宴．鐡板燒 (亨環‧天后)

營業中

休息中

[ 宴．鐵板燒 ]最近係網上見到天后站附近呢間鐵板燒居酒屋，晚市鐵板燒套餐有新鮮野生龍蝦、北海道帆立貝等，仲有刺身、壽司等每人先$800，性價比算高👍。✿ 感謝祭限定大激賞 $800/位前菜有3款季節前菜，當晚款式係醬油日本京都湯葉(日本豆皮)、日本水雲(海藻)配醋啫喱及靜岡縣番茄仔、汁煮黑海螺，開一開胃口😋。剌身🐟白松露櫻花鯛魚薄切來自日本九州嘅鯛魚，配上白松露油、淡雪鹽及食用紫蘇花，魚肉緊實彈牙，帶有微微鹹味。壽司🍣有深海池魚及鰈魚壽司，後者輕輕炙燒過，逼出魚油更香口。自家製漬物有牛篣、蘿蔔等，口感爽脆。鐵板燒（1）野生生猛龍蝦🦞師傅將原隻鮮活龍蝦即捉即劏拆肉，再以龍蝦膏、牛油等簡單調味煎香，龍蝦肉鮮甜爽彈😋。（2）三文魚籽配北海道帆立貝刺身級日本北海道帆立貝煎至半熟，表面放上醬漬三文魚籽，味道甜甜咸咸，底部有海苔汁更加帶出帆立貝鮮味👍。（3）美國牛柳/ 西班牙黑毛豬 🇺🇸🥩牛柳可選薄切或厚切。薄切牛柳夾住蔥同蒜片，而厚切牛柳煎至個人自選7成熟，咬落有肉汁，肉味較濃，點少少鹽都好夠味。（4）鐵板炒飯🔥🍚蛋炒飯米粒均勻，表面灑上經油爆嘅脆脆櫻花蝦，每啖飯都香口惹味😋。（5）鐵板炒什菜