喜記蟹將軍

營業中

休息中

想吃避風塘炒蟹就一定想起這店,味道使人難忘,耐不耐就想吃的。餐前小食來個花生脆口,鹹鹹的使人停不了口。避風塘炒辣蟹,這個不能錯過,蟹肉夠多夠結實,肉鮮甜美,炸蒜是靈魂,每次吃都會吃不停,跟飯或麵一起吃簡直是絕配,香辣味美,還有店員會幫忙拆肉,真的喜歡這服務。喜記椒鹽富貴蝦,這個不得了,首先店員會幫手拆殼這個很抵讚,肉質彈牙鮮嫩,味道鮮美無比,食材很新鮮,大廚功力深厚做到火喉剛好。豉椒炒蜆,蜆肉粒粒飽滿,最重要是全部我吃到的都沒有沙粒,味道鮮甜,而且帶豉椒香味及少許辣味使人增加食慾,這個炒得很夠火喉。金銀蛋浸時蔬,大廚用了膏湯來製作,菠菜軟滑可口,店家弄走了菠菜的金屬味道使我十分喜歡,皮蛋及鹹蛋也是上好貨色。最後來一個番薯糖水,這個薑未夠濃,甜度適中,很有效解寒的感覺。味道: 值得推介環境: 舒適衛生: 整潔服務: 無得彈,有拆殼服務價錢: 超值

忙左成個星期Happy Friday梗係要食餐好😋 同事帶路來到尖沙咀食我最愛嘅海鮮餐🦀 我地點了幾款招牌菜😍 🌟避風塘炒辣蟹🦀賣相固然吸睛🤩蟹肉鮮嫩肥美， 蟹鉗裡的肉質特別結實飽滿， 炸香的蒜蓉和辣椒碎均勻地附著在蟹肉上，脆卜卜，又唔太辣，正呀！ 雖然點的是小份，但份量依然很足👍🏻 吃得十分滿足，最驚喜的是有專人幫我地拆蟹鉗，啱哂我呢啲鍾意食蟹又唔想拆蟹嘅 小吃貨😆😆 🌟喜記椒鹽富貴蝦我地揀Stardard Size 都幾大隻🤩 富貴蝦肉質鮮嫩多汁，椒鹽味道滲透到了 每一口蝦肉中，外酥裡嫩，啖啖肉😋 🌟豉椒炒蜆蜆肉鮮甜肥美，清洗得十分乾淨， 沒有沙子，搭配適量的蒜和豆豉， 讓整道菜更加惹味😛 🌟金銀蛋浸時蔬時蔬選用了小白菜，配金銀蛋，讓整道菜清爽可口，小白菜清脆口感，又融入了金銀蛋的獨特風味，好適合搭配其他重口味的海鮮一起食😚 🌟招牌蟹油炒麵炒麵的面條吸收了蟹油的鮮香， 口感爽滑而不油膩，加上炸香的蒜味道更令我食慾大增，嘿嘿😜 整間店以暖色為主調🔸裝修風格典雅🙆🏼‍♀️ 營造出溫馨而高檔的用餐氣氛，枱與枱之間有充足空間，坐得好舒服😀房入面有幅美人魚🧜‍♀️牆好有特色， 望住美人魚🧜‍♀️食

喜記正宗炒辣蟹（小）：一上枱就聞到陣蒜香辣椒嘅霸氣，隻蟹好大隻呀！侍應仲會幫手開蟹鉗添！小辣對我嚟講剛剛好，蟹肉啖啖肉又彈牙，個避風塘惹味到我想拎嚟撈飯！雖然$680係真係有啲肉赤，但係隻蟹真係好好食！抵佢係招牌！ 豉椒炒蜆 ：鑊氣十足！蜆肉肥嘟嘟冇沙，豉汁鹹香帶甜，仲有啲微辣後勁，送啤酒一流！不過有兩隻蜆仔瞓咗覺（即係冇開到），扣少少分啦。蒜蓉時蔬：食咁多濃味嘢，一定要叫碟菜平衡返。蒜蓉好香，青菜爽甜冇渣，合格！招牌蟹油炒麵：麵底炒到乾身又索晒蟹油香，邪惡度爆燈！ 本身都好鐘意食炒麵嘅我，俾滿分呢碟炒蟹油炒麵！

講食蟹一定諗起呢度，店員仲會幫手剝埋殼，坐定定等食就得🦀 正宗蒜蓉辣蟹（$788） 餐廳嘅招牌菜之一。蟹上面鋪滿咗香脆嘅蒜蓉，上枱已經聞到好香，齋睇已經覺得吸引。蟹肉味道鮮甜，蒜蓉同辣椒落得恰到好處。惹味得黎唔會搶左蟹既鮮味🐚 豉椒爆蜆（$108） 豉椒炒蜆香氣十足，蜆肉飽滿多汁。豉椒嘅香味令炒蜆增添左一份惹味🥬 豆鼓鯪魚油麥菜（$98） 油麥菜上枱時仲好脆口，鹹香嘅豆鼓鯪魚同清甜嘅油麥菜互相襯托，應該冇乜人會唔鍾意食🍝 蟹油炒麵（$88） 用左招牌巴炸蒜炒，將傳統豉油王炒麵提升至另一層次。麵條吸收咗蟹油嘅香氣，每一啖都好惹味，爽滑彈牙。

移咗民嘅舊同學返香港探親，佢話最難忘就系香港嘅美食，約咗我嚟呢間食避風塘炒蟹嘅老字號餐廳。我哋兩個真系好耐冇嚟，我哋一邊食一邊傾偈，坐咗成三個鐘😆。🥢油鹽水浸蜆$108上湯帶著濃濃嘅胡椒味，蜆肉及粉絲盡吸上湯嘅精華，咸鮮清香，系我鐘意嘅味道。🦀肉蟹$788避風塘煮法，成座山嘅香蒜，睇到都開心🤣，蟹肉飽滿，蒜香濃郁，我將啲蒜蓉鋪喺蟹肉上面，食到舔舔脷。最好就系店員會幫客人拆肉，實在太好😀。🦞喜記椒鹽富貴蝦$488巨型嘅瀨尿蝦，蝦肉肥厚，仲有好多蝦膏，椒鹽又香又惹味。🥬蒜茸時蔬（$78）：菜心新鮮，簡單清炒，清新爽口。最後餐廳仲送咗番薯糖水。呢餐食得好開心。

今日去咗老字號喜記尖沙咀旗艦店試下佢哋嘅招牌菜，真係冇令我失望😆作為招牌嘅避風塘炒辣蟹🦀，一場來到一定要點，一上枱已經聞到陣陣嘅香味，蟹肉吃落新鮮彈牙，辣中帶鮮，食到停唔到口😍。同埋成隻蟹真係好大，兩隻蟹鉗差唔多有拳頭咁大隻，幾個人 share 都夠食😎仲有專人幫手開蟹鉗，食起嚟非常方便，服務夠晒貼心。涼拌木耳就好清爽🥗，木耳爽脆，調味酸酸辣辣。食完重口味嘅避風塘炒辣蟹，再食返啲涼拌木耳，感覺好平衡，同埋都好開胃😜豉椒炒蜆都係來食海鮮必食嘅🦐，蜆肉大粒又新鮮，冇沙。豉椒嘅味道完全滲入咗蜆肉入邊，每啖都好夠味蒜蓉粉絲蒸蟶子🐚，呢度嘅出品真心唔錯，件件海鮮都係大大件嘅，成個蟶子有我半個手臂咁大隻😮。蟶子鮮甜，蒜蓉同粉絲吸收咗蟶子嘅鮮味，蒜香粉絲又軟又入味，同蟶子一齊食，口感豐富😋因為都差唔多夠飽到食唔落飯，所以最後點咗個主食蟹油炒麵🍜，炒得乾身又有鑊氣，蟹油香滲嗮入每條麵入邊，好香口🤩​​喜記嘅出品真係好有水準，我就一定認準呢間尖沙咀嘅喜記旗艦店喇！每道菜都好用心炮製，食材新鮮，味道又好。環境都舒服，應該會帶埋屋企老人家再嚟多次🤗

今晚約左家人到尖沙咀食晚飯，屋企人都係熱愛海鮮分子，於是去左喜記蟹將軍，佢係著名炒辣蟹店喜記開設嘅尖沙咀旗艦店，係老字號號餐廳，屋企人好中意。喜記正宗炒辣蟹（小辣）$788上枱時店員會細心地幫手拆一拆肉，方便食用，蟹肉鮮甜嫩滑，尤其蟹鉗啖啖肉，辣味適中，炒香蒜蓉帶出濃郁香氣🤩啖啖肉配埋香脆嘅蒜粒，口感豐富，令人停唔到口喜記椒鹽富貴蝦 $488富貴蝦即瀨尿蝦，蝦肉非常鮮甜彈牙，外層炸得香脆，椒鹽同炸蒜片香口惹味，而且一隻都成隻碟咁大，share食都好滿足椒鹽九肚魚 $108九肚魚炸得金黃香脆，內裡嫩滑不油膩，椒鹽味令魚肉更加鮮甜，伴酒一流豆豉鯪魚油麥菜 $98油麥菜嫩而帶脆，豆豉鯪魚咸咸香香。令每一啖都濃味惹味，而且香口得黎　唔會太油膩招牌蟹油炒麵 $88麵條彈牙乾身，唔會太油膩，蟹油香味濃郁，口感一流📌喜記避風塘炒辣蟹（旗艦店）」地址：尖沙咀彌敦道118-130號美麗華商場2 期2樓268-270號舖🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igf

今日同朋友去咗試下佢哋嘅招牌菜，真係冇令我哋失望！喜記尖沙咀旗艦店作為一間老字號，果然有佢嘅獨到之處😃​​一定要講嘅就係佢哋嘅避風塘炒辣蟹🦀，呢個真係招牌中之招牌，嚟到呢度一定要試下👍 蟹大大隻，一上台就已經好吸引眼球👀。服務員好貼心，會主動過嚟幫手，將蟹拆好，方便我哋食用。蟹肉鮮甜飽滿，避風塘嘅炒法令到蟹殼都變得好香脆，再加上辣椒🌶同蒜蓉嘅香氣，食落去好惹味，辣度亦都啱啱好😋​​跟住就係招牌乳鴿，皮脆肉嫩，見到呢個色澤已經流曬口水😍！乳鴿嘅肉質好滑，而且好入味，鹹淡啱啱好，一食就知呢個乳鴿嘅製作工序好講究🤩​​椒鹽雙拼都好唔錯。九肚魚炸得外脆內軟，魚肉好似豆腐咁嫩滑，椒鹽調味好到位；魷魚嘅口感就好爽脆，咬落去好有嚼頭，同九肚魚嘅軟嫩啱好形成對比😎除咗招牌海鮮菜式，鹹蛋黃蒸肉餅，都好值得一讚。鹹蛋黃嘅味道好濃鬱，蛋黃大大粒🥚，鹹蛋嘅味道同肉餅完美融合，令到肉餅嘅味道提升咗唔少。肉餅本身亦都剁得好細膩，食起身好彈牙，用嚟送飯一流🍚​嚟到餐廳就感受到濃厚嘅老字號氛圍，到每一道精心泡製嘅招牌菜入口，再加上服務員周到貼心嘅服務，每一環都處理得無懈可擊👏​

成班朋友走黎呢度圍住食海鮮大餐，涼涼地食完之後週身暖笠笠，真係好滿足！🔥 今次試咗幾款招牌菜，每道都令人回味無窮～🦀避風塘炒辣蟹呢個係餐廳招牌菜點可以唔試下！蟹殼炸到金黃，蟹肉鮮甜仲帶住陣陣蒜香🧄🌶，辣得啱啱好，唔會蓋住蟹本身嘅鮮味。蟹鉗已經擘開，食起身超方便！🦐招牌椒鹽富貴蝦蝦身炸得外脆內軟，椒鹽味濃鬱到滲入蝦肉裡麵，仲有好多膏💥，正到痺！🐚豉椒炒蜆蜆肉肥大鮮美，蜆殼裡麵嘅汁都係精華，送飯食一流🍚，連啲汁都唔想浪費！🕊紅燒乳鴿乳鴿外皮燒得好酥脆，裡麵嘅肉汁豐富，咬落去啖啖肉香。乳鴿都係出爐唔耐，熱辣辣嘅！🥬蒜蓉炒菜心菜心新鮮爽脆，蒜蓉炒得香噴噴🧄，食完咁多煎炸嘢，食返啲菜清清腸胃。🍚瑤柱蛋白炒飯炒飯顏色潔白，瑤柱絲同蛋白分佈均勻，食起身鹹香可口。呢度環境好好，啱曬一邊食野一邊傾計👨👩👧👦，呢個寒雨天真係窩心到痺❤！

中國人向來喜歡食海鮮, 講到食蟹, 避風塘炒辣蟹就最為惹味, 美麗華商場呢間食蟹名店, 裝修以至食物質素都好講究。招牌炒辣蟹肉蟹置於大量炸蒜香料上, 香氣撲鼻, 可謂先聲奪人。店員為蟹鉗拆肉, 再鋪回蟹的形狀, 方便食客進食。蟹肉清甜嫩滑, 加入辣椒和蒜末, 香辣惹味, 金黃酥脆, 風味獨特, 而且有多層次口感。豉椒炒蜆鮮甜蜆肉沾滿豉椒醫汁, 香味四溢, 爆炒鑊氣十足, 大蜆肥美肉厚, 充滿大排檔風味。椒鹽富貴蝦富貴蝦大隻香脆, 肉質結實鮮甜, 入口陣陣濃郁椒鹽味道, 十分惹味。還有豆豉鯪魚油麥菜, 豉香油滑。招牌蟹油炒麵彈牙有鑊氣, 充滿蟹油脂香。最後來個番薯糖水, 滋潤解膩。

講到食海鮮就份外眉飛色舞, 避風塘炒辣蟹更是令人垂涎三尺 這間位於尖沙咀美麗華商場嘅海鮮酒家, 裝修有格調, 用餐環境舒適。喜記正宗炒辣蟹小辣嘅辣度, 炒得好香口, 蟹隻好有份量, 店員協助拆開蟹鉗, 蟹肉肉質鮮嫩, 加上大量脆香蒜末, 惹味又不會蓋過蟹肉的鮮甜味, 口感好豐富。喜記椒鹽富貴蝦份量十足大蝦充滿椒鹽香氣, 金黃脆香而且蝦肉好爽甜, 蝦膏甘香濃厚, 令人回味。豉椒炒蜆蜆肉鮮甜肥美, 和豉椒鹹香是理想的配搭, 鮮味可口。豆豉鯪魚油麥菜油麥菜鮮甜幼滑, 配搭豆豉鯪魚, 鹹香油滑。招牌蟹油炒麵炒麵煙韌有嚼口, 沾滿惹味蟹油, 炒得有鑊氣。

今日美麗華商場行街，行行吓聞到一陣好香好惹味嘅味道，望一望餐廳，原來係喜記蟹將軍！香味實在太吸引，又好耐冇食蟹，一於晚餐就試吓啦😋餐廳環境寬敞舒適，設有房間供小型聚會。餐廳牆壁畫上了香港夜景，海豚及海鮮，富有香港文化特色。餐廳職員相當細心介紹餐廳菜式，亦詢問客人可接受的辣度。菜式上菜後，職員會拆好蟹殼及富貴蝦殼，我哋等食就得啦，好幸福🥰🧡豉椒炒蜆 $108一上桌，已經聞到好香濃嘅豉椒味，未食已經流晒口水。呢碟炒蜆好大碟，每隻蜆都好大粒，鮮甜同嫩滑！高度讚揚，每一隻都好乾淨~冇沙。豉椒醬汁香濃同香辣，一隻接一隻咁食，好好食！🧡招牌椒鹽富貴蝦 $488富貴蝦超大隻，厚身啖啖肉，肉質爽甜彈牙，極多極多蝦膏，橙紅色硬身嘅蝦膏勁甘香！！富貴蝦經過油炸同灑上椒鹽，並配有炸蒜嘅味道，超香脆滋味！滿足感爆錶！！🧡喜記正宗炒辣蟹 $788蟹肉微辣，肉質厚實，鮮甜多汁，入口爽肉脆口，配上炸蒜，超惹味！蟹膏一流！蟹腳炒到好香脆，輕輕一咬啲殼都裂開，好容易就已經食到，好味到停唔到口。🧡招牌蟹油炒麵 $88麵條炒到乾爽，條條分明，掛上蟹油及蒜蓉，入口甘香。麵條彈牙，硬度剛好，並配上清甜嘅芽菜，味道不錯。🧡金銀蛋

又到咗食蟹嘅好時節，同班friend揀咗間出名食蟹嘅餐廳，裝修幾精緻㗎，平日夜晚都爆晒棚，好彩一早book咗位，唔係真係冇得食。**喜記正宗炒辣蟹 （小）** 佢哋嘅招牌菜之一 - 港式避風塘炒蟹，用咗勁香脆嘅蒜粒同辣椒炒，蟹肉嫩滑得嚟又鮮甜，仲帶啲香辣味，食落層次好豐富。最正係有專人幫你剝蟹鉗，真係好貼心！**椒鹽雙拼（鮮魷拼九肚魚）** 鮮魷彈牙又鮮味十足，九肚魚就炸到外皮酥脆，肉質好細嫩，椒鹽嘅鹹香味啱啱好，食到停唔到口。**招牌椒鹽富貴蝦** 呢個都係必試嘅招牌菜！瀨尿蝦加咗椒鹽調味，鮮味更加突出，肉質鮮甜又細膩，大大隻，啖啖肉，食得好滿足。**蒜茸時蔬** 蔬菜好清脆，仲keep住嫩綠色，每一啖都有蒜茸嘅香氣，食落好fresh。**招牌蟹油炒麵** 炒麵好香，蟹油味好濃郁，麵條彈牙得嚟又入味，食完仲想encore！

今日帶係外國返黎既表哥去左尖沙咀食飯 之前已經黎過呢到食 但表哥平時小食中菜 所以帶左佢黎呢到食避風塘炒蟹等佢回味番兒時味道避風塘炒蟹避風塘辣蟹係香港其中一個幾出名既海鮮菜式 好多遊客黎到香港都會試 特別呢間餐廳仲以呢道菜為招牌 所以係必點之一以大量炸香左既蒜蓉做主角做成避風塘味道 再帶點微辣 同肉蟹炒埋一齊 非常惹味 蟹肉鮮嫩多汁 搭配上香脆既蒜粒同微辣既口感 我地真係食到一口接一口 另外呢到既職員仲會好貼心咁提供開蟹服務平時D蟹鉗外殼非常硬要食裡面D肉要曬好多時間 但呢到既職員會即場係你面前幫手打爛D殼 將原隻蟹鉗肉拆出黎 真係食到啖啖肉岩哂我地呢D懶人喜記椒鹽富貴蝦富貴蝦其實姐係賴尿蝦 呢到既賴尿蝦有手臂咁長 經過椒鹽既烹調 外殼香脆 蝦肉鮮甜 仲帶膏 椒鹽咸咸香香既味道滲透到蝦肉中每一口都充滿了濃郁既風味 店員同樣可以幫你拆殼 食到啖啖肉又唔會戒到手豆豉鯪魚油墨菜呢個炒菜係一道非常家常既味道 將豆豉鯪魚既鹹香搭配上油墨菜既清爽口感 整體味道豐富而不膩口 仲係一道非常下飯既菜色瑤柱蛋白炒飯呢個炒飯好簡單地以瑤柱和蛋白為主要材料瑤柱既鮮味 蛋既嫩滑 菜心粒既爽脆 米飯既粒粒分明 但

招牌避風塘炒辣蟹🦀，蟹的顏色鮮艷有光澤，賣相好吸晴，有香噴噴的炸蒜鋪滿，蟹大隻肉質鮮甜彈牙，蟹殼由店員幫手處理好，我哋只需用手撕開便食得， 超方便啊。椒鹽特大瀨尿蝦，店員亦會幫忙剝殼，瀨尿蝦新鮮肥大肉厚，入口啖啖肉，椒鹽炒得好正又惹味😊。豉椒炒蜆，蜆肉大小適中，炒得唔會太辣夾惹味，鮮甜冇沙份量足。金銀蛋浸菠菜，即叫即做熱辣辣，調味恰當，菜煮得夠淋份量又多，健康之選。招牌蟹油炒麵，麵炒得均勻每條麵都蟹油香味，配香蔥同芽菜更加添口感。