尚鮮海鮮料理

營業中

休息中

秋風起，梗係要打邊爐！呢間之前同朋友食過，食材同湯底都唔錯，今次就再嚟烚吓烚吓閒日晚上嚟到都差唔多滿座，好彩有book定位。一入到餐廳已經聞到好香嘅椰子雞味，目測又真係好多檯客都嗌椰子清雞湯底，我哋今次就叫咗藥膳花雕醉雞湯暖暖個身～落雞之前飲咗啖湯，勁香花雕味，湯底重有紅棗、淮山、桂圓等嘅材料，濃濃嘅酒香中又帶幾分清甜，飲完個人暖笠笠雞件幾份量都幾多，按照職員建議嘅時間焗一焗，啲雞啱啱好熟，肉質好滑，入曬味，唔使點醬汁都好夠味好好食。手切安格斯牛必點！睇啲雪花都知靚，油脂分佈平均，牛味濃郁，厚肉軟嫩脆鯇魚片都幾大碟魚肉本身夠新鮮，肉質結實爽脆。鮮打四寶丸（牛丸、豬肉丸、蝦丸、墨魚丸）一食就知真係手打，粒粒都好彈牙！尤其欣賞個蝦丸，啖啖蝦肉，鮮味十足。雙併餃子（木耳鮮蝦雲吞、西洋菜香菇餃）雲吞入面有好多蝦肉，皮薄多餡；西洋菜香菇餃都好足料好飽滿，好食！唐生菜、稻庭烏冬青檸梳打蜜（３３０ｍｌ）

正呀！超高質超抵食呀！ 今日喺OpenRice 度見到尙鮮既外賣二人餐只係三百幾今日天氣凍凍地就買番屋企一邊煲劇一邊慢慢食見到外賣二人餐有唔少海鮮🦞，仲有靚牛，包埋湯底都只係$398湯底有三款選擇，我地揀咗姬松茸冬瓜湯, 湯底好足料，有好多姫松茸、冬菇粒仲有豬肉粒，湯底拎到返屋企仲熱騰騰㗎一定要讚吓個海鮮盛盒，海鮮好新鮮又好豐富！ 兩隻大蝦🍤係焦點，肉質好實好好味😋，蟶子、白膳片、廣島蠔和大花甲等既啲質素都好高，好大粒好新鮮好好味大家一定要試手打四寶丸！好正，食得出係用心製作好好味😋！但下次再去，我要加錢要兩客先得，因為四寶丸係四款，每款得一粒，下次要叫兩客，兩個人每款一人一粒先夠公平 （因為真係好味，我想一個人食哂呀）

天氣開始涼涼地🍂所以就好想去打邊爐😳想搵啲有質素嘅火鍋唔係任食嗰啲喺佐敦見到呢一間好似幾吸引所以就去咗試入面嘅環境好舒服湯底我哋揀咗蟲草花花膠燉雞湯⭐️$186店員好好，會幫手分湯，再夾起湯渣。湯底10分足料👍🏻👍🏻👍🏻花膠大大嚿😍我哋一人飲咗兩碗湯先至開始打邊爐🍲因為朋友唔食牛肉，所以叫咗⭐️五味豚併盤 $149豬頸肉，豬皮都好好食👍🏻👍🏻另外要推介嘅就係鮮打四寶丸👍🏻有墨魚丸蝦丸同埋黑松露丸😍😍😍啲丸好彈牙同埋好有鮮味!!!因為今次想試吓唔同味道所以試下四寶♥️餃子方面，我地叫左雙併餃子木耳鮮蝦雲吞同西洋菜香菇餃👍🏻👍🏻大大粒好食☺️☺️☺️另外叫咗珊瑚蚌⭐️$127份量都幾大碟好抵食🥰睇返menu其實呢間火鍋店主打食海鮮。不過朋友海鮮敏感所以今次試唔到🥲咁岩係openeice 見到佢哋而家有個海鮮拼盤做緊特價。海鮮尚盛銀，原價$668，依家特價$400下次約多啲朋友過嚟試吓先😍😍

秋風起，又係打邊爐嘅好季節，想食啲熱辣辣嘅嘢嚟暖下個胃又想飲下啤酒吹水。朋友建議可以試下佐敦依間打邊爐，雖然佢唔係任食，但都食得好滿足，海鮮、肉類、丸類餃類、蔬果類、啤酒汽水應有盡有。 餐廳都有提供套餐，方便有選擇困難症嘅客人揀，早一日訂海鮮拼盤仲有優惠添👍🏻👍🏻👍🏻醬油配料足夠，方便自己任mix🤩🤩作為咩都想試嘅人，一定會揀雙拼湯底 (98三高茶什菌湯& 姬松茸冬瓜湯)🤪🤪🤪湯一滾好，就即刻試下個湯底。98三高茶什菌湯以什菌為主要材料，適合素食人士，第一次見用荼包嚟做打邊爐嘅湯底，清清地但都帶有茶味👍🏻姬松茸冬瓜湯好鮮甜，湯底有姬松茸、冬瓜、瘦肉，臨到最後食埋啲冬瓜，冬瓜吸收了湯汁，好鮮甜👍🏻👍🏻🍡鮮打四寶丸四寶丸分別係豬肉丸、牛丸、墨魚丸、蝦丸，一夾起就知唔同，粒粒圓潤，牛肉丸同豬肉丸都好重肉味，貨真價實，蝦丸同墨魚丸則比較彈牙，果然手打係唔同啲🤣🤣🤣🐮牛三拼雪花牛柳粒一口一粒，依款肉比較厚身，所以要淥耐少少，但淥完都唔靭仲好軟熟，好有牛味🤪特尚手切牛油脂分配平均，基本上淥10秒己經食得😜比較推薦本地手切牛，適量嘅油脂顯得更嫩滑，配合清清地嘅湯底，唔洗醮醬油已經好夠味🤪🤪🤪🥟木耳鮮

高質打邊爐今晚嚟到佐敦，朋友介紹我到尚鮮海鮮料理打邊爐，尚鮮座落在佐敦幸福商業大廈，即是永安百貨後兩條街。我們點了醉雞湯底，這個湯底有紅棗，龍眼肉，淮山等藥材，雞肉亦充滿花雕酒香味，不錯喔！首先來的，是牛尚盛，內有特級手切牛，手切安格斯牛，牛舌，雪花牛柳粒。這個牛拼盤，包括了各種不同的牛部位，全部都很新鮮，特級手切牛及手切安格斯，肉質細緻，充滿牛香味，還是厚切的哩！確實是十分好吃。這兒的海蝦，亦時與眾不同的，這兒用上超大隻的海蝦，所以格外爽口，鮮甜。四寶丸十分爽口，彈牙，我最喜歡吃蝦丸，有蝦肉鮮味又爽口，又彈牙！雙拼餃子內有鮮蝦雲吞，西洋菜香菇餃。雲吞內有完整的蝦肉，好吃。西洋菜香菇餃，除了有菜香味之外，還有細粒的馬蹄，使菜餃更加爽口。今晚，我們點的火鍋配料，都超有水準，樣樣都很好，真是豐富愉快的一餐哦！📍尚鮮海鮮料理地址: 佐敦吳松街62-64 幸福商業大廈1樓#佐敦美食 #佐敦好去處#hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#

我食左椰子雞湯、牛肉三拼價錢尚公道合理，味道的確唔錯。但呢個海鮮拼盤係乜野玩法？價錢貴到好唔合理，三舊幾水只係食到非常普通既食材，蠔、蝦、白膳片份量同大小簡直少到驚人。重要每樣食材各得兩件？！你話啲食材係靚料但份量少，我都覺得算數。但呢啲食材百佳超市都買到啦，會唔會覺得對唔住個客？老闆不如重新衡量個海鮮拼盤係咪值呢個價啦！

企喺門口已經聞到好濃郁嘅藥材湯味道，勁香！今日想清清地打個邊爐，所以我哋就叫咗個姬松茸冬瓜湯底。呢個湯底真係同屋企嗰啲足料無味精湯一樣，趁火鍋配料未上嚟即刻飲啖湯先，第一啖飲落去勁清甜，即刻飲多幾碗！呢個火鍋店係私房菜嘅格局，我見到佢嘅餐牌都有唔少嘅選擇，今次我哋就叫咗幾樣佢哋店內幾受歡迎嘅食物！百花釀油條 must try將蝦滑釀落油炸鬼，一上枱仲係熱辣辣嘅，估計係啱啱廚房炸出嚟，所以就咁食都好好食好脆；另一個食法就係打邊爐，會吸收晒啲湯汁！黑豚肉片豚肉片好嫩完全唔會有渣，而且肥瘦均勻唔會覺得油膩，有啲似食緊拉麵嗰隻叉燒咁！牛三併 must try有雪花牛柳粒、特尚手切牛及本地手切牛！每款都有唔同嘅口感，雪花牛柳粒充滿油脂但唔膩亦唔會韌；而特尚及本地手切牛嘅分別係有款係入口即溶嘅感覺，另一款就係較彈牙及重牛味！呢個三併必須要叫，嗜牛者一定鍾意！鮮打四寶丸四寶丸包括有墨魚丸、蝦丸、豬肉丸及牛肉丸，款款都係手打夠晒彈牙，仲食到每粒嘅真材實料！雙拼餃子分別係木耳鮮蝦雲吞，同埋西洋菜香菇餃。前者薄皮爆多餡，後者應該放咗（馬蹄/沙葛？）令到口感爽脆！田園盛點解要特登去講佢個田園盛？因為佢就連菜

姬松茸冬瓜湯入秋喉嚨開始乾，湯底當然要揀返一個滋潤嘅選擇。姬松茸冬瓜湯非常清甜，粒粒冬瓜好軟綿綿，加上姫松茸的爽口和菇菌香，絕對係必點之選！四圍餃.尚盛 小店的手工丸餃類非常出色，心大心細嘅小編梗係揀個大雜匯！尚鮮蟹皇餃非常罕見，蟹黃味勁香；松葉蟹皇餃多一分鹹香，餡料爆棚；木耳鮮蝦雲吞皮薄餡靚，好快就熟，食落先甜又爽口；西洋菜香菇餃口感豐富，素食者必選！餡料嘅調味全部都好足夠，完全唔需要額外點醬油(⁎⁍̴̛ᴗ⁍̴̛⁎)鮮打四寶丸 不論牛、豬、墨或蝦丸的大小都非常均一，粒粒圓潤。牛丸口感爽彈，牛味濃郁；豬丸相對實淨；蝦丸絕對貨真價實，可以明顯見到粒粒蝦肉；墨丸味道相對較淡，但絕不遜色！手切安格斯一片片色澤鮮紅的牛肉片，雪花平均，紋理清晰，碌幾秒就食得，口感軟柔！白鱔片師傅刀工一流，除咗邊位有少少幼骨之外，魚肉絕對可以安心食落肚，白膳肉質透白，食落魚脂感頗重！有機田園盛最後當然要叫返個蔬菜，索盡湯汁去食啦！一個兜裏面有齊生菜、娃娃菜、蕃茄、蘿蔔片、粟米，顏色繽紛之餘仲相當豐富！

今日係附近京士柏睇完老公打球賽，就唸住近近地搵個地方打個海鮮邊爐，見到佢地個海鮮拼盤668 有6折 折完400幾抵食，我地四個人，另外再叫佐牛肉粒/牛舌/牛肉拼盤，椰子雞煲底，椰子雞湯好香好甜，雞好滑，另外仲叫佐竹笙，響鈴，蓮藕，脆肉皖魚，墨魚滑。總體黎講都好好食，海鮮好新鮮，肥牛同牛肉粒都好滑，響鈴係即炸既，最好食😋一上黎就已經冇曬，必點。四個人食佐大概1600 每個人400有找，好飽好飽。推介👍🏻

天氣涼左，想打邊爐🥘揀左呢間餐牌好多選擇既餐廳除左火鍋 仲有刺身、串燒同私房菜 門口魚缸有幾隻龍蝦左右都有部大電視環境舒服，地方唔算大，比較清靜 火鍋湯底叫左 椰子清雞鍋配料叫左 豚肉、響鈴、墨魚丸 蝦丸、餃、菜類揀好野食，店員就會比調味架自行揀醬料10款醬料 蔥 芫茜 蒜 辣椒 麻油 豉油 etc 好齊全自己調既醬汁，簡直係味道嘅昇華呢到既清雞湯既雞 超足料 份量多食之前飲啖湯 椰子味重，幾清甜跟店員建議時間煮雞肉啱啱熟、舊舊都好滑 雞味濃 店員服務好好 間唔中會幫我地清下d油 食物方面脆鯇魚片 幾脆口響鈴 即叫即炸黑豚肉片 厚身 唔un  有口感四圍餃：2款蟹皇餃 特別推介 香菇餃 圓形既雲吞手打丸：蝦丸，墨魚丸田園有機菜： 粟米 蕃茄 白蘿蔔 娃娃菜 生菜白蘿蔔打邊爐好林好入味 全部用料都新鮮，寫食評呢一刻已經想再去打邊爐

好朋友生日， 當然要揀一間高水準， 高品味嘅餐廳 ，才配得起高品味嘅好朋友。 看openrice食評 一致讚好 ，應該不會揀錯 ，一早就訂好位 ，開開心心嚟慶祝生日 。餐廳唔算大 ，不過真係好乾淨企理， 感覺好舒服。 檯面一早已經 擺好所有火鍋用具， 坐低馬上點餐，精緻嘅調味料架隨即送上 ，薑蔥芫茜蒜芝麻醋麻油沙茶，一應俱全， 剛揀好鍾意嘅調味料 ，細心嘅店員已經將鴛鴦湯底送上，食材隨後送到， 擺滿一枱 ，琳瑯滿目 ，式色俱備。每樣食材都達到高級新鮮程度， 特尚手切牛肉， 雪白花姿片， 粉嫩嘅脆肉鯇魚片， 柔嫩油麥菜， 尚鮮特製四色丸，尚鮮特製雙拼餃子， 鮮炸響鈴， 鮮嫩豆腐，新鮮嘅食材 ，加上完美嘅醬料 ，令人食慾大振 ， 兩個平時食量不大的人， 竟然將所有食物消滅 ，真是不可思議。😛 更要一讚👍是店員的細心服務 ，不時為我們加湯添水 ，還小心地將湯面的泡沫去除 ，真是窩心的服務。💯這裏是吃火鍋的不二之選。💥💥

朋友介紹， 呢間餐廳食物選擇多，除咗火鍋仲有串燒私房菜冇味精住家湯，喺度食嘢可以滿足曬你多個願望。啱啱呢個星期四 二人行，嚟咗打邊爐，叫咗個雙拼湯。🍲血池麻辣湯餐廳好好，我哋怕辣，又想叫麻辣湯底，佢都可以畀一個小辣嘅麻辣湯底。好惹味，幾好味。🍲姬松茸冬瓜湯湯入面嘅冬瓜消暑。個湯清甜得嚟突出到食物嘅原味。啱晒唔鐘意太濃味嘅朋友仔。🐂手切安格斯牛牛肉好大碟，好多塊，重肉味，少脂肪，同麻辣湯底好夾！ 🐟脆鯇骨腩魚腩位多肉，脆得嚟有少少魚油香味，魚鱗打得幾乾淨👍🏻🍡鮮打四寶丸鮮打四寶丸好出色，有墨魚丸/蝦丸/牛肉丸/豬肉丸，新鮮手打，彈牙有肉味。🦐木耳鮮蝦雲吞 木耳鮮蝦雲吞好高質，有兩三粒蝦仁，加埋切碎嘅木耳絲，非常足料。鮮炸脆響鈴食物上枱時，侍應哥哥強調係啱啱炸起，我地緊係即刻食啦，一擺落個湯到，炸一聲😋 食落唔算油，唔錯。

踏入九月，總算有返啲秋意。呢一日好朋友話想約打邊爐，佢話之前未黎食過呢一間位於佐敦吳松街火鍋小店「尚鮮」覺得唔錯，就帶我嚟呢度試下。餐廳鋪面唔算好大，但好彩可以枱之間都唔算太密。睇吓個餐牌先，湯底嘅選擇都幾多，朋友就推薦佢上次食過嘅蟲草花雞腳花膠湯底，感覺比較健康啲！個湯底好香，而且啲蟲草花同花膠都幾多，店員仲幫我地裝左碗湯，好鮮甜啊！肉方面我哋會做叫左一碟安格斯牛。牛肉好嫩滑，脂肪比例啱啱好，雖然價錢有少少貴，但都值得！係呀我哋都買咗啲丸同埋雲吞。個雲吞大大粒脹卜卜，入面係黑木耳配大蝦餡料，所以咬落去有口感！另外，我哋都嗌咗一個蔬菜拼盤同埋響鈴。喺呢度要特別大查一下一個響鈴，因為係新鮮炸出嚟嘅，所以好香好脆 同出面買到嘅現成響鈴好唔同！最後剩返一題，喺呢度嘅店員服務幾殷勤：佢地會主動過嚟幫我哋加湯、同埋隔走湯底啲油，值得一讚！總括嚟講，呢度打邊爐唔算平，但食物質素頗高。下次有機會都會再黎！

醬油 $15/人蟲草花花膠燉雞湯 $186原來花膠燉雞湯因為工序繁複，所以每日限量得幾個。湯飲落很鮮甜冇味精，亦很足料，入面有蟲草花、瘦肉、蜜棗、蟲草、花膠、雞件等。由於隔水蒸的關係，所以唔會有好多油喺面。我同個朋友等佢一滾即刻一人一碗湯，入口又香又清甜。脆鯇魚片 $72鯇魚片切得很薄，選材肉質係比較結實彈牙。本身個選材都係新鮮，所以唔太洗點調味料而且魚味鮮甜。五味豚 ‘盛’ $149上層是越式扎肉，中層是豚肉片，下層是黃沙豬膶、豬皮和豬頸肉。豚盛入邊最出位的是豬頸肉，可能我比較少用豬頸肉去打邊爐。就算個豬頸肉over cook都好，都可以保持住佢的彈牙同肉味。鮮打四寶丸 $86四寶丸分別是：鮮打牛丸、鮮打豬丸、鮮打墨丸和鮮打蝦丸。四種丸都係手打，而入邊最好食的是豬肉丸，一咬洛去d汁爆曬出黎，仲比佢辣親條利。特尚手切牛 (中) $180牛肉切成條狀，望上去已經很新鮮，似安格斯既牛肉質地咁結實，肉味十分濃郁。娃娃菜$39可以落先過肉，因為個菜索了上湯會清甜同埋無之後落咁多油。總括而言，性價比都算高，見到OpenRice訂枱的話9:30後有八折，如果9:30後來都幾抵食。P.S. 侍應講返

身為食肉獸嘅我打邊爐一定會揀任食放題（可以任食肉回本🤭呢日比朋友拉左我黎尚鮮食散叫嘅火鍋😅第一感覺：咦 咁乾淨嘅？本身諗住可能會好似酒樓咁坐得唔舒服😅嚟到地方唔大 不過坐得幾舒服又靜😳少有Menu有串燒 刺身甚至乎私房菜😳我地今日淨係打邊爐 湯底嘅選擇都好多 搞到我地好難決定😂呢排天氣又熱又焗 叫左個冬瓜湯消下暑～另外揀左個血池麻辣湯🌶️湯入面有好多黑木耳😋呢度啲湯都係一盅盅自家熬製嘅～超有誠意湯底好足料👍🏻滿滿冬瓜粒 瘦肉 姬松茸 好清甜上枱時試左一啖 深深咁愛上左 好有呀媽煲嘅靚湯feel😍極不是味精湯！成餐飯我諗我飲左4碗😂店員都好好服務不斷幫我地加湯同隔油 相當貼心手切牛份量都唔少 油脂均勻豐富平時食牛都要就住落淡口味嘅湯因為怕湯底太濃會蓋過咗牛味 今次呢隻牛不論落冬瓜湯定麻辣湯都一啖就食到好重嘅牛味 而且仲好滑 好出色👍🏻共有4款丸 墨魚 蝦 豬 牛 漸變嘅顏色砌得好靚 全部自家手打誠意滿分好有驚喜嘅係每一款入面都有唔同餡料🤭其中有咸蛋黃 黑松露等 豬肉好厚身 形狀好特別 食落唔會有雪藏味 質素很好👍🏻田園盛入面有白蘿蔔 粟米 蕃茄 同幾款菜蔬菜新鮮唔會有變黃或爛嘅👍🏻我地亦叫