新匯聚餐廳小廚

營業中

休息中

上個星期同一個好耐冇見嘅舊同事食飯。大家都係男仔就選擇咗去打冷。可以大家吹吹水食吓滷水拼盤咁。叫咗一個滷水拼盤$150 ，份量都幾多，裏面有滷水鵝，大腸，墨魚片，豬耳朵，豆腐，紅腸。豬以用滷水汁制過好鮮甜好彈牙爽口，滷水我亦都好入味，滷水鵝片好彈牙，到最後我哋都食唔晒。之後叫咗呢一個嘅豪餅$70。個蠔餅賣相非常之靚， 好似一朵花咁樣，但係會唔會好睇唔好食呢？點知食落口每一啖都係大大粒嘅蠔，非常之新鮮，而且個炸粉入口即溶，仲揸到好乾身唔會好油膩，配埋個雨露嘅鮮味一齊食真係不得之了，所以大家喺呢度食嘅時候一定要叫呢一個。之後叫咗呢一個金銀蛋浸時菜$80。皮蛋同鹹蛋都好多，唔會太鹹，蛋嘅香味亦都帶出左蔬菜嘅清新鮮甜。之後我仲叫咗碗粥，我朋友叫咗碗飯位都陪啲菜式，咁就傾左一個夜晚。

這次來係同太庭家人食團年飯, 以前也來過幾次, 以前也寫過這店, 當晚叫了羊腩煲, 幾大煲下惜羊肉未煲夠身稍稍硬實, 椒鹽九肚魚保持水準, 炸色不深魚肉保持嫩滑豉椒炒鵝腸唔算重味, 芝麻雞可能係全晚最有水準嘅菜式, 雞皮上的芝麻平均沾住讓客人每口都吃到重重嘅芝麻香, 炸豬手係這店的招牌菜式之一亦是啤酒的好朋友, 但個人認為這未必是同米飯一起吃的好拍擋,因為豬皮的脆是硬脆, 肉質一般帶趙口且咸味重, 如果可以稍動腦筋改良一下必定會更好效果,兩個炒菜類都完全恰到好處, 籠仔蒸臘味飯因為有人唔食臘肉的緣故飛走臘肉, 所以只有臘腸同潤腸, 稍稍孤清, 只見大量炸花生, 而唔知何解糯米飯是白色的, 因為正常臘味油通常會沾在飯裡, 同時不是應該有小碗甜醬油伴吃的嗎? 當晚欠奉, 最後來一個豬肺湯, 睇到湯渣都知道瘦肉多豬肺少啦,湯亦唔多豬肺的味道只係肉湯囉,可能叫例湯會更好飲而且重平易, 服務方面唔會有進步空間啦, 因為進步不來, 要來的話就接受吧!

新匯聚非同凡響打冷，小炒·喺觀塘做嘢嘅朋友介紹， 有間幾有鑊氣小炒王大排檔打冷 食肆。 咁地道嘅嘢喺apm一定搵唔到。趁住今日喺觀塘嗰邊放工， 走去打冷食吓小菜。食肆喺工廠區地舖並要從停車場入去。入到去別有洞天，樓底原來都頗高， 有好多大圓枱， 席間有公司包咗幾圍慶功宴定係團年飯， 好熱鬧呀！好肚餓點咗 鹵水拼盤 $150非常之有睇頭， 有七至八款鹵水小食， 擺到靚靚， 份量都唔少。 有鵝翼, 鹅肉，豬耳，鴨掌，墨魚，紅腸，豬大腸，鹵水豆腐。 下面仲有好多花生墊底 ， 好豐富的一個拼盤 ！滷水味道甘香唔會過鹹。 鹵水豆腐非常嫩滑。 豬耳又爽又煙韌。 鵝肉甘香肉味濃， 款款都美味。招牌小炒皇$100夠鑊氣，熱辣辣炒起， 韭菜鮮嫩。 下了頗多嘅蝦乾， 口感豐富又鹹香。 裏面仲有魷魚，蝦肉。亮點係用咗又脆又入味嘅菜譜， 提升小炒王裏面嘅材料。 佐酒一流， 咁大碟兩三個人開支啤酒真係超爽。芋頭滑雞煲$100睇到個煲我哋開始驚食唔曬啦。 份量比酒樓差不多大一倍。 味道調得教唔錯，唔會太稠， 芋頭粉嫩， 雞件先泡油， 好香口。餐廳小店小炒, 煲仔菜非常美味足料又夠鑊氣， 盡顯大廚功駕， 非一般嘅打

前身是牛頭角下村的街坊大牌檔，朋友介紹下才知道原來搬來了官塘。新店地點就腳，官塘站b岀口，步行五分鐘就到，方便各方朋友聚腳。工廈店當然無酒樓環境好座，但今晚團年飯，店內座無虛席，反而比以往做節時在酒樓坐得舒服。是晚點了排骨籠仔糯米飯、話梅骨、啫啫芥蘭、芝麻雞、咖哩牛坑腩、粉絲雜菜煲、南乳粗齋煲。味道都很好，地道風味小菜，很有童年回憶。的確在連鎖集團酒樓，一定吃不到這種水準和味道。最岀色是芝麻雞，雞皮滿有芝麻香，令平時不吃雞皮的我，都不忍要成塊食囇，是必吃之選。另外籠仔糯米飯都煙靭、有口感但軟熟，而且飯很有香味，也是必吃。豬手令人比較失望，可能炸得皮香，但肉又乾硬了。老闆親自動手招呼打點，整家餐廳上下都好有魄力，值得捧場。

其實我一寫，店舖都知道係我 (除非有其他人都有一樣經驗)，我知可能係單一事件，但我都忍唔住寫呢間餐廳其實我都幾常去，而且我認為佢食物味道都好好的，但不嬲都覺得清潔度係一般，因為佢經常會放D食物係外面，就咁放係度，冇COVER，但都OK冇事。我果日去度，坐係卡位，點完菜都冇咩特別，直到上左第一碟菜，芝麻雞..坐坐下，見到有一隻蟑螂..... 咁我見一隻細細地，好個別情況，自己禁死佢就算，繼續食...好...等左一陣，又有一隻蟑螂爬...我忍唔住叫老闆，佢幫我整走佢之後，佢就話幫我地詬個位，我同意，因為佢卡位嘅台面係有個"HUM"入式嘅爐頭，我自己就認為可能係D邊位走出黎佢幫我地將食物搬走，我地之後轉左去圓台，一坐底...又有一隻蟑螂.... 我又叫老闆,,,佢話好奇怪，應該唔會GA，佢地不果都注意衛生，又話可能落雨潮濕 (但果日係晴天....) 佢處理左隻蟑螂之後我地又繼續食.... 食食下.... Sigh.....第4次!!!!!!!!係第4次...... 又有一隻蟑螂走出黎，老闆走埋黎...佢仍然覺得好奇怪，左右檢查...結果一拎起芝麻雞個碟....成個碟底都係蟑螂...有4至5隻

觀塘廠廈有好多隱世食店，新匯聚就係其中一間。午餐最食鐵板餐，就想起這小店，原來一段時間無黎已經改左名，一入門口多左魚缸亦有海鮮，同之前快餐廳感覺唔同哂，但依舊有我嘅目標：鐵板餐～$61嘅羊架餐真係好抵，兩件羊架唔細，加埋塊雞扒對我黎講係太多，不過佢又係淨羊架嘅選擇... 味道唔錯，性價比高，平價西餐黎講係唔錯嘅選擇👍🏻

星期天不知道吃什麼就在openrice上面亂看，結果看到這家餐廳，評論一致好評，我就慕名而來，但是我忘記看餐牌，到了現場才發現價格有點貴，半隻芝麻雞就要140，如果在麥當勞140估計要吃到吐把！芝士面很不錯，總結一下，性價比一般不過味道不錯，就是上菜速度不夠快，等我賺了錢一定回來吃！

親戚朋友介紹第一次試呢間小菜館，其實都幾惹味幾濃味，不過佢個椒鹽豆腐粒好明顯係百福豆腐，都幾幾滑個皮幾薄，個炸大腸唔係好硬都幾好味，個臘腸滑雞飯好明顯做得比較有心思，好多鋪頭都會臘腸和雞一起蒸，但個雞應該係比較後期先一蒸，幾有心思

去完朋友間studio玩完咁朋友就推介食呢間打冷食左幾樣大排檔必食蠔餅：份量足厚 口感脆但用蠔唔夠多 蠔唔味略比較不入香菇+時疏食落清新不錯鹵水拼盤入味 花款多基本上打冷必食9肚魚+蝦丸香口 不油咬落好軟唯份量唔太夠 整體來講都算唔錯價錢又唔貴

工廈好多地方對我來說都近乎神隱，唔識路真係唔識黎，今次朋友帶路，我先知有間食家常菜的小菜館，仲要座無虛席，好多人光顧。兩個人，又唔想食咁多肉，但又想食有鑊氣的食物，就要左款可以雙併的小菜，仲有魚同湯。椒鹽骨大大件，茄子都係厚切，上面仲有好多炸蒸蒜同海苔，好好味，肉就肥瘦適中，有肉得黎又有豬油香味，送飯好夾，茄子唔會話炸到吸哂油，應該係滾油鮮炸，即叫即製。烏頭魚就好新鮮，醬汁亦好開胃，食多條都仲得，平時屋企無飯食嘅真係可以係度開飯。

屋企有人話佢朋友介紹觀塘既工廈有一檔大排檔唔錯我地襯星期五晚成家去試下我地無訂位 不過好彩人數唔多店員好勉強地都安排左個卡位比我地樓底唔高，所以一入去已經超嘈同埋好WUNG加上店員成日大聲呼叫，所以成餐都係耳仔受罪坐低十分鐘都未夠 店員就輪住黎催我地落單都未諗好食咩 咁就是但叫左少少先 諗住淨間睇完再加落完單5分鐘到就上菜，廚房都幾快手下但同時都幾失望，果然期望愈大失望愈大炒豆苗，比較油呢碟野無啦啦有幾舊火腩係度充碟頭重點龍躉扣就得細細舊，成碟搵哂得3、4舊，薑仲多過佢以$160黎食豆腐火腩，性價比低芝麻雞好脆身，但唔知點解唔多熱咁快起到菜都可能係炸定，所以食落好油膩想加單既時候店員又唔耐煩同我地講要等好耐嫁又話叫左我地一早叫定，態度好差分明就係唔想我地加單阻住佢翻台落完單又有位店員過來收哂我地既野但我地都未食完，完全無尊重客人，好差呀！重點係幫我地落完單個大叔隔左陣又每台問野食齊未，齊左上埋甜品咁樣實在好趕客，食左半個鐘左右咋！到最後，我地發現個大叔落錯單，我地係想叫另一樣野又唔留心聽人講野，一味淨係趕翻台，我諗野食煮到曉飛都無用完全感受唔到用心經營一間餐廳既應帶態度坦白講，標榜自己

本身喺openrice睇，覺得呢間餐廳平平無奇，但試完之後就愛上了⋯⋯今晚同屋企人食飯，叫咗5樣餸，分別喺四季豆、蒸蟶子、咸魚雞粒豆腐、魚腩煲同芝麻雞芝麻雞外皮鬆脆，香得嚟又唔會太咸，雞肉嫩滑，食到停唔到口🤤四季豆非常惹味，將肉碎配埋飯食，簡直喺一流👍🏻👍🏻👍🏻蟶子夠哂新鮮，咬落去十分爽脆，而豆腐同魚腩就不過不失🤓能夠喺工廈區重捨大排檔既風味實在難得，下次有機會一定會返嚟再試😋

之前食過晚巿都ok, 唔覺有午市，突然有次行過發現，就中午去試試。分別叫咗兩個三餸飯，一個福建炒飯。其中三餸飯嘅豬大腸真心好食！唔un又唔會好林，d味道好特別。咖哩魷魚嘅汁唔係一般得黃色嘅汁，呢度嘅咖喱汁好香，又唔算好辣, 不過魷魚少少Un. 藥膳雞腳好肥美, 唔算甩皮甩骨，都好完整。福建炒飯成個賣相好靚，d蝦都唔算細隻，入口爽甜。基本上味道係80-90分，但衛生情況就要減分了，點解比個發霉盤上菜ka. D未整理嘅菜係攤開晒係枱. D雞煮完又擺晒係枱，d阿姐又係咁係咁講嘢，要小心衛生呀

琴早突然諗起新匯聚，於是打個電話去訂位，因為之前中秋節前某個週末，無訂檯就要呆等，結果我地走人。5好以為琴日係普通週六就無乜人，我6pm 去到，都有幾枱客 (晚市係6pm開始)。新匯聚都幾大間，負責接聽電話及安排枱，係老闆的家人。我地3條被安排坐卡位。侍應們個個都幾 nice，老闆也有來我地張枱吹咗一兩句。我地叫咗3個餸：1. 話梅骨 $90：坦白講，係無話梅味，每粒排骨都佈滿黑色小點，無理由係鑊焦吧。。。我只好當係話梅粉，令自己內心好過點 除咗無話梅味，骨都幾實及乾，絕不推介2. 芝麻雞(半隻，$130)：呢個真係，芝麻好香，雞肉也滑，隻雞真係鋪了很多芝麻3. 椒鹽九肚魚 $85：不過不失，粉5厚，炸得都ok我地齋食餸，無叫白飯。呢度免收加一，茶水則以每壺 $18 計。最後，仲贈送桂花杞子糕，正~其實6:15pm 後已不停有很多食客來，所以訂位會好d~

是日早上在官塘辦事. 第一站是來到成業街的分公司律師樓攞文件！但是文件要十二點才做好!!現在十一點同會計姐姐一齊食過早的午餐！律師樓的會計姐姐説就在律師樓一樓！就有一間有點特色的中西合璧餐廳！餐廳都好大，餐牌好多選擇！炒粉麵飯，中式，日式，潮洲打冷！甚至火煱！中午又趕時間就簡單叫兩份餐吧！一個客飯，香橙汁煎三文魚。一個鐵板海鮮炒烏冬。大家一起分享先講三文魚客飯。平時好鍾意食三文魚，但多數生食！以前曾經食過啲煎三文魚都好乾！不過呢個三文魚就煎得外趣內滑！又保留到三文魚嘅鮮味，真係唔錯！淋上那酸酸甜甜橙汁醬既香又惹味. 鐵板海鮮炒烏冬！材料豐富，感覺也很豪爽！有蜆肉，蝦仁，魷魚，蟹柳！青口仲有好多魚柳。的確是一碟份量十足的海鮮雜炒！再者，烏冬充滿了醬油的香味道。豉味十足咖啡夠濃，一放下已陣陣香氣樸鼻！嚐一口感覺甘香醇厚。這食店環境都不錯！卡位椅子都是高高的。私穏度都很好！我地十一點到無乜人唔好嘈，可以靜靜的享受食物同埋暢談，NICE