新匯聚餐廳小廚

營業中

休息中

平日講起打冷，第一時間諗起既可能係油尖旺區的鋪頭，但今次想推介既打麼餐廳就反而唔係以上的地區，而係位於觀塘。第一樣必食推介有蜂蜜欖角骨，燒骨表面塗上薄薄一層蜂蜜，甜絲絲之餘且表面香脆可口，配上切粒欖角吊味，零舍開胃。新匯聚既炸蠔餅亦值得一讚，金黃色的外表十分能夠吸引大家既眼球，而且亦用上肥肥大大粒既蠔仔，炸到金香脆口之餘，蠔仔亦不會乾身，食得出蠔既鮮味。仲有樣特色菜叫鳳凰雞翼，被咁有氣勢既菜名吸引，一於叫來試試，雖然話係雞翼，但外貌就十足雞鎚，原來係用雞翼拆骨再炸出來的一樣菜式，加上醬料，如咸咸香香，亦非常不錯呢。特別講講位於成業街的新匯聚有兩間，如果約好朋友聚會記得事先講清楚。