淥烚年代

營業中

休息中

香港終於有返少少冬天感覺啦！冬天係打邊爐既好時機，今日同女友試左尖沙咀既淥烚年代，餐廳環境整潔，牆身金條裝飾帶出高貴感覺。職員會首先送上九宮格既調味料拼盤。- 羊肚菌海參燉雞湯羊肚菌可謂菇中之王，加上海參同鮮雞件，味道非常清甜，完全無味精，燉湯既雞件肉質都唔會好老。我同女友分別飲左兩大碗先叫職員加水打邊爐。- 安格斯牛肉份量好多，牛味唔算太香濃，但油花好均勻，肉質軟稔，最緊要係唔好淥得太耐。另外仲叫咗好多配料包括萵筍片、日本黑豚肉、新鮮鵝腸、黑木耳、鮮粉腸、牛柏葉、水魷同茼蒿，每份配料平均$50-90。職員將所有配菜放喺好似橋既擺設上面，充滿氣派。總結而言，食物質素頗高，而且坐得都舒服。除咗火鍋外餐廳亦有提供私房菜。九點半之後入座仲有八折🥰

看似普通嘅排骨飯，但係做出嚟一啲都唔失禮，排骨非常之多肉，而且做得好入味。店員仲好細心將豉油分開放，唔使整濕個飯，自己落的話亦可以按個人口味調配鹹度。啲飯比出邊好食粒粒分明。黃金茶樹菇燉花膠，一打開好熱好香好濃郁，而且湯頭好有骨膠原。見到大大片花膠非常心動。裏面有好多料，有瘦肉，茶樹菇，杞子，龍眼肉。塗膠肉餅蒸飯第一次食，塗膠營養豐富好比花膠。呢個配搭又幾新奇而且又真係配搭得到。肉餅夠林又唔會太肥，而且份量夠多。依家四個人食仲會送多一碟油菜，喺尖沙咀嘴嚟講，其實有得坐慢慢食，又有得涼冷氣真係好少見，店員仲好有禮貌幫我哋倒水。

打邊爐係唔使分季節嘅，友人話有好介紹帶咁小妹嚟「淥洽年代」食私房邊爐，餐廳位於海防道，由A出口行過嚟都係5分鐘左右。甫一出lift 口就見到以紅字招牌極富時代感👀餐廳設計以湖水綠為主，再加上金屬元素，時尚之餘又有年代感覺😆如果係一大班朋友聚會可以預約貴賓房，自成一角加添私隱👍🏻坐低後店員隨即上前介紹哩到嘅湯底係每日新鮮隔水燉湯，清甜美味，故建議係打邊爐之前就飲多兩碗先😆店長介紹咗川貝百合燉螺片為湯底，夠哂滋陰又補而不燥👍🏻重點係真材實料，淨係湯渣都有滿滿一盤😎火爐配料係以單點形式order，款式都超過20款，價錢合理，我地叫咗手切安格斯牛肉、三拼手打丸、大花甲、脆鯇魚片、牛柏葉、芝士獅子狗、萵荀片、雲南黑木耳、菜心苗，拼盤仲有小木橋做裝飾，打卡一流📷牛肉類都有6-7款，而我地揀咗中價位嘅安格斯牛肉，仲有分大/小size ，重點係牛肉嘅雪花紋平均超吸晴、手切牛肉有一定嘅厚度，而且牛味濃厚，油脂分布平均，有咬口之餘油香豐富，高質美食😋😋另一個必食推介係手工丸類，有唔少創新之作，加$10可以轉三拼，一次試多幾款👍🏻我地嗌咗金沙牛丸、黑松露豬肉丸、柚子墨魚丸，手打丸子粒粒飽滿仲好彈牙，小妹最愛

天氣咁凍，又係時候打邊爐啦，今次決定黎呢間尖沙咀新開ge 餐廳，佢嘅裝修好elegant , 入面仲有兩間VIP房，夠晒私隱度不過今次同一位朋友黎就梗係坐出面一開始揀左湯底揀左羊肚菌海參燉雞湯（$208),店員叫我地飲下湯先打邊爐。估唔到佢係真材實料ge 老火湯，入面真係有海參，味道香濃，同朋友飲左一半先開始打邊爐之後我地叫左：安格斯牛肉 $198估唔到都幾大碟，仲要牛味濃厚而且無筋日本黑豚肉 $68原來$68 就有一兜，仲要份量都唔少，同樣出色柚子墨魚丸 $88一碟8 粒，肉質彈牙，係手打墨魚丸最後叫埋秀珍菇，萵筍片，新鮮鵝腸，牛栢葉同水魷，全部$58-68 不等。店員擺上去木架上面，非常打卡吸晴，味道就正常發揮啦呢個價錢又飲到老火湯，又食到靚肥牛，真係唔錯

🎈食物：🌕🌕🌕🌕🌕湯底叫左沙爹湯底，好濃郁。牛肉玫瑰花形擺設，打卡一流，九宮格既調味盤比你慢慢較個汁，其他餸都放小碟，整到好靚，又一打卡位，食物味道都新鮮好食既😋😋😋🎈環境：🌕🌕🌕🌕🌑現場環境乾淨，有位放袋，坐得舒服😌🎈服務：🌕🌕🌕🌕🌑個姨姨會間唔時行過黎問有冇野要加，例如：水😂，上菜速度都快，因為生野😂🎈回購：🌕🌕🌕🌕🌕下次經過尖沙咀想打邊爐，都會想食番佢😁

今年12月先開始凍凍凍地嘅時候就會諗起打邊爐朋友係尖沙咀返工同事介紹呢間食lunch佢話唔錯有燉湯飲👍🏻冬天飲吓燉湯補吓佢平時自己唔會整原來呢間夜晚係打邊爐朋友話想試下我地又鍾意幫襯小店又可以試新野啦😬基本上一出𨋢就係入口最特別係可以用燉湯去打邊爐👍🏻朋友想食鴨血我地叫咗鴛鴦鍋底(麻辣台式鴨血鍋 & 沙嗲濃湯鍋)勁多鴨血同冰豆腐👍🏻沙嗲湯真係好濃係結結地店員推介魚剌身😱打邊爐竟然都有👍🏻好新鮮嘅日本魚(池魚)😋😋來貨品種時常不同👉🏻安格斯手切肥牛細碟份量好足👍🏻肥瘦均勻👍🏻👉🏻美顏桃膠餃子🥟好特別自家制咬落煙煙韌韌好得意值得試試😋😋真係好多桃膠👍🏻👉🏻八呎日本蟹柳🤣👉🏻牛柏葉👉🏻野菜鮮菌盛盒樣樣有d 啱晒我地d 女人九格調味料

最近天氣涼涼地，最適合約埋一班朋友打邊爐，約尖沙咀就最方便大家收工，上網搵到呢間打邊爐，感覺有似私房菜裝修，就一於約朋友過黎試下上到去裝修得非常整潔，枱與枱之間好闊落，主要以4人位為主，睇到Menu食物種類非常之多，湯底有三款燉湯，仲有八款火鍋湯底職員首先會送上一個九宮格嘅調味料，俾你自由配搭，實在好窩心✨川貝百合燉螺片湯$198職員介紹我哋要試吓佢嘅燉湯，湯底非常足料，有百合，川貝，螺片煲完湯之後，仲好鮮甜，我哋將湯底裏面嘅螺片全部都食晒，原來燉湯裡面仲有雞肉，雞肉煲完湯仲好嫰滑，係打邊爐之前我哋每人先飲咗兩碗湯✨手切安格斯牛肉$198一上枱賣相超吸引，靚到嘩一聲，肉顏色非常鮮紅粉嫩，油脂分佈平均，油脂香仲有好重嘅牛味✨雙拼丸餃$98分別有黑松露豬肉丸，柚子墨魚丸，全部餐廳新鮮手打，非常足料，豬肉丸黑松露味好香，肉質打得好細滑，最正係墨魚丸，墨魚肉好鮮甜，加上柚子酸酸甜甜好特別✨脆鯇魚片$78佩服餐廳師傅嘅刀功，厚薄大細都非常統一，魚片好新鮮而且冇碎魚骨，食起上嚟好方便✨活海蝦$138一碟有六隻，係用咗竹節蝦，絕對係海蝦，每一隻都大大隻，好鮮甜，蝦🦐頭都有好多蝦膏✨豬肚$58豬肚洗得

估唔到火鍋店門市都會有抵食蒸飯，套餐仲有料湯水而且湯水嘅材料相當豐富。雖然係蒸飯但係食材用料都不馬虎，我就叫左蟲草花北菇蒸雞飯，雞肉用左雞脾肉而且整得好入味，蟲草花好多同好香，北菇就吸晒雞汁嘅精華，飯粒粒均勻唔會太濕同太乾，食落去仲有飯嘅米香。加咗$10杯轉羊肚菌海參燉雞湯，估唔到裏面仲有大大條海參， 十分足料同有驚喜，而且個湯好甜感覺好滋補同養顏，送到枱上面仲係熱辣辣，新鮮出爐好好飲，最啱就係依家轉冬天嘅時候飲。朋友就叫咗桃膠肉餅蒸飯，估唔到呢個配搭又幾好食，而且佢份量多肉餅整得好厚。完全係足夠男士食嘅份量。川貝海底椰鱷魚湯嘅湯頭亦都好甜好滋補而且裏面材料好足料，午市樓上舖又可以坐得舒服，價錢合理，所以午餐來TST會再來食，飲佢個靚湯。

#ftf_尖沙咀期間限定惹味羊腩煲開始入冬，係呢啲涼浸浸嘅天氣特別適合食羊腩煲，暖暖身！之後再打個邊爐，真係爽！呢一度裝修真係好有60年代嘅復古感覺，除咗打邊爐，餐廳仲有私房菜同埋lunch set！但今晚決定試吓佢11 12月先有嘅羊腩煲！羊腩煲 $488⭐️⭐️⭐️⭐️⭐️湯底味道鹹淡適中，惹味得黎唔會越食越口渴～ 配料有大量枝竹同竹筍，羊腩炆得肉質軟腍，一啲都唔會老、唔會靭，夠晒入味，份量頗多，兩個人食一煲再加少少配料，已經好飽肚！新鮮豬潤 $58⭐️⭐️⭐️⭐️⭐️厚薄剛好，處理得好乾淨，極之爽口新鮮！推薦！唐生菜 $58⭐️⭐️⭐️⭐️爽脆清甜，打邊爐點都要叫個菜！豬肉丸拼鯪魚丸 $78⭐️⭐️⭐️正常發揮，味道不過不失，豬肉丸有鮮味，口感尚算彈牙～回頭率🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

天氣凍，又到火鍋的季節，今次發現咗間隱蔽的私房火鍋。呢到用燉湯打邊爐，真係好少見，已經想象到好濃郁，同時又啱我地，下下麻辣真係食到悶。羊肚菌海參燉雞湯($208)羊肚菌性質溫和，海參滋陰補血，兩者都有相當高嘅營養價值及食用療效。先飲湯後打邊爐，燉湯濃而鮮味，飲哂全部材料的精華，店員有幫忙拎啲湯料出黎放碟，可以慢慢食下啲肉、雞腳、海參、羊肚菌，燉湯的肉食落不會柴，真係好值得一試。另外打邊爐的食材選擇好多，真係好難揀，安格斯同三拼丸都係店員的推介。安格斯 - 小份($198)排到一朵花咁好靚，牛的雪花密又均勻，食落牛味濃郁，脂肪比例唔算高，所以可以不斷食都唔會膩。淥個陣一定要睇實，一變色就要夾起，唔係就食唔到嫩滑的牛肉，第一片一定要食佢的原味，不要點醬，有咁嘅份量呢個價真係抵食！三拼丸($98)新鮮手工丸大推！一款的價錢只要加$10就可以試到三款，各有3粒。左: 金沙牛丸呢個係我的推介，咸香的蛋黃同牛肉非常夾，令牛肉的味道昇華咗，完全唔洗點醬都得。中: 柚子墨魚丸聞落有淡淡的柚子清香，丸上面的蟹籽令賣相更吸引，墨魚丸口感彈牙。右: 黑松露肉丸朋友鐘意呢個多D，豬肉丸口感軟滑，食得出係手工打

就快到冬天，係咁凍嘅季節最啱就係打邊爐，而成班人一齊打就係最開心！約埋班fd子去呢度，開心仔！食材都幾多，如果一班人食嘅話都有好多選擇，我哋幾個試吓啲新嘢都好！叫咗個藥材煲，入邊啲湯渣都好入味，我就咁食湯渣可能都夠飽@@點咗嘅餸就成個拱橋咁送上，真係夠特別！特別鍾意佢呢種精心嘅設計，成個感覺好高尚食材處理亦都好好，用咗生菜托底，望落去就好索水同埋夠新鮮。通常打邊爐亦都唔少得竹籤插蝦，佢提供嘅竹籤好揸手，呢個位亦都係好細心！欣賞！望落去各樣食材都淋漓盡致，別樹一格！特別要介紹雲吞，佢係用咗蟹肉同埋馬蹄，咬咁好之餘，仲有蟹肉嘅鮮味！比想像中處理得好，完全唔係廉價食材嘅感覺當然我哋都會開埋酒，想飲酒嘅朋友，亦都可以嚟呢度揭一揭腳，保證滿意！

為咗慶祝世界盃愛隊贏咗初賽，決定打個邊爐烚吓烚吓，食餐勁嘅！於是去咗尖沙咀近九龍公園附近嘅樓上鋪打邊爐，附近嘅選擇都唔少，但聽人講呢度坐得好舒服入到去果然啲裝修好靚好整齊好乾淨，同一般打邊爐嘅舖頭好大分別，入邊完全冇油煙味當然佢哋都好落力清潔呢度竟然有養生湯底同一般淨係比豬骨清湯有好大分別另外，佢哋都有set Menu，仲有唔同嘅選擇喺入邊，唔使自己花心思去諗揀好咗，喺上菜之前，仲有好多配料任君選擇！我哋叫咗花膠燉雞湯底，入邊真係足料，花膠都有唔少安格斯肥牛都好大碟好多，相信我哋兩個人都一定食得飽牛肉仲好厚！另外我哋叫咗海鮮、菜、蜂蜜豆腐等等，兩個人完全係食得好飽食材處理亦都非常之乾淨新鮮，完全冇雪藏味，甚至乎上碟嘅時候仲好有心思好俾我哋，實在好有驚喜！總體而言，餐廳俾我哋有好乾淨嘅感覺，坐得好舒服，另外食材亦都好新鮮，下一次一定會嚟幫襯！特別推介，聖誕可以嚟呢度試吓佢哋嘅雙冬羊腩煲，應該都好好食！

食材新鮮、擺盤靚，服務員友善、貼心，裝修有格調又舒服，要讚個洗手間乾淨到好似屋企咁，價錢合理。值得推介！Fresh food in decent presentation. Friendly and warm-hearted services. The decoration is classy and comfy. Super clean washrooms feel like home. Reasonable pricing. I'd definitely visit again and recommend it to my friends.

秋風起，又到了打邊爐的季節。比起舊式的任食火鍋，近年比較prefer高質火鍋。醬料點餐後，店員會先送上醬料。鹿茸菌清燉花膠湯 $188不同款式的湯底每日限量。花膠湯很足料而且不加味精，很鮮甜。建議一開始先飲湯，之後再落材料打邊爐。拼寶丸 $98黑松露豬肉丸柚子墨魚丸叫了有餡的丸，豬肉丸離遠已經聞到香濃的黑松露味，一食即可爆漿流出來，柚子墨魚丸帶小辣，清新與辣味既配合感覺頗為特別。除了雙拼都可以叫3拼試多幾款。鮮淮山 $48鮮粉腸 $58脆鯇魚骨腩 $88活海蝦 $138 牛柏葉 $68雲南黑木耳 $58豬肚 $58雲南黑木耳 $58一開始見到有個木制而且有點像摩天輪的裝飾架，真係打卡一流，不過食物質素亦好打得。粉腸比較花時間，在家很少吃，外面亦比較少餐廳做，見到有當然要試試，做得好乾淨。脆鯇魚爽口彈牙，清新好味，絕對推薦！海蝦新鮮，建議可以食埋蝦頭，蝦身入口甜爽。手切安格斯(細) $198睇得出既新鮮，安格斯入口十分重牛味。建議不要煮得太熟，保留少少粉紅色，肉質會比較嫩實，不會太鞋。唐生菜 $58約10小束，塊塊新鮮，食落清甜爽最適合最後做為結尾，讚！見到而家係OpenRice訂位，五

餐廳主色係懷舊綠色，裝修簡約。有3間私人房，當中2間係大房，可以容納10-12人。1間係中房，容納到6-8人。3間房可以打通 岩曬私人聚會。而家OPENRICE訂枱星期日至四 5:30-9:00有88折，9:30後有8折。除左打邊爐之外，仲有私房菜食。而家天氣轉涼，餐廳推出左個羊腩煲$488，可惜朋友唔食羊，如果唔係我都想試下。當晚試左幾款打邊爐配料都唔錯。✨鹿茸菌燉花膠湯燉湯每日有3款，每款限2個。所以賣曬就無架啦。但可預早打電話去餐廳訂。個湯好足料，隔水燉，所以特別清甜。✨安格斯牛肉(小份) $198呢個已經係細size，但都好大盤！食落肉質厚實，肉味香濃。✨活海蝦 $138幾大隻同新鮮，蝦肉係彈牙架。✨脆鯇魚片 $78魚肉軟滑，爽脆，有嚼勁。✨新鮮鵝腸 $98洗得好乾凈，無異味，好爽口。牛柏葉 $68水魷 $68萵筍片 $58唐生菜 $58蜂巢豆腐 $48