星海薈﹒譽宴

營業中

休息中

好喜歡去酒樓食點心環境大d、枱凳座位都闊落d又唔會限時限刻嘆茶都食得舒服d所以久不久都會同家人嚟食飯飲茶而且哩間嘅選擇多 又好味😋🔸招牌胡椒濃雞湯灌湯餃 （$58）個湯真係好香濃，辛辣嘅胡椒味好驅寒，當日係雨天，食完好暖笠笠。餃好大隻，皮好薄，餡料有蝦仁、豬肉等，好足料呀！🔸晶瑩鮮蝦餃（$40）包得晶瑩剔透，皮薄餡靚，餡料中的蝦肉大隻又新鮮爽口，餃皮煙韌好食。🔸蟹籽燒賣皇（$40）大大粒燒賣包有鮮蝦、豬肉，入口充滿香菇、肉香，口感彈牙，必食！👍🏻🔸豉汁蒸鳳爪（$24）鳳爪蒸得剛剛好，軟得嚟仲保持少少爽口，配埋醬汁一齊食好惹味。🔸黑糖蜂巢糕（$24）超香黑糖味，口感QQ的煙煙韌韌，幾特別！👍🏻🔸蒜香長春卷（$40）大條、多餡、脆卜卜，入面有好多蒜香蝦肉，好足料，而且就算中咗都仲脆架！👍🏻🔸南乳脆雞翼（$65）外皮炸得好脆，配炸蒜，味道香口，沾甜辣醬食，會更開胃惹味。🔸香芒咸水角（$24）哩款係蒸的，個皮有濃濃芒果味，煙煙韌韌，中間就係平時嘅豬肉餡食落比炸嘅清新一d幾特別。.🔸餐前小食（$20）、下午茶（$15/位）

今日帶兩老食好野，來到這間中菜館，位置位於酒店的商場內，中菜館長形設計，裝修一點都不馬虎，還帶點氣派呢！這裡的套餐款式很多，還有一些是孖寶的，當然少不了散叫的菜式，我們左挑右選，終於點了幾個菜色。餐前小食，每枱都會有的餐前小食，今日是芥苿黑白木耳，味道很爽脆，吃到有日本芥辣的味道，用在餐前小吃非常合適！雪梨無花果花膠燉湯，大大片的雪梨浮在水面，裡面還有原粒無花果和數片花膠，雪梨的潤喉加無花果的清甜，再加上花膠的滋陰，味道清而不躁，是秋冬的最好湯水。眼見隔離枱的生炒臘味糯米飯很吸引，所以我們都不執輸叫了一個，糯米飯炒得粒粒分明，口感煙靱，色澤也炒得很均勻，臘味很多，但味道不會像坊間的那麼咸，我們三個人可以每人吃到兩大碗，份量可不容懷疑！面頭還撒上蛋絲和蔥粒，令到糯米飯梗香，視覺梗豐富。招牌白胡椒蟹出場，胡椒蟹用鐵板上，臨上枱前侍應幫我們將白胡椒汁淋上面，熱騰騰的聲音响起，加上胡椒的香味撲鼻而來，非常治癒。肉蟹很大隻，和我的手掌差不多，蟹拑也很大隻，一啖一啖的肉咬著，非常滿足，蟹腳也可吃到一絲一絲的蟹肉。胡椒令到蟹肉鮮味提升不少，非常惹味。除了蟹外，他們用上紫洋蔥墊底，紫洋蔥吸收晒白胡椒汁

招牌胡椒濃雞湯灌湯餃：甚少將胡椒雞湯和灌湯餃結合，但是這裏的新做法令人喜出望外。胡椒雞湯的確濃郁鮮味，還有一隻新鮮雞翼，可以吃到真實的雞肉之外，灌湯餃並沒有一大舊豬肉反而有剁碎的各樣餡料，配搭一流，而且餃皮煙人適中吸收湯汁非常美味，絕對對得住是招牌菜式！蟹籽燒賣皇：豬肉非常新鮮彈牙，燒賣王的尺寸，簡直是珍寶級，一啖一啖鮮肉和香菇味入口，可見點心師傅的功駕。百花釀魚肚：特點台柱之選！蝦膠爽口彈牙，而且份量十足，魚肚大大件吸收蝦的鮮味和濃湯汁，一籠有三大件，抵食！椰汁流心球：即叫即炸，從未吃過這個甜品，香口之餘又甜甜的 ，師傅炸到恰到好處令外脆內軟，椰漿仍然流心 ，極具特色！

今日屋企人生日🙆‍♀️特登搵咗間中菜廳食生日飯🥰網上見到好評不斷,就一於試吓!估唔到真咁高水準👍店員好有禮貌,而且安排咗靠窗位置俾我哋就坐!環境好優美,坐得好舒適!同埋食滿$400就可以免費泊車😆招牌白胡椒蟹🌟唔怪得知喺呢度嘅招牌菜式之一,見到隔籬幾枱都有叫好吸引,蟹肉新鮮大隻😋味道十分惹味真係好推介👍巨無霸蟹份量已足夠三個人食!食到舔舔脷停五到口😆招牌菠蘿咕嚕肉🌟外皮炸到酥脆內軟,酸酸甜甜好開胃送飯一流🤩仲有成條菠蘿慢慢食真心正!店員話呢個菜式係攞過獎，真心要試試😋雪梨無花果花膠燉湯🌟味道好清甜潤喉解渴,好適合而家呢個天氣飲!金銀蛋祲菠菜🌟火候啱啱好菠菜好嫩,加埋西芹同蛋口感非常豐富!紅燒皇子乳鴿🌟外皮脆卜卜,肉質好實在美味可口!

🌸滋味高質中菜廳🌸星海薈﹒譽宴🍽想品嚐滋味高質的中菜？今天我便相約好友到了石門一間主打高質中菜的酒樓-「星海薈﹒譽宴」品嚐是日晚餐❗餐廳裝修華麗，座位寬敞，店員殷勤有禮。我們一行2人點了以下餐點：1️⃣招牌白胡椒焗大肉蟹1隻 $598禾胡椒焗大肉蟹份量十足！以鐵板熱炳炳上菜，蟹肉鮮嫩香滑，肥美可口，蟹膏滿滿，蟹肉充滿惹味可口的白胡椒香，帶點微辣，相當入味！越食越上癮！2️⃣雪梨無花果燉花膠湯$68以滋潤生津的新鮮雪梨、無花果及養顏花膠燉製而成的上品燉湯，湯水味道清新甘甜，十分滋潤，非常適合秋天飲用。3️⃣生炒臘味糯米飯 $168生炒臘味糯米飯即叫即炒，份量十足，臘味配料豐富，糯米飯粒粒分明，十分滋味。4️⃣秘製瓦罉蔥油雞 $98原隻蔥油雞以熱炳炳的瓦罉盛載，份量十足！雞肉香滑鮮嫩，配有滋味豐盛的香蔥醬油，非常入味！總括而言，此中菜廳的食物質素不俗，絕對是石門一帶滋味高質中菜之選❗

平日同好朋友出去食飯，好多時都係選擇西餐因為朋友想食蟹，同事推薦呢度嘅大肉蟹好正，果然無介紹錯。環境係酒店級數，樓底夠高好舒適，食物同價格嘅質素，性價比好高前菜係醃過嘅木耳酸酸地好開胃，片片都好爽口✨招牌胡椒焗大肉蟹 店員將醬汁淋上蟹身同鐵板上，炸炸聲仲熱辣辣蟹肉好飽滿每啖肉都充滿肉汁，加上白胡椒帶點微辣，非常惹味✨ 拔絲菠蘿咕嚕肉咕嚕肉淋上甜酸汁都唔會令外皮變淋，依然好脆口，旁邊伴著新鮮菠蘿，好鮮甜✨雪梨無花果花膠湯 新鮮原個無花果，加入大大片花膠．仲有清潤嘅雪梨，踏入冬季，飲返碗滋補湯水確係正✨紅燒皇子乳鴿 乳鴿燒到外皮好脆口，肉質夠嫩，仲有唔同菜式特價優惠，抵食

打完波去沙田吃晚餐。這家高級酒樓位於石門站附近的香港沙田萬怡酒店內。酒樓的内部裝修豪華，天花有星海，很有特色。環境寬濶，桌大舒適，侍應服務殷勤。餐前小食黑白木耳20元，黑色和白色木耳均爽脆，帶點芥末味道，開胃。雪梨無花果燉花膠湯68元。雪梨味道清甜。無花果香甜，味道有點似水蜜桃。花膠彈牙。亦加入了雞肉和豬肉一起燉。燉湯的味道層次豐富，很美味。花彫蛋白蒸大肉蟹628元，大肉蟹一隻，約重一斤半。賣相美麗，花彫酒氣味四溢。蟹和蛋白均被蒸得剛熟，蟹身的肉厚身，味道鮮甜，蟹鉗的殼已被貼心地敲開了，蟹鉗的肉彈牙。蟹膏少少屬正常。蛋白嫩滑，吸收了蟹的精華和少少花彫酒，甜甜地，很滋味。鹹魚雞粒豆腐煲138元，熱辣辣，吱吱聲，鹹魚香，雞肉嫩，豆腐粒外脆內軟，與白飯一起吃一流。白飯每碗15元，飯粒軟硬適中。茶介每位17元。總結：食物美味，環境寬濶。

石門站一出來當然大家都知道有幾間嘢食，但係你又知唔知行遠啲，有一間質素幾好，價錢又合宜嘅飲茶地方呢？大概行8分鐘，就去到一個小人去嘅地方，呢間譽宴嘅下午茶質素，同埋佢所有點心嘅賣相，喺同級數嘅茶樓來講，我真係覺得我要比滿分佢！入到去人多，所以同傳統茶樓嚟講，佢係比較靜，其實咁樣仲啱我，我根本就唔鍾意好嘈雜嘅中式茶餐廳或者茶樓！識乜嚟講，你見到我叫咗好多嘢食，每一樣都係10分精美，十分之好食！有一個好貴嘅小籠包，本身我對佢期望都幾大，但係呢一個位真係要減少少分，因為我覺得佢唔值咁貴！大家下次可以試返普通小籠包就得啦！不過可能口味問題，可能你哋鍾意嘅撇除嗰啲點心，每人到四平八穩，幾好食！佢嘅甜品先係驚喜鐘嘅驚喜！估唔到中式茶餐廳整得咁好，可能佢喺酒店隔離，就陽道佢啲點心甜品質素到一致提升！同埋佢地方少少偏遠，所以識落去性價比又幾高！

今日行完山黎到石門, 見咁耐冇同屋企人係酒樓飲茶就係呢區揾間坐底喇☕️ 係呢區的確比較難的揾一間酒樓, Search下就見到離石門站唔係好遠有間譽宴係萬怡酒店入邊就去喇!👍🏾我地咁岩係平日既下午茶時間, 所以唔洗等好耐位就入得去喇, 環境空曠, 坐得舒適😎, 而最正係因為正正下午茶時間, 所有小, 中, 大點都當小點計算, 全部$24, 我地3人行叫左9樣食物😋😋1/ 南翔小籠包🫓 $24一籠三件滿載住高湯, 入口熱辣辣, 一人一粒岩岩好!2/ 山竹牛肉球🐮 $24牛肉球好入味, 而且我最中意佢係多山竹, 加埋喼汁一齊食無得頂!3/ 豉汁蒸鳳爪🐔 $24骨肉分離仲要好滑嫩, 豉汁好入味！4/ 薑蔥蒸牛柏葉🐮 $24牛柏葉爽滑而且湯汁味滿滿！5/ 鮮蝦腐皮卷🍤 $24估唔到呢個鮮蝦腐皮卷咁多件而且大大件, 腐皮炸得脆薄, 蝦肉彈牙👍🏾6/ 米皇布拉腸🌾 $24手工做既布拉腸, 米香味重仲要厚製, 有哂口感😋7/ 原籠大澳三鮮蒸飯🍚 $148海鮮蒸飯好入味, 整個飯好鮮甜, 4-5人都得, 抵食！8/ 燕窩3.6奶凍🍮 $24燕棧完全唔慳, 配埋奶凍一齊食更加整個口感9/ 楊枝甘露 🥭$24

由於近屋企嘅關係間中都會同家人嚟石門飲茶鐘意酒樓食 坐得舒服唔限時有feel d😁哩度款款點心都好吸引呀！🔸化皮腩仔（$78）皮好脆、肥瘦分明，真係皮脆肉嫩，香而唔會太咸，屋企人大讚好食！👍🏻🔸晶瑩鮮蝦餃（$40）大大粒、皮薄餡靚，餡料中的蝦肉好爽口，餃皮煙煙韌韌，好食。🔸蟹籽燒賣皇（$40）入口充滿香菇、豬肉香，仲有啲鮮蝦肉，大粒彈牙，必食！👍🏻🔸酸薑糖心皮蛋（$58）個糖心好濃味但又唔會有陣up味，酸薑酸甜爽脆，好好食！👍🏻🔸潮州蒸粉果（$24）外皮軟而有彈性，內有花生、韮菜碎、豬肉碎、蝦米等，脹卜卜好飽滿。🔸南翔小龍包（$24）🔸豉汁蒸鳳爪（$24）鳳爪蒸得剛剛好，軟得嚟仲保持少少爽口，配埋醬汁一齊食好惹味。🔸黑糖蜂巢糕（$24）超香黑糖味，好鬆軟，甜度適中，正！👍🏻🔸蒜香長春卷（$40）大條、多餡、脆卜卜，入面有好多蒜香蝦肉，好足料，而且就算中咗都仲脆架！👍🏻🔸香茜叉燒腸粉（$24）腸粉皮好滑！但唔會一夾就散，有唔少芫荽同叉燒粒，香氣十足。👍🏻🔸餐前小食（$20）、下午茶（$15/位）

👧🏻今次去沙田一間酒店級中菜，位於沙田萬怡酒店裡面嘅星海匯譽宴，出名胡椒焗大肉蟹，就冒名而來喇！👧🏻Caca今次食乜嘢？🦀招牌胡椒焗大肉蟹（約1斤半） $538 - 原隻食大肉蟹，鐵板上熱辣辣，肉質肥美鮮甜！🦞薑蔥龍蝦滑雞煲 $238 - 嫩滑雞球在煲中產生油香作用，同龍蝦鮮味好夾，龍蝦亦彈牙啖啖肉！🦐麥皮脆香大蝦球 $168 - 麥片嘅香甜同彈牙大蝦球係絕配呀，尋回新加坡嘅味道！🍐雪梨無花果花膠燉湯 $68/位 - 足料花膠，清甜滋潤雪梨同無花果，好啱而家季節飲！

如果仲未食大閘蟹嘅話，真心推介黎譽宴食，唔洗左搵右搵驚中伏😎升級大閘蟹套餐，價錢嚟講，就咁睇，中規中矩，但認真啲睇佢個套餐包咗啲乜嘢，同埋實質食完，我覺得真係超值🔥🔥冰鎮花雕五頭南非鮑魚靚靚仔仔，又好大隻架喎！唔需要點豉油Wasabi都好食😋花雕味好出，凍凍地，特別清新星海蟹黃燴生翅係非常非常足料！每一啖食到蟹肉、蟹膏、同埋肥嘟嘟既翅，味道唔會太鹹，超級奢華❤️❤️好彩個碗都唔細，正😆😆生拆蟹肉花膠絲扒高麗菜本身食左碗翅，已經覺得呢個餐真係好抵，估唔到驚喜係一浪接一浪。除咗一粒粒蟹肉之外，依一碟菜係好多好厚既花膠絲🔥🔥個汁有蟹香+滿滿骨膠原，真係超正！蟹粉小籠包好可愛，一大隻小籠包，皮做得唔錯，唔算好厚，冇穿窿✌🏼✌🏼肉汁唔算多，但都食到蟹粉濃濃味道。值得一讚嘅係佢哋嘅蟹肉無論喺邊度出現，都係處理得好好，完全冇骨/殼大閘蟹（六両）打開隻蟹，見到咁多膏，都算好滿意🤗🤗蟹膏好滑，好香濃❤️❤️依個size出去買黎自己蒸嘅話都起碼要$100+，又唔肯定質素好唔好。所以計我話，搵間穩陣嘅餐廳，食完返屋企算😎😎套餐仲包左原隻脆皮乳鴿上菜之前，店員都幾細心，問我哋想原隻相，定係斬開，斬開四件，就方便食😌乳

同朋友去沙田石門處理一啲事情，原來佢以前都喺呢頭返工，我哋行到萬怡酒店，就去左飲茶。XO醬腸粉：煎得香脆，XO醬唔會好辣，加埋芝麻更香。晶瑩鮮蝦餃：蝦夠大隻，而且新鮮彈牙，皮薄但有韌性蟹籽燒賣皇：鮮蝦同豬肉嘅比例啱啱好，蝦肉夠彈牙豬肉夠香黃金流沙包：一咬已爆餡，餡料香濃，食到入面，有鹹蛋黃嘅鹹香味薑蔥蒸牛柏葉：爽口又不韌，少少辣，十分惹味。鮮蝦腐皮卷：鮮蝦腐皮卷熱辣辣，外皮煎得香脆，入面嘅蝦好爽口乾炒安格斯牛肉河粉：好有鑊氣！安格斯牛肉牛味濃，而且好淋，唔係嗰啲用梳打粉醃嘅牛肉質感，河粉條條分明唔會好油紅燒煲仔翅：非常足料，一排魚翅勁有口感，湯頭夠濃

與好友到沙田石門下午茶，這天選擇位於萬怡酒店的譽宴。這裏地方雖然不算大，但裝修華麗，服務員的態度都是有禮又親切的。食物出品的賣相和味道都有水準。晶瑩鮮蝦餃 $40蝦餃皮薄滑，鮮蝦餡新鮮爽甜。山竹牛肉球 $24牛肉球不鬆散，味道濃郁，墊底的腐皮很薄滑。香茜叉燒腸 $24腸粉皮軟滑夠薄，叉燒肉質爽實。蠔皇叉燒包 $24叉燒包外皮鬆軟，叉燒肥瘦適中，蠔油調味適宜。牛油香脆白飯魚 $58白飯魚新鮮肥美，炸漿略為厚了一點。鮮茄濃湯浸菜苗 $55有新鮮的小白菜、本菇、金針、鮮冬菇和車厘茄。杞子桂花糕 $24賣相吸引，不會太甜。