尚鮮海鮮料理

營業中

休息中

今日放工同朋友訂咗枱嚟佐敦嘅「尚鮮火鍋海鮮料理」打邊爐，間舖位於幸福商業大廈嘅一樓，行嘅時候差啲行過咗龍🙈 明明地下好大個roll up banner 指住😂鋪頭用上全木日式裝修，加埋日本啤酒海報，去到門口加埋兩塊日式布簾以為去咗日本居酒屋。呢排天氣超熱，驚上火冇揀到雞湯，揀咗姬松茸冬瓜湯同鮮茄野菜菌湯。姬松茸冬瓜湯一黎到即刻飲左兩碗好清甜，鮮茄野菜菌湯反而後面越打越甜喎😋青檸梳打蜂蜜 $68/L揸車冇得飲啤酒😣又怕汽水肥，揀咗呢隻梳打，唔會太甜，正一嚟就叫咗個頭盤係「二人海鮮盛」$339入面包括兩隻扇貝，兩隻大花甲，兩隻大海蝦，兩塊白鱔片，仲有兩隻廣島蠔🦪，啲海鮮全部好新鮮，扇貝勁大隻，廣島蠔又肥，兩隻蝦好鮮甜！食到5種咁新鮮嘅海鮮好抵食👏🏻朋友唔食牛肉🐂，所以就番佢叫咗個五味”豚”拼盤，嘩😮原來有3層，入面分別有扎肉，豬頸肉，豬潤，豬豚片同埋豬皮😳 每樣野大約有六件，$149 一啲都唔貴，多款又好食👍🏻鮮炸脆響鈴【6條】$55呢個係新鮮炸起嘅響鈴，好味到爆炸🙊超脆冇油味，記得只能點湯點2秒，外軟內脆💥菜心苗（有機）$39一兜都幾大兜，夠晒二人份量，菜心苗好甜🥬鮮打四寶丸🍡$86有8

香港人一年四季都想打邊爐，佐敦呢頭好多高質素嘅火鍋店，上網見到呢間食評唔錯同埋環境都幾舒服，所以黎試吓店員推介我哋試吓佢哋招牌嘅椰子雞鍋$227，個湯底嚟到已經好香椰子水味，職員好貼心幫我哋落左啲雞，蓋上鍋蓋等4分鐘啲雞就可以食得，啲雞肉好嫩滑，無雪藏味，吸收咗淡淡的椰子香味，而且個湯底好清甜，我哋都飲左好幾碗特尚手切牛（中）$180非常新鮮，牛味極濃，肥瘦適中，牛油脂超香尚鮮Prime頂級牛頸脊（中）$238上菜見到碟牛，靚到嘩一聲，油脂分佈非常之均勻，但係唔會有和牛咁肥膩，油脂香之餘仲有好重嘅牛味鮮打四寶丸$86分別有牛丸、豬肉、蝦丸、墨魚丸，職員講全部喺餐廳新鮮手打，每一款都非常足料，我自己就覺得蝦丸最好食，爽口彈牙，蝦味重脆鯇魚片$72不得不佩服呢間餐廳師傅嘅刀功，每一片厚薄大細都非常一致，魚片好新鮮而且冇碎魚骨，大家可以安心品嚐雙拼餃子🥟$96分別係西洋菜苗香菇餃、木耳鮮蝦雲吞，啲水餃雲吞每一粒都大大粒，非常足料，鮮蝦好新鮮配埋木耳好爽口，西洋菜餃香菇味都好突出菜心苗（有機）$39食左多肉都要叫返啲菜，吸收多啲纖維，菜心好新鮮，冇渣由於我哋嗰日去係星期一，職員推介星期一啤酒買

想搵一間環境比較清靜打邊爐嘅地方, 朋友搵到呢間火鍋店，可靜靜地食下野傾下偈一入到去人唔算好多，見到門口有個魚缸裏面有好多龍蝦喺openrice見到好多人推介椰子清雞鍋， 今次就叫咗一個另外叫咗我哋最鍾意食嘅牛肉、響鈴、丸、餃、豬肉、菜冇諗過椰子清雞煲係咁足料， 有半隻雞畀我哋自己加落去，服務員好貼心咁介紹可以先飲湯然後再打邊爐， 一飲不得了，完全迷上咗，直情不咗兩三碗嚟飲 雞肉啱啱好熟、滑而且非常有雞味到打邊爐嘅時候， 服務員幫我哋加返啲湯先至再加配料 服務真係一流手切牛肉就知對版個色係新鮮而且肥瘦平均，分量多重牛味鮮打四寶丸，有驚喜夠新鮮， 粒粒都食到有肉味， 基本上見到有呢啲新鮮肉丸，店舖一定係正雙拼餃子有木耳鮮蝦雲吞+西洋菜香菇餃， 雲吞蝦咪蝦肉彈牙，餃子西洋菜味濃 仲有鮮炸響鈴， 完全沒有油益味， 夠脆浸火鍋正就咁食都好好食豚肉重豬肉味，肥肉位係彈牙爽口， 冇諗過係咁好食打邊爐就係樣樣都放曬落去食乜夾乜店員服務良好 ，久唔久又會幫我哋清下啲D，因為啲料夠新鮮肥油唔會好多環境四周都乾乾淨淨，唔會黐立立，坐得舒服

今日同朋友去左佐敦尚鮮打邊爐湯底叫左個冬陰功🦐🍅🌿平時我哋都唔食得辣❌🌶️呢個完全唔會辣😛兼帶有輕微甜酸味👍🏻🥟雙拼餃子🥟分別係西洋菜餃同鮮蝦雲吞煮熟左好多汁架！🐮牛三併三款都切得好薄鮮炸脆響鈴因為新鮮炸好 落水一秒即起 內脆外軟四色丸尚盛🍡四種味道都有唔同既餡料 各有新鮮感但朋友覺得有點略鹹🧉醬油🧂配料都好豐富🙆🏻‍♀️順帶一提🙆🏻‍♀️呢度可以有訂房服務 作約10－20人聚會之用🤪除咗邊爐🥘仲有刺身🍣同串燒🍢

係佐敦行街，心血來潮想打邊爐，所以就係附近搵左依間《尚鮮火鍋》。門面都乾淨、闊落，不過我地早食，所以都冇咩人。我地揀左個鴛鴦鍋《鮮茄野菜菌湯》同《姬松茸冬瓜湯》。《鮮茄野菜菌湯》唔係落茄膏開出嚟，有蕃茄味之餘，又唔會蓋過晒其他食材既味道。《姬松茸冬瓜湯》清清甜甜咁，好好味，忍唔住當湯飲。第一樣叫左《鮮打四寶丸》，分別係牛丸、豬丸、墨丸同蝦丸。當中我覺得最出色係墨丸，好香墨魚味同好彈牙。第二樣叫左《雙併餃子》，分別係木耳鮮蝦雲吞同西洋菜香菇餃。2款餃啲料都好滿，木耳鮮蝦雲吞仲要成隻蝦係入面，好滿足。打邊爐又點可以冇牛呢？第三樣叫左既就係《手切安格斯牛》，佢啲肥瘦分佈得好好，食落牛味都幾重，而且好嫩滑。有牛當然都唔少得豬啦，所以就叫左個《黑豚肉片》，好香豚肉味。之後仲叫左個《有機田園盛》，當中我最欣賞就係佢個白蘿蔔，出面好多地方都會切到啲白蘿蔔大大舊，依到薄薄地，可以快好多入味，唔洗一早就要倒晒啲白蘿蔔落湯，到最尾先煲到入到味。最後叫左個《日本葛絲》，依個口感好Q彈，同好易入味，比起平時食開既粉絲同芋絲更加好味！

好耐冇打過邊爐啦, 之前聽朋友介紹過呢間餐廳, 今次終於黎食啦 一睇個餐牌, 都幾多選擇wo, 海鮮私房料理望落幾抵食, 可惜要6位先有得開席, 下次有機會成班人黎可以一試。打邊爐最重要當然係湯底, 姬松茸冬瓜好岩養生, 價格比其他湯底平少少, 出到黎有驚喜, 姬松茸就咁食都幾好味, 而且數量都唔少, 加埋冬瓜可以清熱, 湯底仲有小小肉粒。另外朋友再點左個小辣既麻辣湯底, 一紅一白, 一次可以食到2種唔同口味, 正! 單點食材有一個好處, 唔會好似任食咁浪費, 叫幾多食幾多, 而且食物質素一般都比較高。今次就點左鮮打四寶丸, 每樣2粒可以食到多D唔同味, 最欣賞係個蝦丸, 好重蝦味, D丸都幾彈牙, 證明都幾新鮮。打邊爐主角當然係手切牛牛啦, 個安格斯牛唔會太薄身, 牛味重但唔會鞋。最特別既係百花釀油條, 平時幾仲意食油炸鬼, 估唔到打邊爐都有, 而且呢碟係加左蝦滑係油炸鬼上面, 而且係熟食, 不過浸一浸湯底會更加出色。平時麻麻地魚片, 不過呢碟鯇魚片好彈牙, 完全唔似平時D魚片一落水就好易化哂。Overall食物質素都唔錯, 特別係同海鮮相關既食材, 無改錯名果然係主打海鮮料理。

⭐️尚鮮海鮮料理⭐️📍:佐敦吳松街62-64 幸福商業大廈1樓⏰:17:00pm-2:00am好想打邊爐🥹🥹但系屋企人話太熱唔想出街 上網見到呢間好抵食既外賣火鍋 於是買左反去開餐😍 我買呢個二人餐 再加多小小配料 足夠我地成家3個人食😂🍲姬松茸冬瓜湯外賣都可以食到佢地咁高質既湯底😚佢哋會將湯底同配料分開 湯底內有姬松茸、冬瓜粒和瘦肉粒😍可以加埋粟榮、蘿蔔、蕃茄等 令到個湯底更加清甜 發出陣陣姬松茸香氣 清熱有益！🍢鮮打四寶丸(牛丸，豬肉丸，蝦丸，墨魚丸)全部都系新鮮手打丸 彈牙鮮味 真系好值得食 同出面食到既口感完全唔同 食完唔夠喉😂🐟脆鯇魚片脆薄得來好新鮮 無咩骨 口感一流🤣沙見蜆不得不提下佢地既蜆 真係新鮮大隻 好飽滿 裏面完全冇沙 仲好活躍😂超級好食！！推薦🐮安格斯牛肉、豬肉片食打邊爐點樣可以唔食肉類 佢哋嘅肉類都好高質 牛肉嘅紋理好令 食落重肉味 豬肉片都好香 口感唔錯！🦀日本蟹柳 屋企人對呢款讚不絕口 出面好小食到咁新鮮嘅蟹柳 煮熟咗淋淋地好好食😚食唔停口🥰#香港美食 #平民美食 #佐敦 #佐敦美食 #香港 #美食 #hkfood #hkfoodie #openrice #hk

一年四季打邊爐都係all time favorite💕今次嚟到呢一間唔止食普通打邊爐仲係主打海鮮而且仲有其他串燒刺身之類 任君選擇😳入到去就已經見到個水缸入面大大隻龍蝦好生猛 成個店舖雖然位置唔算多但係每個位都好闊落 坐得好舒服😌餐牌入面嘅選擇超級多 除咗普通打邊爐仲有海鮮 如果想食得刁鑽啲既海鮮 建議預早預約🤩下次嚟一定會試吓！湯底:姬松茸冬瓜湯完全冇令我失望！雖然冇寫明可以當湯咁飲 但我飲個頭啖湯超級清甜😚感覺食多多都唔會濟手切安格斯牛😻牛肉真係要超級讚 每一塊嘅厚度都一樣 肥瘦均勻 淥到七成熟就拎上嚟食 完全啱啱好 入口即溶 一啲根都冇🥹真心高質 極推！！黑豚肉片☺️唔係講笑呢度嘅肉類超高質 豚肉喺出邊食好少唔鞋 但呢度真係超滑 五花腩嘅分布但少啲肥 好快就熟脆鯇魚片以脆肉鯇來講略嫌唔夠脆 不過入口肉質鮮嫩 而且每一片都大大塊 肉質新鮮又唔會散晒👍🏾四色丸尚😽集齊墨魚滑、蝦滑、牛肉滑、豬肉滑 每樣都可以試少少 老闆話全部都係手打 食落口都似係 唔會鬆散亦都唔會太紮實 啱啱好 簡直係誠意之作 其中蝦滑仲加入黑松露 成件事入口好香🫶🏾最後要讚嘅係職員態度非常好 同你傾偈完全冇問題 上菜

放工約左朋友食飯，行緊街搵食嘅時候就落雨。咁啱行過見到個牌，上一樓有餐廳喎，雨都開始密，咁就上去睇吓。呢D地方唔算好大，聽到有客人訂左位，應該有好幾層。私房菜格局，職員安排我哋坐卡位，座位寬闊舒服。打開餐牌，原來係食火鍋。今次就由朋友發辦，點d佢想食嘅嘢。火鍋湯底 (鴛鴦鍋)：姬松茸冬瓜湯: 菇味濃，冬瓜多，仲有瘦肉，夠清淡。血池麻辣湯 (小辣)：唔太辣，裡面仲有雲耳，連雲耳都入晒味，幾好。二人海鮮盛：全部都係珍寶size，色澤好靚，幾新鮮。廣島蠔夠肥美；扇貝同埋大花甲有鮮甜味；海蝦蝦肉結實；白鱔片切得薄無骨，好食。手切安格斯：賣相吸引，有睇頭。牛肉切得厚薄適中，重牛味，雪花分佈平均，有咬感。黑豚肉片: 賣相都幾好，脂肪分佈均勻，入口滑滑，但又唔會覺得佢好肥膩，豬味濃但又唔會覺得有豬肉果陣酥味，好味。鮮打四寶丸: 四寶丸分別係牛丸、豬丸、墨丸同蝦丸，非一般貨色；四款咬落彈牙，味道濃，真係唔錯。脆鯇魚片：呢個都係切得厚薄適中，唔會切到好薄無晒口感。放在濃湯果邊淥，入口都幾煙韌，無泥味，反而有魚嘅鮮味。唐生菜: 菜洗得乾淨，新鮮嫩綠，爽口。

其實我都幾鐘意食私房菜style既打邊爐，感覺食物質素高好多今次試呢間除左打邊爐，仲有私房小菜食，不過就要早一日訂啦另外仲有澳洲龍蝦 $688/只，攞黎做刺身一流呀醬介 $15/位雙拼湯底 $165打邊爐緊系要一濃一淡湯底啦姬松茸冬瓜湯，個湯飲落幾清甜血池麻辣湯 ，好香麻辣味 ，辣度揀左小辣二人海鮮盛 $339白鱔片，廣島蠔，海蝦，大花甲，帶子白鱔爽口，海蝦新鮮彈牙，帶子超大粒啖啖肉特尚手切牛(中) $180啲牛肉既雪花紋好靚呀，食落有牛味，肉質嫩鮮打四寶丸 $86牛丸，豬肉丸，蝦丸，墨魚丸全部都系新鮮手打丸，彈牙十足脆鯇魚片 $72魚如其名，脆，爽，我媽咪好鐘意黃沙豬膶 $55第一次見生既豬膶系咩樣，食落好粉唐生菜 $39一睇就知新鮮，食落係鮮甜架！

今日收完工，約埋朋友去到佐敦吳松街嘅一間樓上鋪-尚鮮打邊爐😜姬松茸冬瓜湯 ($94)好清甜嘅湯底，湯底內置姬松茸、冬瓜、瘦肉，未落料打邊爐之前已經飲咗一碗😆牛尚盛($368)有齊五款不同種類嘅牛肉，雪花牛柳粒、鮮牛舌、特尚手切牛、本地手切牛、手切安格斯牛。三種手切牛肉嘅牛味好濃，脂肪分佈均勻，肉質極其嫩滑🤤姬松茸冬瓜湯底唔會太濃味，用嚟淥牛肉一流，仍然可以食到牛肉嘅鮮味🤩白鱔片($127)白鱔打邊爐真係被嚴重低估，肉質肥美+嫩滑，唔係同等價位嘅魚類可以匹敵🤪鮮打四寶丸($86)四寶丸分別係墨魚丸、蝦丸、牛肉丸、豬肉丸，手打丸果然係手打丸，食材新鮮程度唔係冰鮮貨可以媲美，而且入口彈牙，質素相當高👍西洋菜香菇餃($86)好足料嘅餃子，西洋菜併香菇呢個配搭都好少食到，幾有驚喜！鮮炸脆響鈴($55)打邊爐真係唔少得響鈴，即炸夠香脆!

想喺屋企打邊爐，但比較懶惰，買二人餐係最好既選擇！首先我想講啲冬瓜湯拎既時候係超熱！我搭左30mins 車番屋企都仲係好熱！加埋啲冬瓜，真係好似食冬瓜忠咁清甜。牛肉好好味； 海鮮盛好足料，最好味係粒帶子！啲丸，由其係四粒手打丸，好爽口～總括來說就是高質

佐敦一帶多嘢食就係人都知啦，而呢一間尚鮮火鍋提供多樣化既食材，而且食物質素一直都有好評，所以就同朋友嚟試吓。我哋一行三人點咗一個鴛鴦鍋，湯底係姬松茸冬瓜湯同麻辣湯。一上台已經聞到濃濃的香味。一邊清甜，另一邊香麻，兩者中香，同一樣既食材，落唔同嘅湯底，都有兩種感覺打邊爐對我嚟講最緊要嘅就係肉！我地叫左牛三拼同黑豚肉片。牛三拼有雪花牛柳粒、特尚手切牛同本地手切牛。三款牛之中，兩款手切牛肉質都嫩，肥瘦均勻，完全冇雪藏味。牛柳粒就比較有口感，放落冬瓜湯底，會突出左佢嘅鮮味。至於豬肉片就相對牛黎講係比較普通，但勝在多大份因為呢度材料新鮮所以我哋都叫咗個二人海鮮盛。五款海鮮材料都係好新鮮，有大蝦、生蠔、硯同魚。當中大蝦好鮮甜，肉彈牙，食得出係新鮮大蝦。硯雖然唔算大隻，但就好有海鮮味，夠fresh。而魚肉就建議大家唔好烚太耐，否則就會太老。另外仲左即炸響鈴同鮮打四寶丸。個人認為響鈴真係必叫呀新鮮炸起，夠熱既時候放入兩邊湯底都非常惹味，特別係麻辣湯底嗰邊，吸收左湯底嘅精華，但又唔會怪過豆香，簡直不得之了

星期一嘅晚上放假嘅時間約左2位朋友喺佐敦一間火鍋店打邊爐🤩可能係平日所以都唔太多人，所以非常好坐😌地方非常之闊落，坐嘅位置都好舒服除咗火鍋仲可以大串燒加刺身嘅！！火鍋湯底叫咗鴛鴦鍋，一個係比較滋補嘅姫松茸冬瓜湯，湯底清甜，冬瓜煮耐啲吸收左湯底嘅精華非常之好食😋另一個就係麻辣湯，麻辣非常之香濃😆用佢嚟做火鍋湯底非常之嘢味落完餐單員工就會拎左醬料提供給我哋選擇好貼心😍響鈴 望上去已經好脆口，放落湯底，吸收左湯底嘅精華非常之可口美味黑豚肉片 比較偏脂肪多少少豬味都好濃郁 牛三拼牛肉嘅牛味濃厚，有三個唔同部位嘅牛肉二人海鮮盛生蠔好飽滿又大粒😆蜆肉都好大粒好好食魚肉嘅話就比較多骨，食起上嚟要小心啲仲有兩隻蝦都好大隻！呢個份量雖然係2人份量，不過三個人唔夠嘅話其實都仲可以叫其他，每樣試吓😌👏🏻鮮打四寶丸四隻好味嘅丸 勁爽口彈牙，好有口感👍🏻五樣加1個湯底已經非常豐富，足夠我們三個剛剛好🤗😋食到非常之滿足😊員工都非常之值得一讚會留意住湯底，會主動加水

尚鮮海鮮料理主打唔同養生滋補湯鍋，唔洗擔心打邊路會熱氣而飲酸梅湯~店舖係商廈嘅一樓內，大廈外牆都有好大幅Banner提示餐廳位置，跟住指示好容易就搵到🥰店舖環境優雅寧靜，啱哂同朋友一邊恰下恰下一邊傾計呀，店員亦好貼心不時加湯底同埋主動潷走湯表面的浮物~店主今次仲好好人俾我哋以堂食優惠價試咗平時主打做外賣嘅套餐🤣💁🏻‍♀️今次叫咗1️⃣鍋物套餐 🥘海鮮2️⃣人套餐💰$3982人套餐主打精選嘅時令新鮮海鮮，包括:手掌咁大嘅扇貝(2隻)、紐西蘭蜆(2隻) 、海蝦(2隻)、美國桶蠔(2隻)同埋白鱔片，值得一贊係扇貝、蜆同海蝦比想像中更鮮甜可口😋而蠔同鱔片就吸收哂湯嘅精華，味道香濃～🫒姬松茸冬瓜湯💰94姬松茸擁有滋陰功效加埋粒粒冬瓜為主嘅養生湯鍋，香甜濃郁，啱哂呢種時冷時熱嘅天氣，飲多幾啖仲可以幫你下下火添呀，想食得健康啲可以好似我咁先落咗啲蔬菜，菇類🥬🐷黑豚肉片💰55黑豚肉片放入呢款湯底恰下恰下充滿湯底味外，仲十分嫩口😋份量都算係十分抵食～🥟手製肉丸及餃子💰-外表同平時食開嘅丸類同餃子好似無咩大分別，但食落後充滿淡淡驚喜呀🤣兩粒新鮮嘅豬肉丸都係新鮮手打製成，食落十分爽口之餘仲充滿香濃嘅肉味😋而蝦丸同墨魚