冒菜係香港比較少見，今次去開上環，就上去試下，午市價格非常親民🤩自選4款食材 $58，6款 $66，8款 $72，可以自由搭配岀自己喜愛嘅冒菜，餐廳採用正宗冒菜做法烹調湯底，必需使用辣椒油，所以會較比時嘅湯底較為油膩。 1️⃣ 吉祥套餐（6餸） $66+$5主食 配料超過30款任君選擇，由肉類、丸類或蔬菜🥒等等應有盡有，連湯底都有7款，有辣有唔辣，適合唔同嘅人。 👱🏼要左個秘制香辣湯🌶️入面仲有生蒜🧄又香又辣，而👱🏼‍♀️就要左養生白胡椒湯，白胡椒湯好清甜，好暖胃。 至於配料方面，特別推介脆哨，係酥脆既肉燥，香脆焦香，可以就咁食，或者放湯食又得，👱🏼‍♀️仲+$3要左個秘制醬汁，有少少辣，非常惹味。 🔸潮汕手搥牛肉丸－爆汁，脆爽彈牙 🔸蒜香墨魚丸－蒜香味濃，肉質嫩滑 🔸貴州丁家脆哨 🔸牛黃喉－爽脆 🔸鴨血 🔸毛肚－吸收哂湯汁，惹味 🔸滑雞片－肉質嫩滑 🔸萵筍 🔸娃娃菜🥬 2️⃣ 滕椒涼拌魚皮 $48 呢個小食由魚皮、藤椒、醋、辣椒油製成，辣度固定，不過都唔會太辣，魚皮爽口彈牙，啱哂做開胃菜🤤 3️⃣ 洛神花山楂蘋果 套餐 +HKD$15（單點 HKD$28) 餐廳自家製飲品，加入洛神花、山楂、蘋果🍎健胃三者配合，酸酸甜甜，潤喉解渴健胃消滯，解膩一流。 4️⃣ 酸梅青檸烏龍茶 套餐＋HKD$15（單點 HKD$28) 飲落酸甜清爽，唔單至可以消暑解渴，仲有助清熱解毒，而且唔會太甜，值得一讚👍🏻 #foodie_couple_hk_sm816

尖沙咀 K11 Art Mall原來開左間傳統日式料理餐廳，提供過百款日本料理菜式，包括Omakase、刺身、壽司🍣爐端燒、天婦羅🍤丼物、一品料理等，而且星期一至日都有午市定食套餐，仲包埋餐湯或沙律🥗最正係唔少指定食品仲有半價優惠，非常抵食，餐廳分左兩邊，一邊係開放式壽司吧枱，可以欣賞到大廚製作料理嘅過程，另一邊係普通嘅卡位，任君選擇。 小編今日黎試下個午市先，叫左2個套餐，每個套餐都送香濃嘅麵豉湯同沙律🥗呢度嘅麵豉湯真材實料，有好多蔥花及海帶，而沙律菜都好新鮮爽口。 1️⃣ 岩蠔（北海道）（$68/1) （折後$48/1) 見佢做緊7折，只係$48隻，生蠔🦪好大隻肥美，口感爽彈，味道鮮美，仲送上魚籽做擺設，抵食！ 2️⃣ 牛肉壽喜燒定食 $128 鐵鍋上夠哂熱辣辣，壽喜燒湯底🍲味道甜甜地，有4-5大片牛肉，每片肉質都鮮嫩多汁，鍋內仲配搭左新鮮的冬菇、本菇、豆腐、温泉蛋、芋絲同蔬菜🥬可以中和牛肉嘅油膩感，用黎送飯一絕。 3️⃣ 雪村壽司御膳 $288 呢個壽司set好值得推介，有12件精緻岀色嘅壽司🍣同烏冬，特別係鍾意食吞拿魚就必點，因為有齊赤身、中拖羅同大拖羅🐟大拖羅入口即化，另外仲有海膽軍艦、蔥吞拿魚軍艦、三文魚籽軍艦、油甘魚、金線鯛、卷物等，當中海膽鮮甜，三文魚籽爽脆爆汁，用上都係最高級嘅食材，所以cp值極高。 總的來說，餐廳座位舒適，服務唔錯，最重要係食物質素中上，加上多款食品連周末都有優惠，所以值得一試。 #foodie_couple_hk_sm816

餐廳位於Isaquare，位置非常方便，設計主打木系田園風，食物都係以健康天然菜式為主，入面仲有好多小盆栽，種左好多小菜苗，可以實踐環保♻️嘅理念，供食客食用。


叫完主食後，店員會先送上餐包🍞仲要係暖嘅，應該係以甜麥包為基礎，好有麥香味。


1️⃣ 海鹽香茅焗原條盲鰽 $318（需預訂）
呢道菜需要預早一日訂，係一個值得試嘅菜式，盲鰽🐟用左海鹽烤焗，上枱時整條魚都喺啲鹽入面，店會會提供錘仔🔨俾食客用黎扑開啲鹽，有得玩又有得食，之後店員仲會幫手切開魚皮，就見到白雪雪嘅魚用，聞到好香嘅香茅同檸檬味🍋魚肉嫩滑多汁，點埋泰式青醬就更好食😋


2️⃣ 烤焗威靈頓羊柳 $328
平時威靈頓牛扒就見得多，但係威靈頓羊柳🐑就真係第一次食，酥皮好香脆，裡面包住條羊柳條，切開仲係有啲微紅同肉汁，火候控制得好好，肉質軟腍而且羊味濃郁，仲渗岀不少菌香，伴碟仲有不少蔬菜同薯餅👍🏻


3️⃣ Hazelnut Berries 跟餐+$34
食左咁多肉，一於就叫返杯果汁解解膩，👱🏼‍♀️叫左呢杯smoothies，係用左藍莓🫐雪梨、榛子🌰再加上蜜糖🍯打成，滋潤得黎又健康，而且味道仲好清新，正！


總的來說，餐廳環境非常舒適，而且地理位置方便，食物有質素，晚市仲有 75折優惠，值得回訪。

平時行街都少不了一杯台式飲品，今次就介紹呢間春芳號，沿於台中，近年開到過黎香港，至今已經有10間分店，佢地嘅茶飲有超過50款選擇，而且仲會有期間限定茶飲，最正嘅係啲特製花花杯，款款都勁精緻，打卡一流📸 1️⃣ 蘋果蘆薈綠 $36 好香蘋果味🍎蘆薈爽口又清甜，唔係平時嗰啲好啫喱果種質感，飲落好fresh，而且相當解渴。 2️⃣ 玉荷青蘆薈蜜 $38 呢杯係店舖no.1推介，「玉荷」其實係荔枝，茶底用上台灣嘅四季春，帶有淡淡嘅梔子花香，👱🏼‍♀️點左半糖，飲落去啱啱好，唔會太甜👍🏻 3️⃣ 榛果奶茶 $32 最新推岀左奶茶系列，梗係要試下啦，有3款口味，包括牛奶糖、拖肥和榛果味，口味都偏甜，建議點半糖會比較輕盈，棒球場榛子🌰口感香濃，並帶有一點烘培嘅香氣，值得一試。 #foodie_couple_hk_sm816

荃灣真係好多商場，而且仲好多野食，大壩街選擇就岀哂名，今次想食得簡單啲，加上天氣又凍❄️最啱食啲熱辣辣嘅湯麵🍜呢間Broth Noodle Rice，主打唔加味精嘅養生湯底，例如濃雞湯、鮮魚湯，最適合想食得清淡又想健康嘅朋友仔，主食仲可以揀淮山麵、泡飯🍚米線等。 1️⃣ 藥膳花膠釀魷筒淮山麵 $88 天寒地凍，食返個藥膳湯底就啱哂喇，好香藥材味同胡椒味，非常暖胃，配料都唔少，有雲耳、玉米筍🌽等，個油炸鬼本身好脆，浸落湯到一齊食，吸收埋個湯底去食仲正，主角嘅花膠好大塊，而個魷筒🦑入釀滿墨魚滑，爽口彈牙，好鮮味，而個淮山麵質地綿軟，爽滑富彈性，正呀👍🏻 2️⃣ 花膠雞濃湯淮山麵 $82 呢個雞湯好香濃😋但唔會好油膩，份量依然十足，滿滿嘅雞肉同大大塊花膠，最驚喜係啲雞肉🐓超嫩滑，非常難得，幾十蚊嘅價錢有咁嘅質素，真心抵食！ 3️⃣ 豆漿 $18 總的來說，餐廳光猛，坐得舒服，全程用qr code📱落單，非常方便，而且食物份量十足又好味，可惜嘅係當晚去到手工韭菜餃已售罄，無得追加，下次一定會試下。 #foodie_couple_hk_sm816

啱啱過左聖誕節，唔知大家去左幾多個party呢，等小編今次介紹個私心推介，等大家多個地方去享樂😁 呢間酒吧位置非常方便，非常近銅鑼灣地鐵站，而且走科幻Cyber路線，設有霓虹燈、遊戲枱👾而且佢仲有個戶外大露台，環境好chill，酒吧亦提供多款小食、主食、Cocktail、Mocktail，啱晒一大班朋友去玩💃🏼🕺🏼 1️⃣ 風乾火腿芝士拼盤 $128 飲酒必備梗係芝士🧀️同ham，估唔到有滿滿一大碟，有2款芝士🧀️同2款ham，款式比想像中豐富，火腿食落好咸香，芝士都好香濃，配酒真係絕配👍🏻 2️⃣ 蛋汁卡邦尼意粉 $98 非常足料，有洋蔥🧅煙肉🥓蘑菇🍄意粉🍝煮得剛好，醬汁好掛麵，仲好濃郁香口🤤 3️⃣ Dear $118 呢度嘅cocktail每杯都好IG-able，👱🏼‍♀️點嘅呢杯充滿少女心，酒杯好似個星球咁，主要用左Vodka同荔枝酒，酒味唔會太重，反而有好香嘅荔枝味，非常清爽，好適合女生飲用。 4️⃣ The Water of Life $118 呢杯同樣用左Vodka做base，再加左青瓜🥒青檸、蘋果🍎蜂蜜🍯調配而成，飲落非常refreshing，用上高身杯，睇落好高貴。 總的來說，酒吧環境非常舒適，空間感十足，最主要提供到美酒同美食，無論係食物定cocktail🍹都做得好好，職員服務亦非常良好，所以小編非常推介呢間舒適又放鬆嘅酒吧俾大家。 #foodie_couple_hk_sm816

近來有多間茶食店都推出檸檬茶，而呢間就推岀左反樽仔設計嘅飲品，別具特色，而且佢仲有多款茶底可以選擇，包括桂花、茉莉、紅茶、鴨屎香茶，可以自由搭配。 🔸檸茶氣泡多多 $46 呢杯係佢地嘅招牌，更係人氣首選，飲品由香水檸檬茶、梳打水同乳酸調配而成，用左「香水檸檬心」經人手錘打，檸檬香氣特別濃郁又清甜，比一般黃檸檬🍋少了點酸澀，乳酸裝滿喺個樽仔，反轉插係蓋上，一路飲一路會自動流入杯中，乳酸嘅酸甜配合手打檸檬茶嘅茶香，味道平衡得好好，再埋梳打水嘅氣泡後，層次更豐富🤤 🔸香檸青提啵啵 $41 好少見到用青提整嘅飲品，香水檸檬配上青提嘅酸酸甜甜，茉莉花茶🍵亦有陣陣清香，非常清新，杯低仲有不少青提肉，而啵啵其實係寒天球，咬落好Q彈有咬口，份量十足，啱曬一邊掃街一邊飲。店鋪旁邊仲有一整面擺放左粉紅色網球同梳打水樽嘅打卡牆，可以瘋狂影相打卡📸️ #foodie_couple_hk_sm816

葵廣除左係女士們嘅購物天堂🛍️外，仲有唔少美食，更被譽為「掃街天堂」。 呢間專門店主打自家製西班牙🇪🇸油炸鬼 Churros，製作多款唔同口味特色嘅兔耳朵🐰形狀 Churros，店主係兩姊妹經營的，更曾去西班牙取經，研發岀能迎合香港人口味嘅Churros，而且再添創意，調製出多款配料及沾醬，包括經典港式奶醬配爆炸糖、鹹蛋醬配芝士脆片等，一定要去試一下。 🔸白皇后夢想世界 $55 材料包括： 喜馬拉雅粉紅鹽糖霜 雲呢拿雪糕 海鹽焦糖醬 海鹽焦糖脆脆 糯米糍 杏仁粒 滿滿一杯，有兩球好大嘅手工雲呢拿雪糕，加上即叫即炸嘅churros，仲有幾塊焦糖脆脆同幾粒糯米糍，杯邊仲沾滿焦糖醬，一定要影張靚相📸️首先churros咬落外脆內軟，雲呢拿手工雪糕口感有啲似雪芭，而糯米糍煙煙韌韌，配合埋一齊真係有好多層次，整體甜度比較高，非常適合女仔食用👱🏼‍♀️最欣賞佢地好多野都係自家人手製作，如：海鹽焦糖脆脆、糯米糍、海鹽焦糖醬、雲呢拿雪糕等，食落特別好味😋 #foodie_couple_hk_sm816

呢間喺斜路中間嘅cafe bar，好有特色，中午🕛提供咖啡，而四點開始就有cocktail供應，可以去chill下☺️


佢地呢期推岀左「灶神」系列嘅cocktail，結合咗亞洲同本地嘅元素，4款特色 cocktails 分別以咸檸水、京蔥、薑醋同潮州辣椒為主題，好有心思，非常適合帶外國朋友黎品嚐咁有東方特色 嘅cocktail🍸


餐廳有張有L枱，bartender 好熱情同詳細咁介紹每款cocktail嘅用料同味道，仲即席喺你面前調配，都係一大視覺享受。


1️⃣ Salted Lime Highball $118
呢款個base用左陳皮浸泡嘅whisky🥃再加入少許蔗糖汁、咸檸同梳打水，杯面再放左粒咸檸，如果唔夠味可以自行加入，飲落去感受到陳皮嘅香氣同咸檸嘅味道，非常清新同開胃👍🏻


2️⃣ Keung Sour $118
喺bartender 調酒期間，見到佢拎枝八珍甜醋岀黎，佢再介紹呢杯cocktail非常適合鍾意豬腳薑嘅朋友仔😍入口酸酸甜甜，再配上Ginger Ale 帶來嘅碳酸感，再之後會飲到薑汁🫚微微嘅辣勁，邊飲邊吃隨杯附上嘅薑糖更加別有一番風味。


3️⃣ Chiu Chow $118
呢杯相比起之前2杯較為濃味，所以放喺最後先飲，杯邊沾滿四川麻辣粉同韓國紅椒粉🌶️再加上幾滴潮州辣椒油，用左Gin酒做base，加埋新鮮檸檬汁🍋調製而成，入口嗰時有啲辣，好過隱，而且又唔會太嗆，做到恰到好處👱🏼‍♀️非常欣賞呢個配搭！


4️⃣ Mini Martini Set $160
🔸Mume
主要用左清酒同梅酒，非常清新芳香，又易入口，味道偏甜。
🔸Orchid
味道偏濃，主調係 vodka，酒精成份較高，飲落帶點草本🌿同花香味。
🔸Reverse
以呢杯作結，不作解釋，快啲黎試下啦！


總的來說，環境舒服夠chill，Bartender 講解清晰，而且可以全程睇到調酒嘅過程，非常適合朋友們放鬆閒聊嘅好地方。

銅鑼灣有好多唔同嘅食肆，但呢條唔太起眼嘅小街其實都藏有唔少小店，加路連山道除左會去香港大球場🏟️時經過，更有不少人氣小店，包括丹麥餅店、氷屋🍧滷友記等，不過小編今日唔係介紹佢地，而係一間新開嘅川菜麵店。 佢地店面唔大，大概只有20個位左右，仲喺試業階段，餐廳提供多款麵食，如担担麵、炸醬拌麵、麻辣牛肉米線等，lunch set仲可以追加小食，另外佢竟然有隱藏菜單📜係湯飯set，連個湯都可以飲埋。 1️⃣ 漁稼酸菜魚片米線🍜 $62 當然叫佢個必食推介，個湯好香，係師傅每日新鮮熬製嘅魚湯，帶酸同極微辣，魚片都唔少，幾足料，仲配有大量酸菜、芽菜和幾片花瓣，帶來點點清香，最正係佢有得免費轉手工麵，食落有啲似上海麵，好滑身，魚片已去骨，而且都幾爽口，唔會好易散開，如果個湯可以辣多少少🤏就更惹味了。 2️⃣ 飲品 +$4 飲品只有罐裝飲品和豆漿，跟餐可以優惠價加配。 🔔而家只要follow佢地IG 同like post❤️就可享有全單9折，堂食和外賣都有架👍🏻 #foodie_couple_hk_sm816