影片
更多
2024-09-17
416 瀏覽
前幾日去左間位於天后既鐵板燒餐廳座位以廚師吧枱為主，可以欣賞到師傅席前料理既過程。食材高質，服務滿意。當日有兩抬客人慶生，氣氛滿滿。季節前菜（三點）京都豆腐口感非常綿密，黃豆味道濃厚，加左芥末提鮮。水雲菜帶黏滑口感，味道酸酸甜甜，十分開胃。師傅加上沖繩蟹肉絲作點綴🦀。明太子薯仔沙律北海道微辣明太子混合軟腍薯仔，配搭完美！白松露櫻花鯛魚薄切師傅以純熟刀工切出晶薄透光既魚片。產地源於日本九州既鯛魚，顏色粉嫩配上白松露油、淡雪鹽同埋食用紫蘇花，魚肉細緻彈牙，十分鮮味。 深海池魚壽司深海池魚本身已經調左味，肉質鮮嫩肥美，油脂豐富濃郁。醬油漬右口魚魚邊壽司右口魚肉質非常滑嫰，油脂感爆燈，絕對令人回味無窮！野生生猛龍蝦龍蝦鮮味濃厚，非常新鮮爽口彈牙，肉質緊實有嚼勁，以海膽汁調製，食到我地舔舔脷。三文魚籽配北海道帆立貝北海道帆立貝大大粒，肉質鮮甜，厚實彈牙。以海苔調製而成既醬汁，每一啖都充滿清新既味道。加上三文籽滿滿魚油滲進口中，多層口感，太邪惡🤣！鐵板燒牛肉分別有厚燒或者薄燒，我地各叫一款share🤩。師傅會問客人想要牛既生熟程度，我地就揀左五成熟。薄燒牛有著霜降般既油花分怖，軟嫩又多汁，牛味濃郁
座位以廚師吧枱為主，可以欣賞到師傅席前料理既過程。食材高質，服務滿意。當日有兩抬客人慶生，氣氛滿滿。
季節前菜（三點）
京都豆腐口感非常綿密，黃豆味道濃厚，加左芥末提鮮。
水雲菜帶黏滑口感，味道酸酸甜甜，十分開胃。師傅加上沖繩蟹肉絲作點綴🦀。
明太子薯仔沙律
北海道微辣明太子混合軟腍薯仔，配搭完美！
白松露櫻花鯛魚薄切
師傅以純熟刀工切出晶薄透光既魚片。產地源於日本九州既鯛魚，顏色粉嫩配上白松露油、淡雪鹽同埋食用紫蘇花，魚肉細緻
彈牙，十分鮮味。
深海池魚壽司
深海池魚本身已經調左味，肉質鮮嫩肥美，油脂豐富濃郁。
醬油漬右口魚魚邊壽司
右口魚肉質非常滑嫰，油脂感爆燈，絕對令人回味無窮！
野生生猛龍蝦
龍蝦鮮味濃厚，非常新鮮爽口彈牙，肉質緊實有嚼勁，以海膽汁調製，食到我地舔舔脷。
三文魚籽配北海道帆立貝
北海道帆立貝大大粒，肉質鮮甜，厚實彈牙。以海苔調製而成既醬汁，每一啖都充滿清新既味道。加上三文籽滿滿魚油滲進口中，多層口感，太邪惡🤣！
鐵板燒牛肉
分別有厚燒或者薄燒，我地各叫一款share🤩。師傅會問客人想要牛既生熟程度，我地就揀左五成熟。
薄燒牛有著霜降般既油花分怖，軟嫩又多汁，牛味濃郁，捲住炸蒜片同埋青䓤，膩感減低。
厚燒牛柳十分柔軟，入口滿腔油花，可以簡單搭配岩鹽、蒜片或者昆布一齊食。我就最鐘意岩鹽，甘鹹慢慢地滲入味蕾，將油膩化為美味😋！
鐵板炒飯
日式炒飯粒粒分明，不黏糊之餘仲要夠鑊氣！師傅充分展現功架，加入蛋醬、大量櫻花蝦、香蔥等炒成，啖啖都充滿蛋香！
鐵板炒雜菜
自家製醬料以炸蒜、薑葱頭等調製而成，惹味但唔辣，可以話係日式XO醬，絕對誠意十足，芽菜變得更加惹味！
抹茶布甸
抹茶味甘香濃郁，黑豆軟腍竟然有啲似紅豆🤩。
張貼
