尚鮮海鮮料理

營業中

休息中

有日收工同事帶咗我過嚟打邊爐.可以飲埋生啤吹吓水都幾好.食過一次覺得佢個花膠雞湯底唔錯.我女朋友就最鍾意飲雞湯.所以今次帶佢嚟試吓!叫咗蟲草花花膠燉雞湯底因為主力都係想飲雞湯唔肚餓所以只係叫咗一碟花枝片同娃娃菜想叫串燒但係廚房今日冇做串燒另外叫左生啤湯底的確唔錯好清甜.飲得出無咩味精.花膠係急凍嗰隻所以唔會起膠都冇咩味.湯底裏面係冇雞件.只係得三隻雞腳同埋一隻雞翼尖.加埋菜吸味幾好味.花枝片好爽口吾錯.整體:餐廳地方比較細.款式種類唔算好多.但係都夠嘅.花膠湯底唔錯.幾清甜如果肚餓正常晚餐可以叫埋海鮮.肉丸嗰啲.價錢適中都可接受不過不失!

今日去佐敦食火鍋，尚鮮火鍋海鮮料理，餐廳鄰近地鐵站，位置在幸福商業大廈一樓。之前有朋友食過覺得唔錯，今次就同女朋友去淥一淥先。打開餐牌，選擇有好多，有套餐，海鮮，刺身，牛肉，手工丸餃，自家料理，串燒，如果人多仲可以有私房菜安排。今次我哋就簡單食打邊爐。-鍋底 : 泰式冬陰功(海蝦)湯 & 姫松茸冬瓜湯兩款湯底都非常足料，泰式冬陰功(海蝦)湯有大大隻海蝦，湯底味道酸辣酸辣， 十分開胃，配上其他火鍋了，唔需要加豉油，都非常夠味好食。姫松茸冬瓜湯就更加係我嘅至愛，夏天飲冬瓜湯係定律，消暑解渴，姫松茸獨有嘅菌類香味就更加吸引，未開始打邊爐，就已經飲咗好幾碗湯。-特尚手切牛(中)用上牛小排，位於牛肋和牛肩中間的部分，肉質非常鮮嫩而牛味濃。份量兩人食啱啱好。脂肪分布均勻，味道及口感非常平均，打邊爐必點。-豬頸肉豬頸肉是豬面頰至下顎之間的部位，肥廋相間，看似肥膩，但脂肪含量並不高，肉質爽嫩，十分可口。-鮮打四寶丸包括有牛肉丸，豬肉丸，蝦丸，墨魚丸。一食就知真材實料，人手打出嚟嘅丸特別彈牙，充滿肉汁。-百花釀油條將蝦滑釀咗喺油條上面，職員介紹呢一道菜已經炸熟咗，可以就咁食，或者輕輕放湯底一兩秒再食，就

尚鮮海鮮料理 私房火鍋海鮮，用料上乘，服務一流！辛苦咗一日，放工嚟佐敦打邊爐，又方便，又舒適。私房菜館樓面唔大，但海鮮肉類蔬菜酒水樣樣齊，有好多選擇，適合一大班人嚟食，試吓唔同嘢食~-------------------------🍲雙拼湯底秘製傳統土鄉清湯 x 姬松茸冬瓜湯 $165清湯由皮蛋同芫茜熬成，皮蛋香而不膩，加上大量新鮮芫茜，適合包括小妹在內嘅茜迷！ 冬瓜湯底十分清甜，適合喺咁熱嘅天氣下消暑，爽！ 🥩特尚手切牛 $180牛肉油脂分佈均勻，每片都食到牛嘅油香，加上厚度適中，絕對係牛魔王最愛！😈 🥟雙拼餃子 $96木耳鮮蝦雲吞 x 西洋菜香菇餃鮮蝦雲吞好足料！雲吞裡面包咗好大隻蝦，勁爽口！😝 🍡鮮打四寶丸 $86蝦丸x墨魚丸x豬肉丸x牛丸人工手打，粒粒彈牙，小妹最鍾情嘅係蝦丸，蝦味好香濃！😋 🥨響鈴 $55響鈴即叫即炸，香脆可口，放入湯底三秒，食真湯底嘅味道，正！🤤 🥬菜心苗 $39洗得好乾淨，又新鮮，食咗咁多肉，食返啲靚菜平衡返🤣 🍹青檸梳打蜜 $68有杯青檸梳打蜜開開胃，消吓滯，最match咁heavy嘅邊爐！-------------------------值得一提，呢

天氣開始涼 又係打邊爐既好時侯女友厭倦限時飲食嘅火鍋邊爐 見openrice推薦呢一間餐廳就book左位餐廳位置10分方便又近地鐵站 路痴嘅女朋友一搵就搵到 入去裝修幾乾淨企理都有日本風情 門口旁邊嘅魚缸裏邊有生猛嘅龍蝦同魚游嚟游去 都睇得出佢哋嘅嘢食應該好新鮮同足料佢哋嘅湯底款式種類好多 最後揀咗麻辣湯底同姬松茸冬瓜湯底 火鍋料嘅種類好多特色 手工丸既配料好有趣忍唔住叫咗 牛肉亦都有分香港本土牛 牛肉粒同埋安格斯牛 我哋呢啲牛魔王梗係一定要試吓啦睇睇下餐牌發現佢哋都好多元化 海鮮串燒魚生同埋小菜都有 如果唔係女朋友想打邊爐我諗應該會試吓佢啲串燒種類又多又吸引 如果唔想諗 可以叫套餐計返都幾抵食女朋友眼闊肚窄撳住先冇叫咁多嘢當佢心大心細仲諗嗌唔嗌串燒嘅時候就有哥哥拎咗火鍋醬料過黎 醬料盒安排得精緻 材料都新鮮同幾足 蒜頭亦都有分乾同新鮮蒜 證明真係用心經營 值得一讚幫我哋整緊醬料嘅時候湯底好快都到咗 一放低就聞到好香嘅麻辣湯味 發現湯底裏面嘅材料好足 當然要試吓頭啖湯啦姬松茸冬瓜湯飲落好清甜完全冇味精 湯裏面已經有少少瘦肉同埋好多嘅姬松茸 一食就知係新鮮放落去 菌味濃郁 完全未出晒

經過佐敦吳松街，地面相當多嘢食，但感覺有點凌亂，見到呢間打邊爐，評語不錯，就去試試看。 餐廳環境感覺舒適， 服務員亦非常熱情。藥膳花雕醉雞鍋$227十分推介這個藥膳花雕醉雞鍋，當服務員捧上那一鍋熱湯時， 清香嘅酒味加上藥材味撲面而來， 服務員提醒湯滾時，落醉雞，再滚後待三分鐘便可享用， 所以吃的時候雞肉非常嫩口，雞味非常濃郁， 我同老公亦忍不住喝了幾勺的花雕醉雞湯， 雞湯非常清甜，藥材味非常濃郁，喝完感到渾然舒暢。五味豚拼盤$149這個豬肉拼盤擺盤非常精緻，看見食慾大增， 薄切五花腩片相當香口， 中間脂肪帶點韌勁。 豬頸肉厚薄適中，相當彈口。豬膶非常新鮮。四圍餃尚盛$127這個餃子拼盤， 各有特色， 其中雲吞蝦肉爽口。 西洋菜香菇餃， 非常有鮮味。 另外還有蟹黃餃， 本人最喜歡的就是蟹黃餃， 蟹黃味突出， 非常 濃郁。特尚手切牛$149 這款手切牛， 雖然脂肪不多， 但絕對不嚡口 ，牛味亦相當濃郁，味道媲美高端牛肉， 值得一試。 打邊爐都要有番杯凍飲， 檸檬梳打，口感清新 ，調配得非常好味。 服務員亦非常殷勤， 經常主動添湯及換碟。值得一提的是這間餐廳除咗火鍋，還有私房菜， 六個人以上

街坊系列 – 尚鮮火鍋海鮮料理 💚------------------------------環境: 小店面積唔算大😆記得要預約呀大家但枱面都幾闊落😎打邊爐都唔會覺得好逼夾乾淨企理夠衛生👍🏻仲有魚缸可以見到新猛海鮮------------------------------食物: 蟲草花花膠燉雞腳 ($186) 🍲餐廳主打無味精湯底😋所有湯都係食材既原汁原味飲落的確鮮甜😍燉湯既湯渣通通都可以食,唔會浪費花膠好多,件件都係大大塊,食落爽口彈牙🤗味道清淡特尚手切牛 ($180) 🥩手工一流,每一塊都係連刀🔪厚薄一致,食落口感唔錯肥瘦勻稱,唔會太肥太瘦🤤入口軟嫰得黎好有牛味,正五味豚拼盤 ($149) 🐷黑椒扎肉:意想唔到幾好味,黑椒味好香🤤勁惹味五花腩:餐廳採用先卷而後切🔪食落肥瘦勻稱,味道正常豬頸肉:豬味好香濃,同埋利用連刀手切😍口感爽滑豬皮:口感夠哂爽口彈牙😁吸哂湯汁後味道更佳豬肝:份量好多,又無異味🤭味道正常,唔會有渣鮮打四寶丸 ($86) 🦐全部都係人工手打,粒粒都係人才實料👍🏻爽口彈牙有蝦丸,墨魚丸,豬肉丸同埋牛丸🤪小編最愛就係蝦丸唔止蝦膠,仲有一粒粒蝦肉係入面🦐蝦味勁香勁鮮雙

疫情嚴重咗決定食外賣放棄堂食，去咗朋友屋企，兩個人唔知食咩，見附近有火鍋外賣🥡決定試試先姬松菇冬瓜粒湯.2人份見好多人推薦呢個，感覺幾養生，決定試試先牛肉係比較少油脂個款，食牛味幾濃。想講海鮮款式幾多，可以試多幾款，鯇魚片爽口鮮甜無骨，而沙白真係好肥美同埋無沙，蝦肉彈牙，帶子，蠔都唔會腥臭。400內一次過試到有質素既火鍋海鮮料幾有驚喜！丸類比較突出，因為係新鮮手帶，質感唔會實的的，咬到中間會係好多汁。但相比之下，個人覺得丸》餃。豬腩片+豬膶：個色水真係好靚仔，打邊爐料新鮮好緊要。個湯底keep住滾，索曬海鮮、菜、肉既味道，而冬瓜都化做湯入咗食物到，成件事係好清甜美中不足如果可以有麵之類就好喇，但overall令人開心既外賣。連包裝都好細心，醬料盒會疊高用膠紙貼埋！下次會想試埋其他湯底！

今日同男友想打邊爐 想搵一間環境清靜嘅地方 靜靜地食下野傾下偈 呢間餐廳幾好 重點係貴精不貴多 野食好新鮮好好味😚😚😚我地揀左蟲草花花膠燉雞腳 飲左幾啖幾清甜 發出陣陣蟲草花香氣 有蟲草花、花膠、雞腳 好豐富 服務員好貼心咁介紹 叫我地先飲湯再打邊爐 飲落好正 好似屋企煲嘅湯咁☺️☺️☺️另外叫咗特尚手切牛 牛肉好鮮嫩 油脂好平均 脆鯇魚片 魚片好新鮮 鮮打四寶丸 有墨魚丸、蝦丸等 大大粒 咬落內有黑松露、蟹子等餡料 好特別 第一次食咁得意嘅丸 😆😆😆雙併餃子有木耳鮮蝦雲吞 西洋菜香菇餃 餃子鮮嫩多汁 鮮蝦好新鮮 香菇好厚肉 皮薄肉滑 又大隻😋😋😋食完之後好飽 最後可以加埋田園盛裹面嘅粟米、蘿蔔、蕃茄等落個湯入面 令到湯底更加清甜🤩🤩🤩

行開佐敦買野順便係果頭搵食朋友想打邊爐我地都鍾意幫襯小店上網搵到呢間樓上鋪打去睇吓有冇位先好彩19:00 仲有一張枱😬唔難搵地下有好大個牌寫住"尚鮮火鍋料理"店舖大約容納 30人有個細魚缸放海鮮取咗火鍋仲有私房菜火鍋👉🏻藥膳花雕醉雞鍋(普通)😋(有半隻雞份量)好香花雕味👍🏻雞肉好滑啱啱好👍🏻可以先飲湯後加湯打邊爐👍🏻另外職員會幫你控制d 雞👍🏻火鍋配料👉🏻特上手切肥牛(標準)👍🏻油脂均勻入口溶化😋火鍋配料👉🏻黑豚肉片（標準)入口彈牙完全唔肥膩火鍋配料👉🏻鮮打四寶丸(標準)👍🏻墨魚丸好足料其他丸好彈牙火鍋配料：油麥菜份量比出面多👍🏻小食👉🏻百花釀油條👍🏻😋唔多地方有所以叫嚟食醬料👉🏻有醋有套餐選擇

剛於佐敦道，朋友又想食火鍋，咁就走咗上去尚鮮火鍋店，呢度以前都有食過，地方細細但係服務唔錯，啲火鍋料亦都好新鮮，今次都唔例外首先點咗個姬松茸冬瓜湯底，一個手切安格斯牛，脆鯇魚片，有機田園盛，最後加個餃子雙拼即木耳鮮蝦雲吞和西洋菜香菇餃；好快咁個姬松茸冬瓜湯底就嚟咗喇，當然就整返一兩碗先啦，真係好鮮甜，個姬松茸都好香，食落去都勁爽口，冬瓜哩就入口即溶，係我最鍾意種口感，飲完兩碗湯都飽咗一半，再淥一淥件手切安格斯牛，好有牛味，超正；再淥多一件脆魚鯇，佢切得比較薄都好爽口，啲鮮蝦雲吞都好大粒，食落都唔錯，而至於西洋菜香菇餃呢，就有啲特別食落去唔覺有西洋菜，但係就好似有啲魚肉味咁樣，尚算可以；個田園盛就真係幾新鮮，粟米都係超甜無渣嘅；整體來說，啲材料好新鮮，啲湯底亦都冇乜味精，不枉我幫襯多次。

早前去了位於吳松街樓上火鍋店 #尚鮮海鮮料理店舖唔算好大但乾淨企理🤗坐低即時order湯底先🫕泰式冬蔭功海蝦湯底🌶滾起即時飲番碗湯先🥣辣度都可以接受😋材料仲有蝦🦐蜆🍄菇類等👍特尚手切牛肉🥩牛肉脂肪均勻🦬牛肉味濃肉質好軟嫩😋雙拼餃子🥟🥟木耳鮮蝦雲吞西洋菜香菇餃倆款餃子都包得幾大隻裡面好足料🤩我好喜歡木耳鮮蝦雲吞😋蝦肉都多🦐有埋木耳食落口感係爽彈🤩推薦👍五味豚併盤🐷擺盤幾靚😍有札肉🐽豬頸肉🐖豬潤🐖豬皮同豚肉片放入冬蔭功湯底係特別好味脆鯇魚片切得薄片🐟滾一滾10秒左右已經可以食得😋魚片冇骨又爽脆👍好放心食田園盛🥗選用有機菜🥬份量都好大盤🥬🌽新鮮爽脆想讚讚哩度選材料都算新鮮👍成餐飯我地食得幾舒服😁唔會趕頭趕命限時咁食🕖樓面店員好友善😊

過左chur爆既星期一 今日同男友想打邊爐 打邊爐 重點係貴精不貴多 所以我地都偏向揀單點既見呢間係佐敦既火鍋料理評價不錯就試下先睇下餐牌 原來呢到好多類型既野可以揀 有海鮮、刺身、串燒，連小菜都有今日試左火鍋先 湯底叫左血池麻辣湯併姬松茸冬瓜湯 未食之前飲左姬松茸冬瓜湯 都幾清甜 除左有姬松茸、冬瓜、仲有鮮肉粒 血池麻辣湯 一試落去都幾麻 但之後配肉都幾夾叫左手切牛 牛柏菜 脆鯇魚片 四色丸 （豬、牛，蝦、墨魚）四圍餃 （西洋菜、蟹皇餃、鮮蝦雲吞）田園盛 全部用料都新鮮 牛肉 係靚野 好多雪花牛柏菜 同 脆鯇魚片 滾兩下就食得 幾脆口手打四色丸 個人比較鐘意 蝦丸 同墨魚丸 食落爽口彈牙 四圍餃既蟹皇餃比較特別 出面好少食到 味道都唔錯最後想講埋佢既調味架 一般蔥 芫茜 蒜 辣椒 沙茶醬就基本啦佢特別在有生薑 麻油 同醋 混醬就咩都溝埋一齊 但加左味道又另一層次 再香d 再甜d 咁 呢到星期一仲有啤酒買一送一 想打邊爐送啤酒既唔好錯過呀 最後想試埋佢既串燒 叫左雞皮墨魚卷 同白鱔雞皮包住墨魚卷 外面脆脆地 裡面爽口咁 白鱔外皮烤到香口 肉幾厚身 其實佢仲有d 燒酒套餐 海鮮火鍋

依家啲天氣真係好反常，前幾日仲係三十幾度，突然間落幾日大雨，一涼返五六度真程覺得凍，打邊爐就啱晒餐廳位於佐敦樓上舖，地鐵站行過去5分鐘左右裝修方面有啲日式居酒屋嘅感覺，仲有啲小燈籠，都幾特別地方雖然唔算好大，但係都坐得好舒服唔會好迫，店員都會刻意將啲客人分開啲坐，非常貼心血池麻辣湯拼姫松茸冬瓜湯 $165湯底揀左雙拼，麻辣好香唔會太辣(可能因為揀左少辣)，另外個冬瓜湯真係不得了，好多姫松茸勁足料，未開始落配料飲左兩啖真係好清甜，啲冬瓜同姫松茸最後都清晒😝手切安格斯牛 $209賣相好靚好吸引，雪花好靚好平均，厚薄切得啱啱好，肉質軟嫩，牛味勁濃，比想像中大碟黑豚肉片$55又係好大碟，$55真係好抵厚薄又係切得啱啱好，豬味好香無騷味，同麻辣湯底好夾鮮打四寶肉$86分別有四款手打丸: 墨魚丸，蝦丸，牛丸同豬丸四款都好新鮮好正，我最鍾意蝦丸，好鮮味同好彈牙，而牛丸同豬丸好重肉果，真係各有特色田園盛$86有蕃茄，蘿蔔，粟米，油麥菜同娃娃菜全部都好新鮮清甜，蘿蔔係薄片好快熟，好甜完全無渣到最後埋單先知原來係有機菜，唔怪得咁好食木耳鮮蝦雲吞拼西洋菜香菇餃 $96餃類好足料，每一隻都有滿滿嘅餡料西洋菜餃

#ftf_佐敦用料尚盛 食材新鮮火鍋店香茅花甲雜菌鍋 $198⭐️⭐️⭐️⭐️⭐️香茅味唔會話太重，配上花甲嘅鮮味同淡淡的菇香，令整個鍋底十分清甜，唔使擔心打邊爐成日都咁Heavy，個湯去到最後，甜到我忍唔住飲咗一大碗。牛三併 $268⭐️⭐️⭐️⭐️⭐️強烈推薦！1️⃣雪花牛柳粒：牛鮮味濃郁，肉質鮮嫩，口感一流，淥得耐好軟淋！2️⃣特尚手切牛：脂肪比例十分均勻，油香味重，十分香口，口感最為嫩滑！3️⃣本地手切牛：新鮮，較為厚身有質感，有咬口得黎唔會靭。鮮炸脆響鈴 $55⭐️⭐️⭐️⭐️每一條都炸得超級酥脆、透徹！就咁食都得，不過如果要挑剔嘅話，個人認為，豆香味可以再濃啲。鮮打四寶丸 $86⭐️⭐️⭐️⭐️有蝦丸、墨丸、牛丸、豬丸，粒粒都極之爽口彈牙，有鮮味。個人最愛蝦丸，蝦味濃郁，最為突出！四圍餃尚盛 $127⭐️⭐️⭐️⭐️⭐️有尚鮮蟹皇餃、松葉蟹皇餃、木耳鮮蝦雲吞、西洋菜香菇餃，真係粒粒都各有特色，真材實料，蟹皇鮮味突出，西洋菜餃鮮甜，雲吞超級彈牙，小孩子才做選擇，所以我全都要，不過大粒啲會更加開心！有機菜心苗 $39⭐️⭐️⭐️⭐️新鮮爽脆，處理得好乾淨！*百花釀油條 $67⭐️⭐️⭐️⭐️⭐️老闆私人比咗兩條俾我哋試，應該係蝦滑釀油炸鬼，配搭十分新穎