淥烚年代

營業中

休息中

網上睇到有人介紹呢間 淥烚年代 , 見近日秋風起 , 氣溫開始稍為微降 , 就諗住趁星期日相約家人打個邊爐取名有趣食字  該店位於2樓 , 甫一進店內與想像中的懷舊佈置不同裝修行現代風格中滲多少懷舊感 , 所有家具都好簇新 , 酒櫃靚 , 環境乾淨企理 , 座位十分闊落 坐得舒適, 亦有數間細房招呼客人店員亦殷勤有禮 , 因到達時時間尚早 , 我們是第二枱餐牌簡而精order左唔夠5min , 就有野陸續上枱羊肚菌海參燉雞湯 $208 - 養生燉湯 , 湯底清甜而不油膩 , 飲完全部都不覺口渴, 相信沒有落味精, 且湯量好多 , 可倒出滿的8-9碗 , 食材的量更為驚人 , 瘦肉 , 雞件 , 海參等燉得入晒味 , 尤其海參值得一讚 , 先飲晒鍋中的湯後再讓店員加湯打邊爐水魷 $68 - 切好一塊塊 , 肉質彈牙爽甜 , 吸湯一流 , 正養顏桃膠餃 $88 - 非常特色的餃 , 內餡是桃膠 , 素有平價燕窩之稱 , 固有養顏美容功效 , 味道少鮮甜而啫喱狀 , 第一次試食此新奇水餃八吋日本蟹柳 $78 - 超長 , 仲長過對筷子 , 肉質非常鮮甜 , 味濃而不帶冰鮮味三寶丸 $98 -

對香港九龍新界都佈滿集團式的食肆開始厭倦，尖沙咀發現新驚喜🤩一間性價比高又用心製作的火鍋料理👍🏻被懷舊又有趣的名字吸引了《淥烚年代》，雖然是樓上鋪，但地點十分方便。位於每日人山人海的海防道，鋪內裝修也是懷舊風適合打卡影相。店內還可有獨立房間，絕對是三五知己或親友門飯聚的好地方！餐牌上多款養生保健燉湯，選擇困難既我們已經約好下次要試其他款式的燉湯😋驚喜係燉湯除了足料外，味道十分鮮甜！對味精過敏既我，好耐未試過係屋企以外嘅地方飲湯啦🥰 連平時唔太喜歡飲湯既小朋友都飲左兩碗湯！精美火鍋料理都睇得出廚師的心機，三色手打丸和餃子🥟外觀及味道也是一流👍🏻三色丸除了彈牙，還保留原有肉質既味道。牛肉份量大碟，而且賣相肉質都值得一讚👍🏻除了火鍋料，還有串燒及小食。其中一款小食係油炸鬼裡釀蝦膠，又脆口又美味！伴酒小食一流👍🏻用心經營的火鍋店，我地一定會繼續支持我地發現除了火鍋外，中午有燉湯蒸飯😋還可以提早預訂私房菜我地已經訂定下次再黎食過🤭

尖沙咀新開打邊爐店，啱晒而家天氣凍凍地嘅秋天，而且地點位置十分方便店舖新開，裝修比傳統邊爐店靚，有特別嘅格調材料係逐碟叫，雖然比任食邊爐貴，但係食物質素極高而且不錯👍🏻首先會自選豉油配料，有九項嘅選擇湯底可選雙拼右面係芫荽皮蛋左邊係麻辣鴨血麻辣鴨血湯底都幾足料，有好多舊鴨血和豆腐，吸盡湯底精華， 十分正，但注意有少少辣🌶，食到先好叫本地新鮮牛肉 小份牛肉超級靚，色澤和肥瘦亦均勻、高質不錯，唔會太肥，入口亦很嫩，肉味重，唔似係急凍冰鮮🐮五寶丸手打丸，每一粒丸入邊仲有饀包括牛肉、豬肉、蝦滑、墨魚丸等，粒粒唔同，入口彈牙，睇得出店舖用心製作❤️店舖食材打卡亦別出心思，賣相十分吸引餃子亦包括養顏桃膠餃帶子餃、奶皇餃粒粒精緻💗👍🏻😆

呢間火鍋舖喺尖沙咀嘅樓上鋪，比較少人，想靜靜哋打邊爐啱晒～食物嘅選擇都係大路嘢，選擇都唔少。開波打邊爐之前梗係要混醬先！醬料有各款嘅蒜！我最鍾意西芹粒！今晚要咗個芫荽皮蛋湯底，清清地都唔錯。打邊爐梗係要食牛肉啦，牛頸脊性價比高！$258 嘅份量都唔少，兩個人食啱啱好。牛頸脊嘅脂肪比例好好，唔會太油，肉味亦都濃郁。之後仲要左其他火鍋料，每碟幾十蚊。我哋覺得最好味係脆肉鯇，真係非常爽口！仲有豬潤都幾好，如果可以厚切啲就更加好。最後食個菜。飲罐啤酒，咁就差唔多啦

Happy Saturday!!呢日諗住帶屋企人去食好西一早book定呢間新開嘅樓上打邊爐/私房菜因為新開冇幾耐 暫時未有私房菜menu但一班人打邊爐會開心啲😆想避開人潮 所以book左5點幾去食 有包場嘅感覺xd上到去發現裝修好靚碗碟都好精緻Staff好熱情好用心 不時幫我哋加水加湯收碟Menu選擇非常多先選燉湯湯底3款燉湯都非常滋潤四季都好啱食最後要咗鹿茸菌燉花膠湯$188先飲湯 非常甜非常好飲飲得出係真材實料 冇落味精湯料有大量花膠、鹿茸菌、雞肉同豬肉非常足料花膠大塊又彈牙 食完即刻覺得好多膠原蛋白😆然後就可以開始打邊爐先食安格斯牛肉（大）$288份量好巨型好正 雪花分佈平均擺盤好靚 打卡超級正烚2下就食得 牛味好濃郁 肉質軟嫩🥰三寶丸$98金沙牛丸好有驚喜牛丸食得出係手打 非常彈牙入面有咸蛋黃 味道超級豐富黑松露豬肉丸同樣爽口裡面包住黑松露 好香好好食柚子墨魚丸 同樣好surprise柚子味道清新 夾埋墨魚丸嘅鮮味 正！😋炸響鈴$58好脆 每一層比外面食嘅薄 所以脆度增加淥一淥就食得 吸晒湯頭嘅香甜 口感同味道都一級棒😎雙拼餃$128鮮蝦雲吞食得出係人手包嘅蝦勁大隻 肉同雲耳都

朋友擺60歲大壽，揀咗呢間位於尖沙咀嘅淥烚年代叫我哋一齊慶生。餐廳唔算好大，不過就有獨立房間，活動板可隨意調校，一圍定三圍都冇問題。調味盤都擺放得相當精緻，仲有齊生熟蒜、芹菜、芫荽、蔥、薑蓉、紅椒、洋蔥、芝麻等，夠晒繽紛。年紀大咗要養生，揀咗個好正嘅鹿茸菌燉花膠湯，湯水清得嚟又夠滋潤，我哋連湯渣都食埋，一啲都唔嘥。近乎飲到落煲底之後，就另外加湯開始打邊爐。打邊爐梗係要食牛，我哋揀咗牛頸脊，口感一流，而且佈滿雪花，雖然只係屬於細份，但份量一啲都唔少，我哋四個人食都夠晒數。自家製嘅肉丸可以雙拼，拼寶丸我哋就分別揀咗黑松露豬肉丸同埋柚子墨魚丸。柚子墨魚丸上面鋪有蟹籽，雖然肉眼見唔到柚子，但咬落彈牙之餘亦有陣陣嘅柚子香。黑松露豬肉丸入面係包心嘅黑松露醬，放入口入面之後整個口腔都充滿着黑松露嘅香味。另外我哋仲叫咗好多款其他配料，枱上嘅拱形架慳位得嚟賣相仲好精緻，搞到我都想喺屋企整返個。活海蝦總共有六隻，每隻海蝦都好新鮮，肉質爽脆，一隻隻串好之後方便進食。牛柏葉非常爽口，而且切得相當工整。我就最鍾意食水魷魚，水魷魚應該本身相當大隻，所以切起一片片都好大片，另外仲有魷魚鬚，最鍾意食咁爽口嘅水魷魚。朋

新店開張，都係朋友推介比我先知！裝修幾modern，仲特設vip房，有派對🎉可以book房一齊shabu shabu!沙嗲火鍋湯底，好濃郁，晚上都吾口渴，所以應該唔重味精。叫沙嗲湯底，當然要叫啲食物係可以索晒啲汁，我叫左豬肚、牛柏葉、豬皮、黑木耳，全部好爽口，越煮越入味！豬大腸成日係街邊都會叫，估唔到打邊爐碌豬大腸又有另一番味道，豬味會再突出啲，而且洗得好乾淨，所以食得好放心。水魷口感煙韌有嚼勁，𠝹花後更美觀，加上沙爹汁係絕配😁脆鯇魚片整成玫瑰花，很有心思，食落有少少骨，但幾新鮮且厚身。我最開心係店員會將啲食材放喺條橋上面，擺盤好美。每款食材都砌得好似藝術品咁👍🏻👍🏻👍🏻鮮蝦雲吞有大大隻蝦係入面，好彈牙，又大粒，足料。牛頸脊份量不少，有15塊。牛肉味好濃，鮮嫩，充滿油花，牛魔王必食~白菜苗完全不是小苗，每棵都好茁莊🥬整體來講，無可挑剔，食得出係優質食材

今日同朋友去尖沙咀行街，睇完場戲諗住喺附近搵啲嘢食下，無意中發現一間新開嘅火鍋店非常吸引即刻去試吓。淥烚年代，地址係尖沙咀海防道32-34號寶豐大廈2樓。上到去餐廳，裝修得非常整潔，而且坐位嘅空間好闊落坐得好舒適。坐低店員好熱情嘅招待我哋問我哋鍾意食啲乜，店員推介我哋叫咗個鹿茸菌燉花膠湯底打邊爐，188元。首先先來一個九種配菜嘅調味任君選擇，我最欣賞佢有洋蔥粒，好少地方可以食到湯底嚟到店員會將啲雞，花膠夾出嚟俾我哋食咗先，跟住就係飲咗啲湯先。湯底非常香甜，帶有濃郁嘅雞湯昧，花膠味道亦都好出，湯底有啲黏口。飲完個湯真係覺得好正，又暖胃叫咗幾碟餸打邊爐，餐廳用一個好似天橋襯托住，將啲餸放到好靚。淨係賣相已經非常吸引。脆肉鯇腩真係我嘅至愛，入口魚肉味香濃，而且非常爽口，每一啖都食到脆肉鯇嘅鮮味，爽口彈牙，完全冇魚嘅腥味豬膶非常新鮮，等一陣已經可以食，入口香甜，口感非常特別。另一個拼寶丸都係做得好出色，黑松露豬肉丸拼柚子墨魚丸，墨魚丸做到好爽口彈牙，最正就係有柚子嘅鮮甜味同墨魚丸融為一體味道非常鮮甜。黑松露豬肉丸味道層次好豐富，加上我自己又鍾意食黑松露，整粒豬肉丸都好香而且仲好多汁。好值得推介

六十年代令人回想，而“淥烚年代”卻令人回味。呢度基本嘅火鍋食材都有提供，高質素嘅牛肉、豚肉、新鮮嘅海鮮以及自家製手打丸同特色餃子等等。點好食物後，店員會拎一個九宮格嘅調味盒俾你去調配合適自己嘅醬油。九宮格有辣椒、蔥粒、芫荽、香芹、生蒜、炸蒜、薑粒、洋蔥、芝麻，總有一款啱口味。火鍋店裝修雅致，地方唔算大，但勝在座位寬躺空間感十足，而且仲有房間提供夠曬私穩，想同多幾個朋友嚟打邊爐，真係可以自成一角。今晚揀咗一個特色嘅沙嗲火鍋湯底，湯底極為濃郁，非常惹味！牛頸脊脂肪分佈平均，紋理清晰，肉質嫩滑，牛味濃郁，味道令人無可抗拒。拼丸 (黑松露豬肉丸 / 柚子墨魚丸)豬肉丸里面有松露醬，入口帶松露味。墨魚丸爽口彈牙，配上柚子，味道清新又有特色！水魷味道清甜爽滑，淥熟後變成魷魚卷，原來魷魚片𠝹咗花，望落好睇，食落爽滑。脆鯇魚片魚片新鮮，厚度適中，入口爽脆彈牙。大花甲好鮮甜完全冇沙，大大隻新鮮好味。田園盛蔬菜盒內非常豐富，粟米、蕃茄、金菇、冬菇、香菇、菜心、生菜、油麥菜，樣樣都好新鮮。

今晚2個人去左打邊爐，openrice見到呢間邊爐啲野好精緻所以走黎試下。坐低左之後侍應姐姐幫我地倒豉油同拎左個盤黎俾我地加豉油配料，侍應姐姐好nice，上每道菜都會話俾我地知係咩黎，仲同我地講笑，我地想食雞煲佢又會問我地食唔食得辣，俾番啱我地既辣。講下個雞煲先，師傅喺廚房炒到好香先上枱，個煲一黎已經聞到好香，佢個汁好燶但唔係鹹，而且啲雞好入味，同埋真係好多雞，食黎食去都食唔完。不過我想講雞煲入面既菇都好出色，索哂啲汁簡直係一流!食緊雞煲既同時上埋個日本海魚刺身，個刺身好新鮮，個盆仲可以著燈好靚~ 姐姐話佢地定期會喺日本入啲新鮮海魚番黎，有唔同既size，呢個刺身真係好好味~個雞煲食到咁上下就加水打邊爐，我地另外仲叫左牛頸脊、鮮蝦雲吞、桃膠餃、8吋長既蟹柳同雜菜盆。牛頸脊好靚，肉同脂肪既比例好均勻，而且入口仲好滑好有牛肉味。而佢個蟹柳上台時我地都嘩左一聲，因為真係好長，而且一啲都唔粉，好味!最後要講下2個餃，其實佢啲餃都好大粒同好飽滿，鮮蝦雲吞隻蝦好大。而個桃膠餃真係好出色，佢其實係一個素餃，入面有冬菇、蘿蔔、椰菜同桃膠，粒桃膠都幾大下，但我鍾意佢個口感，好爽口~ 我覺得個雞煲個汁真係

假期前同 C6 去食火鍋, 可以享受二人世界, 慢慢嘆.餐廳名雖然係淥烚年代 (取其音60年代), 但一 d 都唔 old, 裝修簡約舒適.有種高雅嘅感覺.主角係個龍皇海鮮湯鍋, 職員小姐話一定要飲個湯, 係用新鮮龍蝦, 鮮蝦, 蜆, 帶子等海鮮制成的, 所以特別鮮甜美味, 果然無介紹錯睇下海鮮嘅份量大大粒帶子牛肉, 雜丸, 鮮粉腸, 豬肚, 魷魚新鮮蔬菜新鮮牛肉, 唔肥食落唔靭墨魚丸好彈牙, 豬肉丸也不錯仲有這個擺設精緻嘅調味格, 有香蒜, 薑蓉, 香蔥, 辣椒粒......想知仲有乜醬料, 自己嚟試下就知

尖沙咀樓上高質養生火鍋店 朋友介紹呢間打邊爐 今日終於可以嚟試吓 好鍾意佢嘅裝修 色調清雅 坐得好舒服 😌😉 鹿茸菌燉花膠湯$188 湯底我哋叫咗個花膠燉湯 秋風起 補一補先🤣廚師介紹我哋 先飲湯 湯底真係足料 有花膠 雞肉 雞腳鹿茸菌 相當清甜 😋 鹿茸菌索左啲花膠湯 真係特別好食 花膠大大塊 都有好幾塊😎 飲完兩碗湯之後 開始打邊爐😉😉 牛頸脊（細）$258 超靚嘅部位 肉質鮮嫩肥美 油脂分布均勻 好重牛味 食完之後 口有餘香😋 打邊爐必叫的丸類🥳清酒蝦丸 $88金沙牛丸 $88黑松露豬肉丸$88 丸類全部自家手打 食落有驚喜 用料上乘 😍金沙牛丸原來裏邊有鹹蛋黃 非常Q彈👍 自家製餃子🥟🥟養顏桃膠餃 $88帶子餃 $118蟹黃餃 $118每款都好食 我都係第一次食帶子餃🥟 非常足料 特別好食 😋 田園鮮菌盛$108叫一個菜拼盆就啱晒 啲菜樣樣都好新鮮 擺盤又靚 啲粟米都特別清甜 讚👍 完美的一餐😎🥰 🎈淥烚年代 (尖沙咀)尖沙咀海防道32-34號寶豐大廈2樓kfoodie #hkfood #hkfoodblogger #hkfoodlover #香港美食 #香港必食 #

由海防道貫穿亞士里道條小秘道，竟然都有隱藏餐廳，見到有居酒屋，而二樓就係淥烚年代打邊爐。應該岩岩新開無耐，環境新淨企理光猛，見佢仲有包箱房仔，一大班人黎卜定間房就開心d。必備九宮格調味盤👍🏻麻辣鴨血🌶併芫荽皮蛋湯底🥬一放低個鍋就聞到好香麻辣味，鍋內有鴨血，蜂巢豆腐同埋京蔥，豆腐索哂湯最正😋🥩本地新鮮牛肉🥩手切鮮牛，脂肪唔多，有厚度得黎唔會韌，好好口感，牛味突出。依度d丸同餃🥟都係手工野，叫左幾款試下👉🏻牛肉丸，蝦丸，墨魚丸，手打丸都係真材實料，牛肉丸好食重牛味，蝦丸同墨丸特別彈牙😋帶子餃同蟹黃餃，皮薄餡靚，最特別係依度有桃膠餃，粒粒桃膠用黎做餃子餡又幾得意，有q彈口感😋 🐟脆鯇魚片🐟堅新鮮！好少食到真係咁脆口既鯇片，有鮮味🐟🦀8吋長蟹棒🦀長度同個鍋差唔多😂平時中意食蟹棒既話就爽，大大啖唔洗懢勁滿足😎又索到湯好好味😋🥬田園盛🥬最後好飽都要食埋d蔬菜🥬夾埋都有六至七款菜同菇，仲有蕃茄🍎粟米🌽回頭指數高👍🏻

朋友推薦，今日同老公去試下，果然無介紹錯！每一道都有驚喜嘅感覺😌好高質樓上店，但唔難搵，沿住海防道向海港城方向行，好容易就搵到新開張一個月，裝潢摩登，座位闊落5:45上去，無咩人，座位任選，6點半後陸續有人入座一坐低，店員就送上九宮格配料，常見嘅芫茜、蔥、蒜都有，亦有平日少見嘅芹菜不同類型嘅配料齊全驚喜嘅開始❤️湯底：鹿茸菌燉花膠湯 $188好好飲，好香菇菌味，湯入面有鹿茸茵、花膠、雞腳、瘦肉、紅棗、枸杞飲左2碗，店員倒入豬骨湯做火鍋湯底，其實好唔捨得加豬骨湯入去，因為個湯真係好好飲安格斯（小）$198好重牛味，就算淥耐左，都唔會靭黑松露豬肉丸$88、清酒蝦丸$88、柚子味墨魚丸$88每種丸都好彈牙，手打嘅口感，絕不死實三款嘅調味都有驚喜，其中最喜歡嘅係墨魚丸，墨魚丸中心係日式柚子鹽醬，估唔到中式火鍋配料會用到日式調味，但同墨魚丸好夾，即刻小清新左！豬肉丸嘅黑松露味同蝦丸嘅清酒味都濃淡得宜👍🏻蟹皇餃$118、養顏桃膠餃$88每隻淥起都脹卜卜名貴海鮮拼盤$768原隻澳洲龍蝦、6隻海蝦、6隻大蜆，還有桂花蚌和珊瑚蚌龍蝦除了啖啖肉，肉質彈牙，還有好多膏！好香！海蝦用竹籤串起，大大隻，肉質彈牙，

✨椰子雞鍋超級有誠意，竟然係包咗半隻雞！而唔係好似出邊嗰啲餐廳得幾舊！呢個湯底偏向清甜！職員仲有禮貌咁介紹呢個湯底用上海底椰、椰青水，夠晒天然！✨菠菜蒟蒻麵質地好彈牙，而且卡路里夠晒少！✨養顏桃膠餃第一次食咁新奇嘅餃子！煮熟咗之後會呈現橙色因為餃子皮夠薄，見到入邊啲餡料！朋✨新鮮豬潤比較厚切，而且冇血腥味代表非常新鮮！✨黑松露豬肉丸簡直係今次嘅亮點，因為真係好好食！豬肉丸竟然好滑，而且一開已經爆多黑松露！✨日本黑豚肉造型非常有心思擺盤好似朵玫瑰花！半肥瘦，真係超正，入口即溶！✨鮮蝦雲吞今次嘅第二個亮點！好似乒乓波咁大，而且肉質好結實！唔會一咬就散開，同埋用上好大隻蝦！✨清酒蝦丸真係有啲有清酒未到，唔係講笑😀😀✨柚子墨魚丸墨魚丸好彈牙，仲食到墨魚粒而且唔多粉漿！入邊柚子味道就有啲似平日柚子蜜嘅味道！✨田園盛洗得好乾淨，啲菜好似靚到發光咁！同埋都係好柔嫩嘅蔬菜，所以冇渣！環境係新裝修，所以坐得好舒服😆😆