又到Happy Friday, lunch同同事去咗北角新開一間主打韓國炸雞餐廳。餐廳環境闊落企理, 有著韓式簡約風, 電視亦播放著韓星MV。入座隨即送上沙律菜絲。 呢度所有炸雞均為無骨, 有多款口味炸雞選擇, 好多款都想試試, 就揀咗個四拼口味炸雞。韓滋樂四拼炸雞 (自選四款口味): 
估唔到每款份量都幾多, 所有炸雞都炸得香脆而不油, keep到juicy肉汁, 就算慢慢食放咗一段時間, 炸雞還是脆的。乳酪洋蔥炸雞: 炸雞淋上大量掛汁乳酪同埋洋蔥, 微甜, 細味有好淡嘅奶羶味。 芝士雪花炸雞: 灑上大量芝士粉, 味道香甜, 美味推介! 蜜蜂牛油炸雞: 每件炸雞表面平均都沾上薄薄一層蜜蜂牛油汁醬, 香甜又有牛油香。 咖哩皇炸雞: 咖哩粉灑上炸雞, 富有咖哩香甜清香, 不是預期中嘅香辣。炸醬麵: 熱辣辣上檯, 大量甜甜地嘅炸醬易掛汁, 麵質林, 好漿口, 夾集咗幼肉絲令口感更有層次。熟吞拿捲飯:
飯卷唔會太乾身, 卷住紅、黃蘿蔔條、青瓜、熟吞拿魚, 整個放入口, 口感有層次, 熟吞拿魚魚味突出。水蜜桃梳打: 水蜜桃果香味濃, 有汽配炸雞很不錯。
藍色多瑙河梳打: 味道好似棉花糖咁甜甜地 士多啤梨梳打: 很有士多啤梨果香

今日難得相約很久冇見嘅朋友, 帶佢去咗呢間好有日本居酒屋feel嘅餐廳，位於尖沙咀棉登徑嘅「 炎丸水產」，餐廳食材新鮮，烤物有專人幫你烤，唔洗擔心熟唔熟，亦可專心同朋友吹水！ 食物款式都幾多,  帶子磯燒: 沒有重口味的調味, 帶子爽口鮮甜。 醬油木魚帆立殼燒: 加入醬油同蕃茄、青椒、木魚一同磯燒, 非常清新嘅配搭, 既有帆立貝嘅甜, 亦有木魚嘅清香！ 雲丹海苔芋天婦羅: 一個非常特別嘅菜式, 原來係海膽被紫菜包裹着嘅天婦羅，入口外脆內嫩，炸漿厚薄適中，炸得乾爽不油膩！
北海道海鮮炒飯: 有豐富嘅海鮮粒，包括有帶子、魷魚、青口仔，還有蟹籽鋪面，飯身炒得夠乾身粒粒分明，口感豐富又好味！ 蘋果颱風乳酸:  大大杯，蘋果片以颱風式直插杯底, 清甜嘅蘋果味解渴又潤喉。

表弟即將移民, 趁佢臨飛前同佢食farewell dinner。帶咗佢去公司附近新開嘅居酒屋, 果然味道有驚喜。
供應多款和食、刺身壽司、卷物、天婦羅、串燒、燒物等等…



裝修平和簡約, 反而令氣氛更貼近日本地道居酒屋。而且餐廳亦供應多款清酒, 啱哂同三五知己chill住嘆。

【白松露油吞拿魚薯仔沙律】HK$78
粒粒綿密日本薯仔粒, 加入吞拿魚蓉, 灑上白松露油同埋咖哩粉, 味道層次豐富, 每啖散發陣陣咖哩香氣。


【香箱蟹刺身】HK$198
即拆蟹肉鮮甜有肉汁, 一梳梳盡顯份量, 伴有甘香濃郁蟹膏同埋經湯汁熬煮過嘅蟹籽, 啖啖綿密多汁, 鮮甜濃郁又有層次, 超推介!!

【香煎鵝肝吐司】HK$118
煎至金黃嘅鵝肝近乎入口即溶, 味道濃郁, 配上脆多士, 面層放上酸甜多汁蘋果蓉, 完美平衡到鵝肝嘅油膩。

【月見海膽杯】HK$138
日本飯底, 放上吞拿魚蓉、疊上好幾粒海膽, 再將鵪鶉蛋汁整個攪拌至平均, 令質感很黏, 用脆紫菜包住食, 外脆內軟。
【北海道海膽蝦片】HK$288
蝦片即炸脆卜卜而不油, 放上了馬糞海膽, 以魚籽醬點驟兼調味, 
令入口即溶海膽更提鮮, 跟香脆蝦片交融, 超正!

【半熟赤鯥配海膽魚眼晶體醬汁壽司】HK$98/件
賣相看似普通壽司一樣, 但原來經過繁複處理。
赤鯥魚被昆布包住醃製7小時, 再低溫慢煮方法做成半生熟, 之後以櫻花木烤表面, 令鮮味更突出, 又食到豐富骨膠原。
【三文魚腩壽司】HK$40/件
三文魚腩很有魚油香, 滑中帶微爽。
【海膽壽司】HK$180/件
疊疊海膽份量很足, 冰凍海膽入口即溶, 口感creamy, 海膽濃郁鮮味突出。
【煙燻鯖魚禾草燒】HK$288
即席以稻草明火燒烤, 將鯖魚先烤, 再放入煙燻木箱再燻, 未食已滿足視覺; 魚皮微焦, 鯖魚魚肉細嫩柔滑又多汁, 係坊間極罕有可以食到燒鯖魚有鮮味同嫩滑!


【牛腸鍋】HK$168
湯底混合了九州、西京味噌, 美味濃郁, 牛腸爽彈, 日本豆腐表面煎至金黃, 配上盡吸湯汁嘅韭菜、芽菜、高麗菜, 配飯更一流!

【紫蘇雞皮蝦卷】HK$68/串
雞皮燒得金黃香脆, 加咗少少鹽調味, 包住了紫蘇葉同埋海蝦, 紫蘇葉平衡了雞皮餘下嘅膩, 海蝦鮮甜彈牙, 清香惹味, 值得推介!
【厚切牛舌】HK$58
牛舌爽彈多汁, 表面加咗少少黑椒, 惹味非常~
【七里香】HK$62
為雞pat pat, 每粒燒得香脆, 迫走了多餘油份, 食落香口又唔覺油膩。

【雞軟骨】HK$28
口感爽脆, 加咗少少鹽, 送酒一流。
【鹽燒白鱔】HK$68
白鱔皮烤得脆, 魚質爽彈多汁, 落咗少少鹽提鮮。 

放工同朋友去APM shopping, 順便搵個地方邊食邊閒聊。經過見到呢間方叔叔重慶老火鍋, 之前係將軍澳食過, 印象味道唔錯, 而且多款火鍋配料都有半份選擇, 啱哂眼闊肚窄又想食多幾款。

餐廳氣氛格局同其他分店一致, 乾淨企理闊落, 而柔和燈光令人感覺舒適。 湯底以每位計, $38/位, 鴛鴦麻辣鍋亦唔需要額外加錢。至於期間限定嘅湯底---養生花膠雞鍋, 就要每位加$20; 而另一邊湯底就揀咗款少辣麻辣。 餐前送上雪耳紅棗糖水, 為食辣前保護一下胃。養生花膠雞鍋: 湯底金黃, 濃郁香甜, 有幾件雞件同埋有如豬皮般爽彈嘅花膠, 好味得未開始打邊爐, 我地已經飲咗好幾碗雞湯。
而另一邊麻辣湯底, 就有大量辣椒浮面, 深紅色辣油辣椒浮面, 味道香辣, 後續有麻辣感覺, 很過癮!檯面上都放置了醬料, 自由混醬, 加入大量香油, 令味道更大大提升。醬油、茶水 ($20/位) 
大部份火鍋配料都附有最佳烚煮時間, 又有計時器提供, 好窩心。最近蟶子當造, 呢度都推出了期間限定----鮮活海蟶(一份) HK$90
每件蟶子都冇沙, 而且肥美, 烚五分鐘熟後, 依然肥美冇縮水, 鮮甜無比!美國桶蠔(半份) HK$98
雖然半份只有兩件, 不過超級肥美, 肉質滑溜, 熟後都沒有明顯縮水, 鮮香味十足, 不過蠔味唔算太重。小水母(半份) HK$48
坊間較為少見, 賣相可愛, 稍為烚30秒就食得, 口感跟海蜇差不多, 非常爽脆。而味道取決於湯底。鰻魚(半份) HK$58
鱔片有魚鮮味, 口感偏札實, 不過稍有幾條幼骨, 食嘅時候要小心。鮮鵝腸(半份) HK$68
鵝腸冇肥油連帶, 熟後更為爽口唔韌, 易於咀嚼。鮮鴨血(半份) HK$38
跟坊間超市買到盒裝嘅有所不同, 質感更為軟滑, 軟得稍有少少力夾起都輕易夾爛。黑豚腩肉(半份) HK$48
腩肉色澤嫩紅, 肉嫩帶有濃郁油香風味。兩款手打滑均為微爽彈滑, 食到鮮甜味, 而且加中蟹籽增加了口感層次。
手打墨魚滑(半份) HK$58
手打魚籽蟹滑(半份) HK$58

放假訓到自然醒, 踢拖去附近兜個圈, 買個外賣返屋企煲劇食。經過見到呢間雞翼山外賣小店, 見有好幾款不同口味嘅雞翼, 好似幾吸引就買咗兩款口味返去食, 每款口味各半打。即叫即整, 大約等咗5-10分鐘,
雞中翼熱辣辣, 而且都幾大隻
分別揀咗
避風塘蒜香雞翼:
即炸雞翼跟避風塘蒜香炒起, 大量避風塘蒜香包住了每件雞翼,
避風塘配料令口感有層次, 香辣又惹味, 忍不住一隻接一隻食。三重芝士雞翼:
淋上了芝士醬, 雖然未做到拉絲效果, 淡淡芝士鹹香味道唔錯, 
但外賣返到屋企, 芝士醬被炸皮索光了, 如果芝士醬可以再多少少/可以額外再比多一小盒芝士會更滿足!

假日出尖沙咀做完Facial, join埋丫妹食dinner。揀咗厚福街一間樓上餐廳---一方堂居酒屋。餐廳面積不大, 踏入一眼望哂, 地方乾淨企理。主打刺身、壽司、串燒, 而主食款式相對較少。


揀咗三款刺身, 每款刺身均為厚切,深海池魚: 質感超爽滑, 有鮮魚香。三文魚: 厚切滿足口感, 魚質偏林。帆立貝: 味道鮮甜, 厚切能滿足口感。三文魚芝士卷: 飯卷包住了cream cheese同埋少少菠菜, 三文魚放面, on top加上了食用花瓣同埋黑松露點驟, 整個入口一咬, cream cheese味道較為突出, 再食到三文魚淡淡魚香同埋微微黑松露香味。川海老唐揚: 海老size比預期中細隻很多, 炸得酥脆, 有少少鹹味, 細味食到甘香蝦膏, 點沙律醬食, 味道更提升。露筍豚肉串: 豚肉緊密包住了幾條幼身露筍, 清甜露筍多汁, balance了表面豚肉嘅膩。日式炒雜菜: 椰菜、菇粒炒埋一碟, 加咗木耳絲, 椰菜甘甘地, 整體水份多, 唔會太乾。北海道豚肉炒麵: 
炒麵濕炒較為林身, 配上豚肉片同埋椰菜, 幾有層次。

銅鑼灣新食肆大廈聚腳點sugar+, 其中一間日式燒肉店「宮崎肉本舖」。一開業時同朋友食過呢間嘅和牛buffet, 質素味道令人讚好不絕, 原來宜家lunch除咗供應buffet外, 再有lunch定食選擇。
餐廳一開門, 門外已現人龍, 不過都好快安排入座,
環境舒適闊落, 大型玻璃窗可以清楚望出維園同高樓景色, 而且除了卡位設計, 更有和式座位、包房, 啱哂約埋三五知己gathering。

其中一款午市套餐非常抵食---激安燒肉定食, 只係HK$98!
定食包括了九州A5和牛後腿肉2片, 自選雞腿肉/黑豚五花腩3片、是日前菜、飯、自家製味噌鮮魚湯、茶碗蒸、飲品/甜品。
整個定食排得整齊一次過上檯, 我同朋友各點了一set併豬, 一set併雞
自家製味噌鮮魚湯: 有魚嘅鮮甜味, 非開水沖果種, 湯中有少量腐皮絲同埋滑豆腐, 湯品有呢個質料確有誠意。

茶碗蒸: 熱辣辣, 蛋滑得入口即化, 食到蛋嘅香甜, 入面仲有一片東菇同埋一粒白果。

前菜有滑滑凍豆腐墊底, 面層有粒粒肉乾碎, 鹹甜帶有肉香, 增加了口感層次。
定食嘅燒肉份量雖然唔多, 但整體係好夠食! 
九州A5和牛後腿肉: 肉質嫩紅, 網絡式嘅油脂分佈, 燒嘅期間滲出血水, 帶出些少油份, 令入口更為肉香鮮嫩。 

黑豚五花腩: 薄切又未至於透薄, 肥油層比例較少, 烤至金黃, 入口唔會食到好膩。
雞腿肉: 肉質滑, 被醃得入味, 唔會太重口味, 亦無雪味, 加上了蔥粒, 簡單調味已經不錯。


套餐可自選飲品 (汽水) or 甜品 (柚子雪葩), 另可加$10升級雪糕,

最後揀咗柚子雪葩, 入口即溶, 甜酸又有柚子果香, 啱哂食完燒肉鮮膩。

自從啟鑽苑入伙後, 唔少餐廳都進駐新蒲崗, 今日丫姨係新蒲崗掃日用品, 叫我放工join佢一齊dinner。

新蒲崗除了工廠大廈, 亦有幾座新寫字樓, 樓下幾層都為食肆, 今晚就去咗呢間馬來屋試試。餐廳內裝修簡約, 如同快餐店般, 地方企理。自行scan QR code落單, 食物極快上檯。晚市同樣可以點lunch-set, +$8升級特飲。

海南雞飯:
油飯粒粒分明, 有油香得黎唔會過油; 海南雞賣相唔太好, 雞皮不完整又暗黃, 還好肉質算滑, 另配上海南雞醬。黃咖哩牛飯: 
個汁唔會好稀, 很有咖哩香, 唔辣; 牛好林, 配有唔少好林嘅薯仔, 撈飯食幾開胃。泰式奶茶: 奶香味突出, 有淡淡茶味, 味道正宗。另外散叫咗幾款share食。
炸蝦餅: 呈扁平狀, 炸得偏為燶咗d, 外層脆, 內裡鮮甜彈牙, 點酸甜醬食, 不錯。馬拉盞炒芥蘭: 炒得幾有穫氣, 芥蘭莖爽脆, 個汁有微微地辣, 幾香。鹽燒雞全翼: 雞全翼欠缺雞搥, size亦不算大隻, 燒至金黃, 加咗少少鹽吊味。

放假約埋舊同事出嚟聚吓，去荔枝角嘅上勝日本料理，餐廳食物高質款式選擇又多，又其壽司更出色。擺設佈置都係以日本居酒屋無異，入座後感覺好似身在日本居酒屋中。 日式秘製咖喱豬軟骨飯，豬軟骨燉煮得入味，肉質勁軟腍，軟骨爽口，咖哩吃起來非常濃香，而且很幼滑。用嚟撈飯絕對惹味！ 日式吉列豬扒拉麵，選用優質日本拉麵配上鮮制豬骨湯底及全手工制吉列豬扒, 豬扒厚切，外面酥脆，肉質鮮嫩，味道一流！ 三文魚肉質肥美香潤，腩位脂肪含量最高，口感也最好。壽司飯係用赤酢黎整，每一粒米飯都食得出好香醬油味!

舊同事即將移民, 約出黎聚下, book咗灣仔呢間泰國菜新泰, 多年來曾經幫襯多次, 食物味道質素值得一再encore!
餐廳樓高三層, 環境裝修富有泰國時尚風格, 每晚幾乎全場滿座, 多年keep得住人氣。 Menu款式多, 我地點咗幾款share回味。
醃無骨鳳爪沙律: 無骨鳳爪有軟筋連帶, 夾集洋蔥絲、蔥絲、茜芹絲、車厘茄, 加入了酸辣汁平均撈起, 爽口鳳爪軟筋配合唱口嘅配料, 酸酸辣辣又有層次, 好開胃。每次黎都必點! 日本南瓜焗海鮮飯: 原個南瓜裝住個海鮮飯, 面層芝士可以拉起絲, 配搭豐富, 包括有爽口嘅蝦、墨魚、大大隻青口, 以炒飯做底, 大量南瓜汁能將整個飯撈起, 令飯質濕潤, 當中亦加入了好林、近似南瓜蓉嘅南瓜粒, 每啖都有南瓜嘅清甜, 南瓜盅內仲有少少南瓜肉, 可以刮埋黎食, 兩個人食, 已經好飽肚。 原個椰青大菜糕 : 大菜糕充滿清甜椰青味, 味道很清新, 夾集了多片林中帶微爽嘅椰青肉, 正!