影片
更多
2023-08-28
370 瀏覽
星期日午餐同朋友一齊係尖沙咀新開既柴夫人魚館度食午餐。招牌香辣豆花巴沙魚 +烏冬面既然寫住係招牌嘅，咁一場黎到一定要試下！碗面嚟到嘅時候，好快已經聞到一陣陣嘅香辣味道，隨風送入鼻。成碗麵鮮紅色嘅，已經好感覺到佢香辣味道嘅厲害。而且見到佢嘅巴沙魚一舊舊，而且無骨，望落去都覺得白白滑滑，同豆花一樣好入口！初嘗一啖香辣湯底，再配上一嚿滑捋捋嘅巴沙魚，入口口感一級棒！而且配埋烏冬麵，烏冬麵實實淨淨有咬口，同豆花巴沙魚配合埋一齊，簡直天作之合！番茄豆花蝦 作為蕃茄湯底，碗面一上枱就已經聞到一大陣番茄味道。蕃茄嗰種酸酸甜甜嘅味道，配合埋吸收咗蕃茄湯底味道嘅大蝦，加埋又軟淋淋又好易入口嘅米線，成個配搭都令到碗麵好好食。紅糖糍粑普通嘅紅糖糍粑係沾紅糖糖漿，呢一個爆漿糍粑係用外層就脆脆嘅糯米外皮，配上芝麻，將紅糖糖漿融入喺糍粑嘅入面。一咬落口，就已經覺得又脆又香又可口，大紅糖微甜而不膩嘅口感，令到我覺得非常好食，呢一個應該係我食過最好食，而且最出色嘅紅糖爆漿糍粑。招牌豆花呢一個招牌香辣豆花，配上佢嘅配料，有一種鹹鹹辣辣嘅味道，而且豆花嘅口感一舊舊，滑捋捋，好有一種平常唔會食到嘅豆花味道，非常好食！如果你
招牌香辣豆花巴沙魚 +烏冬面
既然寫住係招牌嘅，咁一場黎到一定要試下！碗面嚟到嘅時候，好快已經聞到一陣陣嘅香辣味道，隨風送入鼻。成碗麵鮮紅色嘅，已經好感覺到佢香辣味道嘅厲害。而且見到佢嘅巴沙魚一舊舊，而且無骨，望落去都覺得白白滑滑，同豆花一樣好入口！
初嘗一啖香辣湯底，再配上一嚿滑捋捋嘅巴沙魚，入口口感一級棒！而且配埋烏冬麵，烏冬麵實實淨淨有咬口，同豆花巴沙魚配合埋一齊，簡直天作之合！
番茄豆花蝦
作為蕃茄湯底，碗面一上枱就已經聞到一大陣番茄味道。蕃茄嗰種酸酸甜甜嘅味道，配合埋吸收咗蕃茄湯底味道嘅大蝦，加埋又軟淋淋又好易入口嘅米線，成個配搭都令到碗麵好好食。
紅糖糍粑
普通嘅紅糖糍粑係沾紅糖糖漿，呢一個爆漿糍粑係用外層就脆脆嘅糯米外皮，配上芝麻，將紅糖糖漿融入喺糍粑嘅入面。
一咬落口，就已經覺得又脆又香又可口，大紅糖微甜而不膩嘅口感，令到我覺得非常好食，呢一個應該係我食過最好食，而且最出色嘅紅糖爆漿糍粑。
招牌豆花
呢一個招牌香辣豆花，配上佢嘅配料，有一種鹹鹹辣辣嘅味道，而且豆花嘅口感一舊舊，滑捋捋，好有一種平常唔會食到嘅豆花味道，非常好食！如果你覺得純粹湯麵嘅豆花唔夠食的話，非常建議好似我咁嗌多一碗額外嘅招牌豆花！
自磨豆漿
張貼
