影片
更多
2022-09-07
56 瀏覽
天氣開始涼 又係打邊爐既好時侯女友厭倦限時飲食嘅火鍋邊爐 見openrice推薦呢一間餐廳就book左位餐廳位置10分方便又近地鐵站 路痴嘅女朋友一搵就搵到 入去裝修幾乾淨企理都有日本風情 門口旁邊嘅魚缸裏邊有生猛嘅龍蝦同魚游嚟游去 都睇得出佢哋嘅嘢食應該好新鮮同足料佢哋嘅湯底款式種類好多 最後揀咗麻辣湯底同姬松茸冬瓜湯底 火鍋料嘅種類好多特色 手工丸既配料好有趣忍唔住叫咗 牛肉亦都有分香港本土牛 牛肉粒同埋安格斯牛 我哋呢啲牛魔王梗係一定要試吓啦睇睇下餐牌發現佢哋都好多元化 海鮮串燒魚生同埋小菜都有 如果唔係女朋友想打邊爐我諗應該會試吓佢啲串燒種類又多又吸引 如果唔想諗 可以叫套餐計返都幾抵食女朋友眼闊肚窄撳住先冇叫咁多嘢當佢心大心細仲諗嗌唔嗌串燒嘅時候就有哥哥拎咗火鍋醬料過黎 醬料盒安排得精緻 材料都新鮮同幾足 蒜頭亦都有分乾同新鮮蒜 證明真係用心經營 值得一讚幫我哋整緊醬料嘅時候湯底好快都到咗 一放低就聞到好香嘅麻辣湯味 發現湯底裏面嘅材料好足 當然要試吓頭啖湯啦姬松茸冬瓜湯飲落好清甜完全冇味精 湯裏面已經有少少瘦肉同埋好多嘅姬松茸 一食就知係新鮮放落去 菌味濃郁 完全未出晒
女友厭倦限時飲食嘅火鍋邊爐 見openrice推薦呢一間餐廳就book左位
餐廳位置10分方便又近地鐵站 路痴嘅女朋友一搵就搵到
入去裝修幾乾淨企理都有日本風情 門口旁邊嘅魚缸裏邊有生猛嘅龍蝦同魚游嚟游去
都睇得出佢哋嘅嘢食應該好新鮮同足料
佢哋嘅湯底款式種類好多 最後揀咗麻辣湯底同姬松茸冬瓜湯底
火鍋料嘅種類好多特色 手工丸既配料好有趣忍唔住叫咗 牛肉亦都有分香港本土牛 牛肉粒同埋安格斯牛 我哋呢啲牛魔王梗係一定要試吓啦
睇睇下餐牌發現佢哋都好多元化 海鮮串燒魚生同埋小菜都有
如果唔係女朋友想打邊爐我諗應該會試吓佢啲串燒種類又多又吸引
如果唔想諗 可以叫套餐計返都幾抵食女朋友眼闊肚窄撳住先冇叫咁多嘢
當佢心大心細仲諗嗌唔嗌串燒嘅時候就有哥哥拎咗火鍋醬料過黎
醬料盒安排得精緻 材料都新鮮同幾足 蒜頭亦都有分乾同新鮮蒜 證明真係用心經營 值得一讚
幫我哋整緊醬料嘅時候湯底好快都到咗
一放低就聞到好香嘅麻辣湯味 發現湯底裏面嘅材料好足 當然要試吓頭啖湯啦
姬松茸冬瓜湯飲落好清甜完全冇味精 湯裏面已經有少少瘦肉同埋好多嘅姬松茸
一食就知係新鮮放落去 菌味濃郁 完全未出晒味嘅
麻辣湯去到邊爐嘅中後段 辣味層次越來越多 係會越食越香嘅火鍋湯底
牛肉三吃每隻都各有特色 安格斯牛好重牛香 一口牛柳粒鬆軟彈牙 香港手切牛脂香滿溢
女友覺得最驚喜係佢四色丸 每隻都好有新鮮感
佢最鍾意係黑松露肉丸 未咬已充滿黑松露既香氣
我最鍾意嘅反而係芝心獅子狗同午餐肉
芝心獅子狗食落好香芝味同爆汁 食十粒都唔夠
午餐肉都唔hea你貨 擺盤好靚 係有真肉絲既午餐肉！ 食落唔會死喊蓋過湯底鮮味
好想問下餐廳用邊款午餐肉咁好食
食飽埋單走人大滿足
張貼
