柴夫人魚館

營業中

休息中

今日放假同朋友去咗尖沙咀行街睇戲，睇完戲諗住喺附近搵啲嘢食吓，朋友帶咗我去一間好特別嘅川菜餐廳，食豆腐花酸菜魚，估唔到咁嘅配搭係好好食。柴夫人魚館 ，地址喺尖沙咀金馬倫道27號東輝大廈地舖。餐廳地方雖然唔算太大，空間感好足夠，裝修得光猛整潔酸菜豆花魚$198，加咗$6轉巴沙魚，沙巴魚魚肉嫩滑，魚味香濃，全部都冇骨食落去啖啖肉，本身魚肉都好嫩滑配埋豆花真係形容唔到嘅滑，有機會真係要一試。配菜，芫荽$18，萵筍$18萵筍爽口清甜，唔使淥太耐口感更加爽脆。雞半隻$68，份量非常多，肉質嫩滑，見到脂肪不算太多，所以放落火鍋嘅時候都唔算太油膩，肉味鮮甜，連埋本身酸辣魚嘅湯底一齊食，令到雞肉味更出眾有機會真係要一試。鐵板蒜蓉蝦 98元份量真係好多，每一隻蝦size都好大隻，蝦頭仲有啲蝦膏特別香口，蒜蓉好足，蝦肉鮮美肉質彈牙，絕對有驚喜梅菜扣肉煲仔飯$66煲仔飯香氣撲鼻，旁邊仲有飯焦，飯煮到好乾身粒粒分明，梅菜扣肉帶少少肥膏香口惹味。