喜記蟹將軍

營業中

休息中

講食蟹一定諗起呢度，店員仲會幫手剝埋殼，坐定定等食就得🦀 正宗蒜蓉辣蟹（$788） 餐廳嘅招牌菜之一。蟹上面鋪滿咗香脆嘅蒜蓉，上枱已經聞到好香，齋睇已經覺得吸引。蟹肉味道鮮甜，蒜蓉同辣椒落得恰到好處。惹味得黎唔會搶左蟹既鮮味🐚 豉椒爆蜆（$108） 豉椒炒蜆香氣十足，蜆肉飽滿多汁。豉椒嘅香味令炒蜆增添左一份惹味🥬 豆鼓鯪魚油麥菜（$98） 油麥菜上枱時仲好脆口，鹹香嘅豆鼓鯪魚同清甜嘅油麥菜互相襯托，應該冇乜人會唔鍾意食🍝 蟹油炒麵（$88） 用左招牌巴炸蒜炒，將傳統豉油王炒麵提升至另一層次。麵條吸收咗蟹油嘅香氣，每一啖都好惹味，爽滑彈牙。