影片
更多
2022-10-09
673 瀏覽
今日同朋友去尖沙咀行街，睇完場戲諗住喺附近搵啲嘢食下，無意中發現一間新開嘅火鍋店非常吸引即刻去試吓。淥烚年代，地址係尖沙咀海防道32-34號寶豐大廈2樓。上到去餐廳，裝修得非常整潔，而且坐位嘅空間好闊落坐得好舒適。坐低店員好熱情嘅招待我哋問我哋鍾意食啲乜，店員推介我哋叫咗個鹿茸菌燉花膠湯底打邊爐，188元。首先先來一個九種配菜嘅調味任君選擇，我最欣賞佢有洋蔥粒，好少地方可以食到湯底嚟到店員會將啲雞，花膠夾出嚟俾我哋食咗先，跟住就係飲咗啲湯先。湯底非常香甜，帶有濃郁嘅雞湯昧，花膠味道亦都好出，湯底有啲黏口。飲完個湯真係覺得好正，又暖胃叫咗幾碟餸打邊爐，餐廳用一個好似天橋襯托住，將啲餸放到好靚。淨係賣相已經非常吸引。脆肉鯇腩真係我嘅至愛，入口魚肉味香濃，而且非常爽口，每一啖都食到脆肉鯇嘅鮮味，爽口彈牙，完全冇魚嘅腥味豬膶非常新鮮，等一陣已經可以食，入口香甜，口感非常特別。另一個拼寶丸都係做得好出色，黑松露豬肉丸拼柚子墨魚丸，墨魚丸做到好爽口彈牙，最正就係有柚子嘅鮮甜味同墨魚丸融為一體味道非常鮮甜。黑松露豬肉丸味道層次好豐富，加上我自己又鍾意食黑松露，整粒豬肉丸都好香而且仲好多汁。好值得推介
淥烚年代，地址係尖沙咀海防道32-34號寶豐大廈2樓。上到去餐廳，裝修得非常整潔，而且坐位嘅空間好闊落坐得好舒適。
坐低店員好熱情嘅招待我哋問我哋鍾意食啲乜，店員推介我哋叫咗個鹿茸菌燉花膠湯底打邊爐，188元。
首先先來一個九種配菜嘅調味任君選擇，我最欣賞佢有洋蔥粒，好少地方可以食到
湯底嚟到店員會將啲雞，花膠夾出嚟俾我哋食咗先，跟住就係飲咗啲湯先。湯底非常香甜，帶有濃郁嘅雞湯昧，花膠味道亦都好出，湯底有啲黏口。飲完個湯真係覺得好正，又暖胃
叫咗幾碟餸打邊爐，餐廳用一個好似天橋襯托住，將啲餸放到好靚。淨係賣相已經非常吸引。
脆肉鯇腩真係我嘅至愛，入口魚肉味香濃，而且非常爽口，每一啖都食到脆肉鯇嘅鮮味，爽口彈牙，完全冇魚嘅腥味
豬膶非常新鮮，等一陣已經可以食，入口香甜，口感非常特別。
另一個拼寶丸都係做得好出色，黑松露豬肉丸拼柚子墨魚丸，墨魚丸做到好爽口彈牙，最正就係有柚子嘅鮮甜味同墨魚丸融為一體味道非常鮮甜。
黑松露豬肉丸味道層次好豐富，加上我自己又鍾意食黑松露，整粒豬肉丸都好香而且仲好多汁。好值得推介。呢個價錢食到咁新鮮嘅食材，尖沙咀真係好難搵到，所以好值得推介
張貼