蕃茄仔主打自家鮮製蕃茄濃湯，各款配料，麵底組合十分吸引。我同朋友見到佢嘅晚市套餐，非常抵食，包括主食，甜品小食飲品，一次過滿足晒所有要求。 特級牛魔王配刀削麵 一碗可以試齊哂咁多款叫，最特別最吸晴就係原條牛骨髓，夠哂霸氣。火槍燒一燒加小少少鹽胡椒已經好好味。另外，我最鍾意就係和牛展，入口即溶。蕃茄湯底亦都係招牌，茄味夠哂濃，配刀削面掛哂湯咁食，正！ 豚三寶配招牌麻香拌上海麵 豚肉好有油香，另外加咗少少錢轉左麻香撈面，真係好有驚喜，花椒嘅麻好過癮，撈面特別開胃，如果兩個人嚟食真係一個轉呢個，咁就又可以食到蕃茄濃湯又可以試到呢個面。 睇返完來分別有3間分店 新蒲崗太子道東638號Mikiki LG樓LG7A號舖 銅鑼灣希雲街5號地舖 九龍灣常悅道21號EASTMARK1樓7號舖*】

想食好味嘅海南雞飯一定要去元朗教育路既凱悅海南雞飯專門店。小店形式經營，店員服務有禮，上菜好快捷，外賣亦打包得好快。餐廳空間寬敞，坐得好舒服。 首先送上紫菜湯 無骨海南雞飯 $60 海南雞完全起骨，食得好方便。雞肉整得好滑，食落一啲都唔鞋。雞皮好爽滑彈牙，另外雞味特別濃，可以係因為餐廳嘅雞肉係自設農場，用新鮮雞唔係用冰鮮雞，所以分別真係好大。油飯亦都係海南雞飯嘅靈魂，油飯濕度啱啱好，飯粒食落粒粒分明，味道都好好，所以唔會死咸。 無骨口水雞飯 $62 都係海南雞嘅升級版，加多個秘製嘅口水汁，好惹味，辣度唔算係太勁，應該唔食得太辣嘅都無問題。

圓相係一個有缺口的襌圈。體驗及接受、活在當下。餐廳裝修乾淨簡約，有吧枱及卡位座位。融合日本美學設計白色牆身和木色系枱櫈，感覺好舒服。仲有多款手工啤，清酒，飲品選擇。 鮟鱇魚肝 凍盤前菜最佳嘅選擇，魚肝味道好高質，食落一啲都唔腥，油份嘅感覺好平衡，配搭埋特製嘅汁，帶出少少清爽嘅感覺。 日式炸雞 每舊炸雞都炸得好脆同好乾身，我特別鐘意食啲雞皮，因為真係好好食，炸雞配埋莎莎醬，味道好夾，建議可以先食原味，後配莎莎醬食。兩個唔同嘅味道。 明太子玉子燒 明太子嘅量係值得一讚，絕對足料。另外蛋漿嘅用料都食得出一定唔差，因為蛋味真係好濃，玉子燒嘅火喉控制都好出色。整體都好高分。 日式鰻魚炒飯 見呢個係新品，就叫嚟試下。鰻魚魚肉量都算多，炒飯用左鰻魚汁嚟炒，飯粒炒得好均勻，濕度以日式炒飯作標準嚟講，炒得埋埋好。

一邊打邊爐一邊睇波，各位球迷嘅福地，係一個可以睇波食飯飲酒又方便嘅好地方。入座後，QR CODE落單，店員隨即遞上調味料盒及不同味道的醬汁。 港式風味雞煲，半隻$188 首先分開食一食個雞煲，雞件食得出係用新鮮雞，雞味極濃，一啲雪味都食唔到，雞肉口感亦特別滑。花椒八角味好香，麻度夠，所以唔會死辣。應該要叫一隻。 日式鯛魚濃湯$108 打邊爐嘅環境就另外叫一個湯底，呢個非常好味，魚湯真係好鮮甜，但完全唔腥。魚湯最緊要夠白。 澳洲M4和牛腹心肉$108 和牛肉同油脂比較好平均，食落入口即溶，肉味即時提升好多，澳洲和牛嚟講算抵食。 牛舌 $78 牛舌厚薄適中，啱哂打邊爐，一碌即食，爽口彈牙。 丸類拼盤 $128 呢個拼盤有齊多款丸類，樣樣都可以食下。唔洗眼闊肚窄。建議可以煮耐d , 因為可以發揮下個魚湯。

容記小菜王係米芝蓮推介中菜館。路邊既霓虹燈牌可以容易就睇到餐廳。座位位於一樓，有大枱又有卡位適合一家大細聚餐。 涼拌海蜇手撕雞 麻醬同日本芥辣嘅醬汁調較得好平衝，唔會太過分嘅wasab刺激，手撕雞好爽滑，配搭爽口嘅海蜇，仲有清爽青瓜絲。 拔絲鳳梨咕嚕肉 咕嚕肉炸得火口啱啱好，鎖得住肉汁，外層香脆，鳳梨同埋少少糖收汁，甜味平衡到個酸味。十分開胃。 小炒王 招牌菜果然名不虛傳，炒功一流，味道鑊氣都好夠，撈飯食真係唔只食一碗。 經典大馬站煲 即係馬拉版嘅豆腐火腩，底汁改用蝦醬，夠驚喜。比用蠔油做底嘅港式火腩，更加香。我同朋友都鐘意呢個大馬煲

大家都知道農民耕作時係多麼辛勞。呢間以農耕日常為主題嘅餐廳，好新奇有趣。餐廳裝修設計真係好似農村生活一樣，有各式各樣農耕工具，米飯，中式燈籠做裝飾。 小筍炒臘肉 小荀大家可能比較小接觸，但其實佢係比一般嘅冬荀，口感較為爽口，荀味亦都加濃味，所以炒臘肉都係一個好好嘅配搭。 雪豆酸菜肉沬 鐘意送飯嘅朋友一定要叫，食呢個包保可以食10碗飯，酸菜嘅香味炒埋肉碎再加少少青豆增加口感，真係夠哂香口。 香椿炒雞蛋 雖然我都唔係太清楚香椿即係咩，但配炒蛋真係一個幾好嘅配搭，炒蛋炒到部分小小燶邊，蛋香更加突出，平時食得太多滑蛋，但其實我更加鐘意呢仲種炒蛋。 糍粑油條 呢一個甜甜地又咸咸地嘅組合真係當佢開胃菜又得，當佢甜品更得，糍粑口感夠哂夠糯又軟，食落唔黐牙，油炸鬼夠新鮮夠脆冇油益味。 大杯檸檬茶 抵飲大杯舊解渴嘅檸檬茶，飲落仲有少少柑橘味，啱晒全台重口味嘅餸。

平時揸車經過奧海城三期都見到有幾間餐廳，放工同朋友嚟到泰爸爸食泰菜。餐廳設有室外同室內座位，坐外邊都幾chill 。員工友善有禮，支持小店，好味道，價錢又相宜。 碎肉生菜包 餡料炒得夠香，香料味唔會過重，肉碎保持到夠口感，唔會食唔到。配嘅生菜份量足夠包哂一碟。好味唔太辣 泰式炒椰菜苗 椰菜苗好爽脆，泰式雖然簡單，但都炒得唔hea。椰菜苗真係好好食。 泰式香茅燒雞 呢個真係要大力讚賞下，首先食嘅底味好足夠，燒雞啱啱好皮脆肉滑，小小焦香嘅雞皮，但裡面嘅肉係勁juicy 。兩個人食半隻已經夠哂。 泰式黃咖喱薯仔牛腩 泰國嘢就一定要叫個泰式咖喱，咖喱同椰奶嘅味道好平衡，牛腩炆到一啲都唔韌，而且大大舊，十分抵食。 香蔥蒜蓉包 十分足料，一客有好多舊，叫一個大家share 嚟點咖喱食係最好嘅選擇。

近排一直都好想食烤魚，咁岩經過朗屏就黎左呢間撈得喜火鍋食晚餐。9點後入座$178 任食任飲2小時，性價比極高。餐廳內設有小食區，調料區，飲品，自助火鍋配料。 採用新鮮海鱸魚 烤魚都有好幾款口味，有辣啲有麻啲任我地揀。全部統一用鱸魚，大條肉厚，只有大骨偏少細骨，食得幾方便 ，魚身炸得均勻香脆，肉又保留到好滑唔乾。再係湯底度炆一陣，夠哂香口味濃。另外我都見到有傳統湯底同雞煲，下次可以試下。 打邊爐配料方面，可以講得上係超值，大蜆，海蝦，蠔仔任食，隻隻都大大隻，配料嘅風格比較港式，牛柏葉，水魷，豬紅，連鵝腸都有。refill 亦都好密，隨時隨地想攞幾多就幾多。 另外飲品前菜甜品都係任食任攞，飲品仲有冷泡茶同水果茶。特別推介開胃前菜嘅酸辣雞腳，天氣熱最啱食嘅開胃嘢

同朋友經過旺角、心血來潮又想食韓國嘢。見到鳳雛燉雞，唔駛飛去韓國都可以食到正宗燉雞，好開心！餐廳位於彌敦道726號，喺旺角B出口出，只需要行3分鐘。10樓全層嘅裝修環境乾淨衛生。播著K-Pop，非常好氣氛。 前菜 韓國菜必備出菜一小碟既泡菜，青瓜，大豆芽，可以無限增添，非常開胃 芝士雞蛋卷 首先份量好大份，4個人都夠食，雞蛋食落口感好滑，一啲都唔老。食到蛋汁應該係有混合湯底嘅味道，所以味道會豐富啲，唔會淨係得咸味，裡面嘅 芝士係爆多，而且仲要小小流心嘅感覺，好滿意。 鳳雛燉雞無骨 招牌嘢一定要叫嚟試下，味道係偏濃味，底味內醬油同韓式炸醬嘅味道，雞肉索哂味之餘，亦都炆得軟而不老，配菜方面都配搭好多，大量蔬菜可以帶到甜味，另外有韓式粉絲簡單係完美嘅組合。辛辣度亦都可以選擇夠哂細心。

大家都知道銅鑼灣嘅登龍街有好多嘢食，我同朋友行完街嚟咗呢間雞湯小店。因為天氣咁熱，食個湯麵會開胃啲，見花膠雞好似好足料咁，就試下佢。 砂鍋花膠雞湯翅米線加小棠菜 仲可以加$10轉雞髀 砂鍋上，夠哂熱辣辣，上檯嘅時候仲係滾嘅。雞湯底夠哂濃咪又夠膠質，花膠煮得夠軟熟，推薦大家一定要轉雞髀，加$10 夠哂抵食，因為雞髀夠嫩滑，簡直係錦上添花。雞湯翅真係無得輸。 XO醬招牌雙寶撈刀削麵 招牌撈麵嘅醬汁咸甜適中，撈面保持再適當嘅油份，條條分明令到口感更加出色，雙寶嘅兩種餃子亦都好好味，皮薄餡靚。 Wasabi海蜇手撕雞 呢個雖然唔係啲咩新菜式，但勝在水準夠高，wasabi 量控制得啱啱好，雞絲都高嫩，爽口嘅配菜增加口感。 炸魚皮 食湯麵都一定係配返一碟靚嘅炸魚皮。 涼拌萵筍 萵筍片夠爽脆，配搭醋嘅清爽，夏天食幾啱口胃。 豆漿 獨立杯裝嘅豆漿，夠哂乾淨衛生。豆味夠濃，同時唔會太甜。