新匯聚餐廳小廚

營業中

休息中

平日講起打冷，第一時間諗起既可能係油尖旺區的鋪頭，但今次想推介既打麼餐廳就反而唔係以上的地區，而係位於觀塘。第一樣必食推介有蜂蜜欖角骨，燒骨表面塗上薄薄一層蜂蜜，甜絲絲之餘且表面香脆可口，配上切粒欖角吊味，零舍開胃。新匯聚既炸蠔餅亦值得一讚，金黃色的外表十分能夠吸引大家既眼球，而且亦用上肥肥大大粒既蠔仔，炸到金香脆口之餘，蠔仔亦不會乾身，食得出蠔既鮮味。仲有樣特色菜叫鳳凰雞翼，被咁有氣勢既菜名吸引，一於叫來試試，雖然話係雞翼，但外貌就十足雞鎚，原來係用雞翼拆骨再炸出來的一樣菜式，加上醬料，如咸咸香香，亦非常不錯呢。特別講講位於成業街的新匯聚有兩間，如果約好朋友聚會記得事先講清楚。

放工後約了兩個朋友到觀塘新匯聚餐廳小廚吃晚飯，這餐廳的小菜美味，價錢公道，又不用加一服務費，難怪週二晚上也這麼多食客，而這已經是我第二次的光顧。入座後先點了藥膳雞腳，大約有六至七隻，雞腳煮得非常入味，用了當歸、紅棗等藥材烹調而成，味道不錯。原來想點三杯雞，但待應就推薦這個銅盆雞，雞塊爆香加酒，配上大量的洋蔥、蔥頭、青紅椒，以錫紙包裹放在銅盆去焗，有效把醬汁鎖在雞肉之中，侍應果然沒有介紹錯。蝦籽扒柚皮，是非常傳統的中式食品，雖然成本低，但做功繁複，現在已經很少見。柚皮質地軟淋爽滑，充分吸收了高湯醬汁，加上蝦籽，不但賣相好看，而且調味和炆煮得非常不錯。龍仔排骨臘腸糯米飯，用荷葉蒸籠所蒸製的糯米飯，每粒米飯煙韌有口感，排骨嫩滑爽口，加上臘腸，在這寒冷的晚上吃上一碗，實在非常滿足。

平時行開見到觀塘這間新匯聚餐廳小廚，都想說試下傳統的打冷菜式鹵水鵝，今日就與太太一齊到來試下。八點多鐘來到見到都非常多人，好在剛剛好還有個卡位，可以不用等位。專程為鹵水鵝而來，當然坐下不用考慮就先點了個鹵水鵝。滷水鵝肉$90鹵水鵝片非常肥美厚肉，第一次食這麼肥厚的滷水鵝，鹵水鵝鹵得夠入味，腍度適中，肉質夠厚有鵝味而又夠腍滑，不枉為招牌菜式，必食。酥炸美國桶蠔$170桶蠔很大隻，粉皮不會太厚，美國桶蠔剛剛炸起，還熱辣辣，肉質軟淋，真可為啖啖肉，再配上餐廳跟上的淮鹽及喼汁，甚為美味呢。蒜容菜心$68一個平凡的青菜，蒜蓉炒菜心，廚師炒得爽口中帶軟，夠蒜蓉味及夠鑊氣。最後餐廳還送上精美的甜品，更添美味。

最鍾意食小菜嘅爸爸生日，我哋兩姊妹就去咗book呢個新匯聚餐廳小廚，真係好好彩有訂到枱，我哋去到嘅時候已經幾乎坐滿晒，呢間餐廳喺工廠大廈入面，面積甚廣，已經可以放到差唔多成30枱，但係都係星期日嘅今日坐到滿晒，可想言之係幾咁出名嘅間餐廳。一坐低老闆就好熱情咁樣介紹佢哋嘅招牌菜，嚟得呢度當然係食只有佢哋先有嘅菜色啦。芝麻雞半隻$130芝麻雞真係好有特色，有半隻嘅選擇，但係其實四個人都夠食，每人都夾到兩三件，果皮非常非常薄，燒到一啲油份都冇，加上上面加咗芝麻，令到成個皮脆卜卜，完全感覺唔到食緊雞皮嗰種奇怪嘅肥膩感。而且雞肉保持柔嫩，非常多汁，完全係外脆內軟，做得非常出色。招牌話梅骨$100話梅骨呢啲酸酸甜甜嘅嘢食最啱送飯，而且非常開胃，佢用上嘅排骨偏瘦，食唔到肥膏，啱晒我呢啲注重健康飲食嘅人（笑)。果汁用上嘅話梅似乎係陳左好多年嘅，因為食落味道非常濃郁，但係又唔會有普通話梅剩係得個味重嘅感覺，反而有少少純嘅香味，排骨嘅外皮揸到脆卜卜，同樣地裏面嘅肉質都仲係非常多汁，一啲都唔鞋口，淨係呢碟餸我已經可以送三碗飯啊。翡翠炒班球$170班球係真係班片，用料上乘，魚肉非常彈牙，一絲絲嘅食得出好新鮮，

前嗰一排因為爸爸整親隻手，唔方便煮飯，所以星期日我哋就一家人走咗出去食嘢啦，近近地喺觀塘行完街，就去咗新匯聚餐廳小廚食，嗰陣時仲係早六點幾去到都仲係冇乜人，我入去睇餐牌慢慢揀，冇幾耐餐廳嘅廚師走咗過嚟自動向我哋推薦佢哋嘅特色菜，聽到佢講到好吸引。師傅推薦嘅招牌話梅骨，酸酸甜甜好開胃好好食，而且完全冇肥肉，炸完出嚟外脆內軟，攞嚟送飯真係好正。另一個招牌菜芝麻雞，喺其他地方真係會食唔到㗎，真係好特別好得意，隻雞一啲都唔肥好瘦，啲肉好嫩滑，連層皮都好好食呀，佢啲雞皮好薄完全冇脂肪，而且仲有鋪滿左芝麻喺上面，咬落真係好脆啊。翡翠炒班球可以話係最冇特色嗰個菜啦，但係都真係好好食呀，旁邊嘅蔬菜好甜好新鮮，魚肉外面因為炸過好香，媽媽最鍾意食呢個。蕃茄紅菜頭南瓜浸豆苗叫咗個佢哋嘅特色菜，因為有番茄同南瓜所以好甜，紅菜頭又好淋，個湯汁好好飲。最後仲有椰汁桂花糕做甜品，好食呢餐食咗好多好多特色招牌菜，每一味都好好食，而且份量都好大，我哋四個人食到好飽個個都捧住個肚走，而且呢度嘅上菜速度好快啊，嗰頭嗌完嗰頭就即刻上菜啦，當我地走嗰陣時成間餐廳已經坐滿晒人啦，證明呢度真係好有人氣呀。

今日媽咪冇煮飯，所以我約她到觀塘吃晚飯，我們想吃些小菜，工業大廈有一間類似大排檔嘅餐廳小廚，我們於是便決定一試。天氣凍凍地，媽咪首先要了一杯檸檬薏米水潤一潤，有很多薏米，飲起上來有淡淡檸檬味，味道清新又清甜。藥膳雞腳很紋身，而且入味，藥材味濃郁，做餐前小食的確一流。豉椒炒花甲，花甲大大隻，肉質嫩滑爽甜，沾滿了豉椒汁，很惹味呢。這碟份量認真不少喎，有很多蠔肉和腰果。蠔肉炸過後再和薑蔥，腰果一齊炒，調味剛剛好，熱辣辣非常好吃。餐廳還會送甜品今日嘅甜品係紅豆糕，糕點夠挺身，又唔會太甜，味道很不錯呢！我們最後再點了一個番薯糖水，就如餐牌所說真的很辣呢，番薯亦不少，吃完之後真的非常滿足。

最近天氣寒冷，晚上吃飯最喜歡的是吃家常小菜，可是我家並不煮飯，於是到了新匯聚餐廳小廚吃晚飯。位於觀塘工業區，但很近地鐵站，十分方便。無論小菜，還是海鮮，都有不少選擇。蜜糖薯仔牛柳粒$120不得不試的薯仔牛柳粒，變成了菜大熱之選。薯仔夠飽肚，而牛柳粒調味不錯。檻菜炒四季豆$70四季豆炒得十分入味，送飯一流。鳳凰雞翼$80對於鳳凰這個名字很好奇，便詢問由來，原來是自制醬料配上炸好的雞翼，雞翼槌炸得香脆，而醬汁像蛋黃醬，但更加特別。熱檸檬薏米水$22自制的味道很好，很有媽媽的味道，十分暖心。送的甜品。

工廠區內的街坊小炒小廚。前菜麻辣貢菜鮑魚絲，微辣，貢菜爽脆帶有麻油香味，鮑魚絲當然是仿製的啦！西洋菜紅蘿白豬骨湯，濃郁，飲完無口喝。酥炸德國鹹豬手，炸得酥脆，啖啖肉。招牌小炒皇，腰果、蝦仁、魷魚、韮菜、菜甫、蝦米仔、雲耳、菇類等。材料豐富，炒得有鑊氣。招牌芝麻雞，皮炸得酥脆，但雞肉味道普通。避風塘茄子，中間夾的蝦膠唔多彈牙，無乜驚喜。招牌蜜糖薯仔牛柳粒，薯仔脆又甜，牛柳粒有些過火，所以有些韌。臘味糯米飯，籠上枱以為份量很大，其實只是薄薄一層，6個人吃，每人分到唔夠一碗，各種臘味都沒有特別出色，正常味道。

約了住在觀塘的朋友一起吃晚飯想吃小菜配飯 兩人不約而同地想起這一間 — 新匯聚餐廳小廚 於是又來了再吃粉葛鯪魚赤小豆煲唐排滿滿一兜好足料 而且強調無味精味道濃郁 喜歡飲湯的朋友就最適合蕃茄紅菜頭南瓜浸時菜好特別的一款蔬菜 時菜選擇了菜苗蕃茄、紅菜頭和南瓜令湯或更清甜配埋新鮮菜苗 味道好夾 不錯不錯黑椒薯仔牛柳粒牛肉軟滑 牛味香濃 啖啖肉好味道而薯仔則外皮炸得香脆 內裡軟綿 加上黑椒和蜜糖 味道濃郁 不愧是招牌菜芝士焗大元貝配埋伊麵加上芝士一起焗 芝味濃濃而且伊麵份量很多 好滿足大元貝新鮮清甜 整體挺有特色又好吃檸檬薏米水設自家甜品 店員推薦了這款飲品喝下去酸酸甜甜 開胃又好飲

大夥兒吃飯，酒樓太傳统，輕輕鬆鬆吃頓飯的，朋友建議到新匯聚，第一次前來，店鋪位於工廈區，上一條樓梯便到達，餐廳地方夠大座下來後，店員介紹無味精老火湯，五指毛桃土伏苓湯，喝一口，真的有家的感覺，湯味濃，不油膩欖角骨，店員大力推介，因為是自家菜式，確實是很出色，欖角味唔會太重，沾上蜜糖，又甜又香，由於是一字排骨，啖啖肉沙爹肥牛炒芥蘭，想不到肥牛的份量比芥蘭還要多，牛魔王朋友必點，肥牛沒有太肥，而且沙爹味特出，正辣酒煮花螺，花螺size大細平均，入口後酒味慢慢浸出，還有一點辣，好惹味，一邊吃更有陣陣酒香檸檬薏米水，看到每一檯都有，自家製，薏米好有咬口，檸檬沒有苦喼味，整體不會太甜，女生們可以點最後，店員附送了一客椰汁杞子桂花糕，兩種口味，一小舊已令各人滿足一班人晚飯？不用想，一定來這裡

講到香港特色, 飲食方面都一定非大排檔莫屬。大排檔除左夠鑊氣, 仲有一個味道叫人情味, 以前大排檔都位於屋邨, 與公共屋邨共滆。但時代嘅巨輪將所有地方/味道都被移遷被淘汰。牛頭角下邨嘅金利來就係其中之一, 好懷念金利來嘅打冷, 想唔到事隔多年, 仲可以食到金利來嘅味道。新匯聚餐廳小廚, 原來前世係金利來, 難怪菜式大碟又夠鑊氣, 性價比高。到目前為止依然係一家大細, 一班朋友到黎聚餐嘅熱門餐廳。今晚2個人就簡簡單單食2-3個小菜, 飲下啤酒爽一爽。睇到menu嘅廚師推介有好多款小菜, 少人的話可以點雙併。我地就揀左招牌菜 – 欖角骨及椒鹽鮮魷賣相黎講滿分, 唔需要太花巧, 只係用顏色黎襯托已經好足夠。 欖角骨係一字骨, 肉質比較爽實而且易離骨, 味道好香而且唔油膩 ; 椒鹽鮮魷顏色偏白, 唔係因為炸得唔夠黃金, 而係睇得出唔係用舊油炸, 炸粉亦唔會好厚, 最重要係真係鮮魷, 口感係爽嘅!另外一碟無骨鵝片, 佐酒真係一流! 另一重點係托底嘅豆腐, 豆味重而且好有口感, 配醋一齊食真係好開胃。餐廳好貼心, 結賑前會送上甜品, 今日係椰汁杞子桂花糕, 感覺好清新

在官塘區工作的朋友帶我到他的飯堂午膳，地點位於成業街內的成運工業大廈一樓，由街外上一層樓梯便到達，十分便利。地方十分寬敞，大圓桌和卡位也多，適合三五知己或一大班朋友到來聚餐。午市套餐種類繁多，有蒸餸飯、焗飯、湯飯、燒味飯、咖喱飯或小菜客飯等等，多不勝數。朋友話這裏的小菜非常有水準，於是我們要了蜜椒薯仔牛柳粒和魚香茄子客飯，大家一齊開心分享。當餸菜送上來時已香氣撲鼻，火候十足。蜜椒薯仔牛柳粒，一口牛柳粒、一口薯仔，入口鬆軟，配以黑椒和蜜糖，味道香濃，絕配！魚香茄子客飯，這裏是我吃過這道菜最好味之一，茄子份量真的多，用上免治豬肉和鹹魚粒，鹹香味十足， 十分惹味。午飯還奉送老火湯、特飲或豆漿，每位加$3可轉凍飲，於是大家各自要了一杯凍檸茶和一杯凍巧克力，意想不到的是連飲料也絕不馬虎，凍巧克力也用料十足，十分香濃。想不到工廠大廈內的小菜水準這麼高，店員服務態度良好，朋友真的沒介紹錯！我們還相約其他朋友下次要到來晚膳，想必更有驚喜。

夜晚11點半宵夜轉場，去咗觀塘工業區搵嘢食。由於本身想去食的海鮮蒸鍋，唔係full booking就係快收爐，之後决定再試新匯聚。雞蛋煎魚腸頭盤叫咗個餐前小食。做前菜可以，但香味唔够出。出嚟唔會散又或者過耐。芝麻雞既然嚟到，當然叫埋招牌菜。值得一讚塊雞皮整得剛剛好，脆得嚟唔會皮肉分離。雞肉味道唔錯，冰鮮雞口感難高要求。蜜糖薯仔牛柳粒牛仔粒整得好唔錯，好Juice，真幾幾好食。但牛肉汁入唔到薯仔度，只有薯仔同蜜糖味。份量係足夠嘅，不過薯仔比例係偏多d，有d滯。最後加多個油菜，埋單兩個人二百三，過得去。會番啅，不過都係早d去食晚餐。太夜，潮洲餸收咗爐，呢d又太滯。

同事成日都好鐘意食茶記呢間茶餐廳係佢最愛之一 變左飯堂😂舖頭入面都好大 但係咁大都滿哂座咁佢d餐又真係幾平既 最平39蚊連野飲雖然咁平 但係佢都唔會好少餸 而且味道都唔差呢個就係其中一個$39 嘅西檸雞飯雞塊多 個汁都幾好味~仲有同樣都係$39嘅豆腐火腩飯味道一樣都唔差 餸又多另外仲叫左馬拉盞通菜炒豬頸肉佢菜嘅份量真係好多 但豬頸肉就真係相對少鍋氣係差小小嘅 但其實都好好食 同埋咸左小小同事仲叫左焗飯 賣相都ok 芝士都唔少~睇落都唔差$40蚊嘅價錢但係食物味道真係幾好已經係我地經常嘅飯堂算係性價比高~

暑期差不多到尾聲了，學生哥都要收拾放假的心情，快要回歸學校的懷抱裹，我想，學生哥的心情一定忐忑不安，甘快就過了一個暑期。趁著放假，約同朋友到廠厦內的文具店，幫公司補充些文具用品。有段時間，都好少到觀塘了，一樣的繁忙及人來人往，中午時段，找間餐廳食飯都有點難，既然我地還未有點餓，於是就等食下午茶吧！早在前年的時候，朋友帶我到這裡食過晚飯，不錯味道的小菜，色香美味、食過都想回味，可惜因工作忙，未有到來。趁著在附近，就來食個大份抵食的下午茶茶餐，除左普通的麵餐外，還有我的至愛扒餐。正！扒餐、下午茶餐的價錢真是好吸引。行到有點熱又口渴，先來一杯檸檬梳打，冰凍、清甜又解渴。朋友喜歡食粉麵餐，乾炒豬扒烏冬、麵炒得乾身，味道剛剛好、豬扒煎炸得嫩滑、入口鬆化、肉質唔嚡、帶點肉汁、美味又可口！鐵板西冷牛配黑椒汁薯菜，看到都嚇一跳，件扒大件到成個鐵板甘大，又厚身，雖然看上去，比較乾身，以為一定是好靱及乾，但剛好，是相反，入口肉質嫩滑、肉汁鮮甜、夠入味，薯條脆口，又有質感。