星海薈﹒譽宴

營業中

休息中

今天和家人一起來到沙田石門，想找個安靜舒服的地方吃飯，便選了這兒。這中式餐廳在沙田萬怡酒店內，在是個婚宴場地，裝修必然華麗，一面牆身有長長的大玻璃，採光度十足。配合香港人清洗餐具的傳統，侍應一開始便拿了一大鍋熱水，洗杯洗碗方便很多！🥢前菜木耳爽口彈牙，有少許辣，很開胃。🥢碧玉鮮蝦腸粉新派的腸粉除了造型型格外，質素也大為提升。薄薄的腸粉包着天婦羅蝦鮮蝦，外軟內脆。🥢木魚花燒汁茄子茄子原設筒切，完全吸收燒汁的甜味，滋味十足！🥢 鮮茄濃湯浸菜苗甜甜的蕃茄濃湯浸着菜苗，菜苗新鮮爽口。🥢 蒜香長春捲春捲十分長，份量十足，外脆內軟，小朋友最愛！🥢 黑糖蜂巢糕黑糖味不會太甜，口感有點像白糖糕，但要比白糖糕煙韌少許。🥢 鮑汁珍菌炆伊麵🥢 山竹牛肉球難得的是午飯時間來這兒，人流不多，空間闊落，年紀細的小朋友來吃飯也感到輕鬆自在。

之前朋友結婚係沙田萬怡酒店既中菜廳擺宴席，感覺地方好優雅舒服，同時菜色食物都幾好，今日去開馬鞍山，順便去星海薈飲吓茶，試試佢嘅茶點。先來個出面少見嘅＂香芒鹹水角＂這個配搭第一次食，芒果包住入邊嘅餡料都幾夾好味😋鮮蝦腐皮卷比外面嘅好食得多，外皮酥脆，蝦仁超多，口感一流。繼續煎炸濾鏡推介：紫薯煎堆仔，炸得金黃，熱辣辣好好味，真心推薦。一籠籠嘅點心同樣款式多，味道正。南翔小龍包，皮薄餡靚又多汁，潮州粉果，外皮煙韌餡料豐富又夠爽甜，薑蔥牛柏葉唔會太油，食落都幾爽，而且好夠入味😋😋蠔皇叉燒包包皮鬆軟，餡料唔係好多，不過醬汁帶甜，都幾滋味！朋友係飯桶，所以叫咗個大澳三鮮蒸飯，份量誇張，面頭嘅帶子、象拔蚌、蝦乾相當之多，飯粒蒸得乾身香口，海鮮味道亦都滲入米飯當中，令人齒頰留香。

星海．星海薈 萬怡酒店內的中餐，最近朋友擺喜酒所有菜式都不錯！而且舞台環境適合飲宴之餘，亦適合三五知己共進晚餐，喜歡中菜的你不可錯過以下款式：招牌白胡椒焗大肉蟹：一向都很喜歡白胡椒的味道，大肉蟹加入白胡椒非常新穎，果然沒有令我失望，因為白胡椒味道非常出眾，蟹肉完全吸收白胡椒的香味，肉蟹新鮮啖啖肉！大廚細心將大鉗拍兩拍非常容易打開，所有蟹的鮮味和胡椒味，結合有意想不到的滋味！蜜汁黑豚肉叉燒：黑豚肉，果然是黑豚肉，味道就是鮮甜的豬肉味，且有口感！最喜歡叉燒燶邊效果，香香甜甜的，配合白飯一流！海皇什菜粉絲煲：上枱已經很奪目，除了不同款式的新鮮蔬菜外，還有爽甜大蝦、魷魚、帶子等等，令整個海鮮湯汁惹味非常，蔬菜和粉絲吸收海鮮的鮮味最後一定是吃清光吧！雪梨花膠燉湯：燉湯除了足料之外，最重要就是夠熱！這款滋潤的燉湯，真是很難在家品嚐！大大篇雪梨很好吃，花膠養顏，為乾燥的冬天帶來滿滿的滋潤，正！

最近多區傳來櫻花盛開的消息，今天與兩位朋友也來沙田城門河旁 公園湊湊熱鬧，與優雅的櫻花拍照打咭一番。 之後再在附近找個地方下午茶歇歇腳，我提議到萬怡酒店內的"星海薈.譽宴"飲茶， 曾經在這裏食過晚飯印像很好環境也舒服。來到午市已過食客算多環境清靜，最適合我們邊欣賞剛拍的櫻花照邊茗茶~多項套餐孖寶組合都很吸引！我們選了這份[ 知己套餐 ] $368有三款點心，燒臘一款，炒飯等。叉燒份量十足！厚切大大件的。不肥不瘦甜蜜蜜口感。蝦餃味道不錯餡料爽口。山竹牛肉大大粒，肉質滑而鬆軟，馬蹄爽口。蒜香排骨排骨肥瘦適中，味道調得鮮而滋味！瑤柱蛋白炒飯飯炒得爽口，有蛋香。吃得開心！再點一道甜品……桂花蜜脆麻花 $ 24鬆鬆脆脆又甜蜜！這道甜品十分好味！吃得很開心！抵食，點心味道好！滿意！

家庭聚會，去酒樓就最適合不過啦！但係媽媽真係好驚去屋村嘅酒樓，質素有時都比較參差嘅😆今次我哋就揀咗沙田呢一間酒店入邊嘅酒樓，佢雖然喺酒店入邊，但係價錢都非常親民，可以話係平民價錢，酒店質素！侍應姨姨們，非常親切，亦都好專業👍🏻雪梨無花果花膠湯一坐低，先飲個湯暖暖胃先，湯怪又出動，偽韓仔自己一個飲晒成碗，可見味道不錯☺️媽媽就偷咗佢舊花膠嚟食，都幾大嚿㗎🤪招牌白胡椒蟹超大隻肉蟹，目測有一斤至斤半，隻蟹鉗有我成隻手咁大隻😍用白胡椒炒， 十分惹味👍🏻蟹肉新鮮，鮮甜爽口脆皮燒雞皇偽韓仔指定要點的菜式，半隻燒雞，份量不少，外皮燒到脆卜卜，入邊雞肉，保持嫩滑，十分juicy🥰花膠絲瑤柱扒娃娃菜呢類型菜式，喺屋企比較難自己做到，所以去酒樓食就最啱啦！呢度個芡汁做得幾好🤩，唔會一pat pat，又唔會水滴滴👍🏻同埋真係食到有幾多瑤柱㗎🥳

20221111平日--星海薈﹒譽宴 (香港沙田萬怡酒店)地址: 沙田安平街1號香港沙田萬怡酒店1樓秋天是食大閘蟹的季節，在開飯瀏覽，被星海薈﹒譽宴的相片吸引，兩日前致電查詢還有供應星級大閘蟹套餐，因是季節限定，惠顧當天已是倒數供應的幾天。餐廳面積呈長型，天花漂亮的燈飾侍應有效率地安排了一張圓桌寬敞疫情下，酒樓提供了熱水煲清洗碗碟，衛生情況非常好，食得安心不過，忘記了拍照確認了吃星級大閘蟹套餐侍應送上前菜，黑白雲耳用醋調味，白雲耳比黑雲耳爽口冰鎮花雕五頭南非鮑魚鮑魚細心地斜切成薄薄數片，軟腍有鮑魚味星海蟹皇燴生翅賣相金黃金黃，非常吸引翅湯色澤金黃，陣陣蟹黃香，加入鮮拆蟹肉，魚翅入口軟滑紫蘇蒸大閘蟹(約六兩)足秤一隻蟹膏不算多味道也普通另一隻蟹膏比較多，但都未算爆膏，膏甘香肉鮮甜。兩隻蟹也沒有驚喜生拆蟹肉花膠絲扒高麗菜花膠絲切成粗條，有咬口，蟹肉鮮甜配上高麗菜，吃罷濃味，清一清味蕾，味道不錯蟹粉小籠包第一次蒸的小籠包，外皮看是蒸得過腍，但豬肉是生的，告知侍應，即時反應給我換走了，蒸一個全新出來，服務抵讚。第二次包皮又是蒸得過火，但算是肉全熟了，可入口，蟹粉味不濃，味道普通不過，我會形容蒸

遠房親戚人回來了！喜悅的心情，家鄉菜不可缺。胡椒龍蝦🦞，味道可以媲美，新加坡的胡椒蟹，令人津津樂道，連殼也沾滿味道。贊👍🏽。 尤如停不了的。。愛。 蔥油🐔，份量好，嘗了雞味外，更野美的是，沙薑入了雞的肉汁。。滑香。送飯完完不絕⋯⋯蝦乾啫啫介蘭煲，火喉足有點兒時大排檔的小炒！豆腐齋菜。清淡將濃濃味的餸菜，可以中間調和。你能品嘗，廚師嘅用心煮，讓遠方親人，停不下來。。環境衛生，優。私人聚會，𣈱情傾談過去的喜和憂。。。由－杯茶㊗️福往後日子⋯⋯贊

過時過節最喜歡就係約埋三五知己飲茶聚一聚，今次入了沙田萬怡酒店內的“星海薈~譽宴”，朋友推介這間“星海薈”在萬怡酒店內環境不錯，門外的黃色公仔非常吸睛幾特別，點心有質素但價格同其他譽宴分店相對差不多，服務殷勤，性價比都高。我對譽宴的酒家都非常滿意首先疫情間已經開始準備大滾水盆浸洗杯碟消毒，感覺食得安心，另外點心質素都能保持一貫水準。原籠大澳三鮮蒸飯，籠仔荷葉飯上枱時已經香噴噴，非常香濃惹味的蝦醬配上的蝦乾、魷魚、帶子炒飯底再用荷葉一起蒸好惹味。金磚脆豆腐，外表金黄炸得香脆之餘內裏的豆腐又非常滑溜，這個必食之選。木魚花燒汁茄子做得非常好味，好多做茄子都會好多油，但這個不會覺得肥膩，茄子肉嫩滑配埋蝦滑和木魚汁燒汁，好滋味。北菇蟹柳棉花雞足料還用心形碟盛載有心思。潮州粉果做得不錯，餡料沙葛花生味道都正宗。薑汁糕非常夠薑甜度適中。這間“星海薈”無論環境、食物、服務都非常唔錯， 下次可以試一試晚飯。

之前食過一次，覺得好好味，昨晚特登去再食，點知大失所望。四個人叫咗一客，送到黎鐵板完全唔熱，淋上汁時冇吱吱聲，但隔離枱淋汁時吱吱聲，－食落口，朋友已經話蟹肉霉嘅，我食蟹鉗就好啲，但再食蟹身都係霉，仲要差唔多七百蚊未加一客，好失望。應該冇下次！

同波B哥去咗沙田玩完史諾比公園，阿妹要shopping之後問佢哋想食乜，都係想食蝦餃燒賣，可能外國生活啲唐人餐都係差啲我諗起之前同婆婆喺尖沙嘴譽宴.星海會飲茶質素好好，上網搜尋完之後原來石門都有分店，唔理咁多一於搭車過去飲番個下午茶先雖然話下午茶，但係其實我哋未食午餐，叫晒佢哋鍾意嘅點心蝦餃，大大隻，鮮味蟹子燒賣皇，波B哥至愛鮮蝦腐皮卷，脆卜卜胡椒濃雞湯灌湯餃，胡椒濃湯真係好出色，尤其是凍凍地，飲啖熱湯超級正米網脆皮蝦腸，平時食得蝦腸多加咗米網，脆脆地有啲似食炸兩，但係中間又有隻蝦，特別乾炒安格斯牛肉河粉，阿妹專登嗌嘅又話返嚟香港一定要食乾炒牛河，酒樓用咗安格斯牛肉更加嫩滑，鑊氣一流

辛苦工作過後要食番餐好嘅獎勵下自己，今日同屋企人於沙田 Marriott Hotel 《星海薈·譽宴》享受一頓秋冬晚餐。招牌白胡椒大肉蟹($598)~肉蟹超大隻，約有1.5斤，上菜時真係嚇一跳，非常巨型，賣相相當吸引，連煱上，店員即時淋上醬汁，發出吱吱聲響，香氣撲鼻，令人垂涎欲滴，兩隻蟹鉗大到呢，蟹肉鮮甜又美味。上湯開邊美國龍蝦伊麵($298)~抵食，龍蝦伊麵底，龍蝦夠新鮮，伊麵底爽滑，上湯煮好好味。雙冬枝竹古法羊腩煲配唐生菜($388)~冬菇及冬筍就係雙冬，古法炆，羊肉炆到好淋，件件又香又滑，仲有馬蹄、枝竹、芹菜，加入生菜，滾住食，索滿汁。雪梨無花果花膠湯($68@)~秋天天氣乾燥，呢個湯好潤好有益。

今日同媽媽去石門探朋友，晚飯媽媽想食中菜，於是我帶她去沙田石門Marriott Courtyard 酒店1樓中式酒樓譽宴．星海薈 。高級華麗的裝修，侍應友善的款待，睇睇餐牌發現呢度招牌菜係白胡椒蟹，價錢也非常合理。餐前小食冷盤黑白木平，用上芥末醬混合麻油，開胃小食。招牌白胡椒蟹🦀$598，佢哋選用肥大厚肉的大肉蟹，用白胡椒香蔥炒焗，鐵板上枱，再倒下醬汁，香味撲鼻。肉質非常厚，廚師輕輕壓碎蟹殼，令醬汁注入蟹肉，非常鮮味。雪梨無花果花膠燉湯$68， 呢個天氣最啱飲，媽媽話雪梨無花果非常滋潤對身體又好，花膠唔使講都知養顏滋陰補身，味道清甜不含味精。鹹魚雞粒豆腐煲$138，天氣凍凍地，梗係食煲仔菜，豆腐煎香，雞粒嫩滑，淡淡鹹魚香味，送飯一流，非常開胃。媽媽食得好開心，仲話下次想試下佢哋秘製瓦罉蔥油雞，我見到張相都流晒口水🤭

上星期和同事到這裡飲茶，無意中看到有招牌白胡椒蟹套餐，決定約埋屋企人黎食四人套餐。$1488，八道菜，其中有蟹有魚有鮑魚，真係幾抵食。招牌大胡椒白肉蟹期待的肉蟹上枱一刻已經香味撲鼻，胡椒蟹用鐵板盛載保持熱度，淋上胡椒汁，隨即發出吱吱聲的，更加香味四溢，急不及待要拆蟹了，這巨蟹，超級多肉的，蟹鉗超大隻超鮮甜，啖啖肉，沾上鐵板上的胡椒醬汁，微辣微辣，非常惹味，鮮甜肥美的蟹肉真的超級超級超級讚!!!雪梨無花果燉花膠湯這個燉湯，令人讚不絕口，再三回味。每碗燉湯都非常足料，滿滿的爽脆花膠，還有一整個無花果，由雪梨燉製，超級鮮甜，很滋潤，感覺骨膠原頓時倍增。果皮蒸八頭南非鮑魚清蒸鮑魚最能吃出鮮味，鮑魚味濃郁，鮮甜味明顯，非常厚肉爽口，廚房把鮑魚清理得後乾淨，食用放心。鮮腐竹百合浸時蔬每頓飯最重要有蔬菜下肚，菠菜非常新鮮，沒有澀味，簡簡單單的一道菜，帶走一點油膩感。清蒸金花龍躉清蒸時間剛剛好，品嚐到原汁原味龍躉，龍躉肉質爽脆，味道鮮甜，魚皮的膠質，補充骨膠原。脆皮一品燒雞每道菜都是順序慢慢上，上的時間剛剛好，所以食物都是熱呼呼的，這個燒雞便是例子，剛燒完才呈上，保持了脆皮的口感。燒雞大小正常，適合四

今天舊同事請我在沙田石門萬怡酒店裡一間中式酒樓午膳，地方寬敞裝修華麗，檯與檯之間相隔距離闊落，有一個大型舞台適合各式各樣的宴會。坐下嘆杯茶再施施然選了以下食物：蟹粉小籠包～咬一啖蟹油已在口中慢慢浸出但卻不肥膩，鮮美無比，吃起來滿口留香，既是一道美味小食又是顯現師傅做工精致；安格斯和牛腸粉～安格斯和牛砌成粒狀作腸粉的餡料，既豐富又嫩滑，有嚼感；黑蒜安格斯牛柳粒～黑蒜味道可口，入囗沒有大蒜的辛辣味，而安格斯牛柳粒口感柔嫩，帶有濃厚肉味，卻沒有絲毫油膩，再配上紅椒丶青椒丶甜豆丶菇菌等真的提升其風味，好清爽呀！化皮腩仔～表皮酥脆丶鬆化肉嫩，肥美可口，有嚼勁，再以白飯相伴比吃炒飯又有另一層次。在這微寒的天氣下吃些熱飯熱餸陪加溫暖，再與舊同事話說當年，足矣！

今日媽咪黎沙田搵我，特登搵左間坐得好啲既酒樓同佢食晚餐，最後擇左呢間係酒店既譽宴。晚市有啲特價小菜。。是日燉湯特價$68，叫左「雪梨無花果花膠燉湯」清潤鮮甜，飲落好潤喉，仲有大大舊花膠，Cp值超高。「招牌白胡椒蟹 $598」之後就係媽咪order既白胡椒蟹 ，性價比超高😍蟹勁大隻，無論腳同蟹夾都好好肉👍🏼👍🏼仲要超香白胡椒味，啖啖肉真係好爽。「生炒臘味糯米飯 $168」叫多個臘味糯米飯配蟹食，糯米飯好足料，有齊臘腸潤腸，仲要切到好細粒，啖啖都食到蛋絲👍🏼炒得又夠鑊氣。。最欣賞係呢間酒樓真係好岩同屋企人聚餐，環境好好啲人好有質素，又唔會太嘈，岩晒同屋企人傾吓偈。