淥烚年代

營業中

休息中

估唔到火鍋店門市都會有抵食蒸飯，套餐仲有料湯水而且湯水嘅材料相當豐富。雖然係蒸飯但係食材用料都不馬虎，我就叫左蟲草花北菇蒸雞飯，雞肉用左雞脾肉而且整得好入味，蟲草花好多同好香，北菇就吸晒雞汁嘅精華，飯粒粒均勻唔會太濕同太乾，食落去仲有飯嘅米香。加咗$10杯轉羊肚菌海參燉雞湯，估唔到裏面仲有大大條海參， 十分足料同有驚喜，而且個湯好甜感覺好滋補同養顏，送到枱上面仲係熱辣辣，新鮮出爐好好飲，最啱就係依家轉冬天嘅時候飲。朋友就叫咗桃膠肉餅蒸飯，估唔到呢個配搭又幾好食，而且佢份量多肉餅整得好厚。完全係足夠男士食嘅份量。川貝海底椰鱷魚湯嘅湯頭亦都好甜好滋補而且裏面材料好足料，午市樓上舖又可以坐得舒服，價錢合理，所以午餐來TST會再來食，飲佢個靚湯。