柴夫人魚館

營業中

休息中

今天走進了這家柴夫人魚館店家首推的是他們招牌的豆花魚，客人可以自己選擇辣度，我們一行人選擇了小辣，另外還加了牛肉，豬血，粉絲蝦煲，和叫了幾款飲料。吃辣的沒有飲料就不爽了，原先的粉絲蝦煲是有自家豆漿送的，我們另外叫咗個涼粉爽，和汽水😎豆花魚嘅配菜有好多，拎咗上嚟之後滾多一陣間就已經可以食，我哋將自己加嘅配菜加埋落去，成個煲又更加豐富。牛肉好好食，我哋食完之後叫多咗一碟再食。豬血嘅份量比預期嘅多，差啲就食唔晒🤪粉絲蝦煲真係好大份，粉絲朔晒蝦味，而且仲加咗蒜蓉，唔覺唔覺就食多咗。啲蝦上面嗰陣係未熟嘅，要靠個煲整熟佢之後先可以食。本身想試買佢舖頭入邊嘅自家雪糕機，但真係太飽食唔落，唯有留返下一次。

星期五晚上去左食烤魚！尖沙咀小有名氣嘅柴夫人魚館，離遠已經見到個燈牌，非常好認。我地叫左呢到個招牌 - 豆花魚蕃茄豆花魚 巴沙魚塊 無骨，適合鐘意大大啖食嘅人士。份量2-3人，配菜有豆花，芽菜，薯仔，蕃茄等配料非常足，食到底都仲有唔少配料。巴沙魚塊厚身，肉質嫰滑，無骨，加上冇骨，食落更覺得魚肉滑溜。蕃茄湯底濃郁，味道唔會過重，蓋左魚嘅味道。隨住時間個湯滾得越耐，配菜吸哂蕃茄湯底湯汁，爽脆芽菜，軟腍薯仔片，咬落充滿蕃茄濃湯味，好食！而招牌豆花軟綿，食落口唔會散，吸埋湯汁更好味。鐘意豆花嘅人士一定要試下。外加配菜 生菜 牛肉片。生菜新鮮，鐘意爽脆定熟透嘅生菜都隨意調配，配上蕃茄濃湯，特別清新開胃。牛肉片嫰滑，都有鮮牛味，味道唔錯。小食 蔬菜大餅，食落幾有驚喜，外皮有d似煎堆外皮，脆但有軟糯口感。內饀麵包，鬆軟，口感不俗。加上大量芝麻，香氣十足。自磨豆漿 冇外加糖，值得一讚，非常新鮮，解渴降溫，配熱辣辣嘅食物一流。食飽都仲有任食雪糕，隨意到門口旁嘅雪糕機自製。

內地過江龍餐廳雖然食物質素一向有保證，但畢竟香港租貴成本高，價錢通常唔平。最近聽朋友介紹位於尖沙嘴嘅「柴夫人魚館」係少有嘅超抵食過江龍，一於去試下！呢間餐廳交通四通八達，鋪面乾淨企理，坐得舒服。叫得「魚館」，原來呢度主打豆花魚鍋。除此之外，呢度都可以點啲特色小食、或者煲仔飯。當晚我同另外三個朋友試左以下嘅菜式：梅菜扣肉煲仔飯：份量頗大，啲扣肉煮得好入味，夠曬肥美！值得一讚係梅菜唔會太鹹，$56一兜可以話係相當抵食！蝦仁粉絲煲：啲蝦都幾爽口彈牙，粉絲索曬啲蝦嘅鮮味，所以好正！番茄豆花魚：我打邊爐一向鍾意食蕃茄湯底，貪佢夠開胃。呢度嘅魚塊好滑，同啲豆花好夾。食完魚仲可以加其他配料。我地試左肥牛同牛丸，兩款都唔錯！糍粑：好怕食啲太甜嘅糍粑，好彩呢度嘅紅糖夾心唔會太甜，而且外層炸得好鬆脆！鹹檸七：估唔到呢間過江龍有得飲香港特色飲品，梗係要叫杯過下癮啦！

見之前公司班港漂為食同事好鍾意介紹啲內地過江龍餐廳都好出色，今次就試埋呢間位於尖沙嘴嘅「柴夫人魚館」啦！餐廳好近地鐵站，交通方便。雖然鋪面唔算好大，但都坐得幾舒服。睇番個menu，呢度除左有主打嘅豆花魚鍋之外，亦有啲特色小食同埋煲仔飯。我地一行四人都幾擦得，所以咩都叫左少少黎試下。以下係當晚我地叫嘅食物：「梅菜扣肉煲仔飯」：見只係$56以為好細份，點知店員攞到上黎係頗大份量嘅，淨係扣肉都有五六舊！啲扣肉好入味，口感唔會鞋。梅菜嘅味道亦唔會太鹹，可以話係相當出色嘅一煲飯！「蝦仁粉絲煲」：賣相一流，而且香氣撲鼻！啲蝦都幾新鮮，配埋粉絲一齊食好正！「番茄豆花魚」：朋友怕辣唔敢叫辣湯底，原本我個人對呢個番茄湯底無咩期望，點知出奇地好味道！啲蕃茄味好開胃，而且唔會過酸。值得一讚係魚肉份量好多，而且好滑、唔腥！富順豆花嘅豆味十足，同番茄湯底亦好夾！「爆漿糍粑」：炸得金黃香脆，裡面嘅紅糖唔會太甜。正！「豆漿」：豆味十足，甜度啱啱好！解膩一流！臨走先見到原來有雪糕免費，不過太飽啦，下次再試！

收工經過見到呢間舖頭，好似開張咗冇耐，見門面好靚，有個燈牌寫免費有雪糕食，所以就好想入去試吓一坐低個店員就好好心機咁介紹有咩佢哋嘅招牌菜，聽佢哋講，就嗌咗一個招牌豆花鱸魚，再配埋其他小食一齊打邊爐咁原來間舖頭係用Gas明火爐，唔係用電磁爐，呢個有個好處就係個溫度好平均地高，唔會好似電磁爐咁又慢又唔穩定！上菜啦！個鱸魚好大碟，就算係半條都已經夠兩個人食我哋仲唔知衰，再叫多半份鱸魚個味道係好惹味，個魚好滑好彈牙，重點係個豆腐花，個店員上菜嘅時候都有講個豆花係佢哋舖頭自己整，佢唔係出面街邊食嗰啲豆腐花，而係有少少似蛋白好滑香，配埋嗰個辣辣地嘅湯底味道，真係好一流，估唔到原來咁夾本身個煲入面都有啲土豆片芽菜同埋黃豆，我仲另外加咗海帶紅薯粉果d，食到好飽飽個店員收碟嗰陣仲問我哋仲使唔使加嘢食食到捧住個肚都係講緊三百幾蚊兩位，抵過其他大型連鎖店！本身仲話諗住食個雪糕，飽到食唔到下次再來要試下雪糕呀加上地方有好就腳，係厚福街後面，要約埋啲朋友一齊嚟再食丫

見到佢招牌喺度花魚嗰陣，其實我都唔係好想像到咩係豆花魚。唔食得辣嘅我就揀咗個蕃茄底嘅豆花魚試下🤩我哋另外加咗錢轉咗做沙巴魚。原來豆花佢既唔係豆腐花，又唔係平時打邊爐嘅嗰啲凍豆腐。睇咗個解釋之後先知佢係豆腐花未結實嘅時候嘅一個狀態。豆花佢滲咗蕃茄嘅酸甜，食落都幾滑，唔會好結實。但係佢又唔似豆腐花，咁一掂就散，幾得意。個煲都有返咁上下份量，確實兩至三個人食都完全冇問題。而且佢嘅配料極多，又有切咗片嘅薯仔、蕃茄、豆芽。當然唔可以少得主角就係一堆魚片。如果咁都唔夠嘅話，其實仲可以另外加配料，我哋想豐富啲嘅煲，所以就加咗鮑魚。鮑魚上嚟嘅時候唔細隻，有少少出乎意料之外，幾驚喜。另外我哋仲加咗一碟肥牛🤭🤭食完飯傾咗一輪計之後我哋仲去咗佢店裏便嘅雪糕機整咗杯雪糕食，佢嘅雪糕會比較似乳酪質地，我同朋友都幾鍾意🍦

琴晚嚟到尖沙咀行街，見到呢間酸菜魚，就入去試一試～兩個人都俾左張四人枱我地，坐得好舒服呢度除咗酸菜魚，都有其他小食同埋煲仔飯食🍲酸菜豆花鱸魚 - $238加咗$40轉做鱸魚，鱸魚肉質好彈牙👍🏻我係第一次食豆花加魚呢一個組合，出奇地夾‼️因為魚肉好彈牙，豆花好滑，夾埋一齊食可以將兩個食材嘅優點合埋一齊👍🏻個湯底好香，唔會太酸，都幾重花椒嘅麻辣味，份量都好多🥩牛板腱 - $68我哋仲加咗萵筍、羊肉片、牛板腱，食材都好新鮮🍬爆漿糍粑 - $33多數食糍粑都係紅糖林喺上邊，呢個就係紅糖漿包咗喺糍粑入邊，幾特別又冇想像中咁甜！🍲蝦仁粉絲煲 - $118蝦仁好新鮮好彈牙，粉絲份量好多又好重蒜蓉味😋呢個價錢仲包咗兩杯豆漿添！舖頭入邊仲有免費嘅雪糕任食‼️味道似係旺仔牛奶嗰種甜味-總結：兩個人連加一大約$550，其實嗌咁多嘢係食唔晒🤣呢個份量三個人share應該都OK🤭味道非常好，性價比極高！推薦！

酸菜魚就食得多，今次就食豆花魚啦，近年川菜越黎越多，又係時侯試下新野～呢間配料，調味都好正宗，辣度都好夠，食到辣既朋友可以叫高啲辣度👍🏻豆花魚﹕我地叫左鍋，份量十足，好多好多好多魚。魚肉厚薄適中，嫩滑，但又唔會一挾即散👍🏻我地叫小辣，辣度適中，係香港人可以接受既辣度。豆花係另一重點，豆花唔係一舊舊既豆腐，係一團似豆腐花咁既，非常嫩滑，係山水豆腐既口感，豆味亦夠，😋😋另外配料好充足，鐘意食配料既可以滿足到你🙌🏻蔬菜大餅﹕外皮炸得酥脆，但又唔會重油感，口感清爽，內餡係綠色蔬菜，好睇又好食其實午市有套餐更抵食，下次會試埋其他😋

想響尖沙咀食到美味既魚煲，一定要去「柴夫人魚館」，餐廳以招牌豆花魚鍋最出色，魚肉鍋配豆花，口感豐富，而魚片有沙巴魚、生魚、鱸魚選擇，鍋底亦有酸菜、蕃茄味及招牌香辣，有辣亦有唔辣，總有一款啱你口味。個人推介酸菜沙巴魚鍋🥬🐟，份量夠多既沙巴魚片，酸菜湯底酸酸地開胃。魚肉鮮嫩多汁，同酸菜嘅味道互相融合，非常好食。另外，蕃茄鱸魚烏冬🍅🐟🍜既烏冬煮得彈牙，湯底以新鮮蕃茄熬煮而成，酸甜可口。配上鱸魚片，味道更加濃郁。呢個組合真係一個清爽又美味嘅選擇。小食方面，一定要試下佢哋嘅麻辣伴魚皮🔥🐟！魚皮爽口，撒上麻辣調味料，辣味十足。每一口都有嚼勁同麻辣嘅刺激感，真係一個好味嘅小食！而小酥肉炸得金黃酥脆，外脆內嫩，肉質鮮美。每一口都好滋味，配埋啲甜辣醬，味道更加豐富。最後，甜品方面，我哋點咗佢哋嘅紅糖糍粑🍡。糍粑食落Q彈有嚼勁，淋上香甜嘅紅糖，味道香濃。作為一個完美嘅結尾，真係令人滿足！總括而言，「柴夫人魚館」係尖沙咀一個值得去嘅魚煲餐廳。🐟🍲🌶️😋

今個假期咁多人外遊，其實係香港就舒服好多，剩機可以周圍去行下，搵下美食。 好多人山長水遠返大陸食野，但又迫人路又遠，反而香港都有啦。今日係尖沙咀，見到呢間柴夫人魚館，原來係食湖南菜，有煲仔飯，有豆花魚，都好大眾化。 同朋友入到去就比佢既豆花魚煲吸引，一黎未食過，二來可以好似打邊爐咁再另加配料黎食，都幾得意。我地叫左酸菜豆花鱸魚小辣，再另叫左鮮牛肉，羊肉，生菜，蝦。 都好新鮮同大碟。 鮮牛肉好嫩滑，羊肉就有香味。 個豆花魚煲本身都多配，因為小辣就好野味，啱啱好，最好係外省菜唔太咸，亦冇麻辣咁龔鼻。 魚質地好厚，冇骨好味。 佢既豆漿都似鮮磨，好香豆味而唔甜。 之後再叫左麻辣烏鳳爪，香煎薄餅同爆漿糍粑，好好味，出乎意外鳳爪好開胃，好有咬口。 薄餅好鬆脆，糍粑同個豆花魚一樣都係即叫即做，勁新鮮熱辣，仲要係紅糖涵，好有家鄉味。 仲要價錢都算平，好抵。

酸菜豆花鱸魚酸菜魚有分唔同嘅價位，我哋今次揀咗$238嘅鱸魚，上枱嘅時候係魚片黎嘅🐟底層亦都有啲豆花、芽菜、薯仔片等等，材料都幾豐富，適合2-3人分享👍🏻鮮牛肉片牛肉一份只係$26，初初諗住只有幾小片，估唔到份量都唔少😛肉質唔會太韌，亦都唔會太重醃肉嘅味😆無錯～響鈴片其實呢度嘅響鈴片就係我哋平日會叫嘅響鈴卷，吸收晒滿滿嘅酸菜湯，特別開胃🥰萵筍萵筍係店員特別推薦，不過煮嘅時候要留意時間，煮耐咗就冇咁爽脆🥹而且去到後期仲會偏鹹少少紅薯粉呢一款紅薯粉比我哋平時一般食嘅幼身🧐雖然冇咁煙靭 不過就比一般更加吸收湯汁😗本身諗住叫兩份薯粉，點知原來一份嘅份量都唔細🙈如果想同朋友share多啲配料嘅話建議叫一份粉條類就夠

位於金馬倫道的柴夫人魚館，食物款式多多。 除了主打的烤魚外，還有煲仔飯、鮑魚雞煲、海鮮煲、四川前菜等等！ 最特別的是，用豆花配搭！豆花單吃好味，配湯汁混埋一齊，口感更佳👍臘味雙拼煲仔飯熏制過的臘腸臘肉搭配燜好的白飯，一上枱便要快撈起來，香味直達腦，很上頭！米飯粒粒分明，被油脂包裹着，鍋底的鍋巴濃缩了整鍋的精華！這個配鮑魚雞煲更是一級美味。嫩滑的雞肉，大大隻的鮑魚、配洋蔥、土頭片、花菜，及豆花，非常下飯。再點了紅油海蜇及夫妻肺片，前者爽口彈牙，後者配以不少配菜～這兒的味道偏重口味，所以餐廳也準備了一部雪糕機，食客進食完可自助弄杯雪糕筒，降降温，清清口味～ 挺窩心貼心的～ 店員服務態度也很友善禮貌，可以再來！

3月3O日揾食肥華和靚媽，在九龍灣運動場，晨運完後，專誠撘車出尖沙咀，到金馬倫道此間食店，食豆花，牛丸，辣烏冬和三文魚，米飯，跟豆䊢套餐，一入此店，肥華見到每將餐枱，都有一瓶凍開水在枱頭上，已令肥華對此店有好感，加上此店一位，女侍應聽到，靚媽有幾聲咳，竟然主動加多一壼，熱開水給，靚媽享用，如此細心體貼嘅服務，九十九點九印像分，肥華唔俾此店呢位女員工唔得，再加上今日在此店，所食到嘅異鄉特色食品，味道都有A級水準，而個免費雪糕，竟是肥華最愛，嘅士多啤梨味，真喺有驚喜，日後一定要再來此店，品嚐其他異鄉食品，和士多啤梨雪糕，此店喺👍👍👍

朋友系魚素主義者，即系吾食豬牛雞❌🐷🐮🐔平時同佢出街食野就要揀清楚食咩，今次忽發其想諗到不如食烤魚🐟尖沙咀金馬倫道原來開咗間烤魚專門店，有辣有吾辣，各有風味。除咗烤魚仲有各款港式煲仔飯🔥最近氣管吾系幾好，同朋友有共識吾叫辣味烤魚，所以叫咗蕃茄味🍅可揀巴沙魚、刺身、鱸魚片，我地就揀咗無骨巴沙魚。蕃茄湯底算濃郁，重口味人士會喜愛❤️啖啖魚肉數量吾少啊。豆花即豆腐，口感滑溜🤍蝦仁粉絲煲睇張相幾正喎🦐蝦仁新鮮爽口，粉絲好多蒜蓉🧄充滿港式風味。最後仲叫咗個鮑魚雞煲，鮑魚比朋友食我食雞。鮑魚爽口新鮮，雞肉幾嫩滑🐔

在香港也可以吃到超正宗的川味盛宴！就在尖沙咀！来港以后很久没有吃到好吃的川菜啦，今天在尖沙咀办事，看到这家「柴夫人烤鱼」，决定来试一试，没有想到味道出奇的棒！ ⭐招牌鲍鱼鸡煲 超级够味的食材➕鲍鱼这种高端食材在一起，味道真的超级超级棒，吃起来不要太过瘾！！！鸡肉超嫩，鲍鱼吃起来特别juicy！ ⭐虾仁粉丝煲 虾仁是新鲜的～不是那种冻货，吃起来特别爽口，而且粉丝也入味了，真的吃起来特别棒！更觉得是，虽然是川菜，却没有那种很辣的感觉，咸辣适中～ ⭐沙姜猪手 本来以为他们家拿手的是川菜，没有想到他们家的卤味做的也很好吃，入味很深，吃起来很爽口！ 对了，他们家锅子配的豆花还有他们家的米饭都超级好吃，强烈推荐这家店！！！