥🐥/5 食物質素：🐥🐥🐥🐥🐣/5 性價比：🐥🐥🐥🐥🐣/5 回頭率：🐥🐥🐥🐥/5 …查看更多

1行5人同外父外母去食自助餐，點知食到成肚氣。凍海鮮俾人拎晒之後無refill, 6:45已經無晒蟹腳，但無refill。去到8點鐘，大家覺得唔對路，就企晒喺長腳蟹個位前面，逼到酒店Refill左一轉，每人夾咗兩隻咁大把。其他燒牛扒，冇晒，羊架冇晒，鵝肝排到呆晒，最後都係攞唔到。原來4XX係唔包野食，真係失望致極。有冇嘢食咪諗住去攞杯同檸茶飲吓，點知連檸檬都冇，叫個職員拎檸檬。當去refill嘅時候，我只係靜靜地企喺佢後面等佢，佢突然間大大聲講佢知得對手做緊啦，仲想點啊？但係其實我一粒聲都冇出企咗喺後面等緊佢refill完之後去拎，不過最後連杯都冇我都放棄咗冇拎凍檸茶。總括而言如果想去受氣同埋唔食嘢的話都可以嚟試吓嘅。…查看更多

🔸 「鱈場蟹•鵝肝•生蠔」華麗三重奏自助晚餐 星期日至四：成人$378/ 長者及小童$358星期五至六、公眾假期及前夕：成人$398/ 長者及小童$378(優惠價已包加一服務費）成日心思思想食Buffet，但其實食量真係唔多好唔抵🙈 俾我發現The Harbourview Hotel 嘅自助晚餐做緊超抵優惠！成人最平只需$378 就食到（原價$698)！今次自助餐有三大主題：1️⃣即開時令生蠔🦪每隻生蠔都肥美Juicy ，有濃郁嘅海水味，食落爽滑彈牙2️⃣冰鎮鱈場蟹腳🦀嚟自加拿大嘅優質長腳蟹口感結實得嚟好幼嫩，食落鮮甜多汁3️⃣香煎鵝肝配多士(長期排長龍嘅區域🤭）鵝肝燒到金黃色，外酥內嫩，食落入口即溶🤤師傅將鵝肝切到細細件，每次食小小感覺冇咁漏😌頭盤主菜仲有超多選擇包括其他海鮮（麵包蟹、鮮蝦🦐、鮮蜆、藍青口同翡翠螺）、烤羊髀、燒西冷、北京片皮鴨、海鮮焗羊蟹蓋、辣酒煮花螺、金銀蒜粉絲蒸扇貝，等等。而食飽都仲有另一個胃嘅甜品區就有多款精緻蛋糕🎂、拿破崙，撻同埋最最最重要係有Häagen-Dazs同MÖVENPICK雪糕🍨😍如果大家想食性價比高嘅酒店自助晚餐一於試試佢啦！——————評分：8/10.平圴消費：$378…查看更多

昨晚一家三口去灣仔嘗試了一家從未吃過的酒店自助餐。網上看到有五折優惠，便大膽地在下班後前往，沒想到卻收穫了滿滿的驚喜。折後每位大約三百多元，卻可以盡情享受三個小時，實在太划算了！雖然原本想選擇窗邊的位置，但發現其實沒有什麼風景可看，所以最後選擇了靠近自助餐檯的位置，方便取餐。對於我來說，吃自助餐最重要的就是海鮮的種類，而這家酒店的自助餐完全滿足了我的需求，生蠔、長腳蟹、麵包蟹、小龍蝦、凍蝦應有盡有，還有我最愛的刺身和鵝肝！光是這些海鮮就已經讓我非常滿足了。熱盤方面，除了鵝肝之外，還品嚐了片皮鴨、豬腳薑，以及為兒子夾的蒸魚。蒸魚的味道也相當不錯，肉質鮮嫩。不得不提的是這裡的燉湯，用料十足，味道濃郁，一定要品嚐！甜點還是吃了雪糕、蛋糕和格餅，不過這些都是自助餐的常見甜點，沒有什麼特別之處。總而言之，如果能以三百多元的價格享受到如此豐富的海鮮，絕對是物超所值，值得再次光顧！因此，我非常推薦給大家來試試這家灣仔的酒店自助餐，絕對不會讓你失望！…查看更多