影片
更多
2024-04-26
271 瀏覽
見之前公司班港漂為食同事好鍾意介紹啲內地過江龍餐廳都好出色，今次就試埋呢間位於尖沙嘴嘅「柴夫人魚館」啦！餐廳好近地鐵站，交通方便。雖然鋪面唔算好大，但都坐得幾舒服。睇番個menu，呢度除左有主打嘅豆花魚鍋之外，亦有啲特色小食同埋煲仔飯。我地一行四人都幾擦得，所以咩都叫左少少黎試下。以下係當晚我地叫嘅食物：「梅菜扣肉煲仔飯」：見只係$56以為好細份，點知店員攞到上黎係頗大份量嘅，淨係扣肉都有五六舊！啲扣肉好入味，口感唔會鞋。梅菜嘅味道亦唔會太鹹，可以話係相當出色嘅一煲飯！「蝦仁粉絲煲」：賣相一流，而且香氣撲鼻！啲蝦都幾新鮮，配埋粉絲一齊食好正！「番茄豆花魚」：朋友怕辣唔敢叫辣湯底，原本我個人對呢個番茄湯底無咩期望，點知出奇地好味道！啲蕃茄味好開胃，而且唔會過酸。值得一讚係魚肉份量好多，而且好滑、唔腥！富順豆花嘅豆味十足，同番茄湯底亦好夾！「爆漿糍粑」：炸得金黃香脆，裡面嘅紅糖唔會太甜。正！「豆漿」：豆味十足，甜度啱啱好！解膩一流！臨走先見到原來有雪糕免費，不過太飽啦，下次再試！
餐廳好近地鐵站，交通方便。雖然鋪面唔算好大，但都坐得幾舒服。
睇番個menu，呢度除左有主打嘅豆花魚鍋之外，亦有啲特色小食同埋煲仔飯。我地一行四人都幾擦得，所以咩都叫左少少黎試下。以下係當晚我地叫嘅食物：
「梅菜扣肉煲仔飯」：見只係$56以為好細份，點知店員攞到上黎係頗大份量嘅，淨係扣肉都有五六舊！啲扣肉好入味，口感唔會鞋。梅菜嘅味道亦唔會太鹹，可以話係相當出色嘅一煲飯！
「蝦仁粉絲煲」：賣相一流，而且香氣撲鼻！啲蝦都幾新鮮，配埋粉絲一齊食好正！
「番茄豆花魚」：朋友怕辣唔敢叫辣湯底，原本我個人對呢個番茄湯底無咩期望，點知出奇地好味道！啲蕃茄味好開胃，而且唔會過酸。值得一讚係魚肉份量好多，而且好滑、唔腥！富順豆花嘅豆味十足，同番茄湯底亦好夾！
「爆漿糍粑」：炸得金黃香脆，裡面嘅紅糖唔會太甜。正！
「豆漿」：豆味十足，甜度啱啱好！解膩一流！
臨走先見到原來有雪糕免費，不過太飽啦，下次再試！
張貼
