淥烚年代

營業中

休息中

天氣開始凍，打邊爐嘅癮又嚟🤤🤤✌🏻今日搵咗間係尖沙咀九龍公園附近嘅邊爐舖試下🧚🏻‍♀️間舖裝修勁靚，由於我哋六點開始食，人數未算多～🧚🏻‍♀️9宮格配料好難得有我鍾意嘅香芹🥹🥹即刻加滿！🧚🏻‍♀️川貝百合燉螺片湯呢個湯100分！未打邊爐已經每人先飲咗兩碗，真係完全冇味精，仲要好足料！🧚🏻‍♀️安格斯肥牛$198勁大碟！肥牛肥瘦均勻、好有牛味🤤🤤吃貨嘉嘉同男朋友都超級鍾意！每枱都會有個木梯放打邊爐配料，自己跟住個Menu嗌就得～🧚🏻‍♀️首推新鮮鵝腸、白鱔片、萵筍、日本黑豚肉片唔好睇佢細細兜，每樣配料都好多，而且價錢唔貴，可以食多幾款！🧚🏻‍♀️三拼肉丸（金沙牛丸、清酒蝦丸、風味鯪魚球）金沙牛丸入面係鹹蛋黃，牛丸都特別彈牙爽口😋😋清酒蝦丸就好特別，有爆漿嘅感覺🦐風味鯪魚球入面釀嘅係臘味，識落有種好似食煲仔飯嘅感覺，好得意🤣員工話呢啲丸全部都係新鮮手打，所以食落特別厚實，同埋要淥多幾分鐘🧚🏻‍♀️總結：食物質素非常好，每樣食材都好新鮮，超級鍾意飲佢個湯！加上呢間餐廳嘅裝修好靚，打卡一流。（廁所都係好乾淨🤣🤣）

天氣一轉涼就好想打邊爐！成條街都係任食火鍋，價錢平但就無咩質素，想食高質火鍋真係好難搵，今次亂打亂撞就試左間好野(⁎⁍̴̛ᴗ⁍̴̛⁎).聽個名已經好有feel! 一到去門面成間西餐廳咁，仲以為去錯左地方，估唔到呢間火鍋店裝修得咁靚，平日人少少仲好似包左場咁，超爽！.最正最正嘅係呢度真係超級高質素(ﾟoﾟ;; 打邊爐最緊要個湯底，呢個湯底真材實料，足料夠味，好有火喉嘅花膠湯，店員會先裝一碗俾你飲，飲完可以再添，飲到夠先開大火打邊爐🍲.啲牛肉超新鮮，唔點醬都夠好味！最特別係個呢個有睇頭又好味特別嘅火鍋料彩虹，搞卡一流，啲手打丸特別之餘仲好好味，必叫！.不得不提象拔蚌，刀工好好，唔係好薄到似食風，又唔會厚到鞋，無論剌身食完火鍋食都好正！

呢排天氣轉涼令人特別想打邊爐，尖沙咀嘅廣東道嗰度發現咗呢間新開無耐嘅港式邊爐。入到去地方幾闊落同埋都空氣幾流通，打完邊爐唔會一陣味。餐廳以散叫為主，我哋要咗個椰子雞湯底，店員會叫你等佢淥到滾之後就加入滑雞件之後就一齊煲，雞見到好新鮮，份量都唔少，椰子雞湯清清地我地打完邊爐唔使咁熱氣。我哋要咗豬皮、鵝腸、豬潤、黑豚肉、粉腸同鯇魚片，每款都好新鮮，依家講求質素貴精不貴多。我哋再要咗個皇帝菜，最特別推介喺一定要試佢嘅自家製手打丸。呢個係佢哋嘅招牌獨有嘅菜式我哋試咗佢嘅金沙牛丸同柚子墨魚丸，牛丸好彈牙大大粒入面包住鹹蛋黃食落去有鹹蛋黃起沙嘅味道，好食。仲有柚子墨魚丸都大大粒好彈牙啊。食落去你會食得出有柚子香，好清新，味道特別。整體食物質素都高下次會再食其他嘢。

呢間火鍋店新開張不久，裝修仍然非常新淨，空間感都幾足夠，坐得舒服，想要私隱度高啲，仲可以book間房慢慢傾。點左餐之後，職員就會拎個九宮格調味料俾你自己選擇，乾淨又衛生，唔使行出行入去拎，仲有洋蔥🧅芝麻嘅配料，比較少見。1️⃣ 麻辣鴨血鍋 $158一放低就已經聞到好香，鍋內有蜂巢豆腐同埋京蔥，味道麻多過辣，最正係舊豆腐索哂啲湯。2️⃣ 安格斯(細) $198紋理都好靚，牛味都幾重，淥幾下就食得。3️⃣ 田園鮮菌盛 $108食左肉又點少得菜，呢個蔬菜拼盤又好多款式，有菜心、生菜、蕃茄、粟米、冬菇等等，而且仲幾新鮮。4️⃣ 三寶丸 $78/款餐廳會用一個好似天橋咁擺岀黎，放得好靚，打卡一流📸。全部都係創意手工肉丸，唔係街市買到嘅普通肉丸，有黑松露豬肉丸、柚子墨魚丸及牛丸，肉質好彈牙，味道都唔錯。5️⃣ 養顏桃膠餃 $88第一次食呢個味道嘅餃子，味道都幾特別同清甜，口感係較為爽口，入面有冬菇、蘿蔔、椰菜同桃膠，適合素食者同愛美一族。6️⃣ 脆鯇魚片 $78脆鯇魚片擺得好靚，成朵花咁，魚肉咬落脆脆地，不過食個陣點都要小心啲睇下有冇骨。7️⃣ 豬肚 $58豬肚爽口帶啲煙靭，有少少豬羶味。8️⃣ 粉腸 $58粉腸洗得幾乾淨，煮熟

天氣凍凍地，又係打邊爐既季節呢間餐廳開左業無耐，位置係尖沙咀，夠哂方便！調味料可自己選擇，選擇都幾多湯底選左鹿茸菌燉花膠湯，打邊爐前先飲碗湯，湯十分清甜，入面仲有用有雞同豬肉去燉，飲得出係無味精👍飲完湯就可以開始打邊爐三寶丸丸係手打的，墨魚丸口感有彈性，牛丸食落好爽，值得推介脆肉鯇好新鮮好脆，忍唔住要encore豬肚味道新鮮，食落無苦味安格斯牛性價比幾高，二百幾蚊就有成大碟，牛肉雪花分佈平均，唔會太肥，食落牛味都幾重，4個人share都夠食牛柏葉，好爽，夠埋湯底既味就好正！雙拼餃橙色既餃子皮係用甘荀汁整成，味道幾特別！而雲吞入面有好大隻鮮蝦，分量好足！食材都幾高質，而且服務態度好好，價錢適中！會再encore!

今日朋友約咗我去尖沙咀行街，佢知道我就嚟生日特登帶我去尖沙咀食嘢，我自己平時最鍾意就去打邊爐，老友特登帶我去一間好好味嘅火鍋店。果然知道我心意淥烚年代火鍋店，餐廳係尖沙咀站A1出口附近，海防道32號寶豐大廈2樓。上到去餐廳裝修得非常整潔，而且用嘅食具都係好講究，全部都係一套㗎。俾人嘅感覺好有格調而且好舒適。呢度主打用燉湯湯底打邊爐，店員話仲可以提早預訂。燉湯有三個選擇每日都限量供應，鹿茸菌清燉花膠湯，羊肚菌海參燉雞湯，川貝百合燉螺片湯。今次我哋選擇左羊肚菌海參燉雞湯，首先係飲咗湯先，湯底味道好香雞味好重，清香得來味道好鮮甜，用料非常豐富，有雞腳，海參，羊肚菌，瘦肉三寶丸我哋就揀咗，松露豬肉丸，金沙牛丸，鮮蝦丸。豬肉丸包住黑松露，入口陣陣黑松露香味。金沙牛丸真係好特別，一啖咬落去陣陣嘅鹹蛋香味滲出來，味道配搭得啱啱好。最欣賞就係鮮蝦丸，蝦味香濃，口感爽滑彈牙，呢個係我食過最好味嘅丸手打嘅丸，果然係唔同啲手切安格斯，牛肉上枱非常吸引，望落去色澤紅潤加上有少少脂肪，入口牛肉味非常香濃味道鮮甜，初初嘗到牛肉香再嚟牛脂嘅香味。安格斯牛肉好值得推介。另外點咗幾碟餸食材都係好新鮮，最特別就係用一條橋

天氣前排轉左一轉涼，即刻係打邊爐既季節！即刻同同事book間打邊爐黎食啦上網搵到呢間係尖沙咀既邊爐鋪，主打食海鮮湯底！有好多配料有蒜有蔥有辣椒海皇湯底，勁多料，有龍蝦，蝦，聖子，蜆，帆立貝！ 第一次食咁足料既湯底呀淥野食前梗係要飲下個湯底先，真係好重鮮味，完全係食材既味道，唔係濃湯寶煲出黎！淨係食呢d海鮮肉已經好滿足啦我地想食牛，就嗌左牛小排，午餐肉同生菜午餐肉好可愛 砌到好似磚咁好厚肉好juicy時餐肉另外仲嗌左雜錦手打肉丸，好食！同事都話好推介，下次再約多d人一齊黎食仲開心

近排開始凍啦，當然要捐窿捐罅搵返啲打邊爐嘅餐廳！依間絕對係尖沙咀云云眾多嘅選擇之中嘅頭三位！羊肚菌海參燉雞湯第一次用一大鍋燉湯去打邊爐，非常適合秋冬季節，滋補一下，湯底更加有紅棗、圓肉、杞子、雞腳，湯頭好清，帶有菇菌的餘韻，裏面海參份量驚人，食落口感爽口。手切安格斯色澤鮮紅、肥瘦相間、紋理非常清晰，溶雪程度極佳。輕輕淥5秒，咬落去好軟柔，牛味好出好濃。海鮮叫左一份活海蝦，一共六條，條條新鮮，蝦膏滿滿，咬落去肉質飽滿，爽甜；另外叫咗一份土魷，廚師𠝹花出色，食落爽爆；脆骨腩肉質透白，全部魚骨都起好晒，食落頗有魚鮨香。美顏桃膠餃子外型翠綠，全人手包餃子，皮薄餡靚。咬落去口感豐富，除咗有滑捋捋嘅桃膠之外，更加有爽脆嘅蘿蔔絲椰菜絲。蔬菜叫咗萵筍、雲耳、唐生菜🥬，放入呢一個湯底真係非常清甜！

淥烚年代📍地址：尖沙咀海防道32-34號寶豐大廈2樓=================呢間新開ge 餐廳之前聽朋友講過幾唔錯的，咁啱今日在附近完成工作，就去幫襯下啦！佢要行少少樓梯再轉電梯先可到達的,但估唔到入到去嘅裝修好華麗！仲有VIP房😳佢主打係打邊爐的，但因為而家係午市時間，竟然有提供價錢相宜的午餐！午餐主要係燉湯盅飯，每人都只係幾十蚊！ 估唔到weekend 都有咁優惠ge套餐！😍午市套餐可以揀一個飯同一碗湯， total $78,真係好抵！我地揀左：黑松露排骨蒸飯 黑松露味幾重，估唔到同排骨味都幾夾！加埋豉油食，有啲似鳳爪排骨飯嘅味道🙊蟲草花北菇滑雞蒸飯雞肉醃得非常入味，肉質滑溜至於佢嘅燉湯真係非常足料，睇圖你哋就知!😍 $78又有得飲又有得食，真係好抵!川貝海底椰鱷魚湯羊肚菌海參燉雞湯

9月生日去試新野，無諗住要寫食評，所以一張相都無影🤣🤣🤣岩岩打開個Open Rice見到呢間野，心血來潮想分享下。湯好飲，啲野食好有心思，好食👍個🌽都甜過人🤤會再去試其他野食，上次得兩個人食得好少野😋😋😋 有朋友聚會都會諗起呢間野，因為佢有幾間房，一大班朋友去係唔錯既選擇💜

估唔到秋涼之後打邊爐第一擊搵到一間咁有驚喜嘅舖頭!店铺就喺海防道寶豐大廈電梯門一開就見到！店舖新開無耐，入到去感覺舒適又乾淨!平時鐘意食清湯，因為打落湯底一定越食越油，但今日就朋友點咗沙嗲湯底，竟然唔會越食越油，而且味道唔會太咸，食完都唔覺特别口渴！而且食具器皿都係靚靚嘅，仲有條拱橋俾你擺食物，慳位又吸睛，啱晒打卡！打邊爐牛肉當然不可少，一碟安格斯牛肉點細份嘅都有咁大碟，紅卜卜睇都知夠晒靚~牛肉帶點脂肪但唔會太肥，淥一淥入口軟熟又夠牛味！脆鯇魚骨腩新鮮有魚味，腩位嘅味道加上少少脂肪，特別鮮味！咬落脆脆地，魚味夠突出～鐘意食內臟嘅真係唔可以錯過呢度嘅鮮粉腸，新鮮豬膶同豬肚，每樣都好新鮮，豬膶入口粉粉嘅口感，咬落軟嫩，一d腥味都無，配埋沙嗲湯底，真條好想叫個米粉淥埋一齊食。粉腸同豬肚亦爽彈得嚟帶點煙靭，完全無羶味，食得勁暢快!！三色丸好特别，有清酒蝦丸、金沙牛丸同黑松露豬肉丸，每粒都係非常彈牙，無論蝦味肉味都一樣咁突出，咬開就會見到餡料，而清酒蝦丸咬開就有少少清酒溢出~都係第一次試呢個配搭！而豐盛田園蔬菜盒又真係幾豐盛!面層嘅菜夾開面後見到下面仲有一層，成個盛盒都塞得滿滿!!菇菌、蔬菜都各

冬天就黎到係時候打邊爐😝今日上咗大廈搵好野食!!上到去裝修好骨子，最正係佢有一個位有間板，入面每間房坐到12人嘅大圍，餐廳話可以打通變成一大房坐到40人🤩公司一大班人食飯啱哂！！豉油碟有好多選擇自己混咩醬，店主好有心思!有好細粒嘅洋蔥，同薑粒(擺明自己切，見到好多薑絲)正！今晚食好啲叫咗個我食過最好味嘅湯底😍龍王海鮮鍋 $538入面用料上乘，有龍蝦，大蝦同花甲!!味道超鮮甜👍🏼成個湯煲出嚟橙色，好濃郁好鮮！龍蝦有成隻斬件係入咗，啖啖肉！！就算係腳都好彈牙！不過最好係上菜無耐就飲多幾碗，之後就無咁濃味🤣我有啲後悔飲咗2碗咋！之後其實我都有keep住飲到成肚湯🤣👍🏼店主提我地下次黎要預訂湯底，因為數量有限!!明🫡好多配料雖然細碗咁樣，但係佢放得都幾多幾滿㗎！而且仲放滿個好靚嘅層架好有氣派！！啱哂打卡🎉窩筍片 $58豬肚 $ 58牛柏葉 $68鮮粉腸 $58水魷魚 $68蜂巢豆腐 $48窩筍片好爽甜，打邊爐一流！！豬肚同鮮粉腸彈牙，無騷味，洗得好乾淨👍🏼蜂巢豆腐超抵食，有成8舊咁多！！當豆腐吸哂啲湯真係好好食🥺安格斯 (小份) $198超抵食🥹🥹雖然淨係叫小份，但都勁多，一啲都唔小😝啲牛仲要

今日天气冻冻地，比较适合打边炉，但系老公话五想自己整，甘就稳下边度打边炉比较好，跟住就来到呢间铺。铺头装修比较复古风，好似系新开既，因为都比较干净企理，服务员态度非常好。我地叫左个鸳鸯锅，一边系麻辣鸭血，一边系芫西皮蛋，麻辣鸭血闻到就好香，入面有好多鸭血架，芫西皮蛋都一样甘好味。打边炉梗系食牛最好啦，呢度既本地新鲜牛肉确实好新鲜，五使禄好耐，一阵就得，好有牛味，五点酱料都好好食，值得推荐！三宝丸有黑松露猪肉丸，柚子墨鱼丸同虾丸，个人最钟意食个虾丸，弹牙有虾味。值得一提系个脆肉皖，我本身就五太好淡水鱼，但系老公想食下，就点左一份。点知原来距系甘好食架，鱼肉脆脆地，又新鲜，又无甘多细鱼骨，五错五错。仲叫左粉肠，鹅肠，牛柏叶呢滴打边炉经常食既野，讲真，全部都新鲜同干净，价钱五算太平，但系好食既。

最近見朋友成日食燉湯做湯底嘅邊爐🥘搞到我哋心郁郁又想去試下😋淥烚年代個名咁有gimmick🤣加上出名用料新鮮 cp值高！咁當然就要去見識見識先得啦🤪原來舖頭係棟商業大廈入面🤔夠晒神秘 果然係隱世小店！我哋坐底之後 店員就幫我們倒滿豉油😋然後拎出九宮格調料俾我們自由調味🧂調料種類好豐富🥳中芹、香蔥、洋蔥、薑蓉、辣椒、芝麻、蒜蓉、炸蒜、芫荽☘️只要係諗到嘅調料哩到都有齊🤤而且店員服務非常有禮貌 值得一讚🙇🏻‍♀️🙇🏻‍♂️螺片海底椰燉湯 $208是日推介有daily special螺片海底椰燉湯🤤有推介咁就當然揀佢啦！燉湯上場一大煲🥘材料超級豐富😋有雞腳、豬肉、海底椰、螺片、而且份量勁多又足料！打邊爐之前先飲兩碗燉湯🍵味道清甜 而且飲落冇味精！燉湯真材實料用黎打邊爐一定好正👍🏻三寶丸 $98三寶丸可以自由挑選三款唔同類型嘅丸🍡我哋就揀左睇落去幾特別嘅金沙牛丸🐮松露豬肉丸🐷同柚子墨魚丸🦑金沙牛丸就係牛丸入面包住咸蛋黃🤩牛丸咬落滲出淡淡咸蛋香☺️咬到中間咸蛋黃一湧而出🌊咸香嘅咸蛋黃配上牛味濃郁嘅牛丸🤗哩個配搭幾新奇好味道👍🏻松露醬放係豬肉丸入面又俾人另一種感覺😂豬肉襯托出松露特有嘅味道🍄特別香濃！哩到

網上睇到有人介紹呢間 淥烚年代 , 見近日秋風起 , 氣溫開始稍為微降 , 就諗住趁星期日相約家人打個邊爐取名有趣食字  該店位於2樓 , 甫一進店內與想像中的懷舊佈置不同裝修行現代風格中滲多少懷舊感 , 所有家具都好簇新 , 酒櫃靚 , 環境乾淨企理 , 座位十分闊落 坐得舒適, 亦有數間細房招呼客人店員亦殷勤有禮 , 因到達時時間尚早 , 我們是第二枱餐牌簡而精order左唔夠5min , 就有野陸續上枱羊肚菌海參燉雞湯 $208 - 養生燉湯 , 湯底清甜而不油膩 , 飲完全部都不覺口渴, 相信沒有落味精, 且湯量好多 , 可倒出滿的8-9碗 , 食材的量更為驚人 , 瘦肉 , 雞件 , 海參等燉得入晒味 , 尤其海參值得一讚 , 先飲晒鍋中的湯後再讓店員加湯打邊爐水魷 $68 - 切好一塊塊 , 肉質彈牙爽甜 , 吸湯一流 , 正養顏桃膠餃 $88 - 非常特色的餃 , 內餡是桃膠 , 素有平價燕窩之稱 , 固有養顏美容功效 , 味道少鮮甜而啫喱狀 , 第一次試食此新奇水餃八吋日本蟹柳 $78 - 超長 , 仲長過對筷子 , 肉質非常鮮甜 , 味濃而不帶冰鮮味三寶丸 $98 -