尚鮮海鮮料理

營業中

休息中

今次介紹下打邊爐比大家，黎到佐敦，係一條橫街嘅樓上鋪有一間細細地、以新鮮食材為主打嘅邊爐店尚鮮龍皇海鮮鍋(標準〕 ($539)哩個係好多人介紹既海鮮鍋，裏面有好多海鮮包括龍蝦🦞帶子、海蝦、青口等，可想言之個湯底係幾咁鮮味。一開始店員會叫我哋飲咗湯先，仲會幫忙分餸，都幾細心牛三併 ($268)D牛砌得好靚,砌到好似一座山咁，仲可以一次食曬三種牛嘅部位。白錢片($127)佢係鱼嚟嘅，切得好薄，淥兩淥就食得，好方便脆柏葉($55)非常爽脆，不過佢淥完之後會變得好細塊，所以記得夾住佢淥，唔係會唔見咗🤣鮮打四寶丸($86)貌相好精緻，每隻味有兩粒，手打嘅特別有鮮味彈牙田園盛(有機）($86)有蕃茄，蘿蔔，粟米同生菜等，仲要係有機蔬菜，健康好味又方便隻併餃子 ($96)木耳鮮蝦雲吞&西洋菜香菇餃想飽少少🤣嗌多咗一個雙拼餃子，皮薄餡靚，都唔錯嘅醬油($15/each)

通常打邊爐都係去任食但得個飽字，但聽講呢度D食材好高質，就突登嚟試下🤤一入到嚟覺得好日式，原來仲搞緊沖繩生啤祭，好有日本feel呀🥰叫咗個特尚手切牛，牛味香濃，肉質鬆軟得嚟有d彈牙，完全唔靭，牛肉塊塊嘅花紋都好靚好新鮮。五味豚肉併盤用個貴婦下午茶嘅層架嚟擺放，好靚好高貴😍豚肉片、豬潤配麻辣湯底真係一流！麻辣湯底好香，唔會太辣！吸咗d湯底好惹味🤤另外朋友話覺得最好味係自家製嘅四寶丸，非常爽口彈牙，咬落唔會好死實，亦都好鮮味！我覺得最好食係木耳鮮蝦雲吞，配姬松茸冬瓜湯底！兩樣加埋好夾！雲吞入面嘅蝦非常爽口，成粒雲吞食落好鮮甜。湯底有陣陣既姬松茸嘅味道，好香，好有養生嘅感覺😂好味到飲左超多湯底！食完呢次火鍋真係覺得樣樣都好好味！原來佢仲有做海鮮私房菜，都只係每位300幾乍喎，下次可以試下！

ෆ⃛ 尚鮮海鮮料理 ෆ⃛唔知有冇人同我一樣無論咩天氣都鍾意打邊爐(˶‾᷄ ⁻̫ ‾᷅˵)呢間位於佐敦嘅火鍋除咗有邊爐之外仲有串燒刺身同埋私房菜等，種類非常之多🍢🌽🍖♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡ 椰子清雞鍋 $227 ♪ 夏天就想飲椰子類的🥥雞肉有半份，入邊嘅材料仲有啲菌類，趁未落嘢食嘅時候飲咗兩碗都覺得係超清甜滿料唔會好有味精嘅感覺 › ·̮ ‹ ᗦ↞︎◃︎ 值quota指數: ✿✿✿✿.25 / 5 特尚手切牛（標準）$180 ♪ 油花分布得好平均，肉質軟腍，食落唔會有好鞋🐮ᗦ↞︎◃︎ 值quota指數: ✿✿✿✿ / 5  黑豚肉片（標準）$55 ♪ 豚肉片油脂食落都爽脆唔會好油膩，而好驚害怕嘅豬味ᗦ↞︎◃︎ 值quota指數: ✿✿✿.5 / 5 脆鯇魚片 $77 ♪ 識落真係好爽脆同埋細骨都可以吞到，但係會有魚腥味所以唔鍾意食魚嘅就可能要避開呢個🐟ᗦ↞︎◃︎ 值quota指數: ✿✿✿ / 5 鮮打四寶丸（標準）$86 ♪ 食材分別係牛、豬、墨魚同蝦，全部都好新鮮彈牙，私心最鍾意蝦丸♡ᗦ↞︎◃︎ 值quota

尚鮮海鮮料理 (佐敦）今日慶祝朋友升職，梗係要搵餐好嘢嚟食下啦！由於朋友話想食打邊爐，平時放題任食又太趕，冇咩時間坐低好好傾偈，所以揀咗呢間！可以同朋友好好聚一聚！湯底揀咗香茅花甲雜菌鍋（$194),啲花甲好鮮甜，仲大大隻，香茅味都幾出😍 唔錯！揀咗手切安格斯牛（ $209 ）！佢嘅牛肉脂肪比例均勻，一睇就知係靚嘢！食落去牛肉味幾出，唔使點豉油都OK😍😍 重點推介佢ge黑豚肉片！ 只係$55 已經咁大碟！ 唔會太厚，好快就熟！食落去唔會un 😍😍 非常美味，性價比勁高！另外佢嘅百花釀油條 ($67),非常特別！佢係即叫即整，上枱嗰陣已經熱辣辣，店員話可以就咁食，或者打邊爐咁食！佢係蝦肉釀了在趣卜卜的油條上面！食落出奇地夾，個人覺得就咁食口感更佳！我仲叫咗佢嘅響鈴，水餃，菜心苗同手打肉丸😆全部都很不錯！佢整體食物質素很高，店員殷勤有禮，成日主動幫我哋隔走啲渣加斟水！而且店內環境寬敞，食完嘢又唔會趕住要交枱，適合朋友聚會，暢快談心！

好耐未打過邊爐，搵左呢間好評如潮既餐廳同朋友試下，就係佐敦附近，交通方便～餐廳環境：餐牌入面既食物都好吸引，揀左湯底先：個皇牌之選- 龍皇海鮮鍋好似好正咁！ 於是我地揀左黎試下。先上湯底：龍皇海鮮鍋睇落去好足料，龍蝦好多肉，湯呈金黃色，入面仲有其他海鮮材料，飲落好鮮甜，係濃濃海鮮既鮮甜！海蝦都好正～牛柏葉：好大碟，size都好厚好大片鮮味好爽口！牛三拼： 雪花牛柳粒、特尚手切牛、本地手切牛好有牛味！有脂肪分佈、唔怕靭、都唔油膩！鮮打四寶丸：（牛、豬、墨魚、蝦丸），漸變顏色咁樣排列，賣相都好靚，亦都好有光澤！食落都起晒膠、好彈牙！新鮮！白鱔片：切得夠薄、一拾就好快熟，而且好爽口、亦都冇泥味清潔得好好好鮮甜！木耳鮮蝦雲吞：都好唔錯，蝦好甜西洋菜香菇餃：都好香菇味～田園盛： 娃娃菜、蕃茄、雞髀菇、粟米蔬菜料吸收湯嘅精華一齊食總結：呢間係一間有心機嘅火鍋料理，個湯底十分正！d配料都唔錯、新鮮！

放工後的晚上就要打邊爐，今次同朋友嚟咗佐敦尚鮮。火鍋醬料來講都幾齊全：有芫荽、蔥、酸、炸蒜、指天椒、XO醬、芝麻，酷愛芫荽的我表示好滿意。湯底一邊辣一邊唔辣就係最好嘅配搭，我哋揀咗麻辣燙同冬瓜湯。手切安格斯牛，有牛味，肉同油花嘅比例剛剛好，好食。二人海鮮盛：有扇貝、蠔、白鱔片、大花甲，海鮮其實只要新鮮就已經好好食，我尤其鍾意佢嘅扇貝同大花甲，食到我連連叫好😋😋😋五味豚併盤，擺盤夠晒靚仔，味道都對得住個樣，唔錯。鵝腸，我唔食內臟，不過朋友話係爽嘅鵝腸。雙拼餃子——木耳鮮蝦雲吞、西洋菜香菇餃。雲吞同餃子應該係自家製，食得出係有誠意嘅餃子。田園盛，入面有好多種唔同嘅蔬菜，樣樣都好新鮮，好食！買單兩個人千二，捧住個肚走真係好滿足🥰

身為香港人真係時不時就想打邊爐不論冬天定夏天就係會想一班人圍住個爐烚下烚下食厭左連鎖式既火鍋店,精品邊爐價錢又太貴食神朋友呢間餐廳中高價位食物又有質素最重要係可以靜靜地咁打個靚邊爐任用醬料架,除左基本既蒜,辣椒,莞茜仲有黑醋同麻油湯底叫姬松茸冬瓜 同埋血池麻辣湯底姬松茸冬瓜超鮮甜, 姬松茸可以食埋完全無菌既苦澀味麻辣湯底係餐廳自己炒,難怪咁惹味食物種類都幾多, 最後揀左以下:鮮打四寶丸粒粒彈牙 - 店員仲好細心咁解釋因為唔係手工丸實心的,唔同平時機打丸裡面係空氣,就算浮左都要等多2分鐘先係熟手工雙拼餃 木耳鮮蝦雲吞係成隻蝦係裡面!西洋菜香菇餃手切安格斯牛肉肥瘦平衡得好好,油花好靚而且入口好重牛味脆鯇骨腩份量都幾多, 平時麻麻地鍾意食魚都覺得無腥味二人海鮮盛有聖子,花甲,海蝦, 白鱔片同廣島蠔款款都新鮮,尤其係個海蝦!餐廳有PROMOTE做緊沖繩生啤祭買1送1 Monday買7送7 Sunday除左火鍋餐廳仲有私房菜要提前訂, 仲有串燒添, 都幾多元化!

朋友今晚請我去尚鮮海鮮料理打邊爐，話包我滿意。天氣熱，本來不存厚望，但結果食得開心，她果然無介紹錯。朋友發辦叫了個雙拼鍋底，血池麻辣湯和姬松茸冬瓜湯。她愛麻辣，我愛姬松茸冬瓜，各適其式。湯底真材實料。手切安格斯牛美味，大大碟，好正!黑豚肉片有肉味，抵食好食，不肥。脆鲩魚片有風味，無骨好食。鮮打四寶丸必食。牛丸，蝦丸，墨魚丸，豬肉丸都有水準，非包裝貨色可比。雙拼餃子也美味。木耳鮮蝦雲吞大大粒足料好食，西洋菜香菇餃也不錯。有機田園盛蔬菜新鮮甜美。我尤其鐘意粟米，生菜和黃芽白。總的來說，這店食材新鮮實惠，湯底製作用心，比很多店優勝。此店飲料選擇也多。冲繩生啤好飲抵飲，買一送一，不醉無歸。即泡有機養生茶(98 Organic Rooibos Tea)值得一試，高抗氧化，高山成長，高礦物箕，帶輕微堅果風味和木香。服務員工作熱誠，態度好。店通風衛生良好。今晚吃得好開心，下次再來由我請客。

甫入店內已經睇到大水缸，店舖主打海鮮私房菜同埋火鍋，胃口有限今日就先試火鍋～1️⃣蟲草花花膠燉雞湯⭐️⭐️⭐️⭐️⭐️打邊爐最緊要就係個湯底～湯底靚所有食物嘅美味程度都提升30%！今次好彩夠早去，食到限量發售嘅養生湯，果然清甜足料！有大量花膠、雞肉豬肉等，冇鹽冇味精未開始淥野就咁飲都飲咗三碗🤤2️⃣牛肉及牛柏葉⭐️⭐️⭐️⭐️⭐️牛肉口感一流，數十聲即起，牛味又香又濃之餘滲出油香，令人食過翻尋味！而牛柏葉亦爽口彈牙，用料上乘，吸收埋鮮甜嘅雞湯底，可以話係如虎添翼，如魚得水！3️⃣豬肉拼盤⭐️⭐️⭐️⭐️豬肉拼盤有好多款唔同嘅豬，用咗好似酒店下午茶式嘅三層塔，十分精緻～除咗豚肉之外，仲有豬潤、扎肉等幾款不同部位嘅豬，款式多多～總括而言，其他蔬菜、肉丸等都好高質～而且服務非常貼心，侍應仲特登講我哋舀湯同舀走煲面嘅油，環境都非常寬敞，未試過嘅你萬勿錯過😋

放工約左朋友去佐敦打邊爐，呢間有火鍋、串燒、刺身同私房菜等等，超多選擇我地食左打邊爐，店員服務好好，時不時會行過來加湯換碟。原來餐廳仲有冲繩生啤祭，逢星期一有買一送一，星期日有買七送七優惠，鍾意飲生啤唔好錯過！🍻鍋底雙拼 🍲$165我地揀左兩種湯底，姬松茸冬瓜湯同血池麻辣湯，冬瓜湯湯頭十分清甜，入面有好多冬瓜同松茸，健康之選~ 麻辣湯個辣度係小辣到中辣之間，好香又惹味特尚手切牛 $180打邊爐一定唔少得牛肉，呢個手切牛好高質，肥瘦適中，油花比例平均，食落口感嫩滑，牛味好重脆鯇魚片$72魚片肉質結實，脆爽可口，無咩骨五味豚盛 $149包括豚肉片、黃沙豬潤、豬皮、豬頸肉和越式扎肉，超豐富，又用一個好靚既架裝住，可以打卡📸️最鍾意豬皮，擺落辣湯好入味，豚肉片都好食，肉質細嫩百花釀油條 $67呢個搭配好正，就咁食香脆可口，入面既百花嫩滑新鮮，都試左浸幾秒湯，都好味，推薦鮮打四寶丸 $86店家上菜既時候講呢個四寶丸係自己整既，好有誠意。分別有牛丸、蝦丸、豬肉丸、墨魚丸，口感新鮮彈牙台式鴨血 $58田園盛 （有機）$86🥙包括生菜、油麥菜、娃娃菜、蕃茄、粟米、白蘿蔔，d菜洗得好乾净，粟米食落超級鮮甜

撐小店系統，咁次介紹嘅尚鮮海鮮料理就位於佐敦，係一間樓上鋪。老闆介紹所有材料都係人手製作，丸類更加係手打，好有誠意。鴛鴦湯底$165姬松茸冬瓜湯 少有姬松茸湯底，加埋冬瓜消暑又養生。血池麻辣湯唔好俾顏色嚇親，其實辣度適中，帶少許麻。特尚手切牛 $180顏色鮮紅色，油花分布比例平均。好新鮮。五味豚併盤$149最上層係扎肉，中層係豬肉片，下層就有豬頸肉，豬膶同埋豬皮。一豬五味，一次過試哂啦。鮮打四寶丸 $86老闆介紹全部都係手打，有牛丸、豬肉丸、墨丸、蝦丸。特別彈牙。脆鯇魚片 $72口感爽脆，記住煮一陣就食得。台式鴨血 $58加埋麻辣湯一齊煮，好夾。

今晚朋友帶我食呢間餐廳，地方就唔係好大粒，但係勝在仲有一個卡位夠隱蔽，提早預約就可以坐到。嚟到先知道原來呢間仲有私房菜，不過今晚我哋先試吓打邊爐係點樣嘅先啦醬料就冇咩特別啦，基本上有嘅都會齊晒蔬菜盤方面，有粟米、娃娃菜、蘿蔔、蕃茄、生菜等等好多唔同款。稻庭烏冬就一整塊上碟，大分兼飽肚。左邊就係兩款唔同嘅手打肉丸，都幾淡雅下，右邊就係雲吞。至於下面嘅豬肉片，切得好薄，肉同埋肥膏嘅比例剛剛好，而且唔會好硬。呢碟係小食，炸油鬼蝦滑，鬆脆可口，我哋仲試過將部份油炸鬼放入去打邊爐，口感好唔同，建議大家兩種都可以試吓。雲吞呢就犀利啦，原隻大蝦，皮薄餡靚，淡淡都係肉啊真係唔好講笑喎，呢個椰子雞喎，用新鮮雞熬製，即叫即煲，鮮甜美味。

朋友推薦食尚鮮，不過大家記得一定要預先book咗先，因為成日都好full，同埋唔算話好多位置。呢間係點餐打邊爐，唔係任飲任食，不過我成日都覺得單點火鍋係有質素啲嘅！要留意吓大廈入口，因為我第一次第二次嚟都爭啲Miss咗😂😂鮮茄雜菜湯 $94 湯底鮮甜，有秀珍菇蕃茄粟米雞髀菇…強烈建議打邊爐之前飲返碗先，好有屋企煲湯嗰啲感覺，溫馨！雙併餃子 $96 木耳鮮蝦雲吞 - 爽滑彈牙，蝦非常新鮮，加上木耳口感脆脆有驚喜，出奇地好味！西洋菜香菇餃 - 通常食餃都係白菜或者韭菜，但係呢度係用西洋菜，本身都覺得會唔會好奇怪，但係食落口又真係唔會，菜葉濃密，好味！香菇味道濃郁，好配搭！牛尚盛 $368 有5款牛，包括牛柳粒，牛舌，極尚手切牛，安格斯肥牛 - 質地嫩滑細緻，又有濃郁嘅牛味，正！平時打邊爐比較少食牛柳粒，驚會un，但呢度既牛柳粒又唔錯喎，脂肪比例好好，食落軟淋，點埋沙茶醬一流～脆鯇魚片 $72 薄切既脆鯇有成十片咁多，唔洗淥好耐就食得，薄脆少骨鮮打四寶丸 $86手打既牛/豬/蝦/墨丸，就算淥耐啲都唔怕，尤其蝦丸好味又彈牙，連平時唔太鍾意食肉丸既朋友都接受到自家制青檸梳打蜂蜜 $68 1L清新

今日約朋友晚飯去了佐敦吳松街的尚鮮海鮮料理店鋪不算太大 但每枱的空間都大 所以可以和朋友靜靜地咁打邊爐環境整淨 店員服務細心 態度友善 店餐後店員立即提供七彩繽粉的調味架調味架的選擇比街外更多 包括有薑蓉 又有芝麻-湯底:藥膳花彫醉雞鍋 $227一向喜歡藥膳味 仲好懷念台灣的藥膳排骨呢度的藥膳花彫醉雞鍋 味道好濃郁 有D紅棗杞子 店員會幫手把雞件慢慢放入湯底煮整個配搭非常好食 雞件又滑又有藥膳花彫味 好岩我口味 又有湯又有雞食 值得推介 用這個湯底都不太需要再點調味-特尚手切牛 $180牛味濃 厚薄適中 肥瘦平均 入口口感足 好好食-脆鯇魚片$72幾乎無骨的脆鯇魚片 新鮮又脆薄 好食-鮮打四寶丸 $86牛丸 蝦丸 豬肉丸 墨魚丸呢個好特別 一食就知手打 每粒丸的味道都會唔同 尤其 墨魚丸 明顯食到 墨魚味 質感好好-雙併餃子 $96木耳鮮蝦雲吞西洋菜香菇餃兩款都係好食 令人驚訝的是西洋菜香菇餃雖然是素餃 但都好出色 西洋菜味濃加上香菇的香 呢個配合好夾-田園盛$86田園盛有包括好豐富的蔬菜 又有唔同款菜都有3款 油麥菜 娃娃菜 生菜再有2款菇 冬菇 秀珍菇 仲有粟米 蘿蔔抵食整體來說

想打邊爐朋友推介嘅*尚鮮*。店員推介血池麻辣湯+姬松茸冬瓜湯。最鍾意一濃一清湯底🤪。特尚手切牛（中）牛肉薄切雪花均勻。口感都唔錯👍🏻。✨鮮打四寶丸四寶丸分別有牛丸。豬肉丸。墨魚丸。蝦丸。手打果然零舍彈牙😮‍💨。✨田園盛（有機）有齊五色蔬菜🥬。均衡飲食話咁易❣️。五色分別有蕃茄🍅。粟米🌽。蘿蔔。生菜🥬娃娃菜。放落辣辣湯底好鬼惹味😛。🐷五味"豚"併盤用三層架形式呈上。非常華麗。有啲似食緊high Tea嘅感覺🤩。頂層係扎肉。中層係豬梅頭。底層係豬頸肉。豬皮。豬潤。第一次食🐷拼盤。🐽仔食得好開心😆。