宴．鐡板燒 (蔡氏大廈)

營業中

休息中

生日飯 朋友話帶我去食鐡板燒「宴·鐡板燒」坐落於天后亨環頂樓呢度景色真係一流這天天朗氣清 藍天白雲望住維港海景食鐵板燒真係一件樂事餐廳有鐵板燒席前座位個人黎講食鐵板燒好鐘意坐師傅前面可以欣賞師傅的廚藝 這裡的師傅擁有多年經驗食材配搭方面花盡心思而每道菜上桌時都會詳細跟客人講解又會同客人互動令整個用餐體驗更加愉快深刻而且餐廳定時有推廣優惠宜家就做緊八折優惠$280呢個午餐價錢真係大癲另外仲可以優惠價錢追加刺身，和牛，鵝肝客人可以各取所需 我地就加左刺身刺身方面有3片師傅教我地先吃深海池魚池魚口感清新爽口然後是真鯛個人最鐘意來自日本九州既鯛魚配上白松露油、淡雪鹽及食用紫蘇花魚肉口感彈牙 而松露味好出最後就是經火灸過太刀魚 口感最實在 季節前菜是合桃小女子漬物即是魚乾加入芝麻合桃味道甘甜而帶鹹的開胃小吃另外有自家製漬物蘿蔔漬 口感爽脆 //南非鮑魚//鮑魚非常新鮮 未煮之前仍然生猛師傅只是以牛油烹調輕輕灑上黑椒 鮑魚口感爽彈入口味道已經好出伴碟配有咸鮮味十足的明太子醬沾上了明太子醬又是另一番風味個人黎講好喜歡另外有新鮮生菜配黑醋汁食完鮑魚可清清口感 //厚切牛柳//師傅會先問客人喜歡牛柳的

「宴·鐡板燒」坐落於天后亨環頂樓，遠眺維港海景，景觀相當一流，這裏的鐵板燒師傅擁有多年經驗，食材優質新鮮，配搭方面亦花盡心思，務求令道菜帶給客人視覺和味覺上驚喜，而且定時有推廣優惠 ，好似今日我和友人去食晚餐，原來午市和晚市做緊八折優惠，我哋選擇新鮮龍蝦牛柳套餐，都只係$800一位，非常抵食👍🌟感謝祭限定大激賞原價 $ 1150限定優惠每位 $ 800▪️季節前菜（3點）✨京都豆腐～配合清甜甘栗和芥末，清新美味✨鮟鱇魚乾～口感滑嫩細滑、入口即化✨柚子蕃茄～清新又清甜▪️白松露樱花鯛魚薄切鯛魚刺身比較淡口，配合淡雪鹽、白松露油，魚香味即時提升▪️深海池魚｜右口鰈魚邊壽司深海池魚，口感柔軟，魚味濃郁，而右口鰈魚邊經炙燒過魚油滿滿，相當肥美▪️自家製漬物這裏的漬物一共有六款，味道相當出色，個人最喜歡是苦瓜漬、蒜頭漬和蘿蔔漬，用不同的材料醃漬，作為開始鐵板燒前的小食相當不錯▪️野生生猛龍蝦（每位半隻）新鮮龍蝦即劏超級生猛，龍蝦新鮮爽口又彈牙，被濃濃的龍蝦膏醬汁包圍着，味道濃香非常惹味▪️三文魚籽配北海道帆立貝帆立貝超巨型，燒至生熟程度剛好，肉質鮮甜，配上帶甜香的醃漬三文魚籽、新鮮海苔、木魚清湯、味道超鮮味

要吃到質素高又價錢合理的鐵板燒，天后的“宴·鐵板燒”必定是一個好選擇。今晚雖然不是週末或假日，但餐廳依然爆滿，座無虛席。幸好我們已預早訂了位，否則一定要吃閉門羹。餐廳正進行“感謝祭限定大激賞”，原價$1150一位的套餐，現在限定優惠只需要$800一位。這麼吸引的推廣，當然要一試吧。前菜：🍶季節前菜(3點)～3點包括京都栗子豆乳，冲繩水雲配松葉蟹及鮟鱇魚肝。席前師傅建議我們先吃相對淡味的豆乳，然後吃水雲，最後才吃滑不溜口的鮟鱇魚肝。刺身：🐟白松露櫻花鯛魚薄切～鯛魚充滿白松露油的香味，加上如雪花般潔白細緻的淡雪鹽，令鯛魚的鮮味昇華至更高層次。壽司：🍣深海池魚壽司，太刀魚壽司～先吃淡味的池魚壽司，再吃較濃味的太刀魚壽司，一口咬下便嚐到魚鮮及壽司飯香。自家製漬物：🧄以冲繩苦瓜、柚子白蘿蔔、沙葛，南瓜及木魚蒜頭佐吃鐵板燒，成功減去燒物的油膩感。鐵板燒：🦞🥩野生生猛龍蝦肉質彈牙、三文魚籽配北海道帆立貝口感鮮嫩，厚燒及薄燒美國牛柳熟成度剛剛好，肉味濃郁。鐵板炒飯鋪滿櫻花蝦干，十分惹味。鐵板炒什菜以較濃味的日式芝麻醬汁配搭清淡的芽菜，濃淡配合得宜。吸物：🥣季節濃魚湯～魚湯鮮香味美，濃郁滋味。甜品：🍵綠

平時好少食鐵板燒，尤其喺香港好難搵到好味嘅鐵板燒，同朋友嚟試嘅呢間鐵板燒就真系好有驚喜！適逢佢哋做緊感謝祭大激賞，晚餐有八折，好抵呀！前菜裡面有三個小食，栗子豆腐裡面嘅栗子好甘甜，豆腐好滑，豆味濃郁！另一碟就系淮山蟹肉水雲，日本嘅水雲好出名，甚至有話系長壽嘅秘訣！哈哈哈！食落去感覺滑捋捋，好特別！最後一個系北寄貝鱈魚乾沙律，喺鱈魚乾上面擺上北寄貝沙律，一口咬落去超滿足！白松露櫻花鯛魚薄切鯛魚肉質晶瑩剔透，每一片魚肉都好甜，可以睇得出啲魚好新鮮！壽司大池魚壽司嘅味道較淡，肉質鮮甜！右口魚壽司就較為濃味，廚師好細心咁樣介紹每款食物嘅進食順序，等我哋可以循序漸進，好好咁品嘗每一味壽司！ 鐵板燒來到重頭戲嘅鐵板燒，竟然有龍蝦！而且系啱啱喺水缸裡面撈上嚟，可見佢哋嘅龍蝦有幾新鮮生猛！廚師亦都善用每一樣食材，龍蝦頭的膏用來做成醬汁，龍蝦肉質緊實！超好味！三文魚籽配北海道帆立貝魚子是醃制過的，很甜！帶子同樣都鮮甜！另外旁邊伴碟嘅海藻原來都可以用嚟食嘅！輕輕點上一啲豉油就可以食，味道很清爽，解滯一流！美國牛柳廚師用兩種方法來炮製，薄片牛肉包住蔥蒜，咬落去蔥蒜味喺口中爆開，口感同味道都好豐富！厚切牛肉粒

🌠bar台鐵板燒試過，但睇住日落食鐵板燒就真係第一次!🌉餐廳最近有感謝祭限定大激賞，每位$800 加一就可以享受到別出心裁既高級美食，兩小時既人生享受~最特別係除左鐵板燒仲有刺身 壽司，一次過滿足哂所有願望🌟🌟先來個季節前菜3點，有黃豆味既豆腐(連芥末)、酸甜既水雲菜立連沖繩蟹肉、薯仔沙律北海道刺身白松露樱花鲷魚薄切，鯛魚配上雪鹽帶出鮮味；師傅刀工純熟切得非常簿😘🌟壽司有大池魚壽司，鯡魚壽司，肉質鮮嫩肥美，油脂豐富🐠🌟自家製漬物就可以清清喉嚨，開始進入熟食之旅🦦🌟野生生猛龍蝦好彈牙，以海膽汁調製，切到一粒粒食野好方便，而且仲可以加少少檸檬汁帶出鮮甜既味道🦞🦞🌟三文魚籽配北海道帆立貝,美國牛柳&西班牙黑毛豬🥩大大粒既帆立貝上面仲有三文籽，綠色既係海苔汁，配搭好特別呀美國牛柳有一粒 好有口感 半生熟最後仲有西班牙黑毛豬 🐽配上炸蒜片 岩鹽🌟鐵板炒飯粒粒分明 大量大量櫻花蝦、香蔥🍚🌟鐵板炒什菜 簡單既芽菜都盡量功夫 因為有自家製醬料, 食哂~🥒🌟最後仲有湯 & 抹茶布甸💚抹茶布甸好濃好滑，賣相好別緻食左兩個幾鐘, 真係好滿足!!

我朋友今個月生日，趁我放假尊登請佢出嚟食飯，知佢喜歡食好嘢，所以我都唔敢怠慢，蒐集晒所有資料，搵到呢間日本餐廳，應該合佢心意。 呢間位於天后地鐵站附近嘅日本鐵板鐵，位置很好找。而且餐廳景觀一流，面向整個維多利亞港，而且佢哋嘅午市套餐極之抵食兼好好味。➰ 季節前菜 * 京都豆乳，上層甘粟煮加埋枝豆蓉 呢個豆乳嘅豆味好香濃，又帶有甘粟嘅香甜。* 核桃小女子小女子即係日本魚仔，把魚仔酥炸後，再加甜醬油煮成，再配合埋核桃食，口感酥脆之餘又帶點甜味。➰ 季節刺身兩款* 深海池魚 師傅教先食較為淡味嘅深海池魚，魚味好鮮甜。* 太刀魚師傅把太刀魚面層用岩鹽微微燒過，令到魚嘅油脂味更香濃。➰ 精選壽司兩款* 烏賊壽司烏賊切成絲上面再加一層師傅自己磨成嘅蝦碎，夠晒鮮美兼彈牙。* 目光魚壽司師傅把目光魚微燒過，上面再加上蔥花，食落有好香嘅油脂味，蔥花嘅加入更能提香。➰ 帆立貝配鮮海苔呢個帆立貝係北海道出品，超大隻兼好厚肉，師傅把帶子煎香後，再搭配埋三文魚籽，口感夠晒鮮嫩清甜。而帶子下面更有清甜嘅海苔湯汁，令整個口感層次更為豐富。➰ 沙巴虎蝦師傅把沙巴大虎蝦煎到好香口，而蝦肉夠晒鮮甜味美，醬汁方面就係用咗

生日飯，我哋訂咗OpenRice$1988鵝肝龍蝦餐，龍蝦身做了刺身浸冰水上碟，中size西澳龍蝦, 蝦肉尚算新鮮，但係去到食甜品先知道原來這一隻龍蝦糕頭同埋爪要另外加錢先有得享用，從未試過日式鐵板燒龍蝦頭同身分開收費，基本都會用上蝦膏炒，同埋蝦頭蝦身啲肉可以做麵豉湯，反而尾二跟一個完全冇相關嘅魚湯！就係因為呢個消失咗嘅龍蝦蝦頭，的確有啲失望!

前幾日去左間位於天后既鐵板燒餐廳座位以廚師吧枱為主，可以欣賞到師傅席前料理既過程。食材高質，服務滿意。當日有兩抬客人慶生，氣氛滿滿。季節前菜（三點）京都豆腐口感非常綿密，黃豆味道濃厚，加左芥末提鮮。水雲菜帶黏滑口感，味道酸酸甜甜，十分開胃。師傅加上沖繩蟹肉絲作點綴🦀。明太子薯仔沙律北海道微辣明太子混合軟腍薯仔，配搭完美！白松露櫻花鯛魚薄切師傅以純熟刀工切出晶薄透光既魚片。產地源於日本九州既鯛魚，顏色粉嫩配上白松露油、淡雪鹽同埋食用紫蘇花，魚肉細緻彈牙，十分鮮味。 深海池魚壽司深海池魚本身已經調左味，肉質鮮嫩肥美，油脂豐富濃郁。醬油漬右口魚魚邊壽司右口魚肉質非常滑嫰，油脂感爆燈，絕對令人回味無窮！野生生猛龍蝦龍蝦鮮味濃厚，非常新鮮爽口彈牙，肉質緊實有嚼勁，以海膽汁調製，食到我地舔舔脷。三文魚籽配北海道帆立貝北海道帆立貝大大粒，肉質鮮甜，厚實彈牙。以海苔調製而成既醬汁，每一啖都充滿清新既味道。加上三文籽滿滿魚油滲進口中，多層口感，太邪惡🤣！鐵板燒牛肉分別有厚燒或者薄燒，我地各叫一款share🤩。師傅會問客人想要牛既生熟程度，我地就揀左五成熟。薄燒牛有著霜降般既油花分怖，軟嫩又多汁，牛味濃郁

上次食過另一間餐廳的鐵板燒愛上了，很快便再尋找了另一間同樣出色的宴．鐡板燒。我們選的午市套餐既有刺身壽司，又有鐵板燒，又可以再次把全部款式試上。季節前菜是沖繩水雲，淮山切成幼絲放在上面，味道酸酸的很開胃。旁邊有核桃小女子，是將小魚乾炸酥之後，使用醬油煮到入味，然後再拌上大粒核桃、白芝麻調製而成，非常酥脆爽口。季節刺身是深海池魚和金目。先吃淡味的深海池魚，再吃較為濃味的金目鯛。金目鯛外皮稍為燒過，令其油脂香味更濃更香。旁邊配上的比較特別是蓮芋，清淡香甜。精選壽司有帶尾魷魚及牙帶魚。先吃淡味的魷魚，再吃較為濃味的牙帶魚。魷魚切絲令進食更方便，上面鋪的蝦粉是炒後曬干再磨成粉的，製作功夫繁複。牙帶魚則輕輕燒香，很不錯呢﹗餐廳此時會附上清口腔及解膩的小食，非常甜心。鐵板燒方面，在要選擇的菜式上我跟老公當然各選其一，可以試到全部款式嘛。沙巴虎蝦煎得很香，再用自身蝦膏放上面，香味四溢，蝦膏在口腔回甘。帆立貝配鮮海苔，上面擺放了魚子，不知為何可以這麼香甜呢，鮮海苔一口不剩全喝光。法國鵝肝多士配藍苺醋，旁邊還有兩塊超甜美的柑肉。鵝肝厚身油脂豐富，柑肉甜甜的非常解膩。美國牛柳厚燒我們選擇了五成熟，一口咬下

[ 宴．鐵板燒 ]最近係網上見到天后站附近呢間鐵板燒居酒屋，晚市鐵板燒套餐有新鮮野生龍蝦、北海道帆立貝等，仲有刺身、壽司等每人先$800，性價比算高👍。✿ 感謝祭限定大激賞 $800/位前菜有3款季節前菜，當晚款式係醬油日本京都湯葉(日本豆皮)、日本水雲(海藻)配醋啫喱及靜岡縣番茄仔、汁煮黑海螺，開一開胃口😋。剌身🐟白松露櫻花鯛魚薄切來自日本九州嘅鯛魚，配上白松露油、淡雪鹽及食用紫蘇花，魚肉緊實彈牙，帶有微微鹹味。壽司🍣有深海池魚及鰈魚壽司，後者輕輕炙燒過，逼出魚油更香口。自家製漬物有牛篣、蘿蔔等，口感爽脆。鐵板燒（1）野生生猛龍蝦🦞師傅將原隻鮮活龍蝦即捉即劏拆肉，再以龍蝦膏、牛油等簡單調味煎香，龍蝦肉鮮甜爽彈😋。（2）三文魚籽配北海道帆立貝刺身級日本北海道帆立貝煎至半熟，表面放上醬漬三文魚籽，味道甜甜咸咸，底部有海苔汁更加帶出帆立貝鮮味👍。（3）美國牛柳/ 西班牙黑毛豬 🇺🇸🥩牛柳可選薄切或厚切。薄切牛柳夾住蔥同蒜片，而厚切牛柳煎至個人自選7成熟，咬落有肉汁，肉味較濃，點少少鹽都好夠味。（4）鐵板炒飯🔥🍚蛋炒飯米粒均勻，表面灑上經油爆嘅脆脆櫻花蝦，每啖飯都香口惹味😋。（5）鐵板炒什菜

講到明係絕對會去第二次鐵板燒，因為慶祝屋企人生日，所以特別帶佢試吓鐵板燒，佢一直都冇食過。食完之後佢覺得好享受，特別係睇住師傅料理嘅時候，屋企人都係咁影相。而師傅都會好用心咁樣逐個逐個菜式介紹，而家做緊優惠就更加值得去食。個海景真係一流，但係已經有其他客人揀咗個靚位，下次一定要坐近窗嗰邊。‣ 感謝祭限定大激賞套餐 $800/person· 季節前菜湯葉相當滑溜，果然係京都名物。而水雲同埋淮山嘅搭配都幾得意，爽口滑溜，酸酸甜甜好開胃。而黑梅貝肉質彈牙，味道甘甜帶嚼口，作為開胃菜好唔錯。· 白松露櫻花鯛魚薄切‼️相當驚艷‼️鯛魚相當鮮甜，真係一啲腥味都冇，而且就咁搭配白松露同埋淡雪鹽已經好好食，如果用豉油反而會掩蓋咗本身魚嘅鮮甜味。· 深海池魚 & 右口魚邊池魚處理得相當好，味道鮮甜，亦都一樣係毫無腥味，亦都唔需要點豉油。至於右口魚邊比較少食，冇諗過咬落去嘅時候嗰啲魚油嘅香真係爆曬出嚟，油脂真係非常豐厚，而且食嘅時候有入口即溶嘅感覺，同樣都帶咗驚喜俾我。· 野生生猛龍蝦‼️超級推薦‼️龍蝦真係超級好食，肉質相當彈牙，口感紮實。而最吸引嘅係龍蝦嘅醬汁，佢係用龍蝦嘅蝦膏去調配，如果擔心味道太過濃郁而太

呢間鐵板燒日式餐廳喺亨環‧天后頂樓，有吧枱同少量卡位，先入到去就俾佢個維港無敵大海景🌊吸引住，望住中環灣仔方向，完全冇遮擋，景觀一流！約朋友嚟慶祝，可以望住廚師即席製作料理，仲有得嘆埋個靚靚海景，成個體驗一定超好！------------------------------🍳◖感謝祭限定大激賞◗ $800套餐包咗前菜、刺身、壽司、鐵板燒、湯同甜品，原價$1200，而家感謝祭$800就可以試到！🥗/前菜前菜擺盤夠精緻，由左下角順時針食起。京都湯葉口感似腐竹，豆味濃；水雲菜配日本蕃茄夠清新，酸酸地十分開胃；汁煮黑梅貝🐟/白松露櫻花鯛魚薄切長崎縣真鯛薄切，配上白松露油同淡雪鹽，最後灑上紫蘇花，賣相一流！先食到松露嘅香氣，再有淡淡鹹味帶出鯛魚嘅鮮味，就咁食都已經好正🍣/壽司有深海池魚同醬油漬右口魚。先食淡口啲嘅深海池魚，口感軟糯；右口魚輕輕炙燒過，入口魚油香更出，口感軟滑仲附上自家製漬物🍱，苦瓜漬物第一次食，味道微苦酸酸地，唔太食苦瓜都接受到～🔥/鐵板廚師開始大展廚藝，順序由帆立貝、澳洲龍蝦、牛柳、炒飯、炒雜菜開始食。🦞澳洲龍蝦好新鮮，師傅將活生生嘅龍蝦拆肉，先將蝦膏煎出嚟，再將啲蝦膏味道迫返

嚟到天后呢間超高質鐵板燒，食個大餐先！1️⃣前菜🌹京都湯葉滑溜富有豆香，入口即溶！再加咗芥末提鮮，更香口🌹本菇水雲菜配日本溫室蕃茄水雲菜酸酸甜甜，好似食緊蒟蒻咁，加埋好鮮香嘅蕃茄，十分開胃🌹汁煮黑梅貝呢款成隻貝上，再加海鹽托底，造型好靚師傅煮足三個鐘，令貝身好淋，又有黑梅甜味滲出2️⃣刺身🌹白松露櫻花鯛魚薄切薄切晶瑩剔透，淡雪鹽＆白松露香氣十足，賣相份外夢幻高貴；魚身又比想像中彈牙3️⃣壽司🌹大池魚壽司白身魚，魚香味濃，魚身質感厚實🌹鰈魚壽司即係火炙右口魚邊，一上碟已經聞到火炙香氣！呢款油脂感較重，加上濃郁嘅醬汁，十分香口再以自家醃製洋蔥點綴🌹自家製漬物可以邊食鐵板燒，邊解膩！4️⃣鐵板燒🌹三文魚籽配北海道帆立貝海苔高湯味道濃郁，就咁飲已經好正，再加上自家製三文魚籽，鮮香再提升一個層次，而帆立貝煎得好好，外脆內軟，既保留到貝身嘅鮮味，外皮亦做到焦脆嘅效果，無得彈🌹野生生猛龍蝦師傅係面前即劏的龍蝦，鮮味爆燈！爽彈的龍蝦球仲保持到好嫩的肉質，師傅爆炒番龍蝦本身嘅蝦膏，令味道更香濃惹味🤤 每啖都有滿滿嘅蝦膏！不須另外調味都已經好正🌹美國牛柳二食🌟薄切牛牛肉有嚼口之餘，當牛油迸發，再被巨量好惹味的香蔥蒜味索番

真係好好彩我去到嗰陣仲有位，今晚係全場爆門。一去到嘅時候師傅已經好努力咁樣準備緊陣間嘅食材。今日天氣冇話特別好，雖然有海景，但冇日落，下次一定要喺好天嘅時候再嚟多次。我哋揀咗一個餐，主打有龍蝦又有牛嘅，仲再加埋其他高級食材，睇完個餐牌都已經肚餓成餐飯我覺得有幾樣嘢係我特別特別鍾意食，首先係個刺身，新鮮得來，佢加咗一啲白松露去點綴，吊起咗魚肉嘅鮮味。兩個壽司都係各有精彩，因為輕輕燒過一下，所以佢嘅油脂出晒嚟，食完之後你真係會再食多幾舊。扇貝係刺身級別嘅，所以食落零舍嫩滑。去龍蝦膏炒埋一齊嘅龍蝦肉就自然係重中之重，龍蝦肉食落爽口彈牙，上面也滿晒龍蝦膏嘅醬汁，好惹味。我同朋友一個人揀咗燒牛一個人揀咗厚切牛，廚師幫我哋Max咗埋一齊，所以我哋兩樣嘢都試得到綠色牛入邊就多咗啲蔥香，揀咗五成熟。厚切牛睇個厚度會好咬唔郁，但係一啲都唔會。牛肉好細膩無筋

🌟池魚壽司，一嚟到賣相非常靚仔，一食落口池魚既肉質非常鮮嫩肥美，而且有脂厚油香口感，入口魚既油甘香細膩，再加埋壽司飯，簡直冇得輸！非常有驚喜，我同朋友都非常鍾意呢一個池魚壽司！🌟日本帶子，餐廳用咗海藻再加埋少少清酒去烹調呢一個北海道嘅帶子，帶子嘅味道非常出色，佢嘅肉質好細嫩，第一啖咬落去就有出散發鮮甜美味既味道，成個口感做得唔錯，而且食得出食材本身非常新鮮！🌟澳洲龍蝦，一嚟到就見到餐廳喺自家嘅魚缸上面拎起呢一隻龍蝦，確保真係每一隻生猛，亦都係扎扎跳，睇落都知道非常新鮮！澳洲龍蝦肉肥美，肉質亦都非常飽滿多汁，口感既滑又彈牙！餐廳用咗最簡單嘅烹調方法，用咗本身龍蝦頭嘅膏，條配出呢一個龍蝦嘅醬汁。成個龍蝦嘅擺盤亦都非常靚，忍唔住即刻攞電話出嚟打咭，餐廳亦都成隻龍蝦肉起咗出嚟，每一啖啖啖肉非常正，呢一個菜嘅質素非常高！🌟薄燒美國牛肉，美國牛肉嘅油香非常好，而且佢嘅油花分布非常靚，我哋都非常鍾意餐廳加咗日本嘅香蔥同埋乾蒜，令到成個口感更加提升，味道上亦都非常好食！🌟櫻花蝦炒飯，廚師非常細心，會問我哋有冇啲乜嘢特別嘢唔食，炒飯上邊有大量嘅櫻花蝦乾，撈埋炒飯一齊食，真係非常好食，有滿滿嘅櫻花蝦味道，