新匯聚餐廳小廚

新匯聚餐廳小廚位於觀塘，這裡是一個充滿懷舊氣息的餐廳，專注於提供地道的粵菜和小吃。餐廳的環境舒適，裝潢簡約，地點觀塘方便大家同朋友小聚。芝麻雞真的是這間餐廳的招牌菜式，外皮炸得金黃酥脆，撒上新鮮的白芝麻，散發著誘人的香氣。每一口咬下去，外皮的脆感與雞肉的鮮嫩形成了完美的對比，雞肉的肉質鮮嫩多汁，完全不會有乾柴的感覺，配合芝麻的香味讓人忍不住想一口接一口。芝麻雞半隻 $170椒鹽九肚魚拼椒鹽鮮魷的炸粉皮適中，既不會過厚，也不會因為太薄而失去脆感。九肚魚的肉質細膩，搭配椒鹽的香氣，而內裡嫩滑。魷魚同樣炸得金黃酥脆，彈牙的口感讓人難以忘懷。這道雙拼菜式非常適合與朋友分享，可以一次過試哂兩款炸物。椒鹽九肚魚拼椒鹽鮮魷 $165啫啫通菜在瓦煲上菜，保持了蔬菜的鮮嫩、原汁原味和溫度。啫啫通菜 $90主食簡左豉油王龍鬚炒麵，炒麵的麵條炒得非常入味，麵條的口感韌性十足，與各種配料如魷魚、蔥及芽菜的搭配，讓整道菜的層次更加豐富。每一口都充滿了香氣和滿足感，難怪咁多食客都有叫這道菜。豉油王龍鬢炒麵 $90點了一杯清甜的蘋果雪梨水，解渴又能中和油膩感，讓味蕾得到了完美的平衡。蘋果雪梨水 $20…查看更多

揀呢間係因為就腳同埋訂到位。招呼唔錯，企堂都夠人，上菜都快，熱炒夠熱（個人喜好：比起某啲小菜館推出嚟已經開始暖係加分位）小菜都大碟杏汁豬肺湯夠奶白夠味（老人家話有少少鹹同埋佢地落咗雞，有少少肥）啫啫芥蘭有少少肉碎鹹魚提鮮，夠香夠味有叫個老派菜「蝦籽柚皮」 功夫菜嚟，我無食但係係清到碟（應該唔錯） 蠔餅我覺得係中上水準：唔油、 夠蠔、鬆化，不足係食唔到蛋香（鴨蛋）、唔死鹹，最快清咗的一碟糖水係超抵食，22蚊碗，三種都唔錯平日八點後都有人入座，其實都算係咁價錢其實唔平，比起普遍外面小菜店價錢係貴咗一兩成，但呢度個份量係可以搭夠，適合大班人食飯…查看更多

由十年前讀書時期常常來新滙聚食小炒，哪怕出來工作也會介紹給同事，甚至乎有同事在我開口前已經聽說過新滙聚，說是觀塘Number One.但可惜近年水準真是每況越下，去年還是比較飄忽，時好時壞，但我們都想可能是人多，廚房趕著出餐，食物質素有些參差在所難免。但最近3次去都是低水平，小菜都偏鹹偏油，白飯也是爛的。而且當時連我們合計也不過三四枱客，水準還是如此真是沒得好說，令人感到失望。只可惜觀塘區又少了間飯堂。…查看更多

光顧原因：兩年前食過鐵板西冷牛扒餐，當時三份一塊牛扒都係筋，極度失望，再冇光顧。今天經過餐廳樓下，知道星期一至六下午2點至4點，全單8折。這扒餐8折後只$66，價錢相當吸引，再試無妨。日期/時間：2025年9月17日 星期三，14:04環境：位於工廈內，餐廳環境寬敞、氣氛舒適，有不少寬闊卡位。下午茶時段人流較少，可慢慢享用。上菜速度 : 10 分鐘食物：鐵板西冷牛扒餐（黑椒汁）配薯條椰菜、跟餐送熱阿華田。味道/份量：牛扒份量十足，沒有因為下午茶時段提供8折而份量縮水，值得一讚。落單時向侍應要求扒要少筋，果然做到，喜出望外。 牛扒嫩滑多汁冇筋，牛味濃郁，超滿意:)。冇筋可全部食晒，超值 ! 椰菜和薯條鋪滿鐵板，份量各佔一半。椰菜味道正常，薯條有鹹香，少部分仍脆。阿華田味道正常。價錢：午市正價$82 ，星期一至六2點至4點，全單八折，八折後只$66。性價比高，超級抵食 !服務：侍應和廚師重視顧客要求，服務唔錯，抵讚！衛生：乾淨企理，衛生情況良好。下午茶時段見到員工拖地，進行清潔，為晚市作準備。p.s. 餐廳社交平台有提供每月午市餐牌**結論：整體性價比高，食物美味、份量足夠，8折抵食，大滿足！ 希望水準可以保持💪🏼，值得再回訪！…查看更多

晚上黎到哩間新匯聚同家人食晚飯，點解會揀哩間? 因為早排曾經同朋友係哩間餐廳食過午餐， 都係叫餸食飯，覺得都唔錯。所以今次帶家人一齊黎試下晚餐。 建議都係book位先會較好。 閒日19:00左右黎都滿左半場。 都幾受歡迎。我地一行6人。 安排到最入屏風前的枱。不過一到枱， 唯一感覺係好逼... 後面有人用屏風間左個小房位咁，但裡面部分人出入都要經過我張枱， 我只能搵個最瘦既家人坐果度=.=" 前面就有一大圍枱坐滿人，好彩人地小朋友多， 唔係我張枱肥D都坐唔落....=.=" 不過哩間餐廳職員服務都算唔錯，有個應該老闆娘既人，好好禮貌好好笑容。 另外著工衣既職員都唔錯，都會過黎推介D野食。 職員姨姨推介: 蠔餅, 滷水拼盆 我地揀左蠔餅，小炒皇，黑椒薯仔牛柳粒，欖菜肉碎四季豆，脆藕餅，椒鹽九肚魚 (合共6個餸) 野飲佢初初都有檸茶果D，不過飲完頭一杯再叫就話賣曬。所以我地猜佢應該係日頭剩落既茶底，賣曬就冇。食物評價如下:炸蠔餅 (職員推介) : 好脆，都香， 不過唔夠餅， 似炸脆蠔多D小炒皇 : 正常野，冇咩特別黑椒薯仔牛柳粒 : 哩個唔錯， 牛柳粒唔會太老，又有D蜜糖 ，正。欖菜肉碎四季豆 : 哩個撈飯一流，GOOD脆藕餅 : 好食，一塊都幾大塊，所以我地都自己再CUT一半方便食椒鹽九肚魚: 哩個係我最期待既一個餸，我係為左佢先揀哩間餐廳， 可惜…. D九肚魚好細條，冇咩肉食， 味道正常，有D失望之後餐廳仲送椰汁馬豆糕， 都幾好食，幾香椰汁味我另外再叫左碗芝麻糊，不過就麻麻地，太稀了…..唔岩我整體D野食都OK。份量夠，價錢都可以，埋單唔洗一千。又冇限時，適合同家人朋友吹水。 最大缺點坐得太逼 ! ! 不過有機會都會再試。…查看更多