柴夫人魚館

營業中

休息中

喺尖沙咀呢頭返工最近行過見到大大隻字寫豆花魚嘅新店🤩環境好新淨、光猛💡冷氣夠，枱數唔多，有梳化位同卡位🛋️紅色裝修為主，有助增加食慾🏮🪭2-3人可以直接揀全份嘅豆花魚🐟分別有酸菜/香辣/番茄幾款湯底唔想食魚係可以揀雞嘅🐔人多怕唔夠食可以再加配菜 有成十幾款仲有主食嘅麵呀烏冬等等🍜老闆娘話因為新開張所以鱸魚同海鮮鍋就仲未供應睇圖都幾吸引咁🤤我得單丁友就揀返一人套餐都係揀湯底，配咗米線強烈建議+$3轉巴沙魚因為無骨！！對懶人嚟講好重要❤️A套餐 香辣豆花魚$69 配米線一上枱香味撲鼻😍魚肉份量足料滑又嫩，啖啖肉零魚骨😙湯底叫咗大辣還好好入味，唔會過油、陣味幾上癮當然唔少得豆腐花，同個湯好夾😋佢唔係好滑溜嗰種質感反而係粗糙啲 吸汁力更佳配菜有土豆片 入哂味好腍😛單點小菜小酥肉$68即叫即炸 熱辣辣勁脆口👍🏻辣粉可以多少少就更好炸粉唔厚 肉質唔韌過口癮一流😇檸樂 $26🧊🥤🍋冰底 夏天飲真係無得輸🫶🏻紅糖糍粑$33一份有六大條 好抵食又係炸到好脆 一咬會有聲口感煙韌入面啲紅糖唔會太甜用嚟做甜品作結就岩岩好🥹食物質素有驚喜老闆娘好親切 會介紹餐牌整體食得幾愉快😊

按照Openrice指示地鐵出口，上到地面，稍微步行大約5min，便抵達了這家臨街柴夫人魚館。隨意和店家攀談幾句，被告知這是深圳一家餐飲集團在hk新開兩三個月的首店。點了不那麼辣口的酸菜魚鍋，多加6元選了無骨巴沙魚。配菜有33元和18元選擇，選了竹笙、娃娃菜和土豆片。看到爆漿紅糖糍耙，小酥肉以及香脆薄餅也很是吸引，於是下單。不到10min，所有材料都齊齊整整擺上台面。酸菜魚湯，並裡面各種配料，盛一碗下肚，魚肉鮮美爽口，其他食材像豆花、芽菜、土豆片等也都很新鮮，腸胃滿足卻沒有負擔，可能是店家落油比較講究。香脆薄餅下單半份，炸的非常薄脆香，推薦大家都嘗嘗。小酥肉裹上辣椒粉，一口咬下去，外脆里嫩，十分地道。這家爆漿紅糖糍耙，要重點誇贊下，大多數傳統川式紅糖糍耙，做法是白糍粑蘸上紅糖吃，這家是紅糖為漿心，糍耙作衣，翻炸出鍋，真是爆漿流心在唇齒間，太好吃了！

講左甜品先，因為驚最後唔記得，事關目前為止，呢間舖頭嘅“紅糖糍粑”係我喺香港食過最好味的，餡够晒流沙，個皮又糯又軟，熱熱哋超好食，下次必定再來🩵豆花鱼應該係好多人想食而未食過的東西，起碼我係其中之一個，呢日約個同樣未食過的朋友一齊來尖沙咀食，今日唔食辣，叫咗個“番茄豆花鱼”，原鍋裡邊有番茄，生魚片，切成薄片的新鮮薯仔，就咁飲湯食魚已好够味，豆花和魚完全沒有違背感，係好夾嘅，下次再試香辣豆花魚。再點D生菜，鴨血，牛肉片 ，五花肉，生蚝，虾同魚丸，魚丸太好賣賣晒，所以畀咗牛肉丸，原來牛肉丸都煙煙韌韌好好食，紅薯粉同酸菜魚，水煮魚係絕配，同豆花魚都係一樣咁夾👍有啲遺憾嘅仲有聽講自製豆漿好飲又好平，但又係賣晒，下次早D來，應該飲到。

井底之蛙初嘗豆花魚但唔太感覺到豆花既存在 可能係已經溶入湯底⁉️餐廳光綫充足 座位闊落卡位既餐具放左係枱櫃入面 晚市主要食打邊爐 (+1)有4款口味選擇可以自行選擇湯底辣度有別於現代餐廳用既電磁爐呢到用gas爐 我地揀左蕃茄豆花魚湯底 $198有2款魚選擇：冇骨既巴沙魚 或者 有骨既生魚片配料方面由$16-68不等涵蓋海鮮、肉類、主食類火鍋配菜有大豆芽菜同土豆片 酸酸甜甜既蕃茄湯底 份外開胃薄切生魚片 肉質嫩滑五花肉 口感爽嫩魚腐 4粒 似炸魚蛋娃娃菜半隻雞江西米粉 米線配上蕃茄湯精華 本日精髓 小食紅糖糍粑 6件脆炸皮包住爆漿紅糖既糯米糍糯米糍煙煙unun紅糖偏甜即叫即炸 小心紅糖漿辣咀 黃金大餅 8件豆漿 $6 大大杯 豆味濃 超值之選如果日後有其他魚款選擇會更好

越來越多川菜館，今日食咗一間唔錯的川菜館，位置於尖沙咀金馬倫道27號地方，「柴夫人魚館」。❤招牌香辣豆花魚 ＄168最初以為豆花魚係一種魚名，原來係烤魚加豆花富順豆花非常滑嘟嘟，魚方面選了生魚片，肉質嫩滑，辣味適中。鍋底還芽菜，土豆和花生等配料。🧡川味口水雞 ＄58口水雞肉質鮮嫩，再加上辣油和芝麻香，真係好惹味。💛可口可樂 ＄10食辣唔少得的配搭。💚紅油海蜇 ＄58海蜇爽口到不得了了，配上青瓜絲，洋蔥絲，增加了味道的層次。💙爆漿糍粑 ＄33糍粑是一種傳統小食，由糯米制成，口感QQ彈，這個糍粑裡面放了黑糖，外面炸到脆脆的，一咬就爆漿，正。Menu 內還有很多菜式任君選擇餐廳門面裝飾紅紅的亮着豆花魚的招牌。

幾年前 曾經興過一排豆花米線 但係疫情前就已經絕跡晒 我都仲未有機會食到 今日就同朋友嚟到呢度食到豆花魚 試吓豆花同咸食撈埋一齊其實係咩感覺呢度午市係會食套餐 有一個豆花小菜 有辣有唔辣 可以配米線粉麵烏冬 雖然冇配嘢飲 但最平嘅豆漿都只係$6 去尖沙咀呢個地方 呢幾十蚊食到呢類小菜 真係好抵食呢度亦都有下午茶 $39就食到豆花魚 真係好難得而我今日就晚市嚟到 主要係食火鍋其實豆花魚好似酸菜魚嘅朋友咁 但佢係有加到豆花作配料 而加其他配料 肉類只係$18 菜類只係$8非常抵食第一次食 當然試佢嘅招牌香辣豆花魚 沙巴魚魚已經處理過 切成魚片 去骨 所以非常方便魚嘅份量亦都好多 夾極都仲有魚肉片好滑溜 亦都唔會散/霉白色一嚿嚿嘅就係豆花食落其實係豆腐花嘅味道 但質感就似滑豆腐唔會一夾就散 帶有少少甜味 同個麻辣湯底好夾另外亦都有一啲芽菜同薯仔片做配菜雖然見過煲 扁扁的 但份量比我哋想像中多好多另外叫咗啲配菜魚腐：有少少似魚蛋 好濃厚嘅魚味 彈牙嘅 一客有五粒 牛肉：有經過醃製 醃料份量時間啱啱好 類似滑牛肉 有咬口亦有肉味蛋餃：一客有三隻 大大隻 蛋皮包得好好 唔會煮散 內裏係肉餡 蛋

上次食完，佢畀咗一堆優惠券，要九月中之前用，所以今次再嚟食上次食咗招牌香辣，今次試咗酸菜湯底，出奇咁好味喎，唔辣嘅，但係個酸味好惹味，恰到好處，非常推介反而蕃茄湯底我覺得係三個湯底入邊我最唔推介嘅另外今次亦都試咗啲小食，蔬菜大餅煎得香脆，唔油膩，但係其實冇乜味，可以不試紅糖糍粑，因為我唔食煙煙韌韌嘅嘢，所以冇試，不過朋友一致都覺得好食，話唔會太甜另外要左一個小酥肉，炸得好脆，不過個質地食落唔似肉，但味道唔錯仲叫咗個口水雞，不過冇影相，但係佢呢度嘅口水雞同埋川菜嘅口水嘅有少少唔一樣，冇咁惹味亦都唔特別

同朋友今日經過尖沙咀行街，係金馬倫道，最近秋風起突然想去打邊爐，見到一間叫柴夫人魚館，門口裝飾十分之特別，就入去試下。裝修好有特色，Menu有好多個火鍋都係$200內，十分之抵！我就點左個番茄豆花魚，另外其他嘅配菜都係$8/$16一份，真係十分之超值！！火鍋到咗，佢係用典型嘅Gas爐，比起一般嘅電腦更有特色同味道！同埋火力夠，好快就滾咗啦！試咗個番茄湯先，啖湯真係十分之好味鮮甜，另外啲魚十分鮮甜彈牙，而且沒有骨，啖啖肉。其他配菜例如：牛肉，生菜，每一樣野都係好新鮮，我就最鍾意食牛柏葉，十分之彈牙，大大碟，份量又多，好抵食，都只係$16！另外，仲有鴨血，又係好好食，第二度真係食唔到咁好，另外仲有飲品，點了即磨豆漿只係$6一杯！呢個價錢來講真係好少有㗎喇！總括來講好抵食，而又好有質素值得推介！！

豆腐花為主食既湘菜館，真係令人刮目相開。一定要試:蕃茄豆花生魚，酸菜豆花魚。無論用蕃茄，酸菜，配塔上豆腐花都無任何格格不入。豆腐花沒有因為在湯底中散亂一團，匙羹一舀一舀的把豆腐花淺淺地割開，豆腐花入口即溶，少卻了黃糖，多一份清甜。豆腐滑滑的，為整碗米線增加了不少分數。薄薄既魚片，滑嫩爽口，配上酸菜，芽菜炒，用檸檬活化了湯裡的酸，令湯有微微酸香，十分開胃。蕃茄湯底，再追加一份蛋角，蛋角好像蛋包飯一樣，在炒蛋中包了肉。蕃茄新鮮，非常爽口。不要錯過:再點了一客口水雞，一份紅糖糍粑。口水雞除了是雞脾位外，鋪滿了白芝麻，麻辣比例適中，吃完後，微微麻就是口水雞的精粹。然後喝一口豆漿，麻辣消退不少。紅糖糍粑，炸得外脆內熱，糖醬就是夠甜。

星期日午餐同朋友一齊係尖沙咀新開既柴夫人魚館度食午餐。招牌香辣豆花巴沙魚 +烏冬面既然寫住係招牌嘅，咁一場黎到一定要試下！碗面嚟到嘅時候，好快已經聞到一陣陣嘅香辣味道，隨風送入鼻。成碗麵鮮紅色嘅，已經好感覺到佢香辣味道嘅厲害。而且見到佢嘅巴沙魚一舊舊，而且無骨，望落去都覺得白白滑滑，同豆花一樣好入口！初嘗一啖香辣湯底，再配上一嚿滑捋捋嘅巴沙魚，入口口感一級棒！而且配埋烏冬麵，烏冬麵實實淨淨有咬口，同豆花巴沙魚配合埋一齊，簡直天作之合！番茄豆花蝦 作為蕃茄湯底，碗面一上枱就已經聞到一大陣番茄味道。蕃茄嗰種酸酸甜甜嘅味道，配合埋吸收咗蕃茄湯底味道嘅大蝦，加埋又軟淋淋又好易入口嘅米線，成個配搭都令到碗麵好好食。紅糖糍粑普通嘅紅糖糍粑係沾紅糖糖漿，呢一個爆漿糍粑係用外層就脆脆嘅糯米外皮，配上芝麻，將紅糖糖漿融入喺糍粑嘅入面。一咬落口，就已經覺得又脆又香又可口，大紅糖微甜而不膩嘅口感，令到我覺得非常好食，呢一個應該係我食過最好食，而且最出色嘅紅糖爆漿糍粑。招牌豆花呢一個招牌香辣豆花，配上佢嘅配料，有一種鹹鹹辣辣嘅味道，而且豆花嘅口感一舊舊，滑捋捋，好有一種平常唔會食到嘅豆花味道，非常好食！如果你

我很喜歡吃豆腐花，但用豆腐花來打邊爐，真是第一次。今天來到尖沙咀金馬倫道的「柴夫人魚館」吃川菜豆花魚鍋，又特別又美味。鍋底有4款，每款都可以選要巴沙魚或生魚片，我選了不辣的蕃茄巴沙魚。🍇 蕃茄豆花魚$198上枱時香氣撲鼻，有三大塊豆腐花可以即刻食，非常軟滑，充滿豆香。食完豆花就可以食魚片了，魚的份量很多，啖啖肉，一點骨也沒有，可以食得很豪放。鍋內除了豆花和巴沙魚，還有蕃茄、豆芽和薯仔，非常豐富，如細食的朋友食一個鍋已足夠。🍇 羊肉片、牛肉片、魚腐、蛋餃 每樣$18配料有兩個價錢，都很經濟實惠，牛肉片好正，羊肉片騷味較濃，魚腐和蛋餃都不錯。🍇 粉皮、生菜、竹笙 每樣$8這三樣都是打邊爐的經典配菜🍇 江西米粉$16米粉吸收了蕃茄魚湯汁，份外好吃。🍇 黃金蔬菜餅$29蔬菜餅有八小塊，外脆內軟很香口。

❤️ 酸菜豆花豬排 配米線 ＄55豆花好滑溜～ 陣陣豆花香味～ 米線煮到岩岩好～ 唔會太林， 湯酸辣到適中～ 辣辣地好好味！ 豬扒份量好多， 有2大塊！ ❤蕃茄豆花巴沙魚 配米線 $59 加牛肉片 $18蕃茄湯味濃郁 而且加左好多配菜～ 巴沙魚鮮嫩 爽滑， 最重要佢係無骨 啖啖肉！ 我最怕骨😌😌😌我仲加左個餸 牛肉片， 牛味濃～ 而且好林！ 無筋～ ❤红油海蜇＄58/份海蜇好爽口彈牙， 配埋辣油，芝麻等～非常惹味！ 而且辣度岩岩好！❤自磨豆漿 $6呢到豆漿係佢地自己磨！ 味道香濃細滑！ 而且好解辣！ 正呀

不嬲都好鍾意食辣嘢，但係呢度嘅小辣我覺得似係中辣，超多辣油。。。叫咗招牌香辣豆花生魚片米線，魚方便其實可以揀生魚片或者巴沙魚，我朋友試咗蕃茄湯巴沙魚米線，就魚嘅肉質來講我比較鍾意生魚片，因為巴沙魚口感似豆腐，但係兩款都冇腥味嘅另外湯底方便我嘅香辣湯底食咗一啖之後發現真係有啲太勁太辣，所以畢咗啲辣油出嚟，朋友嘅蕃茄湯底佢話有番茄香味至於碗米線入面嘅豆花我覺得冇咩特別整體嚟講味道同埋份量都算唔錯，魚片有好多，另外香辣味亦都好濃加咗六蚊要咗杯豆漿，豆漿反而令我有少少失望，因為佢係偏甜而且冇豆香味埋單佢畀咗好多張優惠券我哋，下次會嚟試下其他嘢

唔講唔知原來烤魚加豆花係咁好味嘅。第一次食豆花烤魚，店員同我哋分享佢哋嘅豆花係每日新鮮製造，豆腐係高蛋白的健康食材。招牌香辣豆花魚首先湯底係十分之香，辛辣嘅刺激恰到好處，花椒同花椒油嘅比例都好配合，避免過份太麻，影響整個味道。有兩種魚類可以選擇，巴沙魚就完全無骨，怕魚骨嘅人就啱哂！肉質爽滑。火鍋配料嘅玩法都幾好，可以平細細份咁平平地叫，兩個人食都可以食多幾款配料，唔需要下下都叫咁貴咁大碟，淨係食到幾款。羊肉片牛肉片肉類都係十分新鮮，賣相都係鮮紅精神。羊肉味道較濃，接近黑草羊嘅味。另外牛肉係屬於鮮滑牛嘅牛肉。煮落一啲都唔韌，仲好彈牙爽口。牛柏葉，肥腸，鴨血內臟類嘅選擇都唔少，樣樣都新鮮乾淨，多多都唔怕食。最驚喜係一份都係8蚊，真係抵到爛。魚腐，蛋餃魚腐適合慢慢煮耐啲，將湯汁慢慢煮入去，煮淋啲好食啲。蛋餃呢款配料香港打邊爐較少見，蛋皮嘅味道比普通嘅餃子更加香，好食啲。萵筍響鈴片竹笙通常我打邊爐如果個湯底好味，呢三款我都一定係會叫嘅，因為全部都係吸湯嘅最佳拍檔。萵筍夠爽脆唔老。響鈴無走氣或者油溢味。竹笙無過份浸水。川味口水雞小食叫多個口水雞過下癮，唔夠喉嘅朋友都可以叫返個，再用返佢嘅辣椒料配

今天去尖沙咀行街 shopping 🛍️ 跟住吃晚餐！ 朋友喜歡吃魚🐟 於是就去了附近的柴夫人魚館！此餐廳在尖沙咀金馬倫道27號東輝大廈地舖😄 坐港鐵在尖沙咀站 B2 出口行幾分鐘就到，其他交通工具亦可，十分方便👍室外招牌火紅紅的🔥 好有川菜的感覺！ 內裏頭裝修簡潔舒適，地方寬敞！牆上掛著柴夫人的品牌故事和如何製作出富順豆花的由來和歷史！很有心思💜我們一定要吃它們的招牌菜豆花魚鍋🐟 先要了酸菜豆花魚鍋，少辣，揀了巴沙魚片，還有牛肉片，牛肉丸和娃娃菜💯 這都是我們第一次吃豆花酸菜魚和巴沙魚片😊 魚鍋份量不少，魚片出奇的嫩滑，有魚味和口感，必叫👍酸菜魚豆花湯好好味😋 跟著配料打邊爐🔥牛肉片牛肉味濃，有咬口🐮加入蔬菜更加入味！我們還要了一份川味口水雞🐔 很地道，但唔會好辣😄 好香芝麻味，雞肉爽口彈牙，汁調配得好吃😉 最後要了甜品，爆漿糍粑💥有六大件，超好食，好香脆，內餡流心的😚這餐廳真的值得推介給大家！ 尤其是豆花魚鍋，巴沙魚片🐟真係超正！價錢相對於食物質數，超值！ 大家快來一試😘