柴夫人魚館

營業中

休息中

餐牌有好多特式四川美食，包括招牌豆花魚、另可加配各款配菜、主食、小菜、煲仔飯、飲品，仲有大人小孩都愛吃既免費軟雪糕。牛肉煎餅：餅皮煎得很香脆，包住滿滿既牛肉餡料，夠晒juicy，咬落都唔會有油膩感。小酥肉：炸豬肉條，外酥內嫩，細細件易入口，灑上孜然粉一齊食更惹味。招牌蕃茄豆花魚：魚肉好鮮甜，肉質滑溜，伴碟既豆腐花和米線，索滿蕃茄湯底既汁，更滋味好吃。臘味雙拼煲仔飯：上枱熱辣辣，撈埋豉油同臘味既油香，見到都流晒口水，雙拼有臘腸和臘肉，飯粒粒分明帶飯焦，有微微焦脆既口感。紅糖糍粑：糍粑炸到漲卜卜，紅糖甜度恰到好處，咬落裡面係流心既，好驚喜。自磨豆漿：係餐廳自家製，豆味新鮮濃郁。總結，餐廳位置便利，食物即叫即做，員工服務態度友善，值得推薦。

好近尖沙咀地鐵站B2出口直行就到～總括嚟講，坐得舒服，店員友善，味道正宗，值得一試！·< 鮑魚雞煲 - 小鍋 $198 > 鮑魚係新鮮鮑魚，好爽口，好食！雞嘅肉質都非常之鮮嫩，應該有半隻雞嘅份量～小鍋都幾大鍋，兩個人食夠曬！.— 配菜：竹笙、豆芽、萵荀 — 配菜要喺落單之前揀好，佢會煮埋一鍋一齊上～無菜不歡嘅我哋加左3個菜！佢原本個鍋底，都有花椰菜嘅～竹笙索左啲汁，好入味！.— 主食：紅糖糍粑 — 上菜嘅時候熱辣辣，入面係滿滿嘅紅糖，出面炸得好脆，好煙靭！我哋當甜品咁食～.< 臘鴨煲仔飯 $66 > 竟然有飯焦！好正！臘鴨係勁香，肉質都幾嫩口，一啲都唔覺得老同鞋！配埋飯一齊食啱啱好會唔會太鹹～每一枱必點一煲，值得一試！.< 豉油時蔬 $29 > 有得揀生菜或菜芯，我哋叫咗菜芯，好嫩口，煮得岩岩好～.< 自磨豆漿 $6 > 類似珍珠奶茶咁嘅杯裝～！大大杯，$6咋，好掋飲！

今日同朋友嚟到尖沙咀食烤魚，有招牌豆花魚、酸菜豆花魚、番茄豆花魚，唔食烤魚都仲有香港味豆花海鮮鍋、豆花香味鯡魚、香辣豆花雞，最後選擇咗酸菜豆花鱸魚 $238。烤魚大大份，湯底睇落金黃色賣相吸引，主角有鱸魚片，食落肉質滑嫩，而豆花睇番介紹原來係餐廳招牌，自家製，唔似港式豆腐花咁易碎，滑嫩得來帶點結實，好吸到湯底味道，煮得耐又唔會散晒，好好食！仲有酸菜、豆芽、辣椒、土豆等配菜，份量好多，湯底飲落好鮮甜，帶酸辣味道，辣度係微辣，好好食，推薦！再加料叫左牛百葉 $32、竹笙$32、粉皮$18、江西米粉 $16。竹笙超好食，食落口感爽脆，又可以吸到湯底精華，好夠味！粉皮即係片狀薯粉，煮熟左會變透明，食落煙煙韌韌，好食！最推薦嘅主食係江西米粉，煮完同米線差唔多，但會更爽口彈牙，煮耐左都唔好淋哂，又吸到汁，好正！另外叫咗兩份小食：紅糖糍粑（6根） $33 ，糍粑中間包住紅糖漿，外皮炸到脆身，而糍粑食落煙韌，仲有流心紅糖漿，好好食，推薦！同黃金蔬菜餅$29 ，食落有好香蔥味同芝麻味！仲有免費雪糕可以整，不過由於太飽，所以都冇食到。整餐食完去非常飽同滿足，食物好食，而且價錢唔貴，我去個時7點左右，爆滿全

不知道是哪個聰明人發明的用豆腐花和魚一起配搭做火鍋，真是絕配。今日第一次食豆花魚🐠，簡直驚為天人，好味到爆。😋😋👍👍柴夫人魚🐠館，顧名思義係食魚為主，我哋叫咗招牌豆花魚鍋，一煲滿滿嘅豆花魚，入邊有好多鮮美嘅生魚片，白雪雪滑嘟嘟嘅豆腐花，仲有黃豆，薯仔片，榨菜，豆芽，用上湯一路煲煮，湯入邊仲有炒香嘅芝麻，真係好吸引。天寒地凍， 呢煲真係及時雨，暖胃又充實。除咗一煲豆花魚， 我地仲點左響鈴，窩筍，海帶，生菜，芫茜，仲有好爽滑嘅米線，兩杯自磨豆漿。尼度可以有唔同程度既辣選擇，我哋揀左微辣都已經好夠味，一邊吃一邊傾，非常享受。 中午時分尼度係全場爆滿，一個吉位都冇，可見非常受歡迎，每樣食材都好新鮮，我哋喺食到乾乾淨淨，一啲都唔剩。食完仲有雪糕任食，🍦🍦🍦 超正，見到啲後生仔女食雪糕食得好雀躍，我地又食埋一份，食完熱辣辣嘅火鍋，再食雪糕又真係幾過癮，係呢度食野感覺上係好健康，一定唔會肥，超正。👍👍

普通酸菜魚平時都食得多，今次試豆花酸菜魚，係正金馬倫道，地點方便環境光猛都有唔同一人套餐酸菜豆花魚-少辣帶有酸菜嘅清爽味道同鮮魚片嘅鮮美口感。酸菜帶出一種酸酸爽爽嘅味道，令整個菜餚更加開胃。酸菜魚加入自家制豆花，感覺好特別，好滑溜，鮮魚片嘅質感鮮嫩多汁底層有大量薯仔，煮熟之後變得軟身香甜，超軟棉，吸曬啲湯底味，好鮮味!牛肉丸帶有濃郁嘅牛肉味道同彈牙口感，牛肉丸經過煮熟，保持住牛肉嘅鮮美口感同肉汁江西米粉帶有綿滑嘅口感同淡淡嘅米香味。米粉加入湯底煮，大約十分鐘，可以保持住米粉嘅柔軟口感同香氣，放耐左都唔會爛川味口水雞帶有濃郁嘅辣香味，麻味唔算好重，辣味順口，雞肉煙韌，同時川辣醬汁增添一種辣香味，提升雞肉嘅風味紅糖糍粑帶有濃郁嘅糖香味同嚼勁口感。糍粑綿軟彈牙，紅糖味道濃郁，令糍粑更加甜美，紅糖流心，每一口都能感受到糍粑嘅嚼勁同紅糖嘅香甜味道免費 – 冰淇淋可以免費食，有香濃嘅奶味同滑溜嘅口感。冰淇淋質地綿滑，口感豐富，似冰沙口感，唔係雪糕。凍檸樂食酸辣野必備之選，解辣又解渴

柴夫人魚館是一間吃豆花魚🐟和煲仔飯的餐廳，餐廳面積不是太大，內部裝修簡潔用了很多食物照片做裝飾，座位坐得很舒服。👍除了豆花魚🐟和煲仔飯出色之外，午晚市也有些套餐和小菜供應，下午茶也很抵，食味道也不錯而且價錢唔貴，最貼心是有免費軟雪糕🍦吃，可作飯後甜品。🫶😋鮑魚🦪雞🐔煲（小份）$198份量足夠二人吃，材料也很豐富有：椰菜花🥦、洋蔥🧅、雞🐔和鮑魚🦪四隻，鮑魚🦪細細隻但肉質唔錯咬落彈口，醬汁有啲辣，雞肉🐔吸收了醬汁極致好味。👍🤤💯💯💯💯💯💯臘鴨煲仔飯$66天氣涼必食熱辣辣煲仔飯暖胃，煲仔飯金香，飯粒粒分明不會過於硬身，飯焦也做得出色微微焦脆的口感，沒有煲得焦黑，臘鴨味濃不會太過乾身，帶微微油香好食。👍🫶😋小酥肉$58材料用了豬肉🐷條，表面炸得很鬆軟，粉漿唔會個厚，食落啖啖肉，灑上紅椒粉一齊吃很惹味。😋👍黃金蔬菜餅$29說是蔬菜餅其實是沒有餡料的，它是用了蔬菜汁染色而成，個餅表面煎得很香脆芝麻很香，食落唔油膩，趁熱食餅裏面很鬆軟，所謂外脆內軟一啲都沒說錯。😋💯💯💯💯💯💯夫妻肺片$68材料有牛頭皮、牛肚、牛肉🐮和青瓜條🥒，食材切片易入口，配上辣椒油🌶️、花椒等輔料製成的紅油，食落帶麻辣鮮香，風味別

天氣涼涼地，最啱打邊爐，一般火鍋店的湯底都食厭咗，今日同朋友嚟試試豆花魚。開頭以為是烤魚，原來一嚟就係湯汁連鍋上，下面有個gas爐繼續滾。我哋另外點了一份小食紅油海蜇及2杯咸檸七。 紅油海蜇係用粗身的海蜇，配有芫茜，青瓜絲同洋蔥，很爽口很開胃，雖然是紅油但唔算太辣。D魚同豆花一上枱已經熱辣辣可以即食，第一次試打邊爐食豆腐花，好滑好惹味，原來豆腐花可以咸食，而且同辣魚好夾。魚片有好多，幾入味，唔會一夾即碎，鍋內仲有土豆片及大豆芽，全部都係好吸味嘅配菜。食左1/3左右我哋點了幾份配菜:竹笙，粉皮，響鈴，蛋餃，金針菇，蒿荀。特別推介蛋餃，每隻都份量十足，內餡有滿滿的肉，配落微辣湯底真係好好食。粉皮即是滑粉，呢度用上闊身的，食落更有咬口，其餘的蔬菜類都好新鮮。同場見到好多人食煲仔飯，下次要試試。

餐廳位置方便，地鐵站一出只需要行幾分鐘就到。餐廳唔算大，大概有8張枱，但唔會覺得迫陜。餐廳播放著輕鬆音樂，坐得舒服。餐牌食物主要係一窩窩唔同口味嘅豆花魚，港式煲仔飯或者係一碗碗魚米線，仲有小食同配菜。招牌香辣豆花魚顧名思義，主角係豆花同魚，配角係香辣湯底和入面嘅大豆芽，薯仔片同脆豆等，味道愈煮愈濃烈。豆花賣相似糊仔，沒有豆腐花嘅鬆散，但又比一磚磚豆腐更能吸收湯嘅精華，加上豆香，相當唔錯。生魚片嫰滑，但帶有幼骨，要小心進食先得。另外點了牛肉片和肥腸。份量唔算少，牛肉片似調味過，肥腸切得細細的，食得容易，而且有咬口。小酥肉份量大大碟，炸得鬆脆，夠香口。爆漿糍粑糍粑好QQ, 有年糕嘅口感。重點黎啦，一咬開，流心紅糖漿即刻湧出黎，甜度啱啱好，非常好食。食哂一碟都唔會覺得太漏，正。自磨豆漿豆漿豆香味唔錯，$6一杯， 好抵呀。仲有任食雪糕，甜品結尾，真係好滿足呀。

以前有一排好興食豆花烤魚，我就未食過～見到尖沙咀最近開咗一間專食呢一味嘅餐廳，就入咗去試吓！叫咗一個招牌豆花烤魚，辣到有得自由調教。份量好大兩三個人一齊食都冇問題～原來豆花烤魚最正嘅地方係啲豆腐好滑再加埋鱸魚，令到口感層次更加豐富，滑上加滑！而且呢一間嘅鱸魚肉質非常之好，唔係好多骨食到啖啖肉！相比其他烤魚店呢間亦都冇咁油膩，食落去整體都舒服嘅～我就另外再加咗牛肉同埋佢嘅薯粉，兩種餸質素都唔錯，特別牛肉都比較煙靭！整體嚟講我覺得呢間餐廳都幾特別，因為喺香港真係好少食到咁嘅餸，值得一試！

-柴夫人魚館-📍尖沙咀.諗住去尖沙咀食烤魚，經過金馬倫度見到哩度有豆花魚，即係將豆腐花加埋入辣魚鍋內一齊煮，覺得好新奇，於是便試下。.一入餐廳門口就有一部軟雪糕機，原來係俾食客自己唧雪糕食。重點係，軟雪糕是免費的。而哩度成晚的食客都幾多，長期滿座。.招牌香辣豆花魚 ($168)本身的配料都好多，除左魚片外，仲有豆腐花、大豆芽菜、黃豆、薯仔片和豆皮絲等。豆皮絲份量好多，而且煮到好軟身，再吸埋湯底精華，個人好鍾意，食左勁多豆皮絲。.湯底都幾香濃，但唔會太辣，加埋配料味道更豐富。豆腐花好夠豆味又細順，估唔到辣湯底同豆腐花幾夾。.魚片滑到豆腐花一樣，幾乎無咩骨。.哩度的配料雖然唔算多選擇，但勝在價錢好抵，揀多幾款都唔肉痛。.牛腱肥牛片 ($68)牛腱片脂肪唔算多，肉質唔算好滑但一點都唔老，食落都好香牛味。.竹笙 ($32)竹笙好厚身，份量都好多。爽口又滑溜，吸埋湯底更滋味。.鮑魚 ($20/隻)鮑魚雖然只係$20，但質素都唔差，咬落都好爽口彈牙。.豉油雞煲仔飯 ($56)即點即煮，超熱辣辣送上枱。雞件醃到入味，帶點甜味的豉油味。連埋飯都吸收埋雞的精華，而且仲有滿滿香口飯焦。.

星期六經過金馬倫道見到有間新開嘅「柴夫人魚館」，主打豆花系列食品，仲有冬天必食嘅煲仔飯添😋我同朋友仔嗌咗個豆花海鮮鍋同煲仔飯，食完即刻暖笠笠😆香港味豆花海鮮鍋材料勁豐富，有三眼蟹、鮑魚、牛丸、蟶子、大蝦、火腿腸、土豆片、花菜，上枱時店員會點火熱住個煲，鮑魚新鮮彈牙，蟹肉鮮甜，足足有兩隻蟹，牛丸爆汁，大蝦經炸過後，個殼都變得酥酥脆脆，香口又爽口，最正係個醬汁，吸收晒所有海鮮嘅精華，用黎撈飯食一流👍🏻當差唔多食晒啲海鮮，店員就會提供一碗豆花撈埋啲醬汁食，豆花軟綿綿，豆味香濃，配埋濃郁嘅海鮮精華醬汁真係冇得頂👍🏻冬菇滑雞煲仔飯天氣凍點少得一煲熱辣辣嘅煲仔飯😆好快已經上枱，上面鋪滿滑雞件、冬菇同木耳，雞肉醃得夠晒入味，最正係底下金黃色脆卜卜嘅飯焦，香脆可口，我見個個入黎嘅客人都會嗌煲仔飯，證明柴夫人嘅煲仔飯做得十分出色👍🏻📍柴夫人魚館 (尖沙咀)尖沙咀金馬倫道27號東輝大廈地舖人均消費：$200-250食物：⭐️⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️⭐️

聽講尖沙咀有間雪糕任食嘅餐廳今日嚟尖沙咀lunch就嚟試試.一入去就見到對面有人食緊杯雪糕等緊嘢食到以為點完餐姐姐會主動問 點知唔會所以等餐到嘅時候就自己主動去雪糕機探索研究期間 姐姐都有嚟幫手 (不過可能因為雪糕少人食未製冷).雪糕🍦係屬於內地雪糕口感唔係香港軟雪糕質地而雪糕筒都係薄薄地嘅 但都幾脆以免費雪糕嚟講 已經好高分 令人好滿意👍🏻.主食就點咗酸菜豆花生魚片配飯少辣唔算太辣 唔太食辣嘅我都接受到豆花就比較少香港食店有 幾有特色 都好滑不過生魚片就比較多骨 唔太推薦再嚟食可能就要加多啲錢 食貴啲嘅魚先得.整體來講 呢間餐廳對我嚟講 雪糕先係重點係一間被主食耽誤嘅雪糕🍦任食如果大家諗唔到食咩 又想平平哋開心下 可以嚟呢度醫肚得嚟食埋小甜品🥰🥰💕

而家香港多咗好多食魚嘅餐廳豆花魚真係第一次聽天氣咁凍食啲暖笠笠嘅嘢就啱晒酸菜豆花鲈鱼鍋底入邊已經有非常之多嘅配菜所有嘅配菜都吸收晒湯底嘅味道非常之入味鱸魚非常之爽滑配搭豆花滑捋捋嘅口感非常新奇半隻雞嘅份量亦都好足料由於鱸魚實在太好味嘅關係，所以我哋再散叫左都幾抵食食酸菜魚一定唔少得有萵筍同娃娃菜食材都相當新鮮當然唔少得海帶結同粉皮，配搭酸菜鍋嘅湯底真係非常出色金針菇，鴨血上菜嘅速度真係超快基本上15分鐘左右就已經上晒小肉酥非常之酥脆加埋啲辣粉相當惹味爆漿糍粑熱辣辣一咬落去嘅時候啲紅糖仲要爆漿出嚟趁熱食嘅時候真係要非常之小心🥰餐廳入邊仲有一部雪糕機可以自己斟最後食返啲凍嘢舒緩返個喉嚨非常之爽🥰店員服務態度亦都好好👍🏻

豆花魚聽得多 食就真係第一次，原來尖沙咀有店家專食豆花魚，最近天氣凍冰冰，一於試新嘢 暖吓肚腩子招牌豆花魚 $168 + $6轉巴沙魚經典川菜揀咗小辣 打邊爐式上菜，湯底麻辣鮮香 又濃又過癮，豆花香豆味而且不爛店員姐姐姐介紹可以轉沙巴魚 魚質滑溜 完全冇骨 口感有啲似魚柳 入口啖啖肉，估唔到一窩豆花魚有咁足份量牛健肥牛片 $68好好彩 可以食到最後一份 牛味唔錯 入口鬆化彈牙萵荀 $18爽脆鮮甜 為麻麻辣辣的一餐來一個變調響鈴片 $18惹味湯底 一定要點響鈴 吸滿湯汁再一啖入口小酥肉 $58香港好少食到呢個小食，做得外酥裡嫩 直接食或者放入鍋內煮軟吸湯後再食 兩個食法都好味💕紅糖糍粑 $33炸得表面酥脆 入口軟糯煙靭，咬開有紅糖流心咸檸七 $26檸檬可樂 $26打邊爐就是要配有氣的飲品*有自助雪糕機 不過食得太飽 放唔落雪糕了

之前lunch 食過米線，見到晚市有豆花烤魚食覺得好特別，今日趁天氣凍同朋友來食。menu 選擇多，叫左招牌豆花烤魚微辣，配料叫左萵筍、娃娃菜、牛肉，另外，天寒地凍最啱食煲仔飯，見到煲仔飯款式都有好多，揀咗梅菜扣肉煲仔飯。飲品叫咗鹹檸七兩杯。豆花烤魚基本上一上菜已經可以吃，豆花配鱸魚片，兩者都很滑，而且份量多，個鍋本身有娃娃菜、薯仔，芽菜份量十足。湯底惹味微辣加埋其他配菜例如萵筍，響鈴，娃娃菜好夾。煲仔飯嘅份量係一人份量，食到最尾個底有飯焦又唔會過燶，梅菜同腩肉好好食，煲仔飯的飯乾身冬天食一流，本來仲叫咗甜品糍粑後上，但因為實在太飽，所以留返下次先再食，店內設有免費雪糕新地機，顧客可以自行去整雪糕吃作為飯後甜品，埋單兩個人$500到，大滿足，餐廳仲供應其他鍋類，下次再試