影片
更多
2023-03-10
2829 瀏覽
呢間中菜係位於沙田萬怡酒店，裝修都幾有氣派，天光燈嘅設計好靚。見到有婚宴嘅backdrop，環境都幾啱擺酒👰🏻♀️🤵🏻♂️鐵板白胡椒煎焗澳洲龍蝦 $598平時芝士龍蝦伊麵就食得多，白胡椒煎焗再用鐵扒上真係第一次試，原隻斤半重嘅龍蝦加咗白胡椒汁真係勁惹味，白胡椒嘅微辣同香氣起到提味嘅作用，加埋鐵板熱住咁上，龍蝦肉又熱又彈牙，更加好味，連啲洋蔥都好好味。我見其他枱嘅客人好多都叫佢哋嘅招牌白胡椒蟹，係一隻大肉蟹，下次都想試下😛雪梨無花果花膠燉湯 $68雪梨同無花果燉出嚟嘅湯好清甜，潤肺止咳，仲有花膠，係養生之選。待應話原價$118，而家優惠價$68，又真係幾抵飲拔絲菠蘿咕嚕肉 $148咕嚕肉表皮炸得好脆，咬落去口感鬆化，肉質嫩口，夾起時真係有拔絲。鮮菠蘿預先切好咗分開上幾特別，一啖咕嚕肉一啖鮮菠蘿咁食好開胃京蔥什菌炒安格斯牛肉 $168炒得好有穫氣，用嘅係安格斯牛肉，比平時食到嘅炒牛肉嫩滑，醬汁惹味，掛滿醬汁嘅京蔥同什菌送飯一流晚茶芥 $18@
呢間中菜係位於沙田萬怡酒店，裝修都幾有氣派，天光燈嘅設計好靚。見到有婚宴嘅backdrop，環境都幾啱擺酒👰🏻♀️🤵🏻♂️
鐵板白胡椒煎焗澳洲龍蝦 $598平時芝士龍蝦伊麵就食得多，白胡椒煎焗再用鐵扒上真係第一次試，原隻斤半重嘅龍蝦加咗白胡椒汁真係勁惹味，白胡椒嘅微辣同香氣起到提味嘅作用，加埋鐵板熱住咁上，龍蝦肉又熱又彈牙，更加好味，連啲洋蔥都好好味。我見其他枱嘅客人好多都叫佢哋嘅招牌白胡椒蟹，係一隻大肉蟹，下次都想試下😛
雪梨無花果花膠燉湯 $68雪梨同無花果燉出嚟嘅湯好清甜，潤肺止咳，仲有花膠，係養生之選。待應話原價$118，而家優惠價$68，又真係幾抵飲
拔絲菠蘿咕嚕肉 $148咕嚕肉表皮炸得好脆，咬落去口感鬆化，肉質嫩口，夾起時真係有拔絲。鮮菠蘿預先切好咗分開上幾特別，一啖咕嚕肉一啖鮮菠蘿咁食好開胃
京蔥什菌炒安格斯牛肉 $168炒得好有穫氣，用嘅係安格斯牛肉，比平時食到嘅炒牛肉嫩滑，醬汁惹味，掛滿醬汁嘅京蔥同什菌送飯一流
晚茶芥 $18@
張貼
