新匯聚餐廳小廚

營業中

休息中

忍左好耐口，加上果排天氣凍，日日都好想食肉，咁啱見到哩間餐廳有扒食，仲要好大份，即去！去到十一點到啦，已經見到有一台食緊扒，睇落份量真係好多！賣相都好吸引，好興奮！做過research，選擇困難症既我一坐低就叫左個牛扒，個餐仲配野飲或餐湯，我就揀左豆漿。後來見到隔離台啲餐湯好正，係西洋菜湯，仲要好足料，即刻後悔左不過豆漿都好大杯呀！個牛扒眨下眼就到左。份量真係好好好大！佢因為唔係用鐵板整，煎好左再放上鐵板，所以鐵板唔油。扒下面有好多菜，最驚食到油既菜，但菜係乾身既，本身預左全餐都係油嫁啦，所以好開心仲鋪左啲薯條係底，薯條都炸到乾身，唔係咬落去一口油既果種，仲要食到粉粉地既口感，平時一見到炸野就彈開既我都清左肥都唔差在啦＞＜好啦到主角，牛扒！牛扒唔單止大塊，佢厚度都有返咁上下牛扒肥既位置唔多，連筋位就有少少脂肪，可以接受到。見到張相好似紅紅地、會生咁，但其實食落熟度啱啱好，反而略有少少overcooked，有啲位韌左，但唔係鞋或者咬唔郁既程度食落有口感，有肉味，肉都鬆軟得黎又結實，做到哩個質感，應該都加左鬆肉粉嫁啦，但都照單全收因為佢滿足左我食肉既欲望之餘，成個餐唔會好油，xx樂個扒餐真

Since everywhere in Kwun Tong was crowded during lunch hour, thus i went to cha chan teng for lunch as their turnover was considered fast. I decided to go to 新匯聚餐廳小廚 for lunch as they are able to sit alot of diners. It was located at  Shing Yip street, around 4 minutes walk from Kwun Tong MTR.Like any typical cha chan teng, they served several lunch set such as noodles or rice, or dishes with rice. The price was considered reasonable, and it comes with drinks as well. Iced honey lemon - It was s

只是偶然和朋友到觀塘，見到有間工廠大廈內有間似大排檔風格的餐廳，於是我地去餐廳一試，晚上9點後仍然不斷有客人到來吃飯，反映出餐廳的食物水準一定很好！我2人點了2個經濟小菜及例湯，一款話梅排骨，另一款芥蘭炒臘味👍🏻，味道超出預期好，加上火計每個人對客人態度很好，有禮！我們都大讚味道很好，例湯是西洋菜陳腎，沒有味精的老火靚湯👍🏻！我們即時已經推介給各大好友一定來試！餐廳環境一般大排檔風格，沒有拘謹感覺，值得大家一試，多款經濟小菜，還有多款燉湯，但記得請預早訂位，留湯😊！

喺觀塘工廠區真係有好多餐廳，緊有一間喺左近，同事話想食呢度，有多啲選擇，我當然 ok 啦! 原來餐廳喺工廈1樓，上一層後發現原來佢都幾大間，lunch time 都坐滿晒。睇完餐牌，我決定要鐵板餐，同事就要話梅骨。西洋菜豬骨湯 - 未上主菜前，阿姐先嚟碗西洋菜老火湯，送嘅，估唔到幾好飲! 西冷牛扒鐵板餐 - 鐵板嚟到仲係熱辣辣，汁係分開上，幾細心; 牛扒足足有1cm厚，份量十足，底下仲墊咗粗身薯條同椰菜，配埋黑椒汁，好滿足! 如果唔夠飽 仲可以免費跟個飯或意粉，但我食量唔大，所以就咁食個扒餐已經夠到傻。話梅骨客飯 - 同事見到啲介紹係招牌菜，於是就叫咗佢，我都試咗嚿，果然好好味，酸酸甜甜嘅梅子醬，好開胃，排骨好鬆軟，無膻味，同樣呢個客飯嘅份量都唔細，抵食夾大件! 凍檸茶 - 檸味同茶味剛好，飲唔到澀味，我無叫少甜都啱啱好，仲要幾大杯，唔錯! 熱奶茶 - 同事話奶茶夠滑夠香，有水準。整體食物雖然大碟，但質素好好，性價比超高，下次會再回頭呀!

今晚一大班朋友一起去觀塘食飯。聽聞呢間餐廳所有食物都係大大碟，最適合一大班朋友一起嚟食。我地先點了小食三寶 幾有藥膳雞腳，魷魚仲有鯪魚肉。藥膳雞腳 淋度剛剛好魷魚平時最唔喜歡食到硬硬既魷魚，但呢碟完全無呢個問題，汁夠又爽滑鯪魚球好有驚喜，一啲都唔我哋也叫咗個杏汁豬肺湯豬肺洗得好乾淨仲有大大件雞有得飲又有得食蜜糖薯仔牛柳粒薯仔出奇地爽，又未至於煮到過左火翡翠炒斑球 班球炒得一啲都唔油膩大大件瑤柱扒豆苗椒鹽瀨尿蝦蒜蓉粉絲蒸元貝腊味糯米飯夠足料豉油雞好滑朋友提議飲呢個有氣先檸蜜特製飲品，但略覺甜了一些。總括來說這間餐廳最適合一大班人一起嚟食 啲餸都好大碟 ,上菜又快 . 如果係諗住快食快走就最適合不過。

假日兩口子hea到中午十二點多才揾食，早餐已經過了時間連鎖快餐店又吾想內子只想到要吃肉便立即想到花園餐廳不過中午据扒動不動一個餐要成百元除了扒亦不多選擇然而平民之選而又多選擇的第一個便想到這裡到達已是十二時，餐廳已經有7成座上客，這環境相比其他茶餐比較闊落鬆動也是選擇其中一的原因首先內子選擇了鐵板西冷牛扒我選了一個臘味糯米飯很快主角出場雖然上菜時醬汁已淋到鐵板上，但仍然霧煙"咋咋咋"的，可想鐵板是十分熱以60元在外吃牛排的說，這塊西冷很鑽，吃得出沒加鬆肉粉，但肉質仍然不錯，肉汁仍鎖在肉內，唯一失色是薯條有點乾。因為天氣還是涷涷地所以我地㨂了個臘味糯米飯臘腸都夠香可惜飯太濕而且份量太少最後，值得一提是所有鐵扳餐份量大值得大讚

與家人慶祝生日，偶然發現這間小菜館。門口沒有排隊的蹤影，但剛進入小菜館，便發現人山人海，坐無虛席。我們等了約5分鐘，剛好有枱，職員告訴我們最好預先訂枱，否則較難安排座位予我們。我們一行六人，點了六道菜，上菜後才發現這裡小菜的份量較大份，而且價錢合理。最後我們還食剩了需要打包回家。推薦這裡的「招牌薯仔蜜糖牛柳粒」，薯仔炒得十分香口美味，感覺有些許像炸薯角，牛柳粒也十分可口。如喜愛炸豬手的朋友，可以試試這裡的炸豬手，個人感覺性價比佳，適合送酒，而且不算貴。

本身約朋友gathering約食打邊爐，但呢排打得太多邊爐，有人就提議食小菜，openrice下就搵到呢間好多好評既餐廳！呢到價錢唔貴，我地叫左芝麻雞，蜜糖欖角骨，鐵板肉碎茄子，腊味糯米飯，焗蠔，全部都好正，小菜黎講真係好好食同特別，7人叫左7個餸，埋單每人只係$120！

我地一行十幾人想食得特別啲，今次食呢間中菜餐廳，希望ok啦。成業街真係比較多ok嘅食店，呢間上一樓就到，好容易搵。環境ok，我地去個日都多人，小嘈都正常嘅。我地叫咗好多嘢食，有陳醋雲耳，家鄉蓮藕餅 (18件)，杏汁燉豬肺湯，蝦子扒柚皮，避風塘茄子，話梅骨，辣子雞，蜜桃柚子蝦，辣醬年糕炒蟹，家鄉炒銀絲，籠仔臘味糯米飯（希望無數漏）。呢個杏汁豬肺湯係一定要飲，好好飲，係會上癮不斷飲，多人黎嘅話一定要叫。呢個話梅骨整得啱啱好，唔會太酸，肉嘅咬感都唔錯。同事話呢個柚皮飛水飛得唔夠，可以再多啲。呢個係蜜桃柚子蝦，味道可以，係個皮厚左啲。其他餸就正常，無乜特別。糯米飯都整得幾好，豬肺湯一定要飲，其他都ok嘅，真係多人黎食係抵嘅。

星期三夜晚一班同事太想食小炒, 就去左呢到, 諗住平日夜晚都唔洗BOOK台啦點知原來吉台得返一張, 咁岩就比我地拎左啦 遲一步都無呀 下次都係BOOK台穩陣D 因為要等齊人, 叫左個咖喱魷魚食住等~ 係好傳統車仔檔既咖喱味~ 太好食因為未影相就食曬嚕跟住叫左梅子骨, 風沙豆腐, 魚香茄子煲, 雜菜粉絲煲,同埋招牌中既招牌~~~炸豬手!!梅子骨酸甜都岩岩好~風沙豆腐超大碟~仲有D炸左既九層塔,正呀!炸豬手勁大碟, 脆口, 加埋D醬無得頂呀!!個老闆仲非常好客係咁介紹唔同既招牌菜比我地, 傾傾下仲知道左原來本身係牛頭角下村D小炒王出身既~唔怪得咁好食啦!! 食到飽飽每人都唔洗100蚊~ 抵到!!

超低優惠,好食過所有大型快餐店呀! (大家樂,大快活同美心)環境唔係太污糟,服務非常好, 好鬼親切呀!又任我坐邊度都得！知道宜間低食所以特登下晝去食!Wawawawawawa真係好大份呀! 有幾大,請👀圖啦！冇搞錯真係好大份量! 叫咗2個中午鐵板餐, 一個係雞扒,牛扒,羊扒配薯條+5蚊有意粉+3有凍飲, 另一個係雜扒,有雞,牛,豬,美國廚師腸仔一條, 雞翼配薯條, 煎得非常金黃😋😋😋😋,曲曲薯條好夠脆😋😋, 椰菜炒得剛剛好(唔係白烚配菜👍🏻), 食都一半叫佢比多碗黑椒汁, 佢馬上話可以,再問要另加幾錢,😲唔呭另外收費呀💯, 係加滿一碗汁呀👍🏻👍🏻👍🏻👍🏻! 杯涷咖啡一D都唔差, 奶同甜度剛剛好!好豐富嘅中午呀!包到唔呭食晚飯呀！為食指數同服務⭐️⭐️⭐️⭐️⭐️呀!雞牛羊鐵板餐雜扒鐵板餐加5蚊有意粉大大碗黑椒汁凍咖啡 調味料任你囉

哩間野係朋友係facebook見到宣傳慕名去架！入面店鋪都偏小 吾係好似平時大排檔咁 哩個室內 長方形 位吾算好大 要訂位！極度推介佢個牛柳粒薯仔！超甜好好味椒鹽尤魚都吾夠香！佢個芝麻雞好難食😂😂感覺好干身！茶位都要加錢！所以真係麻麻地 觀塘街市仲多野食啊！

至從響觀塘區返工就食過唔少餐廳，呢區真係勁多美食，今日又同同事發現左一間唔錯嘅茶記餐廳。呢間叫新匯聚餐廳小廚嘅茶餐廳要上一樓，不過都好方便，下次返工lunch time可以黎食。餐廳地方都幾大，有卡位、有大圓檯、有電視。未點餐已經見唔少人order懷舊鐵板餐，睇落好似好正咁，所以我同同事都一人叫左一個鐵板餐食。西冷牛扒餐鐵板西冷牛扒好大份，仲有炸薯條同炒雜菜。七成熟嘅西冷牛扒剛剛好，表面仲微紅，肉質好鮮嫩，厚肉但口感軟嫩易咬，牛肉味香濃，淋上蒜蓉汁，非常惹味；炸薯條好好食，仲熱辣辣，唔太油又唔會炸得太乾身；炒雜菜份量都多，食得太都肉都要食番多d菜先得。羊扒拼雞扒餐同事叫嘅鐵板羊扒拼雞扒餐，同樣係非常大份，羊架有兩大件，雞扒亦都係大大塊，炸薯條同雜菜都係一樣咁多。同事分左d羊架同雞扒俾我，羊架肉好嫩，羊肉味濃但冇羊羶味；雞扒都好厚肉，脂肪比例平均唔太肥。套餐包餐湯或飲品，凍飲加$3我叫嘅凍檸茶，甜度適中，檸檬有好多片；同事嘅熱檸茶。鐵板餐黎講呢個價錢真係幾超值，另外見到午市精選餐亦都幾抵，下次午餐可以黎食。

媽媽生日飯我哋一家五口去試新野👦🏻👧🏻👧🏻👨🏻👩🏻媽媽聽佢啲朋友講話呢間野好好味所以就揀咗呢度嚟食生日飯開頭都擔心媽媽會唔會想去搵啲好坐啲環境好啲既地方 但媽媽最後都決定食呢間去之前上OpenRice 睇咗有咩推介先跟住就點咗呢幾款菜有最出名既芝麻雞（半隻 $120）好犀利可以整到啲芝麻痴得咁實平時唔多食雞皮既我哋都忍唔住食咗幾片另外又有新鮮鵝腸都幾好味既 不過就相對價錢貴咗少少要$100 同埋可以清洗得乾淨d d 既杏汁豬肺湯係爸媽既至愛雖然要二百幾蚊 但都算抵飲好足料 又好好味另外仲有醬茶鴨（$90半隻）不過就相對遜色少少 乾咗啲最後有豆腐火腩炆錦鱔 （$280）好夠火喉 同埋啲豆腐同我哋平時食既好唔同正心好滑不過如果可以多幾舊鱔就好喇畢竟個價錢都唔平最後提提大家如果去食記得帶夠現金💰💸💸因為如果你要簽卡 佢要收你5%手續費🤔🤔

睇完戲🎞🎞......已經十點啦⏰⏰仲有乜野食呢？經友人帶路，到左呢間茶記，三大兩小四餸十幾飲🥂🍹🍸唔駛七百蚊💰💰，先上凍烏頭🐟🐟再來芝麻雞🐔🐔，仲有脆皮豬手🐷🐷，再加個四季豆🥒🥕🥒簡直一絕，烏頭肉鮮甜實肉、豬手脆皮卜卜聲、芝麻雞的芝麻黏實雞皮，絕無甩芝麻出來，仲要有微脆，口感一流。極力推介有氣梳打檸蜜，竟有飲汽水既口感，又不用飲糖水👍🏻👍🏻👍🏻👍🏻