灣景廳

在facebook看到—網站推介這間餐廳有龍煆自助餐，有多款選擇，因老公愛食，所以立即訂位，在8号風球下波後，掛3号風球情況下去試，失望，餐廳不大，只得—款燒龍蝦，但燒得很乾，沒什麽味道，需有生蠔，但很久才加—次，而服務員收碟很慢，枱又細少，满枱放着用完餐碟，需有折扣，也失望，考慮不再食自助餐了

多數黎食晚餐, tea time 就第一次試. buffet 0330pm 開始, 提早到場職員好快安排座位, 唔駛向出面企住排隊等👍🏻壽司熱盤麵檔甜品雪糕自助飲品... 選擇都幾多. 而且款款味道都唔錯😋 推廣只需百六元一位認真超值👏🏻另每桌客人可自取一份法式野餐籃, 有燒春雞, 批餅, 生果, 芝士. 果汁等. 但眼見十台有十台客人都食剩好多. 真係好浪費食物. 建議餐廳可放樣本給客人選擇要咩食物放入野盤仲好. 我地都要求職員只執生果同果汁 only.呢盤係借黎相機食先咋😂😆仲有抽獎環節, 職員拿著大盤 macaroon 讓每位客人抽一粒, 有果仁/乾果在內會有生蠔果汁贈送. 負責女職員好 nice, 開心又健談😚但 macaroon 味道麻麻, 太硬似餅乾. 雪糕同晚餐一樣有好多味道選擇👍🏻👍🏻除左有咖啡機外, 仲有自助檸茶奶茶任飲添. 甘豐富連晚飯都唔駛食了😝😝

香港島市區平價酒店自助晚餐，朋友通常都是提及此店。在有優惠之下，每位實收約360元，是現時港九的低價。港島人或中環上班族多去此店，既方便，彼此都熟悉此店位置和質素，所處地區算是矜貴。更重要是經常換主題，多綽頭，如現在至8月底是「愛蝦樂園」。綜合好友意見，不論甚麼主題，通常有此5優5劣。現以最近一次體驗為例子:5優:冷凍海鮮堆疊得體，是回本重點。我便覺得生蠔無海水味。朋友多說已不錯。蟹腳則鮮味。蝦蟹都是我們所愛。沙律食材新鮮，配以薄肉片，特別好味。矜貴食物今該晚有鵝肝醬，羊架，十分美味，香口。飽肚粉麵該晚的魚柳鮮嫩，遠勝很多酒店麵檔的魚蛋粉。瑞士雪糕供應名牌雪糕，有多種口味。焦糖燉蛋最特別，咖啡最美味，雲厘娜最多人選。5劣:壽司魚生可能價格關係，我個人認為日本食物檔偏弱。可下箸食物有限。各款甜品更失望是無眼福，甜品平平無奇，十年前的水平而已。我們都認為葡撻較好甜味適中，香滑蛋味濃郁。我唯有食豆腐花，其實質素比不上順興隆桂記，亞順。燒味供應有限，貴妃雞供應斷層，常缺貨。不太就腳雖說近會展，離港鐵站頗遠，搭的士走亦不太方便。只限3小時在18:30才開始，21:30已完畢。我嫌它遲開，勤力族收

在灣仔區上班那麼久，很常會來這裡聽吃午餐自助餐， 大概＄200左右，同事們可以選擇自己喜歡吃的，是聚餐的好選擇。座位還蠻多的，不算坐得很擠。冷盤當然是必吃的。刺身和海鮮類當然是一定要吃的，有大約兩三款的刺身可以選擇冷盤海鮮有大蝦、青口和大蜆。另外還有壽司和魚生飯。芝士的種類也不少，可以滿足到芝士狂。值得一提的是即煮面檔，他們有三款特別的湯底可以選擇，包括是叻沙湯、冬陰公湯和最特別的肉骨茶。這次我便嘗試了肉骨茶，一點也沒有令人失望。沙拉也是必要的選擇其他冷盤熟食類還有甜品，最特別的就是這個自助pancake ,只要按一下，便可以製作出即做的pancake還有任飲的自助飲料

滿心歡喜諗住去食生日大餐. 見到啲圖片好吸引所以過嚟試一試. 嚟到周圍望一望啲嘢食感覺上好吸引.第一樣梗係食生蠔啦! 點不知一擺落口即刻要吐返出嚟. 真係極度唔新鮮...咁都唔緊要試其他嘢食. 三文魚 一般. 其他小炒唔多講不是太好食. ok就係個燒牛肉 不過我個朋友話有啲煙靭甜品嚐都係一般需ok嗰個movenpick and waffle. 服務態度waiters ok不過啲廚師真係有問題. 好大感覺佢哋唔想做嘢. 或者真係唔鍾意佢哋份工所以好乸西 同埋真係冇個heart. 食過好多間buffet呢間嘅廚師最差, 仲要收依個價錢 我寧願去食放題大把選擇.

放工後上openrice隨意看，在公司附近的自助餐選擇，看到港灣國際"海鮮百老匯" 自助餐的推廣吸引了，食後感比較5星級酒店亦性價比高，食物質素亦很不錯，海鮮真的非常多種類。。會介紹朋友再來

趁今日放假想同閏蜜悠悠閑閑咁食下野傾吓偈 所以就嚟左呢到食個tea buffet 呢度環境幾好枱同枱之間又唔會太密都算幾有私人空間1530開始可以食 我哋提早咗5分鐘左右到一入去就見到Movenpick!!而且可以揀嘅味道都好多又唔使自己'不'雪糕坐低之後就拎左一碟沙律菜嘅選擇唔算多不過有火箭菜 生菜等等但係配料就有好多喇 譬如粟米 芝士 火腿 蕃茄仔 麵包糠等芝士都有兩三種味道都唔錯 而且啲食材都幾新鮮食食下有個staff行過嚟叫我地抽一粒馬卡龍有機會抽中獎品 不過我哋兩個都抽唔中 另外佢亦都俾咗張卡我地去攞一個野餐籃個野餐籃都有好多嘢食如圖hahaKo完個野餐籃我哋就轉戰鹹點喇鹹點選擇都好多 我冇逐樣逐樣影低,不過就講2樣我覺得幾好味嘅嘢炸芝士波 炸得好脆之餘 入面啲芝士仲會爆漿另外呢個類似豬扒但其實係泰式炸蝦球入面啲蝦肉好彈牙同樣地炸得好脆鹹點我哋只係食咗好少 因為要留返個肚嚟食甜野最吸引小朋友嘅甜點一定係呢個朱古力噴泉有得食又有得玩出去拎嘢食嗰陣都見到好多小朋友圍住你個黑櫻桃芝士布甸好好味 佢係熱嘅 好重芝士味亦都有啲櫻桃係入面 我哋返兜左兩次另外焦糖燉蛋都好好味焦糖燒到好脆

我們一行四人初到這裡，目的系和我太太跟小朋友慶祝生日。地點雖說不太方便，但是也可接受的。餐廳不算太大，大約二十至三十張枱，一眼看到。我們到步時候就安排坐餐廳的中心位置（可能我們比較早到，有選擇）然後一位餐廳經理（Sam Wan)熱情來招待我們。先問問我們要不要飲料，然後再問小朋友要不要小吃（還未到用餐時間）。之前，到用餐時間。我們就開始去看看有什麼好吃。好像其它餐廳一樣，分冷盤區/熱盤/甜點和沙拉區。冷盤有生蠔/長腳蟹/青口/壽司等。生蠔等食品質素不錯。熱盤有炒飯/蒸比目魚/菜膽冬菇/🐷腳彊等。甜點則有趣，有 moven pick 雪糕/機製熱香餅/涼粉/豆腐花/即製窩夫等。由於本人和家人也喜歡窩夫加雪糕，所以去到一半時候我們就不斷游走甜品區。幸好有兩位熱情服務人員 Charles 和 Wesley 幫助我們取雪糕（因為我們吃得都多）才可以不用排隊。最後，希望再有機會再去一次，感受餐廳服務生熱情招待。

呢度嘅 buffet 性價比都幾高吖成日都有 discount、食物選擇都好多一家人嚟都幾開心 ☺️羊架同薄荷醬係天生一對㗎 😍唔知點解唔係度度 serve 羊架都有薄荷醬我就覺得燒汁無咁夾喇 🙂大量生蠔～ 回本之選有啲酒店再新鮮啲會即開，不過呢度嗰啲都算係咁（以價錢嚟講）刺身都比得好大方好憎有啲自助餐就算無乜人排都淨係切少少比客搞到你要扮排多幾次攞 😂其實都係任食㗎啦雪糕係 movenpick，正正常常～甜品都多款式

已經有3個月沒有食過自助餐了, 舊年年尾在報紙上見這店做宣傳稿, 計下数都算食得過, 咁咪試下囉! 當晚所見其實只是半滿,大部份是本地客跟內地客人, 沙拉吧的青菜類全部都很新鮮, 已撈嘅沙律品種也不少, 擺設得幾漂亮, 其中一款係主題沙律-泰式簿切和牛沙律, 碟底一層刨到重簿過火鍋用嘅簿切肥牛, 不過都算有d牛味嘅同少辣嘅泰式醬汁配合得到, 麵包放同一吧枱, 可惜酒店方面沒有刻意安排一部滾筒式多士爐, 所以即使d麵包做得唔錯但室溫令可口度及包皮脆不起來, 比較粗心大意的瑕疵, 芝士係最基本嘅四種味道, 乾果纇的合桃同杏脯肉都幾好食,有天然甜味!中/西湯今次都沒有試了, 壽司部門試咗主題嘅火炙和牛壽司, 本來應該唔差的但預先做好放室溫任擺始終變得生冷味道口感打折扣, 如果可以用任叫即做必定會更為吸引, 同部門有一個雜錦壽司飯其實也做得頗有心機, 魚生料足, 將壽司醋米再用蛋黃醬撈勻食起來口感豐富不過卡路里指數就不要考慮了, 好食就得啦! 還有一個日式溫泉蛋也是和牛主題, 一個小小嘅醬油碟底鋪上一層淋滑牛展上加一隻溫泉蛋, 賣相做得精緻漂亮惜也是放置室溫影響食味, 另外兩味和牛主題嘅迷你漢

終於就到時間約埋食個Relax Dinner Buffet, 有講有笑好舒服就過左一個晚上，到人地收檔我地最後先走。。哈哈地點：地鐵行10 min, 都ok唔算好遠環境：環境寧静，舒適，三五知己 or 大家庭位置間格分明， 唔會太嘈影響對方服務： 快捷有效率，有禮， 食物：1) 生蠔同刺身正常水平, 唔大驚喜 2) 意大利飯味道不錯但飯略嫌硬 3) 最驚喜反而係中式老火湯， 足料清甜無味精好好味飲左3碗 4) 其餘熟食唔太吸引總結：最後食埋雪糕同甜品， 好滿足甘完成是日晚餐。 食物可以多幾款選擇同改善。有機會都會再返黎食

Tea buffet 15:30-1730Like facebook/IG $155野食選擇不太多。但還好。唔太多。反而樣樣都可以試下。沙律方面：沙律菜，粟米，鷹咀豆，等等。有四款撈好嘅沙律。前菜有泰式辣醬玉子豆腐，ham,芝士。麵包麵有三四款。熱食都好似有7-8款，幾中意草莓排骨同牛肉生炒飯。仲有菜肉包，珍珠雞，炒麵，熱香餅，焗薯仔。煙肉魚柳。魚生飯同少少壽司。魚生飯，魚生不多。但味道幾好。啲飯都幾夠味。仲有炸餃子，春卷，麥樂雞，脆皮腸，炸芝士丸。個炸芝士丸完全fake 左我地。滿心歡嘉地以為裡面全訓芝士啦。點知係魚蛋加極少量芝士囉😅有即煮長通粉，螺絲粉，意粉。醬有忌廉汁同蕃茄汁。煙肉，火腿，洋蔥，磨菇，粟米，欖可以揀。即煮夠哂新鮮，兩個醬汁都好ok...幾推薦。甜品有十多款。因為我係芝士控。所以必食芝士cake...但有啲失望。日式芝士蛋糕不錯外。芒果芝士蛋糕唔ok..似慕絲蛋糕多啲。草莓芝士達都唔芝士。特濃朱古力蛋糕都夠濃。可以一食。蘋果金寶，幾香酒味。窩夫，都幾脆。但略嫌唔夠實。南瓜西米露，好食，不太甜，又食到南瓜香。仲有三款生果，涼粉，朱古力噴泉，木糠蛋糕，奶凍等。回本之選m

亞女的生日在星期一, 諗住近近哋, 灣仔會展附近就腳食Buffet慶祝吓!食物種類小 (唔緊要啦), 只得一杯餐飲 (唔緊要啦) , 最差係送嗰個生日甜品Macaron,只得個樣, 亞女咬咗一啖就耍手拎頭話:麥記嘅Macaron都好過佢9倍.這場慶祝即時變得更加沒趣!中伏! 絕無下次. 

有些酒店的buffet會有主題，今次下午茶buffet的主題是《清新果之戀》！地方是偏遠了少少，星期六下午茶是由三點半至五點半，早到了三個字，可以入去坐住等，不用夠鐘至入去👍🏻！首先我先吃沙律，款式普通！熟食有日式餃子，珍珠雞，炸雞翼.....甜品：木瓜布甸😍，迷你苺燵..其實食物一般，但以$168這個價錢已經算平，不可以要求咁高😁，正所謂一分錢一分貨😁溫馨提示：hsbc,恆生有85折，今餐算平，折了後是每人$160😍

上星期日，難得放假，於是與屋企人到灣仔酒店食lunch buffet. 總覺得Buffet要中午食才不會太膩，而且有足夠的時間消化，對身體負荷唔會太大，屋企人較為傳統，不太喜歡食自助餐，但我又想同他們試下，幾經努力才勸服他們嘗試下酒店自助餐，這間食物款式很多，甜品不俗，有我最喜愛的朱古力噴泉， 而且價錢亦合理。我首先食的是沙律，因為沒有那麼油膩，用來墊胃，令自己唔會食得太飽和太over，沙律分別有生菜，紫蘇葉，紅菜頭，火腿，芝士，熟蝦，青口等， 醬汁有千島醬，沙律醬，橄欖油等， 味道可以。跟著才食主食， 主食有壽司和刺身，包括有蛋壽司，三文魚壽司，腐皮壽司等， 但壽司不太新鮮，其次是烤豬，星州炒米，炒得不錯，揚州炒飯，屋企人食過，覺得一般，泰式雞扒，味道幾好，燴鴨胸，日式豬軟骨，豬腳薑比較很少在自助餐食到，而且都很受歡迎，味道唔錯， 芝士忌廉海鮮意粉的海鮮只有青口和蝦，青口有點腥，忌廉醬汁唔太濃，只有微微的芝士味，咖哩薯仔雞，味道好香濃可口。此外，有粥品和煮熟菜心，但比較清淡，屋企人不太鐘意，覺得還是傳統酒樓或自己煲的比較足料，湯品有羅宋湯和蕃茄薯仔湯。 這餐最驚喜的莫過於甜品， 這兒