[ Le Menu ] 近排有唔少酒店自助餐做推廣優惠，當中有灣仔呢間超過90年歷史嘅六國酒店。佢地自助晚餐種類多元化，包括任食片皮鵝、爐端燒、冰鎮海鮮、烤肉、熱葷、甜點等，再加每人一份堂弄原隻鮑魚。 ✿ 華麗盛宴自助晚餐 – 扣鮑魚‧片皮鵝·爐端燒 日期：即日起至2024年5月31日 時間：晚上6時至晚上10時15分 堂弄原隻鮑魚（每人一份） 鮑汁鴨掌扣原隻鮑魚，鮑魚口感煙韌，吸收鮑汁精華，肉質鮮美，而且有即場烹飪👨‍🍳示範，極具娛樂性👍。 片皮鵝🔪🦆 師傅會係食客面前即場片鵝，放在餅皮後由食客按個人喜好加配料及醬汁。燒鵝外皮酥脆鬆化，肉嫩多汁😍。 爐端燒🔥🍡 廚師即席即燒原件鴨肝多士、虎蝦、燒雞翼、雞胸軟骨串、多春魚等，火喉控制得剛好，炭燒風味獨特。 冰鎮海鮮區🦞🦀🐚🦐 任食波士頓龍蝦、加拿大雪花蟹腳、麵包蟹、翡翠螺、紐西蘭青口及熟蝦，海鮮補充速度理想👍。 和風料理🍣 即點即切刺身有三文魚、吞拿魚、北寄貝等，另外比較特別有雜錦角切魚生丼。 烤肉區 除咗片皮鵝，仲有美國特級肉眼牛扒🇺🇸🐮🥩，肉眼即點即切，肉嫩多汁。 熱葷區🥘 任食多款中西式熟食。海鮮類有鮑汁燴花膠、芝士蘑菇焗蟹蓋、芝士白汁焗龍蝦鉗、酥炸生蠔、蒜蓉粉絲蒸扇貝、清蒸石斑片、鮮茄紫蘇葉炒大蝦等，款式豐富。另外有海南雞、紅燒獅子頭、印度咖哩配薄餅等熟食。 湯類🥣 中湯有竹絲雞螺頭燉豬展湯，好足料且味道鮮甜，而西湯有干邑龍蝦湯。 甜品區🍰 款式繁多，有白桃烏龍茶慕絲蛋糕、法式蜂蜜檸檬蛋糕配海膽忌廉、檸檬乳酪忌廉馬德蓮蛋糕、士多啤梨西瓜蛋糕、德國芝士蛋糕、綠茶拿破崙、杏仁茶燉蛋白等。此外有即製香脆窩夫🧇及任食杯裝Häagen-Dazs雪糕🍨。 而且有即席懷舊雪糕甜品「火焰雪山」表演👨‍🍳。雪糕先用蛋糕包住，店員將酒加熱淋上表面，燃起藍色火焰🔥，非常之打卡。甜品外暖內凍，口感獨特。 總結🫦 自助晚餐食物種類多元化，有堂弄原隻鮑魚及火焰雪山甜品表演👨‍🍳，令用餐體驗更有氣氛👍。 價錢💰： 星期一至五 ▶️第一輪 (晚上6時至8時)、第二輪 (晚上6時30分至8時30分) 成人$638/位、小童$348/位 ▶️全時段 (晚上6時至10時15分) 成人$738/位、小童$448/位 星期六、日、公眾假期及其前夕 ▶️第一輪 (晚上6時至8時)、第二輪 (晚上8時15分至10時15分) 成人$668/位、小童$378/位 ▶️全時段 (晚上6時至10時15分) 成人$768/位、小童$478/位 經Openrice網上訂位有優惠，成人星期一至五每位$499、星期六日及公眾假期每位$549，而且可以食足3小時😋。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Le Menu 地址：灣仔告士打道72號六國酒店1樓
電話：2866 3808 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ Wanderlust ] 最近係ig見到銅鑼灣新開呢間西式fusion打卡餐廳，環境同埋食物佈置都佈滿花花及蝴蝶裝飾，用色鮮艷打卡好靚。 前菜/沙律 ✿ 布袋芝士沙律🥗 $129 布袋芝士係流心水牛芝士，奶味香濃，加入蕃茄及柚子醬配搭，口感creamy且味道酸甜。 主食 ✿ 冬陰功里科塔芝士菠菜意大利餃子🥟🌶️ $158 有別於中式餃子，意大利餃子餡料係芝士和菠菜，冬陰功醬汁酸酸辣辣夠惹味。 ✿ 紅菜頭忌廉藍青口寬帶麵 配香煎帶子 $258 以紅菜頭及忌廉煮成淡粉紅色嘅濃稠醬汁，味道帶甜，搭配藍青口和煎帶子，寬帶麵口感煙靭，掛汁力強。 飲品 ✿ 焦糖餅乾奶昔 $79 ✿ 繽紛樂朱吉力奶昔🥤 $79 奶昔味道濃郁而順滑，造型色彩繽紛。 甜品 ✿ 三層斑戟配自家製草莓醬🥞🍓 $168 甜品以羽毛托架盛載，並有皇冠、花瓣等做裝飾，相當華麗💖💖。斑戟即叫即整，蛋味濃郁，斑戟之間有士多啤梨果肉及士多啤梨醬，甜甜酸酸。 總結🫦 餐廳鄰近Sogo百貨，位置方便，環境及食物用色鮮艷打卡好靚，最尾仲會送一束乾花比你，為整餐飯作完美結束💐💐。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Wanderlust
地址：銅鑼灣謝斐道508號聯成商業中心7樓701室
電話：6094 1467 (WhatsApp)
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 傷心酸辣粉 ] 講起重慶酸辣粉第一時間會諗到呢間餐廳，最近發現佢地有任飲任食放題，有幾款雞煲、烤魚或重慶麻辣火鍋選擇，再加任食配料、任飲汽水飲品，食足90分鐘成人每位最平只係$108😳😳。 任飲任食放題 ✿ 90分鐘雞煲/烤魚放題(2位起) 成人$108/位、小童$78/位 (2pm後入座及5:30pm前離座、9pm後入座) 或 成人$128/位、小童$88/位 (11am至2pm入座、5:30pm至9pm入座） 首先選一款煲類。雞煲🐔有重慶麻辣雞煲、香辣啤酒雞、胡椒豬肚雞煲、藥膳雞煲(當歸北芪)或滋潤雞煲(沙參玉竹)；烤魚🐟有招牌豆花味、鮮花椒味、金牌蒜香味、老壇酸菜味、秘製麻辣味或濃香蕃茄味。 鮮花椒味烤魚麻香味濃郁，辣得過癮😋。另外+$30加配一份卜卜花甲，份量都幾多，花甲吸收湯底精華，花甲鮮甜帶麻香味。 食完烤魚之後仲可以打邊爐，無限追加配料有蝦、肉類、丸類、蔬菜、寬粉等。 任飲飲品🧃有紙包或自家製樽裝飲料。 小食 ✿ 香酥軟骨 $39 ✿ 麻辣肥腸 $39 額外點咗兩款小食，香酥軟骨係炸雞軟骨，脆卜卜好香口；麻辣肥腸滷得好入味，而且有麻辣味，更加惹味😋。 總結🫦 逢星期一、二雞煲/烤魚放題4人同行1人免費🆓。 此外，逢星期一至四於新蒲崗、元朗、天水圍、粉嶺店每次堂食單一消費滿以下金額，即有獎賞： • $200或以上 送雙層玻璃保溫瓶(350毫升)1個 • $300或以上 送雙層玻璃保溫瓶(350毫升)1個 + 魚皮花生 • $400或以上 送雙層玻璃保溫瓶(350毫升)1個 + 魚皮花生 + 鍋巴 • $500或以上 送雙層玻璃保溫瓶(350毫升)1個 + 魚皮花生 + 鍋巴 + 雨傘+環保袋 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 傷心酸辣粉
地址：新蒲崗寧遠街3-23號越秀廣場地下G10-G11號舖
電話：2617 8038
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 花色•天丼 ] 又嚟到荃新天地2期「一門町市場」食飯，今次食呢間天婦羅🔥🍤料理專門店，開放式廚房可以望到廚師即場製作料理。 ✿ 柚子微辛蕎麥麵(暖)&天婦羅拼盤套餐 $138 蕎麥麵🍜麵條彈牙，有柚子酸甜味道，口感清爽。拼盤有數種海鮮和蔬菜天婦羅：虎蝦、鰻魚、墨魚、蟹柳、粟米芯、南瓜及秋葵。 ✿ 軟殼蟹天婦羅定食套餐 $158 🦀 同樣有數種海鮮和蔬菜天婦羅，有軟殼蟹、虎蝦、鰻魚、粟米芯、茄子及南瓜，配日本米飯🇯🇵🍚一碗。原隻軟殼蟹食落啖啖肉，好滋味😋。 兩個定食嘅天婦羅都炸得酥脆金黃，外皮麵衣夠薄，食落唔會油膩。另外店內所有定食套餐都配日式沙律🥗及日式清湯🥣。 總結🫦 餐廳裝潢走日式木系風格，溫和舒適，更有席前吧枱座位可以睇到廚師製作天婦羅料理。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 花色•天丼 地址：荃灣楊屋道18號荃新天地2地下一門町市場J41-42號舖
電話：9265 5660
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ Pizza Maru ] 韓國人氣薄餅炸雞店Pizza Maru將於明天 (2024年4月26日) 起聯乘LINE FRIENDS推出期間限定「LINE FRIENDS meets Pizza Maru」餐牌，以黃色LINE FRIENDS SALLY🐥設計咗4款菜式😍。 ✿ 芒果芝士薄餅世界 $248 🍕🥭🧀 13吋手工薄餅，餡料有通粉、芝士、芒果、蕃薯慕絲、酸忌廉醬等，餅底柔軟有彈性，外層有厚厚芝士，鹹香味與甜酸芒果醬平衡，口感清新。 ✿ 香芒鮮蝦炸雞派對 $158 🔥🐔🥭🍤 6件韓式炸雞外皮薄脆，加入炸蝦、甜酸芒果肉、芒果醬及甜辣醬，味道層次豐富。 ✿ 黃金烤肉芝士意粉樂園 $193 🍝🎃🍖🧀 南瓜忌廉醬濃稠，扁身意粉煙韌夠掛汁，加上韓式烤肉及芝士，濃厚惹味。 ✿ 鮮蝦忌廉意大利飯小花園 $198 🍛🍤🧀 意大利飯粒配搭番紅花忌廉汁煮得煙韌彈牙，並有黑橄欖、彈牙大蝦及濃郁芝士。 飲品🍹 ✿ Peach Lime Iced Tea $48 ✿ Pineapple Flora Iced Tea $48 冰果紅茶配上唔同果肉，味道清新，解膩一流👍。 總結🫦 每款限定菜式都有LINE FRIENDS圖案裝飾，而且餐廳佈滿黃色🐥打卡位，連LINE FRIENDS BROWN、CONY、CHOCO、LEONARD及EDWARD都變身SALLY黃色🤣！ 推廣期內，惠顧任何「LINE FRIENDS meets Pizza Maru」餐牌內菜式一客即可換領限定版貼紙一張，或以推廣價換領💰帆布袋或不鏽鋼水樽(350ml)。另有特別版商品絨毛鑰匙扣、多用途袋換領。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Pizza Maru 地址：尖沙咀廣東道3-27號海港城海運大廈3樓LCX 34號舖
電話：2682 2030
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ ULURU ] 灣仔呢間cafe供應pizza、意粉、意大利飯、扒類等Fusion西餐，從地下門口走到一樓餐廳都以黑白歐陸風設計，裝潢充滿藝術🎨特色！ 小食 ✿ 酥皮焗田螺 $108 🐚 外型有啲似章魚小丸子😳 其實外層係金黃酥脆嘅酥皮，內裡包裹口感彈牙嘅田螺肉。 主食 ✿ 日式西京燒比目魚扒 $188 🐠 比目魚外層烤得焦香，魚肉嫩滑，配上西京燒汁增添淡淡甜味及日式風味。 ✿ 烤焗美國豬鞍扒 $258 🇺🇸🐷 豬鞍扒好厚切，加上西式醬汁烤得肉質豐潤，口感細嫩。 飲品 ✿ Green Tea Latte (Hot) $38 🍵 綠茶香氣濃郁，拉花好靚💚 ✿ ULURU Rose Tea (Cold) $52 🌹 淡淡玫瑰茶芳香清新，杯裡裝飾擺設精緻。 甜品 ✿ 富士芝櫻祭 - 丸久小山園抹茶Tiramisu $118 🍮 甜品外型令人想起日本富士山。以日本小山園綠茶、Mascarpone意式軟芝士及焙茶手指餅製成，口感順滑，抹茶夠香濃。 ✿ 夢-森の家 $128 🍄 外型貌似大蘑菇，其實係一個以草莓乳酪及草莓果茸製造而成嘅金寶奶酥，味道酸酸甜甜，蘑菇以白朱古力組合而成，口感豐富脆口。 總結🫦 Cafe店內牆身全部以黑白手繪畫設計，而菜式色彩豐富，影相形成強烈對比，好有特色。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ ULURU
地址：灣仔春園街1-11號春暉大廈1樓
電話：2366 6448
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ THE 24 . ST ] 前排經過旺角朗豪坊見到店員好落力推銷，原來賣香港製造蝴蝶酥🦋，共有9款口味，仲話無添加防腐劑，試食咗原味又幾酥鬆，買咗盒雜錦返去同屋企人食。 ✿ 雜錦蝴蝶酥禮盒 (15件裝) $109 有15件蝴蝶酥，5種口味各3件，分別係原味、蘋果山楂、三星蔥芝士、日本柚子香梨、北海道黑豆芝麻。 ✿ 原味蝴蝶酥嘅酥皮呈金黃色，口感酥鬆。 
✿ 蘋果山楂🍎蝴蝶酥味道酸甜，與日本柚子香梨蝴蝶酥一樣果香味清新。 
✿ 三星蔥芝士🧀蝴蝶酥加入鵝油、三星蔥及巴馬臣芝士，配搭破格新奇，味道鹹香。 
✿ 日本黑豆芝麻⚫️蝴蝶酥嘅黑大豆和黑芝麻味道香濃。 總結🫦 蝴蝶酥口味獨特，每件都獨立包裝 ，而且包裝精美，送禮或自用都唔錯👍。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ THE 24 . ST
地址：旺角亞皆老街8號朗豪坊B2樓38號舖
電話：6507 9209
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ 農耕記 湖南土菜 ] 近年好多內地餐飲品牌進駐香港，包括呢間湖南地道農家菜，係內地、新加坡、馬來西亞等地有超過100間直營門店😯。 ✿ 鮑魚辣椒炒肉 $158/份 餐廳招牌菜之一，用湖南辣椒、豬肉及鮑魚仔爆炒，香辣惹味，份量多夠足料，拌飯一流👍。 ✿ 雪豆酸菜肉沬 $78/份 雪豆類似香港嘅荷蘭豆，軟糯微甜，配埋酸菜及肉碎，香味十足，同樣拌飯一流。 ✿ 糍粑油條(3個) $39 軟糯嘅糍粑灑上黑芝麻，配埋油條口感更煙韌。 ✿ 香椿炒雞蛋 $78/份 第一次食香椿配炒蛋呢個組合，香椿味道清香獨特。 ✿ 招牌檸檬茶 $26/杯 🍋🍹 好大杯檸檬茶，大約有1公升，清甜勁辣。 總結🫦 餐廳裝修由門口至座位都好有農村田園風，用餐環境舒適。而湖南地道小菜有特色，亦有家常飯感覺。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ 農耕記 湖南土菜
地址：佐敦佐敦道23號新寶廣場6樓
電話：3613 0790
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ Yadllie Plate ] 呢間韓式炸雞店🇰🇷🔥🐔係韓國有多間分店，引入到香港後標榜仿效韓國店造法，使用韓國走地雞及全手工加韓國醃料製作炸雞。 ✿ 蜜味乳酪粉無骨雞 $128 🍯🔥🇰🇷🐔 餐廳聲稱使用韓國走地雞及韓國濟州島蔬菜配搭其他材料製作醃料，炸雞外皮炸得金黃酥脆，表面灑上酸酸甜甜嘅蜜糖味乳酪粉，內裡嫩滑多肉汁，無骨啖啖肉食得方便。 ✿ 香辣芝士八爪魚 $138 🧀🐙 芝士份量多到鋪滿鍋底，上面放有香辣八爪魚。原鍋加熱🔥後芝士做出拉絲效果，混合八爪魚帶出香辣芝士風味。 ✿ 淑女辣醬炒年糕 $108 原鍋韓式年糕加入韓式甜辣醬、芝士等材料炒製，年糕煮得剛好，口感煙韌，味道甜辣。 ✿ 百香果水果茶 $128 🍹 一大瓶900毫升水果茶，夠二人分享飲用。酸甜味嘅百香果與香橙等水果相互交融，口感清新。 ✿ 芒果雪冰 $88 🥭🍨 芒果味沙冰配大量芒果肉，口感順滑，天氣開始熱消暑一流。 總結🫦 餐廳卡位用上鐵路車廂設計，外圍採用英倫歐陸車站風格，很有特色。而整體空間寬敞開揚，適合中意食韓式炸雞嘅朋友仔。 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ Yadllie Plate
地址：荃灣大河道100號海之戀商場2樓2030-2032號舖
電話：6223 1415 ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

[ The Farmhouse咖啡廳 ] 北角維港凱悅尚萃酒店The Farmhouse推出全新「春祭り」日式🇯🇵主題自助午餐及自助晚餐，午餐任飲任食2.5小時，晚餐更可任飲任食4小時！ ✿ 「春祭り」日本主題自助晚餐 日期：即日起至2024年5月4日 時間：晚上6時至晚上10時 價錢： 星期一至四 成人$748、長者$488、小童$374 / 星期五至日、公眾假期及其前夕 成人$798、長者$538、小童$399 自助晚餐超豐富，包括有機日式沙律吧、海鮮區（冰鎮海鮮、即切刺身、火炙壽司等）、熟食區（日式串燒、天婦羅、日式炸物、日式煮物、叉燒豚骨拉麵、中式及印度美食等），以及有日式甜品區。 海鮮區： 食自助餐點少得冰鎮海鮮😍！有波士頓龍蝦🦞、鱈埸蟹腳🦀、磯煮鮑魚、翡翠螺🐚、海蝦🦐等，全部都補充得好快。 刺身款式都幾多，有黃鰭吞拿魚、油甘魚、三文魚、北海道帆立貝、甜蝦等，即點即切保證新鮮；壽司🍣有火炙左口魚邊、火炙三文魚腩、海膽魷魚軍艦等，另外有幾款熟食卷物。 熟食區： 日式串燒🇯🇵🍢有日式雞肉串、汁燒魷魚鬚串等；日式炸物🇯🇵🔥有唐揚炸雞、吉列黑豚肉、和牛可樂餅等；天婦羅現場即製，有車海老、秋葵、日本南瓜等；日式煮物有西京燒比目魚，更有現場即製章魚燒🐙！ 此外有日式麵檔🇯🇵🍜，醬油叉燒拉麵逐碗煮！拉麵麵條幼身爽口，湯底自選黑蒜油豚骨湯或櫻花海老味噌湯，配料有日式醬油叉燒更有溏心蛋、味付竹筍等。 除咗日式熟食，有即點即手切大蒜燒肉汁烤草飼有骨肋眼牛排🔪🐮🥩、明爐燒味、清蒸沙巴龍躉、上湯焗琵琶蝦等中式菜式及印度烤羊架等熟食。 平日(星期1-4)晚餐每位會有一客蒸焗日本令和怪物牡蠣🇯🇵🦪配柚子酸汁和辣椒蘿蔔蓉；而週末(星期5至日)晚餐每位會有一客法式奶油焗龍蝦尾🇫🇷🦞。 飲品區： 每人會有一杯50ml日本清酒或一杯150ml日本Sapporo生啤。任飲飲品有凍檸檬紅茶及OOHA汽水等。 甜品區： 有多款日式甜品🇯🇵😍，包括抹茶提拉米蘇、草莓大福、日式芝士撻、麻糬雪糕卷、日本糰子、現場即焗紅豆鯛魚燒等。另外有限定雪糕及雪葩，口味有櫻花紅豆、抹茶、哈密瓜等。 總結🫦 果然係日式主題自助晚餐，由刺身壽司到熟食甜品都有好多款日式料理。由即日起至2024年4月尾透過酒店網站訂座更有限量5折折扣優惠😳！ ✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿ The Farmhouse咖啡廳
地址：北角北角邨里1號香港維港凱悅尚萃酒店西座2樓
電話：3896 9896
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿