影片
更多
2018-10-18
8766 瀏覽
見尼幾日多左d涼意，當然要捉緊時機，嘆蟹宴！前果排，同朋友仔去左灣仔 灣景國際灣景廳，嘆「蟹」之風味宴自助晚餐，尼餐絕對令人回味無窮！尼度嘅自助晚餐係由六半開始，估唔到咁早已經食客滿滿，今次係衝住一系列唔同風味嘅蟹品菜式而嚟。一切由熱辣辣嘅【梳乎厘焗羊肚菌及加菲蟹濃湯酥皮焗濃湯】開始，打開面頭嘅酥皮，即時傳黎香噴噴嘅濃湯味，排隊拎果時，個waiter哥哥話個湯頭係用蟹殼連蟹黃熬成！入面真係有大大塊嘅加菲蟹肉、羊肚菌，個湯入口好香滑，啖啖都有蟹肉嘅鮮甜，梳乎厘口感輕盈，大家記得一坐低就嘆番盎暖下身先！最吸引眼球嘅係【花雕蛋白蒸雪花蟹鉗】，用我最鍾意嘅花雕酒、蛋白混合再蒸煮，而頭再鋪上雪花蟹鉗，食落蛋白好嫩滑，重有淡淡酒香!蟹鉗肉鮮甜、嫩滑，同蛋白嘅味道好Match!重有【阿拉斯加蟹肉芝士撻】，芝士撻上層烤至微蕉，濃濃嘅芝士，又香又滑，再加上絲絲嘅阿拉斯加蟹肉，正呀！【牛油果蟹肉鍋巴】好啱女仔食，香口又健康，面頭D牛油果同蟹肉好match，牛油果入口好軟滑，味道鮮明，加埋底層嘅鍋巴，香脆可口!【香芒蟹餅】外層係炸到金黃色嘅麵包糠，咬落去外脆，內裡有甜中帶酸嘅果茸味。除左一系列嘅蟹品菜式外，
見尼幾日多左d涼意，當然要捉緊時機，嘆蟹宴！
前果排，同朋友仔去左灣仔 灣景國際灣景廳，
嘆「蟹」之風味宴自助晚餐，
尼餐絕對令人回味無窮！
尼度嘅自助晚餐係由六半開始，
估唔到咁早已經食客滿滿，
今次係衝住一系列唔同風味嘅蟹品菜式而嚟。
一切由熱辣辣嘅【梳乎厘焗羊肚菌及加菲蟹濃湯酥皮焗濃湯】開始，
打開面頭嘅酥皮，即時傳黎香噴噴嘅濃湯味，
排隊拎果時，個waiter哥哥話個湯頭係用蟹殼連蟹黃熬成！
入面真係有大大塊嘅加菲蟹肉、羊肚菌，
個湯入口好香滑，啖啖都有蟹肉嘅鮮甜，
梳乎厘口感輕盈，大家記得一坐低就嘆番盎暖下身先！
最吸引眼球嘅係【花雕蛋白蒸雪花蟹鉗】，
用我最鍾意嘅花雕酒、蛋白混合再蒸煮，
而頭再鋪上雪花蟹鉗，
食落蛋白好嫩滑，重有淡淡酒香!
蟹鉗肉鮮甜、嫩滑，同蛋白嘅味道好Match!
重有【阿拉斯加蟹肉芝士撻】，
芝士撻上層烤至微蕉，
濃濃嘅芝士，又香又滑，
再加上絲絲嘅阿拉斯加蟹肉，正呀！
【牛油果蟹肉鍋巴】好啱女仔食，
香口又健康，面頭D牛油果同蟹肉好match，
牛油果入口好軟滑，味道鮮明，
加埋底層嘅鍋巴，香脆可口!
【香芒蟹餅】外層係炸到金黃色嘅麵包糠，
咬落去外脆，內裡有甜中帶酸嘅果茸味。
除左一系列嘅蟹品菜式外，
重有冰鎮加拿大雪花蟹腳、麵包蟹。
同新西蘭生蠔、鮮蜆、鮮蝦及新西蘭青口等冰鎮海鮮都係輪流供應。
【新西蘭生蠔】唔洗講都知係必食！
新西蘭嘅生蠔Size 唔算大，口感爽滑鮮甜，肉質細膩。
生蠔區好搶手，基本上係一補即清，
不過唔洗驚，餐廳係non stop甘補！
我都拎左幾round!
【加拿大雪花蟹腳】都非常鮮嫩滋味。
【新加坡胡椒炒蟹】上枱已經陣陣胡椒香，
香辣汁好香濃，蟹肉口感鮮甜結實，
入口又香又辣，好惹味!
重有現場即製嘅片皮鴨，
餅皮質地夠薄，片皮鴨色澤紅潤，
肉質鬆脆，食落口滿酥香。
食到七成飽，聽到外面有鈴聲，
原來大家排緊隊拎【十勝紅豆綠茶餅】，
喺尼個涼涼地嘅天氣，
食一塊熱辣辣嘅紅豆綠茶餅，真係好幸福！
排隊嘅時候已經聞到綠茶香，
個綠茶餅底軟熟，紅豆大大粒而又香又甜!
尼度D甜品真好正，重有得整芋圓DIY，
口感綿軟細滑，一定唔可以錯過。
重有香滑嘅迷你葡撻、朱古力噴池，
夏日漿果紅酒啫喱、法式鳥結糖蛋糕、草莓泡芙、
香蕉酥卷、巧克力布朗尼、麵包布甸、窩夫及朱古力噴泉等。
最後嘆埋雪糕就perfect!
尼度有8款MÕVENPICK雪糕任揀，大滿足!
張貼
