星海薈﹒譽宴

營業中

休息中

之前朋友結婚係沙田萬怡酒店既中菜廳擺宴席，感覺地方好優雅舒服，同時菜色食物都幾好，今日去開馬鞍山，順便去星海薈飲吓茶，試試佢嘅茶點。先來個出面少見嘅＂香芒鹹水角＂這個配搭第一次食，芒果包住入邊嘅餡料都幾夾好味😋鮮蝦腐皮卷比外面嘅好食得多，外皮酥脆，蝦仁超多，口感一流。繼續煎炸濾鏡推介：紫薯煎堆仔，炸得金黃，熱辣辣好好味，真心推薦。一籠籠嘅點心同樣款式多，味道正。南翔小龍包，皮薄餡靚又多汁，潮州粉果，外皮煙韌餡料豐富又夠爽甜，薑蔥牛柏葉唔會太油，食落都幾爽，而且好夠入味😋😋蠔皇叉燒包包皮鬆軟，餡料唔係好多，不過醬汁帶甜，都幾滋味！朋友係飯桶，所以叫咗個大澳三鮮蒸飯，份量誇張，面頭嘅帶子、象拔蚌、蝦乾相當之多，飯粒蒸得乾身香口，海鮮味道亦都滲入米飯當中，令人齒頰留香。