柴夫人魚館

營業中

休息中

多次經過這個魚館，今日終於入來坐低食啦。招牌菜是香辣豆花魚。之前未念過豆花仲可以跟魚一齊做成香辣湯，所以一見到就好吸引。有香辣鍋當然少不了火鍋配菜，因為最後湯底刷菜一流。豆花魚很快就上菜了。豆花鋪滿湯鍋表面，稍微煮一煮就有濃烈的豆香味，夾起一小塊，入口即化，又香又滑。魚選用了無刺的巴沙魚。魚片醃製過，所以魚肉很Q彈，魚肉入味，帶有豆香味，又辣得很過癮。配菜點佐最鍾意的蛋餃，午餐肉，牛百葉，竹筍，牛肉丸，豬肚丸，鮑魚，生菜。配菜量無不多，可以多點幾種試試各種口味。蛋餃很少在火鍋店看過，在香辣魚湯裏滾熟果然很好吃😋牛肉丸同豬肚丸果然很彈牙，淡淡胡椒味，一口一個瞬間清盤。涼拌菜點了個涼拌香辣耳尖。味道出乎意料的好味，酸酸辣辣，而且豬耳朵處理得非常乾淨，軟軟糯糯，非常開胃。最後還可以自己打雪糕🍦

係尖沙咀做完脱毛療程，見到附近大大隻字寫豆花魚，自己未食過，見環境又ok，所以二話不説同朋友就行左入去。我地叫左招牌香辣豆花魚（小辣），一上台都幾香，面豆已經見到大量豆花，配菜有豆芽、酸菜同薯仔。魚質尚嫩，有少量既骨，如怕有骨，可以選擇加$6要巴沙魚，就唔使怕啃親。呢個酸菜魚既主角對我黎講係豆花，雖然冇豆腐口感豐富，但佢既豆香味係比豆腐出，即使有重口味既香辣，都蓋唔過黃豆香呢個湯底既酸麻香好適合用黎打邊爐，所以我地都叫左豬大腸同竹笙，原本仲想叫埋牛肉，但實在太好賣啦，冇機會叫到。不同豬大腸同竹生都唔差嫁，豬大腸洗得乾淨，唔會有臭味，竹笙就吸收曬d湯既酸麻就一定好味見冇牛肉，我地就叫多左2款小菜，分別係小酥肉同脆餅。小酥肉係可以點辣粉食，但個人認為就咁食味道更佳，香脆熱辣，兩個人好快ko左有份最後，兩個人叫左凍檸樂

放假去咗「柴夫人」食豆花米線🐟🍜🍲餐廳以豆花米線為主打，佢嘅菜單有好多款豐富多樣嘅米線選擇，同埋其他小吃🍽️🍲🌟我叫咗招牌香辣豆花魚米線，魚肉鮮嫩，配上豆花和滑溜的米線，辣味濃郁，真係一絕！酸菜豆花豬排米線，酸菜的酸味同豆花嘅滑嫩，加上豬排的鮮嫩口感，味道酸甜可口。番茄豆花巴沙魚米線，番茄的酸甜與豆花和魚肉的鮮味相互融合，口感鮮美。麻辣拌魚皮非常開胃，魚皮薄脆，辣味香辣刺激，絕對是辣味控的最愛！川味口水雞鮮嫩多汁，配上麻辣的醬汁，讓人食指大動。香煎薄餅非常香脆，特別的小食。自磨豆漿濃郁香滑，喝起來真係好滋味！最後，仲有雪糕免費，真係甜到入心！🥛🍦🌟

今日放假同朋友去咗尖沙咀行街睇戲，睇完戲諗住喺附近搵啲嘢食吓，朋友帶咗我去一間好特別嘅川菜餐廳，食豆腐花酸菜魚，估唔到咁嘅配搭係好好食。柴夫人魚館 ，地址喺尖沙咀金馬倫道27號東輝大廈地舖。餐廳地方雖然唔算太大，空間感好足夠，裝修得光猛整潔酸菜豆花魚$198，加咗$6轉巴沙魚，沙巴魚魚肉嫩滑，魚味香濃，全部都冇骨食落去啖啖肉，本身魚肉都好嫩滑配埋豆花真係形容唔到嘅滑，有機會真係要一試。配菜，芫荽$18，萵筍$18萵筍爽口清甜，唔使淥太耐口感更加爽脆。雞半隻$68，份量非常多，肉質嫩滑，見到脂肪不算太多，所以放落火鍋嘅時候都唔算太油膩，肉味鮮甜，連埋本身酸辣魚嘅湯底一齊食，令到雞肉味更出眾有機會真係要一試。鐵板蒜蓉蝦 98元份量真係好多，每一隻蝦size都好大隻，蝦頭仲有啲蝦膏特別香口，蒜蓉好足，蝦肉鮮美肉質彈牙，絕對有驚喜梅菜扣肉煲仔飯$66煲仔飯香氣撲鼻，旁邊仲有飯焦，飯煮到好乾身粒粒分明，梅菜扣肉帶少少肥膏香口惹味。

本身唸住食啲酸辣野，經過見到入去，星期六7點幾啲食飯時間，得小貓三四隻。服務員無個識講廣東話，我明明叫A餐豆花魚，佢嚟咗雞，仲話啱，A已經係英文，咁都落錯？唔緊要，之後有換返俾我。換返個魚返嚟，全部野都淡貿貿，湯稀，薯仔片無味，魚無味，米線兩啖食哂，$69仲要收加一！！！茶記咁嘅嘢收我加一，真係 unbelievable!!!我隔離枱叫臘鴨煲仔飯，佢嚟咗個臘肉。佢出錯嘅機率相當高。我見枱枱都叫煲仔飯，但個份量唔係好多，同埋唔係好有焦，唔係沙鍋煮。外省人扮煮港式煲仔飯🙄🙄🙄仲有，啲客有一半唔係香港人....

今晚開始轉涼，同朋友去左柴夫人魚館食酸菜魚😋1.酸菜豆花魚湯底調味好飲！飲完都唔會口渴。豆花有香濃豆味，魚肉滑，煮耐左都唔會老。仲可以變成火鍋！叫左好多料，好抵食！2.鮑魚細細粒咁，幾新鮮。3.蛋餃、海帶店員推薦，係正既😋蛋餃皮薄，海帶煮耐左之後仲吸收到湯底精華👍🏻4.粉皮滑lulu~😋5.牛肉喜出望外！超嫩滑！6.響鈴片比平時食到既更鬆脆！7.紅糖糍粑推薦！熱辣辣，外面有砂糖，入面煙韌，有紅糖流心。8.豆漿豆味足👍🏻最後仲有好香雲尼拿味既軟雪糕添！👍🏻👍🏻總括，食得好滋味，亦好抵食！下次可以一嚐煲仔飯😋

之前經過尖沙咀金馬倫道，知道新開咗一間食魚嘅餐廳，今日有幸可以同我另一半去食，仲要係佢最歡喜嘅豆花魚，真係未去食都已經流緊口水，我地一去到，餐廳都接近座無虛席，好彩咁岩有枱客埋單走，唔係真係要排隊等位，我地坐定定之後，就開始今晚呢一餐滿載而歸嘅美食之旅：1） 招牌香辣豆花魚 ⭐️⭐️⭐️⭐️⭐️/⭐️⭐️⭐️⭐️⭐️2） 紅油海蜇 ⭐️⭐️⭐️⭐️⭐️/⭐️⭐️⭐️⭐️⭐️3） 招牌香辣豆花 ⭐️⭐️⭐️⭐️/⭐️⭐️⭐️⭐️⭐️4） 紅糖糍粑 ⭐️⭐️⭐️⭐️/⭐️⭐️⭐️⭐️⭐️5） 魚腐+生魚片+豬肚丸+金針菇（火鍋料）⭐️⭐️⭐️⭐️⭐️/⭐️⭐️⭐️⭐️⭐️6） 青檸梳打+咸檸七首先上菜嘅係紅油海蜇，啲海蜇條條都肥壯爽口。之後就上佢地嘅招牌香辣豆花魚，我地要咗沙巴魚片，啲魚片非常之嫩滑，而個豆花真係比想像中更加出色，佢哋標榜嘅豆花除咗滑之外，讀無坊間豆腐嘅豆腥味，十分好味，我另一半更加食唔停。食得川菜又點可以冇紅糖糍粑呢，佢地呢款糍粑係將紅糖放喺入面，就好似流心一樣。之後我同另一半再嗌咗啲火鍋料，特別推薦係豬肚丸同埋生魚片，生魚片嘅份量多到嚇親我，而豬肚丸嘅胡椒豬肚味亦十分出眾，最後唔夠喉嗌多個招牌香辣豆花做一個完美嘅終結。😋食完埋單捧住個肚都只係$500，真心呢間豆花

去左尖沙咀四圍都係人，唔知去邊搵野食好？今次就介紹一開新開嘅豆花魚比大家試下啦🤭佢嘅位置就係金馬倫道，地鐵出嚟行4分鐘左右就到，都幾就腳架👍佢主打就係豆花魚火鍋嘅，加左豆腐花做配料，仲可以自己再加唔同嘅餸😍🌟豆花酸菜魚煲我地就加左$6轉左巴沙魚，肉質都幾嫩身又冇乜骨，啖啖肉，湯底都好夠味，酸酸辣辣咁，好開胃👍我地仲叫左娃娃菜、牛丸、肥腸同萵筍😍加埋落個鍋度都好夾🌟口水雞依個口水雞都係朋友仔無意中發現嘅🙈佢嘅口水汁都幾辣架，但食落都幾過癮，做一個小食份量就啱啱好🌟爆漿紅糖糍粑依個甜品一定要點，佢係即叫即炸架，送到嚟嘅時間都仲熱辣辣，咬開有濃濃嘅黑糖醬🤭好正❤️❤️🍴柴夫人魚館 (尖沙咀)📍尖沙咀金馬倫道27號東輝大廈地舖

柴夫人魚館地址: 尖沙咀金馬倫道27號東輝大廈地舖電話:=====================食鍋物邊爐同烤魚，柴夫人出名是鍋中加入嫩滑的豆腐花。作為君子食材，遇上濃味食物把味道湯汁盡吸，便是其美味之處。$198 鮑魚雞鍋（小份）2個人食所以要了小，鮑魚細細隻肉質不錯，彈牙札實，雞肉件吸醬汁，極之好味叫配菜 用來加落鍋中，$18豆牙同$18鴨血 $18 蒿筍片用來吸埋個辣湯，鴨血好滑！$68 小酥肉是炸豬肉條，濃味做開胃小食$38 紅糖滋粑，佢個紅糖包在中間，熱辣辣炸起要襯熱食，個紅糖熱溶了有流心效果的。

和好友林小姐的中秋飯聚，她上月比較忙，這頓飯延後至10月3日，我們到尖沙嘴試試新店：柴夫人魚館我們點了以下的：#香辣豆花魚：點了小辣(1隻辣椒)，標配是生魚片，加了6元改沙巴魚片，肉質嫩滑，魚肉去骨，但有幾片挑不乾淨有碎骨，吃時要小心；稍嫌豆花豆味不夠濃。#蝦：1份有5隻，定價29元，肉質爽口，挺好吃的！#蛋餃：1份有5隻，定價32元，吸收了辣湯，好好味！#娃娃菜：新鮮，很不錯。#小酥肉：份量比預期少，外酥內嫩，好吃！#凍豆漿：微甜，有豆香，好喝！服務：店面只有2位服務員，都是中年女士，1位應該是老闆(我猜她就是柴夫人)，另1位應該是新員工(不會落單，也不會收錢，上菜要聽老闆指示，只有收拾餐桌能自己完成)，人手明顯不足！老闆幫我們落單，簡單的點了香辣豆花魚(1隻辣椒，要沙巴魚片)、蝦、蛋餃、娃娃菜，老闆不用寫單，我以為她記性好，誰不知有錯有漏，香辣豆花變成蕃茄豆花，娃娃菜漏單；點了4樣，錯了1樣，漏了1樣。

有次於落雨途中搵晚餐食，見到呢間柴夫人好多人流丫，幾乎坐滿場咁，係門口睇有啲似裝修四四正正既茶記，但實情係可以食到酸菜魚火鍋既魚館呢。店內開揚光猛，環境乾淨企理，所以就同朋友半避雨既情況下入黎試食了。Menu清楚易明，好快就揀到想食既野啦！我地總共兩個人，點左個酸菜豆花魚，仲加左幾蚊轉巴沙魚呢！今次呢個鍋應該係三人份量都得，我同朋友二人食好飽呀🤭🤭🤭當然都有加少少餸啦！酸菜底辣味唔算辣，我朋友食唔到辣都可以食到個鍋呀，而巴沙魚肉質更扎實唔易散開，煲幾耐都無問題。加左豆花，成個鍋飽肚感up! 亦感覺更健康，不過原諒我影得咁衰，因為好易散開呀😂😂我地怕唔夠飽加多左份紅薯粉，點知最後超飽😆火鍋料仲加左鴨血、娃娃菜、羊肉片同牛肉片，當中最出色係羊肉片呀，淥完有淡淡羊so味，但唔會好誇張，而鴨血都唔錯，不過建議配麻辣湯底會更夾！小食類點左份川味口水雞同埋香辣（豬）耳尖，兩個小食都好入味，辣味唔算勁，如果食得辣可以試下叫佢地加辣丫！

今日去尖沙咀搵食，見到一間豆花魚幾得意，又突然想食雞煲，就決定這間啦😆 「柴夫人魚館 」裝修簡單，店舖都闊落，坐得都舒服！除了豆花米線，也有火鍋，煲仔飯等選擇😁招牌香辣豆花魚 ，我揀咗生魚片 🐟豆花都滑，豆味都濃👍生魚片夠滑！湯底香辣適中 👍本身是想食鮑魚雞煲，但店員話今日改咗生蠔雞煲（小鍋）生蠔🦪肉質鮮嫩，雞件份量不少，雞件夠多肉亦嫩滑！鍋嘅醬料好香濃，辣度揀咗中辣，好惹味👍甜品糍粑，口感煙韌，糖味香濃 👍

尖沙咀新開左間川菜館，主打豆花魚。雖然我唔食辣，但因為未食過豆花魚，見幾特別就去試下。舖頭位於香港黃金地段-尖沙咀，但舖裡舖外都有置身內地既感覺。由裝潢/設計/選色都好有特色，形象鮮明。講返菜式，以豆花配豬/牛/雞/魚作主食，湯底有酸菜/香辣/番茄，配搭千變萬化，可按個人喜好選擇。番茄豆花魚一大鍋，豆花跟魚片的份量好足，夠3-4人食，仲可以按自己需要選加肉/菜的量。番茄湯很濃郁，與豆花好夾，豆花又嫩又滑。魚片的肉質幾好，唔易散，但細骨有點多。牛肉/羊肉片味道唔錯，脂肪唔多但唔會韌，土豆片吸湯一流，魚腐普通可略過，其他菜正常。另外喺店員推介下叫左爆漿糍粑，新鮮炸起夠熱，外皮軟糯，裡面做到爆漿效果，食時要小心，糖漿甜度適中，以呢度甜品作結令整餐變得完整，滿足。菜式夠地道有特色，如果食辣應該更加正。

來到尖沙咀，找到一家很特別的湘菜館，主打豆花和鮮魚片。因為有朋友不吃辣，所以叫了一鍋番茄豆花魚煲，配料有牛肉，羊肉，魚腐，蛙蛙菜，生菜和土豆片。本身鍋裡已放滿番茄，豆花和鮮魚片，豆花香滑，魚肉新鮮，番茄湯底味香濃，很好喝。不過魚片內有點細骨，所以食果時要小心d 呀！ 另外，牛肉羊肉都好嫩，牛味羊味十足。我地仲叫左江西米粉，加入湯鍋內煮一煮，番茄牛肉魚片湯米粉完成。👍🏼小食川味口水雞麻辣味不是太重，青瓜絲在底吸了大量汁味，略嫌太咸。吃完要飲多幾啖水😅小酥肉外層炸衣香脆，裡肉不鞋還有香蘇味，再點些辣粉吃，十分可口！主食黃金蔬菜餅外表好似芝麻餅，中間綠色初看以為是菜絲，原來是蔬菜打成汁再加入麵粉造成，很特別。爆漿糍粑新鮮即炸，入面d 糖漿好熱，入口鬆化香甜，好味！😋

柴夫人魚館位於尖沙咀金馬倫道27號柴夫人係2001年開始餐飲業，立足係深圳所以我係9月30日黎食晚餐非常多人剛好十一黃金週，好多旅客光顧招牌香辣豆花魚係招牌，可以選擇辣度我叫少辣豆花果然滑，經過煮後沒有散魚肉可以選生魚或沒有骨的巴沙魚我選擇了巴沙魚魚肉多，肉質滑仲有薯仔片做配菜夫婦肺片辣油帶甜牛舌好薄好爽口口水雞辣得惹味雞件多沙薑豬手面舖蒜泥豬手好味紅糖糍巴炸得香脆紅糖微甜鹹檸七非常解渴豆漿香濃餐廳仲有好多美食，煲仔飯，海鮮鍋，小酥肉都好受顧客歡迎