甜蝦唐揚炸到好酥脆，一上嚟就已經聞到佢嘅香味，蝦比想像中嘅大，而且份量都多。一路傾偈一路食唔覺唔覺就食晒。究極丼絕對係佢嘅主打，一個丼飯裏面已經夠晒我哋兩個女仔嘅份量，而且仲有好多種唔同類型嘅海鮮MIX一齊，又鮮又滿足銀魚仔冷豆腐， 好fresh。朋友好鍾意食銀魚仔，我哋撈埋落個究極丼度食，又豐富咗🤩我哋仲叫咗個打卡一流嘅海鮮杯，入面除咗見得到嘅海膽，魚籽，三文魚塊，仲有好多蟹肉絲，最底嘅係一啲蜜柑啫喱，一個杯又係刺身又係甜品，大家可以留返後少少先食😋😋另外我哋叫嘅碎吞拿魚腩卷同埋蟹膏雪魚乾都好唔錯👍煉乳士多啤梨雪葩應該係期間限定，我哋係咁啱喺個黑板嗰度見到先至叫，一碟有四粒，仲要黐埋金箔，超有誠意。雪芭嘅質地唔係就咁雪糕，我哋食落覺得有少少軟囉，但係又唔似係糯米，好特別。士多啤梨當然會有自身嘅一啲果酸，溝埋練乳食，一流。我覺得呢個價錢有四粒真係勁抵。

今日嚟咗依一間私房菜火鍋店食晚飯，我哋揀咗打邊爐舖頭有房可以坐，唔坐房嘅話大堂都有啲卡位可以坐得好舒服。

我今次揀嘅湯底蕃茄薯仔湯底，湯底上嚟之前其實都冇預計話要先飲一碗湯咁。但係上到嚟嘅時候試咗一下又發覺佢真係幾清甜，又唔似落咗味精咁，所以都一人飲咗一碗。蕃茄同薯仔嘅份量都好多，我哋叫嘅係二人餐，揀嘅係魚皮，牛小排，墨魚丸、鮮蝦水餃、芒果同埋水蜜桃味嘅沙冰。仲有個蔬菜拼盤。另外我哋都將加咗一個牛粒。牛小排嘅雪花紋路好靚，食落又有牛味，厚度啱啱好，份量都可以接受。當然高質嘅牛梗係唔會有人嫌多。🙈另外加嘅牛粒其實一開頭都好糾結，因為牛片就容易啲知佢熟度。但係牛粒可能表面轉咗色入邊仲係生嘅都唔出奇。慶幸嘅係今次牛粒就算我哋冇特別在意佢淥嘅時間都好，佢會熟到好靭，反而牛味仲好重好Juicy，唔錯

佢嘅蔬菜拼盤種類真係超多，可以一次過食到咁多款，仲要基本上都好新鮮，真係值得叫

今天走進了這家柴夫人魚館店家首推的是他們招牌的豆花魚，客人可以自己選擇辣度，我們一行人選擇了小辣，另外還加了牛肉，豬血，粉絲蝦煲，和叫了幾款飲料。吃辣的沒有飲料就不爽了，原先的粉絲蝦煲是有自家豆漿送的，我們另外叫咗個涼粉爽，和汽水😎

豆花魚嘅配菜有好多，拎咗上嚟之後滾多一陣間就已經可以食，我哋將自己加嘅配菜加埋落去，成個煲又更加豐富。牛肉好好食，我哋食完之後叫多咗一碟再食。豬血嘅份量比預期嘅多，差啲就食唔晒🤪粉絲蝦煲真係好大份，粉絲朔晒蝦味，而且仲加咗蒜蓉，唔覺唔覺就食多咗。啲蝦上面嗰陣係未熟嘅，要靠個煲整熟佢之後先可以食。

本身想試買佢舖頭入邊嘅自家雪糕機，但真係太飽食唔落，唯有留返下一次。

夏天係開冷氣打邊爐嘅好時機，朋友今日帶咗我去一間海鮮粥底火鍋舖食
舖頭面積唔算好大，但係我聽到有房仔比一班人坐。我哋揀嘅係肉蟹餐，佢有幾款其他海鮮附送，而且仲可以揀六款嘅海鮮配料。另外最尾仲會整埋個粥俾我哋食，一個價錢全包，抵到爛。

附送嘅海鮮有大蟶子、鮑魚、魚片、蝦、白貝、美貝、同埋主角大肉蟹。每一款海鮮都已經寫得清清楚楚要煮幾耐，每一台仲有一個計時器俾你，超級方便易用。整體嚟講全部海鮮都好新鮮，每一個貝都係鮮甜無沙。鮑魚肉質厚，但因為煮嘅時間控制得好好，所以唔會煮得硬晒，好好口感。蝦都好新鮮。肉蟹真係好新鮮，新鮮到我每一隻腳嘅關節位一扭，就可以扯出佢嚿肉，絕對唔會有一絲嘅浪費。每張枱都有埋個鉗俾你拆蟹食，要住意嘅係小心啲蟹殼飛咗落去個粥底度。😂😂😂

其他火鍋配料嘅質素淨係都唔錯，最尾嘅粥底索曬海鮮嘅鮮味，又加咗雞蛋，菜脯，口感豐富咗好多。

今日朋友帶我去尖沙咀食韓國嘢 佢話依間嘅醬油蟹幾好食，於是就帶我去食吓，我都幾期待。餐廳嘅裝修風格都幾有特色。晚飯時段好多人，又用餐時間限制，我哋食完嗰陣已經有人排緊隊等緊我哋個位。

QR code落單冇幾耐之後就已經嘢食上咗嚟。枱面仲有啲小菜俾我哋食。今次係我第一次食醬油蟹，隻蟹都唔細，佢原本跟紫菜，我哋加咗個飯。一上嚟就見到佢嘅蟹膏金黃色咁，佢嘅蟹肉用匙羹就可以壓到出嚟撈飯食，又唔會整污糟隻手我哋仲叫咗個魚糕喎，好好食。一開頭見到得五條，仲以為好少。但係其實個鍋裏便仲有蘿蔔同埋魚糕片。魚糕軟糯少少煙靭，食落好滿足。韭菜煎餅嘅韭菜好香，整得好薄好惹味芝士炒年糕嘅芝士係微微拉絲，年糕軟硬適中，份量都唔少。兩個人食啱啱好。

今日落街搵嘢食嗰陣見到佢的二人套餐，真係好吸引。$300都唔使就有一個火鍋同埋煲仔飯。點知另一半落到嚟嘅時候想散叫火鍋多啲😑😑唯有下次先再試佢嘅煲仔飯舖頭應該主打做街坊生意，見到入邊都坐得多人，應該唔伏，就入咗去試

我哋叫嘅係椰子雞火鍋，揀咗半隻雞，佢嘅份量真係好多。店員幫我哋落咗雞之後就俾咗個漏斗我哋話啲沙掉曬就可以轉細火飲湯食雞。咁樣幾方便，我哋又唔使計時。椰子雞湯不嬲都係湯鮮雞滑，冇得彈👍連雞胸肉都好Juicy嫩滑我哋啲竹笙煲完之後勁大，爽口，份量又多佢嘅豬肉係有豬味得來，又唔會好騷，肉質又唔會柴，唔錯我哋仲叫咗墨魚滑同埋蝦滑，兩隻滑都好彈牙新鮮，抵食。整體嚟講依間餐廳嘅用餐體驗都唔錯。枱面要嘅工具基本上都齊全，店員個速度都好快手，最緊要嘢食味道質素又真係唔差喎，下次應該都可以返兜。

如果今日唔係地頭蛇帶我去我都唔知原來依度有間咁抵食有高質嘅火鍋舖有紙質嘅Menu，但客人可以用QR code落單。我哋叫咗一碟牛肉同埋一碟豬肉，兩個都好高質。豬肉比較驚喜，質素一啲都唔輸啲貴價火鍋店！！勁嫩，連老人家都好鍾意食 另外我哋叫咗個細嘅海鮮拼盤。本身叫嗰陣都有啲驚，因為餐單上面冇寫明有啲咩食材，點知佢一啲都冇Hea到我哋！種類好豐富，而且仲好新鮮。我一直覺得火鍋店嘅魷魚都係一個伏位，但係依一間好好食，係食得出係新鮮嘅，唔係嗰啲咬落去好膠嘅感覺。貝殼類嘅海鮮一啲沙都冇，而且隻帶子仲厚度哇哇聲，屋企人大讚滑類彈牙，正 嘢飲方面，我飲咗鹹檸梳打，好好味，又唔甜，夠氣！ 大大杯，飲足全程都仲未飲曬 結論：一定encore

平時好少機會嘗試私房菜，今日見到呢件開張冇耐嘅私房菜就同朋友約去試一試。 餐廳主要有三間獨立房間組成，有兩間係主要讓客人食私房菜，而有一間比較特別，係可以唱K嘅。每間房都有獨立廁所。所以如果要book嘅話一般都要6人或以上。 一坐低會餐廳職員會先問客人簡單介紹今晚嘅菜式，菜式在預約食亦可以先與餐廳確認選擇，大概都會係八至九道菜。 我地嘅菜式多數都加入蝦或蟹嘅成分，例如有龍蝦粉絲煲、廣州荔灣豉椒炒蟹、蟹油撈麵、蝦子扒節瓜等。 其中豉椒炒蟹就令人印象深刻，職員係上菜時就有介紹到其實呢道菜係以前避風塘炒蟹嘅做法，雖然唔係用炸蒜炒嘅蟹，但係豆豉及蔥蒜令到蟹非常入味，又唔會太咁身，蟹肉仍然非常嫩滑。 提到炒蟹之餘就不得不提蟹油撈麵，因為麵係用炒蟹所剩餘嘅蟹油拌嘅麵，一上菜就香氣撲鼻，每一條麵都掛滿蟹油，味道剛好，又唔會太鹹。 除此之外，咖喱小羊肉配大同鮮蝦荷葉飯是餐廳一道招牌菜，濃郁嘅咖哩配上荷葉飯，都係一種新嘅嘗試。兩個菜式可以分開食，不過混合一齊食用清香嘅荷葉飯配上入咖喱令味道剛剛好，只得一試。 最後食完最後主菜當然唔少得甜品，陳皮紅豆沙。如有需要，餐廳仲會提供走甜嘅紅豆沙給客人選擇。

一接近冬天就好想食嘢儲脂肪過冬 今日去左港島食好西-頂級omakase 鰈魚小砵: 碟魚切咗細條絲，跟住配咗海藻，輕輕調味過，幾入味，但又食到魚肉嘅鮮味 栗子：大大粒，香甜 芝海老：好新鮮，蝦味回盪係口中 鴨肉：混種鴨（家鴨x 野鴨）-鴨肉冇過瘦過肥，入味。日本餐廳食鴨我自己黎講幾新鮮，但又唔錯！ 平目刺身：青森的白身魚。花拆開就好香 魚肉好清香 另外放埋一邊嘅一片魚係邊緣肉位，識落個口感同隔籬嗰兩塊唔係好痛，比較爽脆 "絲高" "魚參" 魚：望落似油甘魚，但食落一d 都唔係。有d 厚度，好香魚味 水八爪魚，北海度。腳肉同吸盤肉。師傅話生到最大都有十米。 吸盤肉：新鮮 爽脆，彈牙。唔同部位嘅肉口感都好唔同 腳肉：軟糯 配醬油漬Wasabi，真係清醒出天際 一南一北 右 赤貝，佐賀 : 好有肉地，味道清新。 左 白見貝 ,北海度 : 好爽口，帶有海水嘅鹹味，同點嘅鹹又唔係同一種鹹。但本身嘅貝又有甜味，好有層次 有wasabi / 鹽 臨上枱嘅時候廚師整咗啲柚子碎喺上邊 新鮮三文魚子逐粒逐粒拆出嚟。每年12月就已經完結其他日子都係急凍。唔使再加豉油已經調咗味，先食原味，之後就可以再撈埋下面嘅蘿蔔蓉一齊食。 廚師即場喺我哋面前將一粒魚子彈咗喺枱嗰度跟住彈到勁高，勁誇張，佢話係新鮮先至可以有依個彈力 粒粒魚籽好爆汁，好鮮甜 壽司嘅調味如果想多啲或者少啲都可以專登同師傅講，佢會自己調節返 另外我哋女仔梗係要求小飯啦😆 金木雕，魚皮都食到，食到皮下脂肪 鎗魷魚，切開咗一條條咁樣，更方便客人食用，入邊包咗紫蘇葉，一啲都唔韌👍🏼👍🏼 關鯖：依個係可以生食嘅，九洲的，全日本得佢可以生食，有標籤的。肉質好特別，單講口感唔太似魚 北海道嘅秋刀魚，入邊加咗薑同埋蔥。老闆話如果我都唔鍾意呢度嘅秋刀魚嘅話咁我就真係唔鍾意秋刀魚 其實一餐Omakase落嚟真係食咗好多嘢，可惜一篇只可以放少少相，而且我仲掛住食，都已經盡量記錄低同大家share但係都一定係錄唔晒大家有興趣真係非常建議去食吓。

最近喺社交平台見到人哋post咗呢一個和牛set. 望落啲牛肉就覺得好正，於是自己都忍唔到口去咗試。

餐廳好容易搵，隔離就係aeon .

用手機QR code落單，我哋揀咗嗰個和牛set，然後再散叫一啲其他菜。每個人嘅位嗰度都已經配備好啲調料，仲有黑椒同海鹽。

呢個就係我睇到嘅嗰個set我哋加錢升級咗做紫菜溫泉蛋飯，飯嘅份量好多，我地兩個女仔share食都足夠。set包咗三款唔同部位嘅牛，三款都好好食，油脂好足，口感各有不同。我覺得依一個set佢更佳嘅地方就係佢打卡一流，影相就已經feel到高級咗
我哋另外仲叫多咗幾款食物，有扇貝，雞肉，豬五花，同埋豬肋條，仲有個菇同生菜。雞肉同平時自己燒嗰啲真係好唔同，好似燒耐咗佢都唔會柴，好嫩，難度為零。相反個豬肋條就要少少技巧，因為始終個體積比較大而且厚。最好燒耐少少先熟。