淥烚年代

營業中

休息中

打邊爐,食物既質素真係好重要!呢間好似私房菜咁,有個好大既空間,好別緻!自己選醬汁既配料,好正!係九宮格。我叫左個蕃茄湯底,好多蕃茄同埋雜菜,叫左安格斯牛肉.手切口感係好D,肉質好FIRM,食晒成碟好滿足。手打黑松露丸同埋墨魚丸都好正,賣相相當精美。雖然只係叫左兩樣野,但個湯底好足料,所以都好夠食! 食野貴精不貴多,高質就好。以咁既質素,價錢唔算貴。同埋呢度都好近TST MTR添呀!係隱世火鍋店。

又到冬天打边炉既時節啦，今日约埋一班好友去到尖沙咀呢间火锅鋪，佢好似系新开冇几耐，因为入边啲装修都好靓，座位好阔落。鸳鸯煲就最啱多人打边炉，有辣有唔辣任君选择，我最钟意个麻辣鸭血煲，入边啲鸭血有好多件，斋個煲都好抵食。呢份牛拼盘好大份，有一口牛啦，肥牛，同埋其他款牛肉，放入麻辣鸭血煲入边，又嫩又滑。丸仔拼盘最钟意个墨鱼丸。原来打边炉同凍豆腐系好match架，距好索味，又鮮嫩，無論係沙爹定麻辣鍋底都可以淥。啲饺子有三种颜色摆盘好靓，识落味道都唔错，但系唔知咩馅。呢个豬梅片淥熟之后唔肥腻，又好容易入口，加上佢哋既调味料，食落都好唔错。脆肉鲩啲肉都算實淨，食落唔腥。值得一提嘅系个蔬菜拼盘，鸡髀菇鲜嫩，粟米甜，其他蔬菜都好嫩。呢度嘅服务态度都几好，值得再次過嚟。

真原味，新鮮火鍋環境乾淨，枱面面積大， 擺放食物非常方便，座位很舒適，沒有侷促感。川貝百合燉螺片湯店員介紹這是清燉出來的， 可以見到底的清湯，飲了3大碗， 飲得出完全沒有落味精 ， 湯是原材料燉出來的味道。 湯渣都差不多食曬， 雞腳非常軟淋，輕鬆吐骨，煲湯肉配合火煱豉油，意料之外的美味。趁這個湯仍很清澈，淥一些菜，可以吃出真。原味。 安格斯牛肉（小）每一件都胡蝶切法， 厚薄適中， 很容易控制火侯，油脂紋理分怖平均， 而且牛肉味濃郁，一碟滿滿有三十多塊，此牛肉物超所值。八吋日本蟹柳這蟹柳味賣相相當吸引， 原本已喜歡吃蟹柳的我，都覺得很好味道。養顏桃膠餃三款不同顏色的水餃內有不同的蔬菜組合，感覺清新，很有田園風味， 餃子皮十分煙韌。日本黑豚肉偏厚圓圓的切法， 淥完後，豬油香味十足，感覺似拉麵上的叉燒。脆鯇魚骨腩十分新鮮， 魚肉淥完後非常爽脆 ，魚鮮味配合湯頭加持下，味道更上一層次，會吃魚的朋友要試下。原來佢仲有私房菜， 下次可以試試，而且仲有包廂。 服務員態度亦非常良好 ，朋友或公司聚會再考慮呢度。

餐廳係海防道，所以地點都算方便。同朋友都鍾意食單點火鍋，因為質素會比較好。餐廳比較新，所以環境都好舒適，裝修都好靚。雙拼湯底揀咗皮蛋芫荽湯，同埋麻辣鴨血鍋。湯底都好有料！用好多芫荽，同埋鴨血（唔係任添都夠食）食物價錢唔算平，但係物有所值，因為份量都好足安格斯牛肉小份（$198）都有咁大碟，夠3-4人食。而且肉質都好新鮮，夠牛味。三拼丸各有特色特別係清酒下院同埋金沙牛丸。必食推介！脆鯇魚片係真係脆同新鮮，連朋友本身唔鍾意食都要encore! 大花甲嘅肉夠大粒又滑睇得出餐廳好有心做，而且服務都好好。經常主動加湯同主動幫我地換碟。真心推介俾大家！

係尖沙咀區海防道萬寧上邊，因為門口好容易miss咗，不過係方便，係海港城行完街，就可以過去打邊爐，仲要係高質嘅邊爐。湯底，我哋揀咗花膠燉雞湯，超級好飲，好入味，記得記得記得打邊爐之前一定要飲湯，我自己飲咗三碗，本身仲想飲㗎，但係又唔想飲飽咗，我想嗰啲雞都好好味，好嫩口，完全唔係’嚡熠熠’嗰啲，個湯真係冇得輸。嗌咗一份安格斯牛肉，肉質鮮美滑嫩、油花分布均勻，鮮嫩多汁的肉質，搭配豐富大理石花紋，我每一塊淨係淥咗大概6秒，岩岩好！非常推薦！跟住仲嗌咗花甲，魷魚，蘿蔔，萵筍片，油麥菜，牛柏葉。不得不提蘿蔔同呢個湯互相輝映，非常清甜。花甲非常新鮮完全無沙。三拼丸-黑松露豬肉丸，金莎牛丸，柚子墨魚丸。我個人最鍾意就係金沙牛丸，口感非常特別，牛丸裏面係鹹蛋黃沙，好好味，推薦！

要好好慶祝個朋友「出關」，因為無打針而差唔多成大半年無出國黎食飯，勁多野要update，所以打邊爐一路食一路傾就啱晒！今晚揀呢個火鍋店位於尖沙咀海防道，地鐵A出口一直行就係，勁方便👍🏻火鍋店屬新裝修👍🏻座位寬闊👍🏻抽風唔錯👍🏻服務員一叫就到👍🏻超正👍🏻打邊爐最緊要都係肥牛，呢度$198一碟不但有好多片👍🏻最重要有頂級油花👍🏻入口即溶！😋話明係慶祝，食物梗係要好味仲要有儀式感啦！呢個擺盤不得了！！啱晒打卡！哈！連個蔬菜拼盤都零舍靚過人！眼睛都表示很滿足！其中豬潤👍🏻切得好！好高質！脆鯇魚片新鮮脆口👍🏻黑毛豬肉片呢個厚度正👍🏻其餘萵筍、黑木耳、豬皮、豬肚都很不錯👍🏻打邊爐勁入味👍🏻加上餐廳個豉油配料勁多，越點越想食！😋

間唔時都要孝順下媽媽，趁呢日收工就同左媽媽去打邊邊，呢間店湯底足料又清甜，我地當湯飲一人飲左兩碗湯😋野食幾高質，仲要坐得好舒服。>本地新鮮牛肉：牛肉新鮮屠宰，完全冇雪味，望落色澤紅潤，切到厚薄適中，牛肉味唔錯，軟滑多汁。 >日本黑豚肉及脆鯇魚片：黑豚肉軟腍又有少少彈性，肉汁豐富又香口；鯇魚片切到半透明咁，見到師傅刀功好好，淥熟後好脆口，肉質結實。>牛柏葉及水魷：口感爽脆，打邊爐必點。>雙拼丸餃：鮮蝦雲吞皮薄餡靚，蝦肉爽彈，豬肉幾有鮮味，個皮又唔易爛；帶子餃外形似元寶咁，食落鮮甜。>萵筍片、蜂巢豆腐及雲南黑木耳：蜂巢豆腐煮到腍腍地，吸滿湯汁好正；因為想有多d纖維，就點左萵筍+木耳。>菜心苗：平時打邊邊我多數食生菜，店員推薦菜心苗幾靚就試試，估唔到又幾嫩，食落清甜無渣。

朋友推介呢間打邊爐唔錯，所以趁天氣仲凍凍地試下佢，驚呢排放寬防疫會多人，所以預早兩日訂位加留埋個燉湯湯底，聽到隔離枱想叫燉湯湯底但都冇貨6點左右去到，餐廳座位唔算多，但座位寬敞，坐得幾舒服，我見有班家庭客坐包廂，可以自成一國七點左右餐廳半滿時，餐廳都唔會煙霧離漫，抽風做得好好，食完唔會成身邊爐味鹿茸菌燉花膠湯湯底真材實料，有唔少花膠，雞肉雞腳，鹿茸菌，雞髀雞腳燉得好夠火喉，湯底好清甜，食後亦唔發現有味精嘅感覺安格斯肥牛單睇牛肉色澤，雪花紋都知道好高質，牛肉淥到大約7成熟，肉質軟淋又有牛肉香味三拼丸黑松露豬肉丸 - 肉丸彈牙，中間有黑松露香氣滲出金沙牛丸 - 咬開就有鹹蛋王金沙汁爆出，好驚喜下清酒蝦丸 - 蝦肉彈牙有蝦味，丸既中間會滲出淡淡清酒，好特別！另外都叫咗唔少打邊爐配料，上菜擺盤都靚好好啱打卡而比較出色好味既有鮮粉腸，粉腸新鮮冇異味大花甲，新鮮厚肉又鮮甜，唔會有沙新鮮鵝腸，清洗乾淨，口感爽脆牛柏葉，夠爽彈脆肉鯇片，魚肉好脆口又唔會有鯇魚既泥味

天氣凍！早排同男朋友去食火鍋🔥呢間位於尖沙咀既火鍋店有驚喜👏🏻👏🏻店內環境好舒服✨以懷舊綠色為主，有種簡單又清新既感覺💚環境都夠寬敞，座位之間唔會太窄，好岩同朋友黎傾計打邊爐！如果想私隱度高d，仲可以book vip房❣️有九宮格既調味料😝👏🏻👏🏻❥羊肚菌海參燉雞湯大大個鍋，湯底好清甜，用材滋補又足料✨有紅棗、杞子、雞腳，仲有好香濃既菇味。❥ 白菜苗打邊爐點都環叫d蔬菜🥬白菜苗好新鮮爽脆！❥ 安格斯份量好多！！肥瘦相間，油脂比例岩岩好！牛味突出，肉質嫩滑，食落有入口即溶嘅感覺👍🏻👍🏻❥ 花枝片❥ 新鮮豬潤❥ 豬肚豬膶同豬肚都好新鮮爽口，冇腥味，唔錯！❥ 高筍片❥ 茶南暴木耳❥ 牛柏葉高筍片鮮綠爽脆～木耳同牛柏葉索埋湯底既精華食，味道一流😝❥ 脆鯇魚片魚片好爽滑，食落有嚼勁👍🏻

到左冬天就梗系最鐘意打邊爐啦。店鋪雖然入口少少窄，但系入面都好大，位置唔少，仲有包房添。裝修幾有feel，座位闊落，唔錯唔錯。Menu都好豐富，湯底好多款式可以挑選，有辣有唔辣，任君選擇。海鮮，刺身，牛肉等等，都系單點嘢食多，如果有套餐就更好啦。四丁友，一于鴛鴦鍋（沙嗲濃湯+麻辣鴨血）叫起啦。開爐前仲會安排佐料九宮格，自己調製適合自己噶醬汁。打邊爐唔可以少得牛肉噶，六品拼盤夠曬大份，肉質好新鮮，雪花紋都幾好。淥一淥，唔需要太熟，口感好唔錯，肉味夠濃。日本豚肉片，半肥瘦，好入口。無一般豬肉騷味，最啱唔食牛牛噶朋友啦。脆肉鯇夠厚身，真系唔會呃你。食落勁脆，嗦嗦聲，連皮都系脆噶，魚味好弄，搭配自己調製醬汁，正啊。丸子拼盤，新派肉丸，好新奇。柚子墨魚丸，黑松露豬肉丸，咸蛋黃牛肉丸，真系同平時食開噶好唔同。肉丸彈牙，味道新鮮，好唔錯。桃膠餃子都系新式噶，平時桃膠糖水就食得多，呢個真系第一次，但系又唔錯哦。餡料系素菜，食完肉類之後食距更感清新。其他蔬菜，鮮菇食材都好新鮮，抵贊。

今日約左朋友出尖沙咀食野 佢最鐘意搵d樓上餐廳食野 次次都有返咁上下質素 😆樓上餐廳我最鐘意係多d空間感 坐得都比較舒服 今次兩個人就坐4 人枱 但原來都有包廂可以聚餐 一坐低就俾左九宮調味格 一應俱全湯底方面我地點左羊肚菌海蔘燉雞湯湯底非常足料 味道清香 打邊爐之前都有飲左幾碗湯先 ☺️之後梗係要食返今日的主角 安格斯牛肉 牛肉的紋理鮮明 比例平均 牛香十足 兩個人分享非常足夠😊 除左牛肉 另外加配左餃類和丸類三拼丸-黑松露豬肉丸-金沙牛丸-柚子墨魚 最驚喜係柚子墨魚 平時都比較少見 但原來口感都不錯 柚子味香 配上彈牙的墨魚肉 😆雙拼丸餃養顏桃膠餃帶子餃 兩款餃都係有特色的組合 桃膠帶有少煙韌口感 吸收埋湯底的精華味道 惹味不少海鮮類點左紐西蘭蟶子皇蟶子基本上好快就食得 先可以食到海鮮的鮮味和肉質 一落就要睇住火喉 結果係成功的😌另外最特別係餐廳星期三五會供應日本🇯🇵直送海鮮 今日送到的係池魚擺盤非常精緻打卡 盤底仲會變色閃亮 ✨ 望住食野都賞心悅目 刺身魚肉鮮嫩 厚薄均勻 可見師傅的刀工實力兩個人慢慢食左兩個鐘頭 果然又係一間有驚喜的Fusion 火鍋之選臨走發現餐廳原來都有供應新

非常期待既 淥烚年代因為個龍皇海鮮鍋非常吸引😍😍😍🦞🦐龍皇海鮮鍋（$538）個煲底夾出黎有大大隻龍蝦，蜆，鮮蝦，帶子。夾極都仲有😮😮😮海鮮彈牙新鮮。個湯底上枱後我地每人先飲左2碗，好濃既龍蝦味，非常正，推薦大家都叫呢個湯底。安格斯 （$198）好大碟，靚牛彈牙，好食茼蒿 （$88）菜好新鮮，用個木桶裝住幾靚，成個花槽咁雙拼丸餃 （$128）雙拼咗「帶子餃」同「蟹皇餃」，每款有3隻，入面有滿滿嘅帶子同蟹皇。三拼丸（$98）三拼分別係「黑松露豬肉丸」，「金沙牛丸」同「清酒蝦丸」每款3粒，最好食既係黑松露豬肉丸，好濃既黑松露味😋餐廳仲有做私房菜，價錢大概係$558～$1088/位，有蟶子，炒蟹，大海斑，鮑魚，下次family gathering可以試下。佢地既lunch menu都幾抵食，花膠湯加個蒸飯都係$78，尖沙咀番工既朋友可以去食。呢餐每人食左唔洗$600，職員service同食物既quality都好好👍🏻👍🏻

今日Vivians又合體🤣🤣今次終於到Vivian帶Vivian 2號去好野😌之前食過一次呢到既打邊爐，用既材料同湯底都好用心，值得再幫襯～好彩早黎到，可以揀位坐🤣🤣Btw感覺餐廳老闆幾貼心，枱凳都好大張，客人可以坐得舒服，唔使咁迫（出面打邊爐好多都坐到好鬼迫😐），連個電磁爐面都好精緻MenuVivian諗係咪因為私房菜，所以個湯底特別好味🤔🤔Vivians order左沙嗲濃湯鍋 （$118）手切安格斯 （細）（$198）大海蝦 （$128）野菜鮮菌盛合（$108）豬肚（$58）萵筍片 （$58）鵝腸（$98）脆鯇魚片（$98）想講佢個沙嗲湯底真係好好味，似係自己煮既湯，又唔辣，暫時未食過比佢好味既湯底，而我地等緊野食個陣，侍應姐姐就比左個九宮格調味醬料我地揀：野食好快就到想講佢個安格斯牛正，因為Vivian2號唔食牛，就order左細份，點知都咁大盤，正，而佢其他野食都好新鮮，海鮮全部都大大隻，食得出用靚料👍🏻👍🏻Overall好唔好食？超級正，個湯底真係不得了會唔會再幫襯？會啦，新年想試埋佢私房菜😋

近日天氣咁鬼凍，緊係要打返個靚邊爐暖下身啦今日黎到尖沙咀呢間樓處邊爐鋪，環境唔錯，裝修得好靚，唔似得平時啲任食邊爐咁成間大排檔咁，呢到反而顯得有少少high class原來除左打邊爐，呢到仲有私房菜食，不過我都係專心打返邊爐調味盤，好乾淨，基本調味料應有盡有，特別中意呢到有埋芝麻，勁香！呢到既湯式係我見過最高質既湯連湯底都係川貝百合燉螺片湯，好足料，入面仲有雞件。飲落好清甜好補身，雞亦勁嫩滑，煲到淋晒食落唔洗咬咁滯個湯我同女朋友每人飲左兩碗，未開始打邊爐已經要加水飲完靚湯正式打邊爐，啲食材上菜方式都好有特色，有個特色拱門托盤放係上面，打卡一流野食方面特別要提呢個手打丸，就咁睇都睇得出一定係手打，肉質好彈牙唔會好實成粒乒乓波咁而且入面仲有唔同既餡，黑松露蛋黃都有，勁香口其次係安格斯，上枱唔會血淋淋，排得好靚，脂肪紋路都唔錯，食落軟身唔老好重牛味，一流！

天氣終於凍啦😆😆咁樣先有聖誕嘅氣氛㗎嘛🎄😚凍冰冰梗係要食熱辣辣嘅火鍋啦😬🤩今次去到尖沙咀試下呢間淥洽年代～入到去裝修一啲都唔似6️⃣0️⃣年代🤣好闊落好新淨好光猛舒服嘅感覺👍🏻呢度所有嘢食都係單點嘅～有好多個湯底揀😍朋友重口味，揀左沙嗲濃湯底🥘一上枱就聞到好香既沙嗲味，鍾意佢杰杰地，無論放咩食材都好掛湯👍🏻打邊爐點可以冇牛肉🤩🤩我地叫左手切安格斯🥩配沙嗲湯真係一流，我地2個人叫左碟細既，份量都夠晒食，2舊有找既價錢係好抵食，雪花紋好吸引，而且佢既切法係起雙飛，大大片好有口感🤤另外仲叫左水魷🦑脆肉鯇片🐟呢度既廚師，刀工係一流仲要好有誠意，水魷界左花，脆肉鯇切得夠薄，兩樣都係淥一陣捲起就食得🤣丸類就揀左黑松露🐷豬肉丸、柚子墨魚丸、清酒鮮蝦丸🍶🦐全部都好彈牙，最驚喜係蝦丸，一咬落去就爆左啲清酒出泥💦而且呢個味喺其他地方係從來無見過😘推介大家一定要試🤤芝士🧀獅子狗一定係必食啦😆特別一提呢度一份有8粒，份量好慷慨🤫🥬菜心苗、萵筍片、鮮淮山好新鮮，健康人生🤣😌所有嘢食都好ig able，尤其係條食物橋🤣睇得又食得，臨走見到佢有間房，下次可以叫埋一大班朋友happy gathering 😘👍🏻